Kamilova zebiniso nusrat qizi son tushunchasining rivojlanish tarixi va istiqbollari

Kamilova zebiniso nusrat qizi son tushunchasining rivojlanish tarixi va istiqbollari


O‘ZBEKISTON RESPUBLIKASI XALQ TA’LIMI VAZIRLIGI
NAVOIY DAVLAT PEDAGOGIKA INSTITUTI

Qo‘lyozma huquqida

KAMILOVA ZEBINISO NUSRAT QIZI

SON TUSHUNCHASINING RIVOJLANISH TARIXI VA
ISTIQBOLLARI

Mutaxassislik: 5A110101-Matematika o‘qitish metodikasi

MAGISTR
akademik darajasini olish uchun yozilgan

DISSERTATSIYA


Ilmiy rahbar: dots. S.X.Abjalilov

Navoiy – 2020

MUNDARIJA

		Kirish ………………………………………………..		2
I.	Natural son tushunchasi ………………………………			6
	1.1.	Natural son funksiyalari …………………………………...		9
	1.2.	Ratsional sonlar. Kasr sonlar. Kasrlarning kelib chiqishi haqida		10
	1.2.1	Kasr sonlarning rivojlanishi tarixi ………………………		10
	1.3.	O`nli kasrlar ………………………………………………..		16
	1.3.1.	Protsentlar ………………………………………………….		18
	1.4.	Manfiy sonlar ………………………………………………		19
	1.4.1.	Qadimgi Osiyoda manfiy sonlar …………………………..		19
	1.4.2.	Yevropada manfiy miqdorlar rivojlanish g`oyasi …………		20
II.	Haqiqiy va kompleks sonlar …………………………………….
	2.1.	Haqiqiy sonlar ………………………………………		22
	2.1.1.	Irratsional sonlar ……………………………………		22
	2.1.2.	Algebraik va transendent sonlar ……………………		24
	2.2. Kompleks sonlar …………………………………………..			25
	2.2.1.	Mavhum sonlar ………………………………………		25
	2.2.2	Kompleks sonlarning geometrik talqini ……………..		27
III.	Sonli to`plamlarning keyingi rivojlanishi ………………………...			28
	3.1.	Vektor sonlar ………………………………………..		28
	3.2.	Matritsali sonlar …………………………………….		28
	3.3.	Transfinit sonlar …………………………………….		29
	3.4.	Funksional bog`lanish va funksional sonlar …………		30
Ilova.			Arifmetikadagi ba'zi masalalar
	Xulosa……………………………………………………… ........			34
	Foydalanilgan adabiyotlar ………………………………………			35

Kirish
Mamlakatimizda ta’lim samaradorligini oshirish va shu orqali mehnat va xizmatlar bozoriga malakali mutaxassis kadrlar tayyorlash “Kadrlar tayyorlash milliy dasturi” ni amalga oshirishning ustuvor vazifalaridan biri sifatida belgilangan. Jamiyatda fan va texnikaning shiddat bilan rivojlanishi kadrlar salohiyatini zamon talablariga mos ravishda oshrish hamda kasbiy malakalarini tizimli boyitib borishni talab etmoqda.
Hozirgi kunda zamonaviy ta’lim asosida ta’lim jarayonini amalga oshirish, mazkur jarayonda zamonaviy pedagogik va innovatsion texnologiyalardan samarali foydalanishni taqazo etadi. O’z navbatida bulardan foydalangan holda o’qitish samaradorligini oshirishga erishish zamonaviy ta’lim metodlaridan to’g’ri va o’rinli foydalanishni talab etadi.
Ta’lim tizimini isloh qilish kelajakda o‘qituvchilik kasbini egallaydigan yangi avlodni yuqori kasbiy madaniyat, ijodiy va ijtimoiy faollik, ijtimoiy-siyosiy hayotda mustaqil qatnasha olish qobiliyatlarini shakllantirishga yo‘naltirilgan. Mazkur vazifalarni bajarishda zamonaviy pedagogik texnologiyalarning ahamiyati o‘ta salmoqlidir. Matematika va uni o‘qitish muammolariga murojaat etish va ularni muhim zamonaviy ilmiy fikrlash yo‘nalishlariga qo‘shish jamiyatda innovatsion jarayonlar dinamikasining o‘sib borayotganini tushuntirish natijasida vujudga keldi.
Har qanday jarayon – harakatdir, moddiy dunyoning narsalar yoki hodislalarning asta-sekin o‘zgarishidir. O‘qitish jarayoni ham yosh avlodda aqliy kuchlarni rivojlantirishga va ahloqiy sifatlarni shakllantirishga qaratilgan harakatdir. Bugungi kunda uzluksiz ta’lim qatnashchilarining tarbiyalanganlik darajasini tashxislaydigan va korreksiyalaydigan yaxlit nazariya va amaliyotini yaratish, mamlakatimiz va xorijiy tajribalarni hamda metodlarni atroflicha o‘rganish, psixologik, sotsiologik yo‘nalishdagi manbalarni tadqiq etish muhim va dolzarb masalalardan biridir.