Iimövzu. Siyasi fikrin inkişafının əsas mərhələləri

IImövzu.
Siyasi fikrin inkişafının əsas mərhələləri
Siyasi ideyalar Qədim Misirdə, Babilistanda, Hindistanda, Çində inkişaf etmiş və müxtəlif tarixi mənbələrdə öz əksini tapmışdır.Qədim Çində Konfutsinin (e.ə.551-479) siyasi təlimi siyasi fikrin formalaşmasında mühüm rol oynamışdır. Konfusi dövləti böyük bir ailəyə bənzədir və göstərirdi ki, dövlətin başında yalnız müdrik insanlar durmalı, dövlətin idarə olunması isə aristokratik prinsiplərə əsaslanmalıdır.
Qədim Yunanıstanda siyasi fikrin inkişafı əsasən üç dövrə bölünür. Erkən dövr-bu dövr yunan dövlətçiliyinin təşəkkül tapması dövrüdür. İkinci dövr -bu dövrü siyasi fikrin çiçəkləndiyi dövr adlandırırlar. Üçüncü dövr ellinizm dövrü adlanır. Bu yunan dövlət quruluşunun tədricən dağıldığı dövrdür .Qədim Yunanıstanda siyasi fikrin formalaşması və inkişafına Platonun və Aristotelin ideyalarının böyük təsiri olmuşdur. Platon obyektiv idealizmin banisi sayılır. “Dövlət” əsərində o ideal dövlət haqqında təlim yaratmışdır. Onun ideal dövlət layihəsinin iki əsas şərti vardır: 1) dövlət filosoflar tərəfindən idarə olunur, 2) cəmiyyətdə ədalətli qanunlar vardır, Platonun fikrincə ideal dövlət aristokratik dövlət quruluşuna əsaslanmalıdır. “Qanunlar” əsərində Platon bəşəriyyətin siyasi tə­ kamülünün realist mənzərəsini təsvir etməyə çalışmışdır. Platon “Qanunlar” əsərində dövlətin iki növünü fərqləndirirdi: birinci halda hökmdar hamıdan yüksəkdə durur, ikinci halda isə hökmdar özü də qanuna tabe olur