KIRISH……………………………………………………………………………3 I BOB. GEN VA GEN KONSEPSIYASI HAQIDA TUSHUNCHA. 1.1 Gen konsepsiyasi evolyutsiyasi haqida umumiy tushuncha……………………5
1.2. Pro- va eukariot gen elementlarining asosiy tuzilishi. Ekzon va intronlar……7
1.3.Gen klasterlari, promotor. TATA-blok, SAT-blok, enxanserlar va saylenserlar…..........................................................................................................10
II BOB. ALLEL VA ALTERNATIV BELGILAR 2.1 Allellar……………………………………………………………………….. 15
2.2 Xromosomalar………………………………………………………………...20
2.3 Molekulyar markerlar…………………………………………………………22
Xulosa………………….……………………………………………...............….25 Foydalanilgan adabiyotlar………………………………………........................27 Kirish Genetika jonli organizmlardagi nasldorlik va turlanishni oʻrganuvchi fandir.Hayvon va oʻsimliklarning baʼzi xususiyatlari nasldan naslga oʻtishi mumkinligi ibtidoiy jamiyat davridayoq maʼlum edi va bu bilimdan chorvachilik va dehqonchilikda tanlanma koʻpaytirish orqali qoʻllanilar edi. Biroq, zamonaviy genetika nasldorlik mexanizmlarini tushunadigan fan sifatida Gregor Mendel (19-asr) mehnatlaridan keyingina rivojlana boshladi.
Mendel nasldorlik mustaqil funksiyalarga ega fundamental diskret jarayon ekanligini kashf etdi. Nasldorlikning ushbu asosiy birliklari hozirda „genlar“ deb ataladi. Organizm hujayralarida genlar jisman DNK molekulalarida joylashgan boʻlib, oʻzida hujayra komponentlarini qurish va boshqarish uchun kerakli axborot tashiydi. Genetika organizmning koʻrinishi va hatti-harakatini belgilashda katta rol oʻynasa ham, umumiy natija nafaqat genlarga, balki organizmni oʻrab tugan atrof-muhitga ham bogʻliq boʻladi. Masalan, inson boʻyini faqatgina genlar emas, balki uning bolaligida olgan ozuqa va sogʻligʻi ham belgilaydi.
Mavzuning dolzarbligi: Genetikaning asosiy vazifasi irsiyatning moddiy asoslari hisoblanadigan xromosoma, genlar va nuklein kislotalar (DNK, RNK) tuzilishi hamda funksiyalarini tadqiq qilish orqali organizmlar belgi va xususiyatlarining rivojlanishi va kelgusi avlodlarga oʻtishini ochib berishdan iborat. Har xil fizik va kimyoviy omillar taʼsirida organizmlarda irsiy oʻzgaruvchanlikning paydo boʻlishi va uning organizmlar evolyutsiyasidagi ahamiyatini tadqiq qilish ham genetikaning vazifalari qatoriga kiradi. Madaniy oʻsimliklarning serhosil navlari, hayvonlar va mikroorganizmlarning mahsuldor zotlari va shtammlarini yaratish; irsiy kasalliklarning paydo boʻlish sabablarini oʻrganish asosida ularning oldini olish va davolash usullarini ishlab chiqish; ekologik muhitning irsiyatga salbiy taʼsir etuvchi omillarini oʻrgaiib, genofondni saqlab qolishni genetik jihatdan asoslab berish xozirgi kuning genetik tadqiqotlarini dolzarb muammolaridan xisoblanadi.
