Avtomatikada paydalanatug`ın tiykarg`ı logikalıq elementlerdi u`yreniw ha`m tiykarg`ı funktsiyaların sınaw

1-AМЕЛИЙ jumıs

Tema: Avtomatikada paydalanatug`ın tiykarg`ı logikalıq elementlerdi u`yreniw ha`m tiykarg`ı funktsiyaların sınaw

1. Jumıstın` maqseti:

1. Zamanago`y tiykarg`ı elementlerdin` du`zilisi, islew printsipi ha`m eksplutatsiya ilajların u`yreniw.
2. Tiykarg`ı funktsiyaların ha`m olardı T seriyalı logikalıq elementlerde isletiw usıların u`yreniw.
3. Haqqıyqailıq grafigi boyınsha stendte logikalıq funktsiyalardı sınaw.
2. Jumıstı orınlaw ta`rtibi:
1. 3- Ta`jriybea stendi menen tanısıp shıg`ın` ha`m ondag`ı elementlerdin` wazıypasın parıqlap alın`.
2. "Tarmaq" tumblyorin o`shirilgen jag`dayg`a o`tkizin`.
3. Stendti tarmaqqa jalg`an`.
4. Oqıtıwshının` tapsırmasına muwapıq, onın` tapsırg`aan logikalıq funktsiyanı qurın` ha`m B<sub>1</sub> ha`m B₂ tumblyorları arqalı kiriw signalların uzatıw jolı menen onı sınan`.
5. Stendti o`shirin`, sxemanı jıynastırın`, jumıs ornın ta`rtipke keltirin`.


3. Jumıs boyınsha ulıwma mag`lıwmatlar
Xalık xojalıg`ının` ha`mme tarmaqlarında miynet o`nimdarlıg`ı menen bir qatarda avtomatlastırıw da`rejesinin` o`siwi elektr qurılmaları sxemalarının` quramalasıwına alıp keledi. Bul sxemadag`ı tiykarg`ı qurılma rele bolıp esaplanadı. Ol qag`ıydag`a muwapıq elektr signalları-nın` ko`beyiwi, ku`sheyiwi ha`m bloklaw ushın xızmet qıladı. Releler jumısın` isenimligi bolsa joqarı emes. Relenin` qozg`alıwshı elementleri jelinedi. Tebreniwlerden vintli birikpelerdin` mexaniklıq bekkemliligi buzıladı, kontaktlar ku`yedi ha`m t.b. Sonday-aq sırtqı a`meller, yag`nıy sharayattın` o`zgeriwi, shan`, agressivli ortalıqtın` ta`siri, metall zatlardın` oksidleniwine, elektr jalg`anıwlarının` buzılıwına alıp keledi. Bunan tısqarı rele ju`da` ko`lemli qurılma. Ol islep atırg`anda shawqın ha`m tebreniwler tarqatadı. Olar u`lken awırlıqqa ha`m inertsiyalıqqa iye.
Zamanago`y elektronikada rele qurılmaları ornına, olardın` wazıypa-sın tolıq orınlay alatug`ın kontaktsız elementler qollanılıdı. Rele ha`m kontaktsız sxemalarda signaldın` o`tiwi arnawlı matematikalıq apparat ja`rdemimnde jazıladı. Bul haqqında to`mendegi tu`siniklerdi beremiz.