Q ə r a r Azərbaycan Respublikası adından
Yüklə 235,36 Kb. Pdf görüntüsü
|
- Bu səhifədəki naviqasiya:
- Şirvan şəhəri Şirvan Apellyasiya Məhkəməsinin Cinayət Kollegiyası
- Məmmədov Səbuhi Xalis oğlu
- Apellyasiya şikayətinin dəlilləri
- Məhkəmə istintaqı və proses iştirakçılarının çıxışları
- Hüquqi məsələlər
|
Q ə r a r Azərbaycan Respublikası adından Surəti: 29 noyabr 2016-cı il İş № 1(106)574/2016 Şirvan şəhəri Şirvan Apellyasiya Məhkəməsinin Cinayət Kollegiyası hakimlər Dosiyev Amil Qaraxan oğlu (sədrlik edən və məruzəçi), Babayev Zəki Baba oğlu və Novruzov Ələsgər Əli İskəndər oğlundan ibarət tərkibdə, məhkəmə iclas katibi İsmayılzadə Kürdoğlu Vidadi
oğlu,
dövlət ittihamçısı Azərbaycan Respublikası Baş Prokurorluğunun Dövlət İttihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, I dərəcəli hüquqşünas Hüseynov Elnar Əli oğlu, məhkum edilmiş şəxs Məmmədov Səbuhi Xalis oğlu və onun müdafiəçisi Şirvan şəhər hüquq məsləhətxanasının vəkili Əhmədova Ulduzə Mehdi qızının iştirakları ilə, Məmmədov Səbuhi Xalis oğlunun Azərbaycan Respublikası CM-nin 234.1-ci maddəsi ilə məhkum edilməsinə dair cinayət işi üzrə Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı tərəfindən verilmiş apellyasiya şikayəti üzrə işə apellyasiya qaydasında açıq məhkəmə iclasında baxaraq,
M Ü Ə Y Y Ə N E T D İ: İşin halları:
İbtidai istintaq orqanı tərəfindən Məmmədov Səbuhi Xalis oğluna Azərbaycan Respublikası Cinayət Məcəlləsinin 234.1-ci maddəsi ilə ittiham elan olunmuşdur ona görə ki, o, satış məqsədi olmadan qanunsuz olaraq bir ədəd bükümdə şəxsi istehlak miqdarından artıq miqdarda təmiz çəkisi 2,865 qram olan narkotik vasitə heroini əldə edib üstündə saxlamaqla Şirvan şəhərinin M.Ə.Rəsulzadə küçəsində yerləşən «Elite» ticarət mərkəzinin qarşısına daşımış, bu barədə daxil olmuş məlumat əsasında Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən keçirilmiş əməliyyat-axtarış tədbirləri zamanı o, 20 oktyabr 2015-ci il tarixdə saat 17.00-da qeyd olunan ticarət mərkəzinin qarşısında saxlanılaraq üzərində şəxsi axtarış keçirilərkən əynindəki göy rəngli cins şalvarının arxa sağ cibindən bir ədəd sellofan bükümdə olan 2,865 qram çəkidə tiryəkdən kustar üsulla hazırlanmış narkotik vasitə heroin aşkar edilərək götürülmüşdür. Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmü ilə (sədrlik edən hakim Qurbanov Elçin Firudin oğlu)
2
09.12.1985-ci ildə Əli-Bayramlı (indiki Şirvan) şəhərində anadan
olmuş, Azərbaycan Respublikasının vətəndaşı, əvvəllər məhkum
olunmamış, orta təhsilli, ailəli--himayəsində bir nəfər azyaşlı uşağı olan, “Şirvan OİL” MMC-də qazmaçı köməkçisi vəzifəsində işləyən, Şirvan şəhəri, M.Ə.Rəsulzadə küçəsi, ev 17, mənzil 98-də qeydiyyatda olan və həmin ünvanda yaşayan, barəsində “həbs” qətimkan tədbiri seçilmiş
Məmmədov Səbuhi Xalis oğlu Azərbaycan Respublikası CM-nin 234.1-ci maddəsi ilə təqsirli bilinərək iki il müddətinə azadlıqdan məhrum etmə cəzasına məhkum edilmiş, cəzasını ümumi rejimli cəzaçəkmə müəssisəsində çəkməklə, cəzasının əvvəli 20 oktyabr 2015-ci il tarixdən hesablanmış, barəsində seçilmiş həbs qətimkan tədbiri hökm qanuni qüvvəyə minənədək dəyişdirilmədən saxlanılmış, onun ərazi narkoloji dispanserində qeydiyyata alınması, ekspertiza tədqiqatının 94 manat 93 qəpik miqdarında dəyərinin Məmmədov Səbuhi Xalis oğlundan tutulub dövlət nəfinə keçirilməsi, iş üzrə maddi sübut olan və Azərbaycan Respublikası DİN-in Baş Mütəşəkkil Cinayətkarlıqda Mübarizə İdarəsində saxlanılan ekspertiza tədqiqatından sonra qalıq çəkisi 2,815 qram olan narkotik vasitə heroinin müvafiq qaydada məhv edilməsi hökm edilmişdir. Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən narazı qalan məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı həmin hökmdən apellyasiya şikayəti vermişdir.
