N. Abibullaev 2023-jıl

“TASTÍYÍQLAYMAN” Taxtakópir rayonı XBBģa qaraslı 9-sanlı ulıwma orta bilim beriw mektebi direktorı ______________ N.Abibullaev ___-__________ 2023-jıl

Taxtakópir rayonı XBBģa qaraslı 9-sanlı ulıwma orta bilim beriw mektebinde “Jawızlıqqa qarsı aǵartıwshılıq” uranı astında ótkerilgen májilis

BAYANLAMASÍ


Taxtakópir rayonı. 6-aprel 2023-jıl

Basshılıq etiwshi:

N.Abibullaev – Taxtakópir rayonı XBBģa qaraslı 9-sanlı ulıwma orta bilim beriw mektebi direktorı

Qatnasqanlar:

N.Azbergenov- Respublika Ruwxıylıq hám aǵartıw orayı Taxtakópir rayonlıq bólimi baslıǵı. I.Abdijamilov - Ózbekstan Respublikası Ministrler Kabineti janındaǵı Din isleri boyınsha komitetiniń Qaraqalpaqstan Respublikası aymaqlıq basqarmasınıń Taxtakópir rayonı boyınsha bas qánigesi. S.Bezergenov – Taxtakópir rayonı XBBģa qaraslı 9-sanlı ulıwma orta bilim beriw mektebiniń RAIBDO Topar basshıları hám mektep jámááti qatnastı. Ilajǵa jámi “52” mektep oqıwshıları qatnastı.

KÚN TÁRTIBINDE:

“Jawızlıqqa qarsı aǵartıwshılıq” uranı astında Diniy aqidaparastlıq hám mutassiblik ideyalarınıń tarqalıwınıń aldın alıw terrorizm, ekstremizm boyınsha úgit-násiyat jumısların kúsheyttiriw maqsetinde

TÍŃLANDÍ:

Majiliste N.Abibullaev – Taxtakópir rayonı XBBģa qaraslı 9-sanlı ulıwma orta bilim beriw mektebi direktorı kún tártibindegi máseleler hám májilis qatnasıwshıları menen tanıstırıp ótti.

Kún tártibindegi másele boyınsha Respublika Ruwxıylıq hám aģartıw orayı Taxtakópir rayonlıq bólim baslıǵı N.Azbergenov sózge shıǵıp, Insan ushın eki eń áziz nemat bar, kópler bunıń qádirine jetpeydi, bular salamatlıq hám tınıshlıq kewil qáterjamlıǵı.
Islam táliymatında tınıshlıqtı saqlaw hám onıń ushın gúresiwge shaqırıladı. Tınıshlıq insaniyatqa berilgen nematlardıń ishinde imannan keyingi eń ullı nemat sanaladı. Shúkirshilik etiw arqalı berilgen nematlar jáne de zıyada bolar eken.
Hádislerde kim azanda uyqıdan oyanǵanında shańaraǵı tınısh, deni saw hám úyinde bir kúnlik azıq-awqatı bolsa, onda dúnyadaǵı barlıq nematlar bar ekenligi aytıladı. Demek eń áziz nemat bul – tınıshlıqdur.
Bunnan soń Ózbekstan Respublikası Ministrler Kabineti janındaǵı Din isleri boyınsha komitetiniń Qaraqalpaqstan Respublikası aymaqlıq basqarmasınıń Taxtakópir rayonı boyınsha bas qánigesi I.Abdijamilov sózge shıqtı. Ol óz sózinde biz jawızlıqqa qarsı aǵartıwshılıq dep aytamız. Jawızlıq – insan ómirin hám aqiretin qúydiredi. Al aǵartıwshılıq bolsa, insan qálbin hám ruwxıy dúnyasın gózzalastıradı. Aǵartıwshılıq sózi – bilim, allanı tanıw sıyaqlı sózlerdi ózinde jámleydi. Islam dini tınıshlıq hám hátirjamlıqqa bolǵan itibarı joqarı bolıwı menen bir qatarda, keńpeyillik onıń negizi esaplanadı. Diniy keńpeyillik túrli millet wákilleriniń óz-ara tınısh-tatıw jasaw hámde hár bir diniy tálimatqa húrmet penen qarawın ańlatadı.
Kún tártibindegi másele boyınsha N.Azbergenov Respublika Ruwxıylıq hám aǵartıw orayı Taxtakópir rayonlıq bólimi baslıǵı sózge shıǵıp, xalıqaralıq maydanda túrli ekstremistlik hám terroristlik shólkemler tárepinen dúnya halqına qarsı ámelge asırılıp atırılǵan hár túrli ideyalar, ózleriniń qatarın toltırıw maqsetinde puqaralar, ásirese, jaslar arasında ózleriniń ideyaların úgit-násiyat etiwge bolǵan urınıslar júdá belsene alıp barılmaqta.
Májilis kún tártibindegi máseleler boyınsha


ShEShIM ETEDI:

1. “Jawızlıqqa qarsı aǵartıwshılıq” uranı astında ótkerilgen májiliste sociallıq-ruwxıy ortalıqtı támiyinlew hám terrorizm, ekstremizm boyınsha úgit-násiyat jumısların kúsheyttiriw maqsetinde ótkerilgen májilis bayanlaması maǵlıwmat ushın qabıl etilsin.

2. Sociallıq-ruwxıy ortalıqtı támiyinlew boyınsha “Ǵalabalıq mádeniyat” menen baylanıslı idealogiyalıq qáwiplerdiń aldın alıw erte neke qurıw, hár qıylı huqıqbuzarlıqlar, jınayatshılıq, adam sawdası, óz janına qaslıq etiw hám basqa da unamsız illetlerdiń aldın alıw boyınsha mektep jámáátine túsindiriw jumısları dawam ettirilsin.
3. Usı qarardıń orınlanıwın qadaģalap barıw Taxtakópir rayonı XBBģa qaraslı 9-sanlı ulıwma orta bilim beriw mektebi direktorı N.Abibullaevqa tapsırılsın.

Bayanlastırǵan: Q.Baxıtbaev