Davlat tili haqidagi qonun hujjatlari rejа: Davlat tili haqidagi qonun

Davlat tili haqidagi qonun hujjatlari

REJА:

1. Davlat tili haqidagi qonun.

2. Prezident Farmonlari va qarorlari.

3. Vazirlar Mahkamasi qarorlari.

4. Qonun hujjatlari ijrosi.

5. Alifboda kutilayotgan o‘zgarishlar.

O‘zbekiston Respublikasining «Davlat tili haqida»gi Qonuni 1989-yil 21-oktabrda qabul qilingan (30 modda) (1995-yil 21-dekabrda qayta tahrir qilingan) (24 modda)

O‘zbekiston Respublikasining «Davlat tili haqida»gi Qonuni 2021-yil 27-yanvarda Qonun matnining 7 bob 29 moddadan iborat yangi loyihasi e’lon qilingan. Qonunchilik Palatasi va Senatda ma’qullangan.

O‘zbekiston Respublikasi Prezidentining «O‘zbekiston Respublikasining «Davlat tili haqida»gi Qonuni qabul qilinganligining 30-yilligini keng nishonlash to‘g‘risida»gi Qarori 2019-yil 4-oktabrda qabul qilingan

O‘zbekiston Respublikasi Prezidentining «O‘zbek tilining davlat tili sifatidagi nufuzi va mavqeyini tubdan oshirish chora-tadbirlari toʼgʼrisida»gi PF-5850-son Farmoni 2019-yil 21-oktabrda qabul qilingan

Farmonga muvofiq:

• 1. 21-oktabr sanasini «O‘zbek tili bayrami kuni» deb e’lon qilish to‘g‘risidagi taklif ma’qullandi.
• 2. O‘zbekiston Respublikasi Vazirlar Mahkamasi tuzilmasida Davlat tilini rivojlantirish departamenti tashkil etildi.
• 3. Atamalar komissiyasi tashkil etildi.
• 4. Sohalar va hududlar kesimida vazir va hokimlarning davlat tili bo‘yicha maslahatchisi lavozimi joriy etildi.
• 5. Davlat tilida ish yuritish asoslarini o‘qitish va malaka oshirish markazi tashkil etish belgilandi.

O‘zbekiston Respublikasi Vazirlar Mahkamasining «Alisher Navoiy nomidagi O‘zbek tili va adabiyoti universiteti faoliyatini yanada takomillashtirish chora-tadbirlari to‘g‘risida»gi 117-sonli Qarori 2020-yil 3-martda qabul qilingan.

Qarorga muvofiq:

• Alisher Navoiy nomidagi O‘zbek tili va adabiyoti universiteti huzurida Davlat tilida ish yuritish asoslarini o‘qitish va malaka oshirish markazi tashkil etildi.
• Markazning Qoraqalpog‘iston Respublikasi va viloyatlarda 13ta hududiy bo‘linmasi ochilib 2020-yil sentabr oyidan o‘z faoliyatini boshladi.
• Markaz va uning hududiy bo‘linmalarida davlat tashkilotlari xodimlari pullik shartnoma asosida o‘qitilmoqda.