Apellyasiya şikayətinin dəlilləri: Müdafiəçisi Əhmədova Ulduzə Mehdi qızı apellyasiya şikayətini onunla əsaslandırmışdır ki, Şirvan Şəhər Məhkəməsinin 16 avqust 2016-cı il tarixli hökmünü qanunsuz və əsassız hesab edir. Məmmədov Səbuhi Xalis oğlu ona görə təqsirli bilinmişdir ki, o, satış məqsədi olmadan qanunsuz olaraq bir ədəd bükümdə şəxsi istehlak miqdarından artıq miqdarda təmiz çəkisi 2,865 qram olan narkotik vasitə heroini əldə edib üstündə saxlamaqla Şirvan şəhərinin M.Ə.Rəsulzadə küçəsində yerləşən «Elite» ticarət mərkəzinin qarşısına daşımış, bu barədə daxil olmuş məlumat əsasında Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən keçirilmiş əməliyyat-axtarış tədbirləri zamanı o, 20 oktyabr 2015-ci il tarixdə saat 17.00-da qeyd olunan ticarət mərkəzinin qarşısında saxlanılaraq üzərində şəxsi axtarış keçirilərkən əynindəki göy rəngli cins şalvarının arxa sağ cibindən bir ədəd sellofan bükümdə olan 2,865 qram çəkidə tiryəkdən kustar üsulla hazırlanmış narkotik vasitə heroin aşkar edilərək götürülmüşdür. Məhkəmə baxışı zamanı təqsirləndirilən şəxs Məmmədov Səbuhi Xalis oğlu özünü təqsirli bilməyərək göstərmişdir ki, o, 20 oktyabr 2015-ci il tarixdə Şirvan şəhərinin M.Ə.Rəsulzadə küçəsində yerləşən «Elite» ticarət mərkəzinə gəlib özü üçün mobil telefon nömrəsi almaq istəmiş, lakin nömrə almaq üçün pulu çatmadığına və 3 şəxsiyyət vəsiqəsi evdə qaldığına görə evə qayıtmış, şəxsiyyət vəsiqəsini və pulu evdən götürüb «Elite» ticarət mərkəzinə mobil telefon nömrəsi satılan mağazaya qayıtmışdır. Mağazada olan satıcı mobil telefon nömrəsini onun adına rəsmiləşdirərkən arxadan gələn Şirvan şəhər Polis Şöbəsində əməliyyatçı kimi tanıdığı Müşfiq Eyvazov və Azərbaycan Respublikası DİN-nin BMCMİ-inin əməkdaşları ona yaxınlaşıb əl-qolunu tutduqdan sonra onu Şirvan şəhər Polis Şöbəsinə aparmışlar. Şirvan şəhər Polis Şöbəsində üzərindən 3 manat pul, telefon və kibrit qutusu aşkar edilərək götürülmüşdür. Şirvan şəhər Polis Şöbəsində Müşfiq Eyvazov ona hədə qorxu gələrək «sənə qulaq burması veririk» deyə narkotiki masanın üstünə atıb üzərinə götürməyi təklif etmişdir. Müşfiq Eyvazov hətta ona köməklik edərək narkotikin növünü dəyişməyi bildirmiş, polis şöbəsinin digər əməkdaşı Ruslan adlı şəxs otağa daxil olaraq narkotikin miqdarını azalda biləcəyini, həmin narkotik vasitəni dəmiryolunun kənarından tapmasını deməsini tövsiyə etmişdir. Lakin DİN-nin Baş Mütəşəkkil Cinayətkarlıqla Mübarizə İdarəsinin əməkdaşı Rövşən adlı şəxs ona narkotik vasitəni parkda ağacın dibində tapdığını boynuna almasını bildirimişdir. Sonra Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparılmış, həmin idarədə Rövşən adlı şəxs dediklərini boynuna almadığı təqdirdə evinə silah atacağı ilə hədələmişdir. O da anası xəstə olduğundan ilkin izahatını onların dediyi kimi yazmış, məhkəmə iclasında onun barəsində həbs qətimkan tədbirinin seçilməsi barədə təqdimata baxılarkən döyülməsi və təhdid edilməsi barədə bir söz deməmişdir. Əvvəlcə barəsində Azərbaycan Respublikası CM-nin 234.4.3-cü maddəsi ilə cinayət işi başlanılmış, sonradan guya onun törətdiyi cinayət əməli Azərbaycan Respublikası CM-nin 234.1-ci maddəsinə tövsif edilmişdir. О heç vaxt narkotik vasitədən istifadə etməmiş, Polis Şöbəsində ona qarşı zorakılıq hərəkətləri edildiyindən məcburiyyət qarşısında qalıb cinayət törətməsini etiraf etmişdir. Cinayət işinin materiallarından göründüyü kimi 18 oktyabr 2015-ci il tarixdə Səbuhi Məmmədovun barəsində, yəni onun narkotik vasitələrin satışı və dövriyyəsi ilə məşğul olması barəsində idarəyə məlumat daxil olmuş və 20 oktyabr 2015-ci il tarixdə əməliyyat-axtarış tədbirlərinin keçirilməsi barədə qərar qəbul edilmişdir. Lakin nədənsə bu barədə əməliyyat-qeydiyyat işi açılmamşıdır. Məhkəmə hökmündə şahidlərin də Səbuhi Məmmədovu “Elite” ticarət mərkəzinin qarşısında yerləşən istirahət parkında tutduqları göstərilsə də, məhkəmə hökmündə bu hal düzgün olmayaraq Səbuhi Məmmədovu “Elite” ticarət mərkəzinin qabağında tutulması qeyd edilmişdir. İş üzrə məhkəmə iclası zamanı dindirilmiş hal şahidləri Əliyev Müşfiq Qağamkişi oğlu və Qurbanov Rəşad Şamil oğlu isə əməliyyat işçilərindən fərqli olaraq Səbuhi Məmmədovun “Elite” ticarət mərkəzinin qabağında tutulmasını bildirmişlər. Məhkəmə iclasında əlavə şahid qismində ifadə vermiş Məmmədov Elxan Zakir oğlu və Əkbərzadə Qumru Ədalət qızı onların işlədiyi “Elite” ticarət mərkəzində telefon və telefon nömrələri satışı mağazasında Səbuhi Məmmədovun onlardan telefon nömrəsi aldığı zaman 4-5 nəfər mülki geyimdə olan şəxslər tərəfindən, daha doğrusu Səbuhi Məmmədov onların mağazasında olan zaman Şirvan şəhər polis şöbəsinin əməliyyat