Dərman vasitəsinin
istifadəsi üzrə təlimat
(xəstələr üçün)
RİNZA
®
tabletlər
RINZA
®
Beynəlxalq patentləşdirilməmiş adı: Caffeine + Paracetamol + Phenylephrine + Chlorphenamine
Tərkibi
Təsiredici maddələr: 1 tabletin tərkibində 30 mq kofein, 500 mq parasetamol, 10 mq fenilefrin hidroxlorid, 2
mq xlorfenamin maleat vardır.
Köməkçi maddələr: kolloidal silisium 4-oksid, qarğıdalı nişastası, qarğıdalı nişastası (20% pasta üçün),
povidon (K-30), metilparahidroksibenzoat natrium, maqnezium-stearat, talk, natrium karboksimetil nişasta (A
tip), Ponso 4R rəngləyicisi.
Təsviri
Tünd çəhrayı və ağ hissəcikli, kənarları kütləşdirilmiş və bir tərəfində bölmə xətti olan çəhrayı rəngli dairəvi
yastı tabletlər.
Farmakoterapevtik qrupu
KRVİ və “soyuqdəymə” simptomlarının aradan qaldırılması üçün vasitə (psixostimulyator vasitə + qeyri-
narkotik analgetik vasitə + alfa-adrenomimetik + Н
1
- histamin reseptorlarının blokatoru).
ATC kodu: N02BE71
Farmakoloji xüsusiyyətləri
Kombinəolunmuş preparatdır. Parasetamol qızdırmasalıcı və ağrıkəsici təsir göstərir: soyuqdəymə
hallarında müşayiət olunan ağrı sindromunu azaldır - boğazda ağrı, baş ağrısı, əzələ və oynaq ağrısı, yüksək
temperaturu aşağı salır. Fenilefrin damardaraldıcı təsir göstərir – tənəffüs yollarının yuxarı hissələrinin və
əlavə ciblərin selikli qişalarının ödem və hiperemiyasını azaldır. Xlorfenamin allergiya əleyhinə təsir göstərir:
gözlərdə, burunda və boğazda qaşınmanı, burun boşluğu, burun-udlaq və burunətrafı ciblərin selikli
qişasında ödem və hiperemiyanı aradan qaldırır, ekssudativ təzahürləri azaldır. Kofein mərkəzi sinir
sisteminə stimuləedici təsirə malikdir, hansı ki, yorğunluğun və yuxululuğun azalmasına, əqli və fiziki iş
qabiliyyətinin yüksəlməsinə gətirib çıxarır.
İstifadəsinə göstərişlər
Soyuqdəymə xəstəliklərinin, KRVİ, o cümlədən qripin (titrəmə sindromu, ağrı sindromu, rinoreya)
simptomatik müalicəsi.
Əks göstərişlər
Koronar arteriyaların aşkar aterosklerozu; arterial hipertenziya (ağır gedişli); şəkərli diabet (ağır gedişli);
parasetamola və preparatın tərkibinə daxil olan digər komponentlərə qarşı yüksək həssaslıq; tərkibinə
Rinzanın tərkibinə daxil olan maddələr daxil olan digər preparatların qəbulu; eyni zamanda trisiklik
antidepressantların, monoaminoksidaza (MAO) inhibitorlarının, beta-adrenoblokatorların qəbulu; hamiləlik,
laktasiya dövrü; uşaqlıq dövrü (15 yaşa kimi).
Xəbərdarlıqlar
Arterial hipertenziya, hipertireoz, feoxromositoma, şəkərli diabet, bronxial astma, ağciyərin xroniki obstruktiv
xəstəliyi, qlükoza-6-fosfatdehidrogenaza çatışmazlığı, qan xəstəlikləri, anadangəlmə hiperbilirubinemiya
(Jilber, Dubin-Conson və Rotor sindromları), qaraciyər və/və ya böyrək çatışmazlığı, qlaukomanın
bağlıbucaqlı forması, prostat vəzin hiperplaziyası zamanı.
Digər dərman vasitələri ilə qarşılıqlı təsiri
Monoaminoksidaza (MAO) inhibitorlarının, sedativ preparatların, etanolun effektini gücləndirir.
Antidepressantlar, parkinson xəstəliyi əleyhinə vasitələr, antipsixotik vasitələr, fenotiazin törəmələri sidiyin
ləngiməsinin, ağızda quruluğun, qəbizliyin inkişaf riskini yüksəldir. Qlükokortikosteroidlər qlaukomanın inkişaf
riskini artırır. Parasetamol urikozurik preparatların effektivliyini aşağı salır. Etanol antihistamin dərman
vasitələrinin sedativ təsirini gücləndirir. Xlorfenamin eyni zamanda monoaminoksidaza (MAO) inhibitorları,
furazolidon ilə hipertonik krizə, qıcıqlanmaya, hiperpireksiyaya gətirib çıxara bilər. Trisiklik antidepressantlar
fenilefrinin adrenomimetik təsirini gücləndirir, eyni zamanda halotan ilə təyini mədəcik aritmiyasının inkişaf
riskini yüksəldir. Quanetidinin hipotenziv təsirini aşağı salır, hansı ki, öz növbəsində fenilefrinin
adrenomimetik aktivliyini gücləndirir.
