«Informaciya qáwipsizligi» baǵdarı 2-kurs 305-21 topar studentı Eliwbayev Sultanbektiń

ÓZBEKSTAN RESPUBLIKASÍ INFORMACIYALÍQ TEXNOLOGIYALARÍ HÁM KOMMUNIKACIYALARÍN RAWAJLANDÍRÍW MINISTRLIGI
MUHAMMED AL-XOREZMIY ATINDAǴÍ TASHKENT INFORMACIYALÍQ
TEXNOLOGIYALARÍ UNIVERSITETI
NÓKIS FILIALÍ
TELEKOMMUNIKATSIYA TEXNOLOGIYALARI HÀM KÀSIP TÀLIM FAKULTETI
« Informaciya qáwipsizligi» baǵdarı
2-kurs 305-21 topar studentı
Eliwbayev Sultanbektiń
« Elektronika hám sxemaları2 »
páninen jazılǵan
ÓZ BETINSHE JUMISI


Tayarlaǵan _________________ S.Eliwbayev
Qabıllaǵan _________________ B.Fayzullayev
Nókis-2022


Tema: BT da jasalǵan gilt sxemasınıń uzatıw xarakteristikaların izertlew
Jobası:
I.Kirisiw
II.Tiykarǵı bólim
2.1.BT haqqında ulıwma túsinik
2.2. BT nıń jalǵanıw xarakteristikaları
2.3. BT da jasalǵan gilt sxemasınıń uzatıw xarakteristikaların izertlew
III.Juwmaqlaw
IV.Paydalanılǵan ádebiyatlar

Kirisiw
Bipolyar tranzistor dep óz-ara tásirlesiwshi eki p-n ótiw hám ush elektrod (sırtqı shıǵıwlar ) ga iye bolǵan yarım ótkizgish ásbapǵa aytıladı. Tranzistordan tok aǵıp ótiwi eki túrdegi zaryad tasıwshılar - elektron - geweklerdiń háreketine tiykarlanǵan.

Bipolyar tranzistor p-n-p hám n-p-n ótkezgishlikke iye bolǵan ush yarım ótkizgishten shólkemlesken (1 a hám b - súwret). Keleside keń tarqalǵan n-p-n strukturalı bipolyar tranzistordı kórip shıǵamız.
Tranzistordıń kúshli legirlengen shet tarawı (n⁺ - tarawdıń) emitter dep ataladı hám ol zaryad tasıwshılardı baza dep atalıwshı orta tarawǵa (p - tarawdıń) injeksiyalaydi. Keyingi shet tarawdıń (n - tarawdıń) kollektor dep ataladı. Ol emiitterga salıstırǵanda kúshsizlew legirlengen bolıp, zaryad tasıwshılardı baza salasından ekstraksiyalash ushın xızmet etedi. Emitter hám baza aralıǵindaǵı ótiw emitter ótiw, kollektor hám baza aralıǵindaǵı ótiw bolsa kollektor ótiw dep ataladı.
Sırtqı kernew dárekleri (U_eb, U_kb) járdeminde emitter ótiw tuwrı jóneliste, kollektor ótiw bolsa - keri baǵıtda jıljıydı. Bul halda, tranzistor aktiv yamasa normal rejimde isleydi jáne onıń kúsheytiw ózgeshelikleri kórinetuǵın boladı.
Eger emitter ótiw keri baǵıtda, kollektor ótiw bolsa tuwrı jóneliste jıljıǵan bolsa, ol halda bul tranzistor invers yamasa teris jalǵanǵan dep ataladı. Tranzistor cifrlı sxemalarda qollanılǵanda ol toyınıw rejiminde (eki ótiw de tuwrı jóneliste jıljıǵan ), yamasa tuyıq rejimde (eki ótiw teris jıljıǵan ) islewi múmkin.

1.-Súwret. Bipolyar tranzistorlar