müvəkilli vəzifəsində işləmiş Eyvazov Müşfiq Həsən oğlu tərəfindən arxadan iki qolları altından qucaqlanaraq 4-5 nəfər mülki geyimdə olan şəxslərlə aparılmışdır. Göründüyü kimi cinayət işi üzrə dindirilmiş şahidlərin ifadələri arasında ziddiyətlər mövcuddur. Məhkəmə iclasında onların çarpaz dindirilmələri zamanı bütün bu xüsusatlar öz təsdiqini tapsa da məhkəmə hökmündə bu hallar, demək olar ki, öz əksini 4 tapmamışdır. Bundan başqa cinayət işinin materiallarından göründüyü kimi, hüquqlarını müdafiə etdiyi təqsirləndirilən şəxs Səbuhi Məmmədovun barəsində 7 ay ərzində cinayət işinin istintaqı Azərbaycan Respublikası CM-nin 234.4.3-cü maddəsi ilə aparılsa da son nəticədə onun etmədiyi əməli başqa maddəyə--CM-nin 234.1-ci maddəsinə tövsif edilmişdir. Qeyd olunanlara əsasən Şirvan Şəhər Məhkəməsinin 16 avqust 2016- cı il tarixli, 1(032)-49/2016 nömrəli hökmünü ləğv edərək Azərbaycan Respublikası CM-nin 234.1-ci maddəsi ilə məhkum edilmiş şəxs Məmmədov Səbuhi Xalis oğlunun barəsində bəraət hökmünün çıxarılmasını, apellyasiya şikayətinə məhkəmə baxışını məhkum edilmiş şəxsin iştirakını təmin etməklə və məkəmə istintaqı aparılmaqla keçirilməsini apellyasiya instansiyası məhkəməsindən xahiş etmişdir.
Məhkəmə istintaqı və proses iştirakçılarının çıxışları: Apellyasiya məhkəməsi iclasında məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən vermiş olduğu apellyasiya şikayətinin dəlillərini müdafiə etdiyini bildirdi. Apellyasiya məhkəməsi iclasında məhkum edilmiş şəxs Məmmədov Səbuhi Xalis oğlu Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən müdafiəçisi Əhmədova Ulduzə Mehdi qızının verdiyi apellyasiya şikayətinin dəlillərini müdafiə etdiyini bildirdi. Apellyasiya məhkəməsi iclasında Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, I dərəcəli hüquqşünas Hüseynov Elnar Əli oğlu Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı tərəfindən verilmiş apellyasiya şikayətinin dəlillərinə etiraz etdiyini bildirdi. Apellyasiya məhkəməsi iclasında məhkum edilmiş şəxs Məmmədov Səbuhi Xalis oğlu ifadəsində göstərdi ki, 20 oktyabr 2015-ci il tarixdə Şirvan şəhərinin M.Ə.Rəsulzadə küçəsində yerləşən «Elite» ticarət mərkəzinə gəlib özü üçün mobil telefon nömrəsi almaq istəmiş, lakin nömrə almaq üçün pulu çatmadığına və şəxsiyyət vəsiqəsi evdə qaldığına görə evə qayıtmış, şəxsiyyət vəsiqəsini və pulu evdən götürüb «Elite» ticarət mərkəzinə mobil telefon nömrəsi satılan mağazaya gəlmişdir. Mağazada olan satıcı onun adına mobil telefon nömrəsini rəsmiləşdirərkən arxadan gələn Şirvan şəhər Polis Şöbəsində əməliyyatçı kimi tanıdığı Müşfiq Eyvazov və Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları ona yaxınlaşıb əl-qolunu tutduqdan sonra onu Şirvan şəhər Polis Şöbəsinə aparmışlar. Şirvan şəhər Polis Şöbəsində üzərindən üç manat pul, telefon və kibrit qutusu aşkar edilərək götürülmüşdür. Şirvan şəhər Polis Şöbəsində ona hədə- qorxu gələrək Müşfiq Eyvazov «sənə qulaq burması veririk» deyə narkotiki masanın üstünə atıb üzərinə götürməyi təhrik etmişdir. Müşfiq Eyvazov hətta ona köməklik edərək narkotikin növünü dəyişməyi təklif etmiş, polis şöbəsinin digər əməkdaşı Ruslan adlı şəxs otağa daxil olaraq narkotikin miqdarını azalda biləcəyini, həmin narkotik vasitəni dəmiryolunun kənarından tapmasını deməsini tövsiyə etmişdir. Lakin Daxili
5 İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşı Rövşən adlı şəxs ona narkotik vasitəni parkda ağacın dibindən tapdığını boynuna almasını bildirimişdir. Sonra Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparılmış, həmin idarədə Rövşən adlı şəxs dediklərini boynuna almadığı təqdirdə evinə silah atacağı ilə hədələmişdir. O da anası xəstə olduğundan ilkin izahatını onların dediyi kimi yazmış, məhkəmə iclasında onun barəsində həbs qətimkan tədbirinin seçilməsi barədə təqdimata baxılarkən döyülməsi və təhdid edilməsi barədə bir söz deməmişdir. Müstəntiq tərəfindən istintaq aparılan zamanı təqsiri sübuta yetirilmədiyindən onun barəsində məcburi olaraq Azərbaycan Respublikası CM-nin 234.4.3-cü maddəsi ilə cinayət işi başlanılmış, sonradan guya onun törətdiyi cinayət əməli Azərbaycan Respublikası CM-nin 234.1-ci maddəsinə tövsif edilmişdir. О heç vaxt narkotik vasitədən istifadə etməmiş, Polis Şöbəsində ona qarşı zorakılıq hərəkətləri edildiyindən məcburiyyət qarşısında qalıb orada cinayət törətməsini etiraf etmişdir. Odur ki, barəsində bəraət hökmünün çıxarılmasını, həmçinin ağır ailə vəziyyətinin, ailəsində yeganə qazanc gətirən şəxs olmasının, himayəsində heç bir yerdə işləməyən həyat yoldaşının və yetkinlik yaşına çatmayan bir uşağının olmasının nəzərə alınmasını məhkəmə kollegiyasından xahiş etdi.