Barbituratlar, difenin,
karbamazepin, rifampisin və qaraciyərin mikrosomal fermentlərinin digər induktorları ilə
eyni zamanda təyini zamanı parasetamolun hepatotoksik təsirinin inkişaf riskini yüksəldir.
Xüsusi göstərişlər
Müalicə zamanı alkoqolun, yuxugətiricilərin və anksiolitik (trankvilizatorlar) dərman vasitələrinin qəbulundan
uzaq olmaq lazımdır. Tərkibində parasetamol olan digər dərman vasitələri ilə birlikdə qəbul etməyin.
Əgər dərman vasitəsi yararsız hala düşərsə və ya istifadə müddəti bitərsə, onu çirkab sularına və ya küçəyə
tullamayın! Dərman vasitəsini paketə yerləşdirin və zibil qutusuna atın. Bu tədbirlər ətraf mühiti qorumağa
kömək edəcək!
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Müalicə zamanı avtonəqliyyat vasitələrinin idarə edilməsindən və yüksək diqqət və sürətli psixomotor
reaksiya tələb edən digər potensial təhlükəli fəaliyyət növləri ilə məşğul olmaqdan kənar olmaq lazımdır.
İstifadə qaydası və dozası
Daxilə. 15 yaşdan yuxarı uşaqlar və böyüklər üçün - gündə 3-4 dəfə 1 tablet. Maksimal sutkalıq doza - 4
tablet. Müalicə kursu 5 gündən çox olmamalıdır.
Əlavə təsirləri
Allergik reaksiyalar (o cümlədən dəri səpgisi, qaşınma, övrə, angionevrotik ödem), başgicəllənmə,
yuxuyagetmənin pozulması, yüksəlmiş oyanıqlıq, midriaz; arterial təzyiqin yüksəlməsi, taxikardiya;
ürəkbulanma, qusma, epiqastral ağrı; ağızda quruluq; sidiyin ləngiməsi; akkomodasiyanın parezi, gözdaxili
təzyiqin yüksəlməsi; anemiya, trombositopeniya, aqranulositoz, hemolitik anemiya, aplastik anemiya,
methemoqlobinemiya, pansitopeniya; hepatotoksik təsir, nefrotoksiklik (böyrək sancısı, qlükozuriya,
interstisial nefrit, papillyar nekroz); bronxoobstruksiya.
Doza həddinin aşılması
Preparatın doza həddinin aşılması bir qayda olaraq parasetamolla əlaqədardır, sonuncunun 10-15 q-dan
artıq qəbulundan sonra biruzə verir. Dəri örtüklərinin avazıması, anoreksiya, ürəkbulanma, qusma;
hepatonekroz; “qaraciyər“ transaminazalarının aktivliyinin yüksəlməsi, protrombin müddətinin uzanması
mümkündür. Doza həddinin aşılması meydana çıxan kimi təcili həkimə müraciət etmək lazımdır.
Müalicə: mədənin yuyulmasından sonra aktivləşdirilmiş kömürün qəbulu; simptomatik müalicə, doza həddinin
aşılmasından 8-9 saat sonra metioninin və 12 saatdan sonra asetilsisteinin yeridilməsi.
Buraxılış forması
Tabletlər.
- 4 tablet Al/Al və ya Al/PVX blisterdə. 1 blister içlik vərəqə ilə birgə karton qutuya qablaşdırılır.
- 10 tablet Al/Al və ya Al/PVX blisterdə. 1 blister içlik vərəqə ilə birgə karton qutuya qablaşdırılır.
Saxlanma şəraiti
25ºC-dən yuxarı olmayan temperaturda quru, işıq şüası düşməyən və uşaqların əli çatmayan yerdə
saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
«Yunik Farmasyutikal Laboratoriz»
(«C.B. Kemikals & Farmasyutikals MMC» - nin bölməsi)
Vorli, Mumbay - 400 030, Hindistan
İstehsal sahəsinin ünvanı
Sahə № 101/2 & 102/1, Daman İndastrial Esteit,
Kadaiya, Daman - 396 210, Hindistan
İddiaları qəbul edən təşkilat
«Conson və Conson» MMC
Rusiya, 121614, Moskva ş., Krılatskaya küç., 17, tikinti 2; tel: (495) 726-55-55
www.rinza.ru