Boyalı küp Muzeyin inciləri Milli Azərbaycan Tarixi Muzeyi

---

13.04.2022, 15:12

Boyalı küp - Muzeyin inciləri - Milli Azərbaycan Tarixi Muzeyi

azhistorymuseum.gov.az/az/exhibit/47

1/2

Boyalı küp

Nadir sənətkarlıq əsərlərindən biri də 1936-cı ildə

arxeoloq-etnoqraf Ələsgər Ələkbərov tərəfindən

Naxçıvanda, Şahtaxtı nekropolundan tapılmış

polixrom rəsmli küpdür. Usta onun üzərini müxtəlif

növ heyvan və quş rəsmləri ilə bəzədiyi üç zolağa

ayırmışdır. Üst zolaqda bir-birinin arxasında irili-

xırdalı qu quşları təsvir edilib. İkinci, nisbətən enli

zolaq şaquli istiqamətdə çəkilən həndəsi naxışlarla

iki hissəyə bölünmüşdür: bir hissədə keçilər, onlara

hücum edən canavar, eləcə də müxtəlif heyvan və

quşlar əks olunmuşdur; digər hissədə isə həmin

heyvanlardan əlavə vəhşi eşşək və ya at təsvirləri də

vardır. Üçüncü zolaqda isə küp bir-birinə bənd

edilmiş romblarla əhatələnmişdir. Hündürlüyü 47 sm,

gövdəsinin diametri 48 sm, ağız diametri 19,5 sm,

oturacaq diametri 17 sm olan Şahtaxtı küpü muzeyin

daimi ekspozisiyasında uzun illlərdən bəri nümayiş

edilən, məxsus olduğu dövrün əkinci-maldar

əhalisinin reallığı əks etdirən bədii təsəvvürünün

əsrarəngiz məhsuludur.

Eksponat haqqında məlumat

---

13.04.2022, 15:12

Boyalı küp - Muzeyin inciləri - Milli Azərbaycan Tarixi Muzeyi

azhistorymuseum.gov.az/az/exhibit/47

2/2

Adı:

Boyalı küp

Dövr:

Orta tunc dövrü

Tapıldığı yer:

Şahtaxtı (Naxçıvan)

Ölçüləri:

Hündürlüyü 47 sm, gövdəsinin diametri 48 sm, ağız diametri 19,5 sm,

oturacaq diametri 17 sm.

İnventar

nömrəsi:

AF 1576