Apellyasiya məhkəməsi iclasında məhkəmə çıxışları zamanı Azərbaycan Respublikası Baş prokurorluğunun Dövlət ittihamının müdafiəsi üzrə idarəsinin apellyasiya və kassasiya instansiyası məhkəmələrində dövlət ittihamının müdafiəsi şöbəsinin prokuroru, I dərəcəli hüquqşünas Hüseynov Elnar Əli oğlu Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı tərəfindən verilmiş apellyasiya şikayətinin dəlilləri ilə razı olmadığını, törədilmiş cinayət əməlinin iş materialları ilə tam sübuta yetirildiyini və birinci instansiya məhkəməsi tərəfindən qanuni, ədalətli və əsaslı hökm çıxarıldığını bildirdi. Eyni zamanda, dövlət ittihamçısı E.Ə.Hüseynov Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı tərəfindən verilmiş apellyasiya şikayətinin təmin olunmamasını və həmin hökmün dəyişdirilmədən saxlanılmasını məhkəmə kollegiyasından xahiş etdi. Apellyasiya məhkəməsi iclasında məhkəmə çıxışları zamanı məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən vermiş olduğu apellyasiya şikayətinin təmin edilməsini, Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmünün ləğv edilməsini, Səbuhi Məmmədovun barəsində bəraət hökmünün çıxarılmasını məhkəmə kollegiyasından xahiş etdi. Apellyasiya məhkəməsi iclasında son sözündə məhkum edilmiş şəxs Məmmədov Səbuhi Xalis oğlu Şirvan Şəhər Məhkəməsinin 16 avqust 2016-cı il tarixli, 1(032)- 49/2016 nömrəli hökmündən müdafiəçisi Əhmədova Ulduzə Mehdi qızının verdiyi apellyasiya şikayətinin təmin edilməsini, Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmünün ləğv edilməsini, barəsində bəraət hökmünün çıxarılmasını, həmçinin ağır ailə vəziyyətinin, ailəsində yeganə qazanc gətirən şəxs olmasının, himayəsində heç bir yerdə işləməyən həyat yoldaşının və
6 yetkinlik yaşına çatmayan bir uşağının olmasının nəzərə alınmasını məhkəmə kollegiyasından xahiş etdi.
Azərbaycan Respublikası Konstitusiyasının 72-ci maddəsində göstərilir ki, dövlət və cəmiyyət qarşısında hər bir şəxs onun hüquq və azadlıqlarından bilavasitə irəli gələn vəzifələr daşıyır. Hər kəsin üzərinə vəzifələr yalnız bu Konstitusiya ilə və ya qanunla qoyula bilər. Hər bir şəxs Azərbaycan Respublikasının Konstitusiyasına və qanunlarına əməl etməli, başqa şəxslərin hüquq və azadlıqlarına hörmət bəsləməli, qanunla müəyyən edilmiş digər vəzifələri yerinə yetirməlidir. Konstitusiyanın 60-cı maddəsində isə qeyd olunur ki, hər kəsin hüquq və azadlıqlarının məhkəmədə müdafiəsinə təminat verilir.
şəxsin öz barəsində çıxarılmış hökmə qanunla nəzərdə tutulan qaydada yuxarı məhkəmədə yenidən baxılması, habelə özünün əfv edilməsi və cəzasının yüngülləşdirilməsi haqqında müraciət etmək hüququ vardır. İnsan Hüquqlarının və Əsas Azadlıqların Müdafiəsi Haqqında Konvensiyanın 6-cı maddəsinin («Ədalətli məhkəmə araşdırması hüququ») 1-ci hissəsində göstərilir ki, hər kəs, onun mülki hüquq və vəzifələri müəyyən edilərkən və ya ona qarşı hər hansı cinayət ittihamı irəli sürülərkən, qanun əsasında yaradılmış müstəqil və qərəzsiz məhkəmə vasitəsilə, ağlabatan müddətdə işinin ədalətli və açıq araşdırılması hüququna malikdir. Həmin Konvensiyaya dair 22 noyabr 1984-cü il tarixli 7 nömrəli Protokolun 2-ci maddəsinin 1-ci bəndində isə qeyd olunur ki, cinayət törətməyə görə məhkəmə tərəfindən məhkum edilmiş hər kəsin, barəsində çıxarılmış hökmə və ya təyin olunmuş cəzaya yuxarı məhkəmə instansiyasında yenidən baxılması hüququ vardır. Bu hüququn həyata keçirilməsi və onun həyata keçirilə biləcəyi əsaslar qanunla tənzimlənir. Azərbaycan Respublikası CPM-nin 1.3-cü maddəsində qeyd olunur ki, Azərbaycan Respublikasının cinayət-prosessual qanunvericiliyi qanunçuluğun, insan və vətəndaş hüquq və azadlıqlarına hörmətin bərqərar olmasına imkan yaradır. Həmin Məcəllənin 10.1-ci maddəsində göstərilir ki, məhkəmələr və cinayət prosesinin iştirakçıları Azərbaycan Respublikası Konstitusiyasının, bu Məcəllənin, Azərbaycan Respublikasının digər qanunlarının, habelə Azərbaycan Respublikasının tərəfdar çıxdığı beynəlxalq müqavilələrin müddəalarına ciddi əməl etməlidirlər. Həmin Məcəllənin 12.1-ci maddəsində isə qeyd olunur ki, cinayət prosesini həyata keçirən orqanlar cinayət prosesində iştirak edən bütün şəxslərin Konstitusiya ilə təsbit edilmiş insan və vətəndaş hüquq və azadlıqlarına riayət olunmasını təmin etməlidirlər. Həmin Məcəllənin 397.1-ci maddəsinə görə, apellyasiya instansiyası məhkəməsi birinci instansiya məhkəməsi tərəfindən işin faktiki hallarının müəyyən edilməsinin, habelə cinayət qanununun və bu Məcəllənin normalarının tətbiq edilməsinin düzgünlüyünü yoxlayır. Həmin Məcəllənin 397.2-ci maddəsinə əsasən, birinci instansiya məhkəməsi tərəfindən müəyyən edilmiş faktiki hallar apellyasiya instansiyası məhkəməsi tərəfindən yalnız apellyasiya şikayətinin və ya apellyasiya protestinin hüdudlarında yoxlanılır. 