Niçiren
Əsl adı Zenniçi olan, Niçiren, Zenşobo Renço, Buddizmin Yapon mentalitetinə adaptasiyasında müstəsna xidmətlər göstərmiş və özünün ziddiyyətli xarakterilə tarixdə iz buraxmış Buddist rahibdir. Niçiren 1222-ci ildə Kominatoda dünyaya gəlmş və 1282-ci ildə İkeqamidə (indiki Tokyo) vəfat etmişdir. Uzun illər davam edən axtarışlardan sonra Niçiren belə qənaətə gəlmişdir ki, Lotus Sutrada danışılanlar Buddizmin əsl həqiqətini özündə daşıyır. Niçirenə görə həmin dövrdə Yaponiyada mövcud olan bütün digər dini sektalar qadağan edilməli idi, əks təqdirdə ölkəni böyük fəlakətlər gözləyəcəkdi. Özünün tənqidi və sərt baxışlarına görə dəfələrlə sürgün həyatı yaşan Niçiren belə bir sürgün zamanı Yapon buddizminin klassiklərindən hesab edilən Kaimokuşo (1272) kitabını qələmə almışdır.
Dostları ilə paylaş: |
