Óz betinshe jumisi nókis-2023 Tema: Bank amanatı shártnaması

ÓZBEKSTAN RESPUBLIKASI JOQARI BILIMLENDIRIW, PÁN HÁM INNOVACIYALAR MINISTRLIGI
BERDAQ ATINDAǴI QARAQALPAQ MÁMLEKETLIK UNIVERSITETI
YURIDIKA FAKULTETI YURISPRUDENCIYA QÁNIGELIGI
202-TOPAR STUDENTI ALLAMBERGENOVA ZAMIRANIŃ
PUQARALIQ HUQIQI PÁNINEN
ÓZ BETINSHE JUMISI


Nókis-2023


Tema: Bank amanatı shártnaması
Reje:
I.Kirisiw
II.Tiykarǵı bólim:
1.Bank amanatı shártnaması túsinigi hám onıń formaları
2.Amanatlardıń túrleri
3.Amanattıń qaytarılıwın támiyinlew
III.Juwmaqlaw
Paydalanılǵan ádebiyatlar


KIRISIW
Mámleketimizde ámelge asırılıp atırǵan reformalar puqaralıq huqıqı qatnasıwshıları menen baylanıslı munasábetlerdi huqıqıy tártipke salıw menen tikkeley baylanıslı. Bazar qatnasılarına ótiw, ekonomikada jeke menshiktiń poziciyasin asırıw, jeke menshik múlkdarlar klasın qáliplestiriw, isbilermenlik iskerligine keń jol ashıp beriw, bazar infrasistema institutların shólkemlestiriw, báseki ortalıǵın qáliplestiriw, isbilermenlik iskerligi subyektleri huqıq hám máplerin qorǵaw áyne kúnde aktual máselelerden esaplanadı.
Haqıyqattan da, socialliq turmısımızdıń barlıq tarawlarında túpkilikli reformalar ámelge asırılıp atır. Ekonomika liberallastırıp, reformalar tereńlespekte hám adamlardıń oylawı, huqıqıy sana hám huqıqıy mádeniyatı ósip atır, óz múlkshilik hám jeke huqıqların qorǵaw boyınsha ámeliy kónlikpelerge erisip atır. Bunıń nátiyjesinde mámleketimiz, qala hám awıllarımız kórinisi tanıp bolmaydı dárejede ózgerip atır, islep shıǵarıw hám sanaat jedel pát penen rawajlanıp atır, onıń quramı túpten jańalanıp atır, joqarı texnologiyalarǵa tiykarlanǵan zamanagóy kárxanalar jumısqa túsirilip, islep shıǵarıw modernizaciyalasıp, ekonomikamızdıń básekilesligi asıp atır.
Mine usı reforma hám kórilip atırǵan is-ilajlar nátiyjesinde elimizde ekonimkalıq tarawda bank hám basqa kredit shólkemleri iskerligi jaqsı rawajlanbaqta. Usılardı esapqa alǵan halda, óz betinshe jumısımda bank Amanat shártnamasınıń házirgi kúndegi aktuallıǵı hám áhmiyeti, onıń mazmunı, qanday tártipte ámelge asırılıwı, amanattıń túrleri hám dúziliw formaları haqqında keńnen úyreniledi.

1.