7 Birinci instansiya məhkəməsi tərəfindən cinayət qanununun və bu Məcəllənin normalarına riayət edilməsi apellyasiya instansiyası məhkəməsi tərəfindən apellyasiya şikayətinin və ya apellyasiya protestinin dəlillərindən asılı olmayaraq yoxlanılır. Şirvan Apellyasiya Məhkəməsinin Cinayət Kollegiyası cinayət işinin materiallarını araşdıraraq, qismən məhkəmə istintaqı apararaq, həmçinin apellyasiya şikayətinin dəlilləri barədə proses iştirakçılarının mövqeyini dinləyərək hesab edir ki, Məmmədov Səbuhi Xalis oğlunun Azərbaycan Respublikası CM-nin 234.1-ci maddəsi ilə məhkum edilməsinə dair cinayət işi üzrə Şirvan Şəhər Məhkəməsinin 16 avqust 2016-cı il tarixli, 1(032)-49/2016 nömrəli hökmündən məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı tərəfindən verilmiş apellyasiya şikayəti qismən təmin edilməli və hökm həmin apellyasiya şikayətinə əsasən dəyişdirilməlidir. Belə ki, birinci instansiya məhkəməsinin hökmündən görünür ki, məhkum edilmiş şəxs Məmmədov Səbuhi Xalis oğlunun törətdiyi, qərarın təsviri-əsaslandırıcı hissəsinin «İşin halları» bölməsində göstərilən cinayət əməli şahidlər Camalov Rövşən Məhərrəm oğlu, Əliyev Hətəm İsmayıl oğlu, Eyvazov Bəxtiyar Taryel oğlu, Əliyev Müşfiq Qağamkişi oğlu, Qurbanov Rəşad Şamil oğlu, Məmmədov Elxan Zakir oğlu, Əkbərzadə Qumru Ədalət qızı və Eyvazov Müşfiq Həsən oğlunun ifadələri, Azərbaycan Respublikası Ədliyyə Nazirliyi Məhkəmə Ekspertizası Mərkəzinin 21 oktyabr 2015-ci il tarixli 21436 nömrəli rəyi, Azərbaycan Respublikası Səhiyyə Nazirliyi Respublika Narkoloji Mərkəzi Ambulator Məcburi-Narkoloji tibbi müayinənin ekspert komissiyasının 11 noyabr 2015-ci il tarixli 2084 nömrəli rəyi, baxışın keçirilməsi və maddi sübutun götürülməsi haqqında 20 oktyabr 2015-ci il tarixli protokol, müdafiəçi İ.Qasımovun iştirakı ilə verilmiş Məmmədov Səbuhi Xalis oğlu tərəfindən yazılmış 20 oktyabr 2015-ci il tarixli izahat, 21 oktyabr 2015-ci il tarixli ərizə, təqsirləndirilən şəxs qismində cəlb etmək haqqında 22 oktyabr 2015-ci il tarixli qərar, təqsirləndirilən şəxsin 22 oktyabr 2015-ci il tarixli dindirmə protokolu, cinayət işinin başlanmasının rədd edilməsi haqqında 06 fevral 2016-cı il tarixli qərar, sübutların qiymətləndirilməsi və cinayət işi üzrə əməlin tövsif edilməsi haqqında 19 mart 2016-cı il tarixli qərar, təqsirləndirilən şəxsə yenidən ittihamın elan edilməsi haqqında 29 mart 2016-cı il tarixli qərar, təqsirləndirilən şəxsin əlavə dindirilməsi haqqında 29 mart 2016- cı il tarixli protokol, maddi sübutlar, protokollar və işdə olan digər sənədlərlə tam sübuta yetirilmiş və birinci instansiya məhkəməsi tərəfindən Məmmədov Səbuhi Xalis oğlunun əməli Azərbaycan Respublikası CM-nin 234.1-ci maddəsi ilə tövsif edilmişdir. Birinci instansiya məhkəməsində şahid Camalov Rövşən Məhərrəm oğlu göstərmişdir ki, o, Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməliyyat müvəkkili vəzifəsində işləyir. İdarəyə daxil olmuş məlumatda 09.12.1985-ci il tarixdə Şirvan şəhərində anadan olmuş Məmmədov Səbuhi Xalis oğlunun qanunsuz olaraq narkotik vasitə olan heroinin dövriyyəsi ilə məşğul olması göstərilmiş, həmin məlumat baş idarə rəhbərliyinə məruzə edilmiş və 20 oktyabr 2015-ci il tarixdə əməliyyat-axtarış tədbirlərinin keçirilməsi barədə qərar qəbul edilmişdir. Daxil olmuş məlumatda Səbuhi Məmmədovun Şirvan şəhərində olması bildirildiyindən yaradılmış əməliyyat qrupu ilə birgə 20 oktyabr 2015- ci il tarixdə saat 16.30-da Şirvan şəhəri, M.Ə.Rəsulzadə küçəsində yerləşən “Elite” ticarət mərkəzinin qarşısında olmuşlar. Saat 17 radələrində xarici görünüşündən Səbuhi
