Kursning predmeti va mazmuni: “Hozirgi o‘zbek tili” fanining predmeti, vazifalarini yoritish, fan doirasida o‘rganiladigan asosiy masalalarning mazmun mundarijasini belgilash, “Hozirgi o‘zbek tili” filologiya mutaxassisligi uchun asosiy poydevor fan ekanligini asoslash.
Hozirgi o‘zbek tilining fonetik tizimi, asosiy lug‘at tarkibi va grammatik qurilishi qadim turkiy tillar manbaida yuzaga kelgan bo‘lib, davrlar o‘tishi bilan uning tovushlar tizimida sifat va miqdor o‘zgarishlari yuz bergan. Lug‘at tarkibi asosiy lug‘at fondi negizida yasalgan yangi so‘zlar hisobiga boyib, kengayib borgan, grammatik qurilishi ham yangiyangi grammatik formalar vositasida silliqlashgan va takomillashgan.
Kursni o‘qitishning maqsadi va vazifalari: “Hozirgi o‘zbek tili” kursi ta’limining maqsadi Davlat ta’lim standartlari asosida bo‘lajak filologlarga hozirgi o‘zbek tilining lisoniy qurilishi va imkoniyatlari hamda ularning nutqiy qo‘llanilishi masalalari bo‘yicha sistemali ilmiy-nazariy ma’lumot berishdan iborat bo‘lib, ta’lim oluvchilarda qayd etilgan masalalar bo‘yicha bilim, ko‘nikma va malakalarni shakllantirish uning asosiy vazifalarini tashkil etadi.
O‘quv fanining vazifalari: Fanni o‘qitishning vazifalari – talabalarda o‘zbek tilshunosligi sohasidagi asosiy muammolarni tushuntirish;
o‘z ixtisosligi doirasida muayyan tadqiqot sohasining ob’ektlari va jarayonlariga nisbatan shaxsiy ilmiy filologik munosabatlarni shakllantirish;
hozirgi o‘zbek tili muammolari va ularni hal qilish yo‘llari haqida tasavvur hosil qilish;
hozirgi o‘zbek tili fanining tushunchaviy apparati haqida ma’lumot berish;