8 Məmmədova oxşar şəxs görünən kimi ona yaxınlaşıb özlərini təqdim edərək polis əməkdaşları olduqlarını bildirmişlər. Həmçinin yanlarında olan hal şahidlərini də təqdim etmişlər. Bundan sonra saxlanılan şəxs özünü təqdim edərək Səbuhi Məmmədov olduğunu bildirmişdir. Onun barəsində narkotik vasitələrin qanunsuz dövriyyəsi ilə məşğul olması barədə məlumat daxil olduğunu bildirərək qərarla onu tanış etmişlər. Bundan sonra Səbuhi Məmmədovun üzərinə şəxsi axtarış keçirəcəklərini bildirmişlər. O, etiraz etməyib özü əynində olan göy rəngli cins şalvarının arxa sağ cibindən bir ədəd şəffaf selofan bükümü çıxarıb onlara təqdim etmişdir. Həmin bükümə baxış keçirilən zaman içərisində qəhvəyi rəngli spesifik iyə malik, narkotik vasitə olan heroinə bənzər kütlə olduğu məlum olmuşdur. Bundan başqa əynindəki şalvarının ön sağ cibindən 3 manat pul, bir kibrit qutusu, sol yan cibindən bir ədəd qara rəngli “Samsunq Duos” markalı mobil telefon aşkar olunmuşdur. Aşkar edilmiş narkotik vasitə qablaşdırılmış, lakin ətrafda xeyli sayda insanlar toplaşdığına görə protokol tərtib edilməsi üçün Şirvan şəhər Polis Şöbəsinə getmişlər. Sual-cavab zamanı Səbuhi Məmmədov bildirmişdir ki, bükümdə olan maddə heroindir, həmin heroini Şirvan şəhəri, M.Ə.Rəsulzadə küçəsində yerləşən “Elite” ticarət mərkəzinin qarşısında yerləşən istirahət parkında ağacın altından tapmış və üzərində gəzdirmişdir.Təqsirləndirilən şəxsə qarşı qeyri-qanuni hərəkətlərə yol verilməmişdir. Birinci instansiya məhkəməsində şahid qismində ifadə vermiş Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin baş əməliyyat müvəkkili vəzifəsində işləyən Əliyev Hətəm İsmayıl oğlu və Eyvazov Bəxtiyar Taryel oğlu şahid Camalov Rövşən Məhərrəm oğlunun ifadəsinə uyğun ifadə verib göstərilən xüsusatları təsdiq etmişlər. Birinci instansiya məhkəməsində şahid Əliyev Müşfiq Qağamkişi oğlu göstərmişdir ki, Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin qarşısında özünün idarə etdiyi avtomobildə dayanıb taksi fəaliyyəti ilə məşğul olur. 20 oktyabr 2015-ci il tarixdə səhər saatlarında ona həmin idarənin polis əməkdaşları yaxınlaşıb keçiriləcək əməliyyat-axtarış tədbirində hal şahidi qismində iştirak etməsini təklif etmişlər. Ona polis əməkdaşları bildirmişlər ki, Səbuhi adlı şəxsin Şirvan şəhəri ərazisində narkotik vasitələrin qanunsuz dövriyyəsi ilə məşğul olması barədə məlumat daxil olmuş və bununla əlaqədar olaraq əməliyyat- axtarış tədbiri keçirilir. Onlara etiraz etməmiş və 20 oktyabr 2015-ci il tarixdə polis əməkdaşları ilə birgə saat 16-17 radələrində Şirvan şəhərində yerləşən “Elite” ticarət mərkəzinin qarşısında olmuşlar. Saat 17 radələrində polis əməkdaşların deməsinə görə xarici görünüşündən Səbuhi Məmmədova oxşar şəxs görünən kimi polislərlə birgə ona yaxınlaşmışlar. Polis əməkdaşları özlərini və hal şahidlərini təqdim etmişlər, bundan sonra saxlanılan şəxs özünü təqdim edərək Səbuhi Məmmədov olduğunu bildirmişdir. Polis əməkdaşları onun barəsində narkotik vasitələrin qanunsuz dövriyyəsi ilə məşğul olması barədə məlumat daxil olduğunu bildirərək qərarla onu tanış etmiş, sonra Səbuhi Məmmədovun üzərinə şəxsi axtarış keçirəcəklərini bildirmişlər. O, etiraz etməyib özü əynində olan göy rəngli cins şalvarının arxa sağ cibindən bir ədəd şəffaf selofan bükümü çıxarıb polislərə təqdim etmişdir. Həmin bükümə baxış keçirilən zaman içərisində qəhvəyi rəngli spesifik iyə malik kütlə olduğu məlum olmuşdur. Polislər soruşan zaman Səbuhi Məmmədov bildirmişdir ki, bükümdə olan maddə narkotik vasitə heroindir, həmin heroini Şirvan şəhərində “Elite” ticarət mərkəzinin qarşısında yerləşən 9 istirahət parkında ağacın altından tapmış və üzərində gəzdirmişdir. Şəxsi axtarış zamanı həmçinin əynindəki şalvarın ön sağ cibindən 3 manat pul, bir kibrit qutusu, sol yan cibindən bir ədəd qara rəngli “Samsunq Duos” markalı mobil telefon aşkar edilmişdir. Aşkar edilmiş narkotik vasitə qablaşdırılmış, lakin ətrafda xeyli sayda insanlar toplaşdığına görə polis əməkdaşları bildirdilər ki, protokolun tərtib edilməsi üçün Şirvan şəhər Polis Şöbəsinə getməlidirlər. Sonra onlar Polis Şöbəsinə gəlmiş, ora vəkil dəvət olunaraq onun iştirakı ilə protokol tərtib olunmuşdur. Birinci instansiya məhkəməsində şahid Qurbanov Rəşad Şamil oğlu göstərmişdir ki, 20 oktyabr 2015-ci il tarixdə Səbuhi Məmmədovun cinayət əməllərinin aşkar olunması ilə bağlı keçirilmiş əməliyyat-axtarış tədbirlərində hal şahidi qismində iştirak etmişdir. Polis əməkdaşları ona bildirmişlər ki, Səbuhi Məmmədov adlı şəxs Şirvan şəhəri ərazisində narkotik vasitələrin qanunsuz dövriyyəsi ilə məşğul olur, bununla əlaqədar əməliyyat-axtarış tədbiri keçirilir, tədbir Şirvan şəhərində keçiriləcəkdir. Nəticədə 20 oktyabr 2015-ci ildə saat 16 radələrində Şirvan şəhərində yerləşən “Elite” ticarət mərkəzinin qarşısında olmuşlar. Saat 17 radələrində polis əməkdaşlarının deməsinə görə xarici görünüşündən Səbuhi Məmmədova oxşar şəxs görünən kimi polislərlə birgə ona yaxınlaşmışlar. Polislər özlərini və onları təqdim etmiş, saxlanılan şəxs isə özünü təqdim edərək Səbuhi Məmmədov olduğunu bildirmişdir. Polis əməkdaşları onun barəsində qanunsuz narkotik vasitələrin dövriyyəsi ilə məşğul olması barədə məlumatın olmasını bildirib qərarla onu tanış etmişlər. Bundan sonra polis əməkdaşları Səbuhi Məmmədovun üzərinə şəxsi axtarış keçirəcəklərini bildirmişlər. Səbuhi Məmmədov etiraz etməmiş, əynində olan göy rəngli cins şalvarının arxa sağ cibindən bir ədəd şəffaf selofan bükümü çıxarıb polislərə təqdim etmişdir. Bükümə baxış keçirəndə içərisində qəhvəyi rəngli spesifik iyə malik kütlə olduğu məlum olmuşdur. Polis əməkdaşları soruşan zamanı Səbuhi Məmmədov bildirmişdir ki, təqdim etdiyi bükümdə olan maddə narkotik vasitə heroindir, həmin heroini Şirvan şəhərində “Elite” ticarət mərkəzinin qarşısında yerləşən istirahət parkında ağacın altından tapmış və üzərində gəzdirmişdir. Bundan başqa onun əynində olan şalvarın ön sağ cibindən 3 manat pul, bir kibrit qutusu, sol yan cibindən bir ədəd qara rəngli “Samsunq Duos” markalı mobil telefon aşkar edilmişdir. Aşkar edilmiş narkotik vasitə heroinə bənzər maddə polis əməkdaşları tərəfindən qablaşdırılmış, lakin ətrafda xeyli sayda insanlar toplaşdığına görə polis əməkdaşları bildirmişlər ki, protokolun tərtib olunması üçün Şirvan şəhər Polis Şöbəsinə getməlidirlər. Ona görə də onlar Şirvan şəhər Polis Şöbəsinə gəlmiş, orada vəkil dəvət olunaraq onun iştirakı ilə protokol tərtib olunmuşdur. Birinci instansiya məhkəməsində əlavə şahid qismində ifadə vermiş Məmmədov Elxan Zakir oğlu göstərmişdir ki, o, Şirvan şəhərində yerləşən “Elite” Ticarət Mərkəzində telefon və telefon nömrələrinin satışı mağazasında satıcı işləyir. Sonradan adını bildiyi Məmmədov Səbuhi Xalis oğlu müştəri kimi 20 oktyabr 2015-ci il tarixdə saat 15 radələrində yaxınlaşıb mobil telefon nömrəsi almaq istədiyini bildirmiş, ondan şəxsiyyət vəsiqəsini tələb etdikdə üstündə olmadığını deyib gedib evdən götürüb gələcəyini bildirdi.Təxminən 1 saatdan sonra Məmmədov Səbuhi Xalis oğlu mağazaya qayıtmış, telefon nömrəsini aldığı zaman 4-5 nəfər mülki geyimdə olan şəxslər yaxınlaşıb onun qolundan tutaraq aparmışlar. Birinci instansiya məhkəməsində əlavə şahid qismində ifadə vermiş Əkbərzadə 10 Qumru Ədalət qızı göstərmişdir ki, Şirvan şəhərində yerləşən “Elite” Ticarət Mərkəzində telefon və telefon nömrələrinin satışı mağazasında satıcı işləmişdir. 20 oktyabr 2015-ci il tarixdə sonradan adını bildiyi Məmmədov Səbuhi Xalis oğlu müştəri kimi işlədiyi mağazaya yaxınlaşmış, Məmmədov Səbuhi Xalis oğlu ondan mobil telefon nömrəsi almaq barədə onunla söhbət edən zaman 4-5 nəfər mülki geyimdə olan şəxslər onun qolundan tutaraq aparmışlar. Birinci instansiya məhkəməsində əlavə şahid qismində ifadə vermiş Əkbərov Ədalət Yahya oğlu göstərmişdir ki, Əkbərzadə Qumru Ədalət qızı onun qızıdır. Məmmədov Səbuhi Xalis oğlunun saxlanılmasını bilavasitə görməmiş, qızı Qumrudan eşitmişdir. Birinci instansiya məhkəməsində əlavə şahid qismində ifadə vermiş hazırda İmişli rayon Polis Şöbəsində əməliyyat müvəkkili vəzifəsində işləyən Eyvazov Müşfiq Həsən oğlu göstərmişdir ki, 20 oktyabr 2015-ci ildə Şirvan şəhər Polis Şöbəsində əməliyyat müvəkkili vəzifəsində çalışmışdır. 20 oktyabr 2015-ci il tarixdə DİN-in əməkdaşları ilə birlikdə Şirvan şəhərində «Elite» Ticarət Mərkəzinin qarşısında olan əməliyyat-axtarış tədbirində iştirak etmişdir. Belə ki, DİN-in əməkdaşları Şirvan şəhərini yaxşı tanımadığına görə onlara tədbirin keçirilməsində köməklik etmək məqsədi ilə iştirak etmiş, «Elite» Ticarət Mərkəzinin qarşısında əməliyyat məlumatında narkotik vasitələrin qanunsuz dövriyyəsi ilə məşğul olan şəxs kimi Məmmədov Səbuhi Xalis oğlu saxlanılmış, tədbirdə 3-4 nəfər polis əməkdaşı iştirak etmişdir. Lakin həmin şəxs saxlanandan sonra üzərində axtarış zamanı iştirak etməmişdir. İş materiallarında olan, Azərbaycan Respublikası Ədliyyə Nazirliyi Məhkəmə Ekspertizası Mərkəzinin 21 oktyabr 2015-ci il tarixli 21436 nömrəli rəyinə görə, tədqiqata təqdim edilmiş üzərində: “...Məmmədov Səbuhi Xalis oğlunun üzərindən.” yazısı olan zərfdəki, bir ədəd bükümdə, təmiz çəkisi: 2,865 qram olan maddə tiryəkdən kustar üsulla hazırlanmış – narkotik vasitə heroindir. Heroinin təmiz çəkisi – 2,865 qram, tədqiqata sərf olundu-0,50 qram, qalıq-2,815 qram. İş materiallarında olan, Azərbaycan Respublikası Səhiyyə Nazirliyi Respublika Narkoloji Mərkəzi Ambulator Məcburi-Narkoloji tibbi müayinənin ekspert komissiyasının 11 noyabr 2015-ci il tarixli 2084 nömrəli rəyinə görə təqsirləndirilən şəxs Məmmədov Səbuhi Xalis oğlunda müayinə zamanı narkomaniya xəstəliyinin əlamətləri aşkar olunmayır. Hal-hazırda müayinə zamanı narkomaniya xəstəliyindən əzab çəkmir. Narkomaniyadan məcburi müalicəyə ehtiyacı yoxdur. Ərazi narkoloji dispanserində profilaktik qeydiyyata alınması məsləhət görülür. İş materiallarında olan, sənədlərdən görünür ki, Azərbaycan Respublikası DİN-in Baş Mütəşəkkil Cinayətkarlıqla Mübarizə İdarəsinin İstintaq Şöbəsinin müstəntiqi Hüseynov Şöhrət Mehdi oğlu icraatına daxil olmuş Məmmədov Səbuhi Xalis oğlu haqqında toplanmış materialları nəzərdən keçirib 21 oktyabr 2015-ci il tarixdə saat 13.45-də Bakı şəhərində Məmmədov Səbuhi Xalis oğlu barəsində Azərbaycan Respublikası Cinayət Məcəlləsinin 234.4.3-cü maddəsi ilə cinayət işinin başlanması və icraata qəbul edilməsi haqqında qərar qəbul etmişdir. İş materiallarında olan, baxışın keçirilməsi və maddi sübutun götürülməsi haqqında 20 oktyabr 2015-ci il tarixli protokoldan görünür ki, Şirvan şəhəri, M.Ə.Rəsulzadə küçəsi, 17 nömrəli evin 98 №-li mənzilində qeydiyyatda olan Məmmədov Səbuhi Xalis oğlunun qanunsuz olaraq narkotik vasitə olan heroinin dövriyyəsi ilə məşğul olması 11 barədə məlumat əsasında əməliyyat-axtarış tədbirinin keçirilməsi məqsədi ilə Azərbaycan Respublikası DİN-in Baş Mütəşəkkil Cinayətkarlıqla Mübarizə İdarəsində əməliyyat-axtarış tədbirinin keçirilməsinə dair 20 oktyabr 2015-ci il tarixli qərara əsasən əməliyyat qrupu yaradılmış, əməliyyat məlumatlarında Məmmədov Səbuhi Xalis oğlunun Şirvan şəhərində olması bildirilmişdir. Ona görə də 20 oktyabr 2015-ci il tarixdə saat 16.30 radələrində əməliyyat qrupu ilə birlikdə Şirvan şəhərinin M.Ə.Rəsulzadə küçəsində yerləşən «Elite» ticarət mərkəzinin qarşısında olmuşlar. Saat 17 radələrində zahiri əlamətləri Məmmədov Səbuhi Xalis oğluna bənzər şəxs aşkar olunduqda, həmin şəxsə yaxınlaşıb özlərini təqdim edib polis əməkdaşları olduğunu bildirmiş, həmin şəxsin Məmmədov Səbuhi Xalis oğlu olması müəyyən edilmiş, Səbuhi Məmmədova izah etmişlər ki, onun barəsində narkotik vasitələrin qanunsuz dövriyyəsi ilə məşğul olması barədə məlumat daxil olmasını bildirib qərarla tanış etmişlər. Səbuhi Məmmədovun üzərinə baxış keçirilən zamanı əynində göy rəngli cins şalvarının arxa sağ cibindən bir ədəd şəffaf selofan büküm çıxardaraq onlara təqdim etdi. Həmin bükümə baxış keçirilən zamanı içərisində qəhvəyi rəngli spesifik iyə malik narkotik vasitə olan heroinə bənzər kütlə olması müəyyən edildi. Sorğu zamanı Səbuhi Məmmədov təqdim etdiyi bükümdəki kütlənin narkotik vasitə olan heroin olmasını, heroini Şirvan şəhəri, M.Ə.Rəsulzadə küçəsində yerləşən «Elite» ticarət mərkəzinin qarşısında yerləşən istirahət parkında ağacın altından tapmasını və üzərində gəzdirməsini göstərmiş, bundan başqa onun əynində olan cins şalvarının ön sağ cibindən 3 manat pul, bir ədəd içərisində kibrit dənələri olan kibrit qutusu, sol yan cibindən isə bir ədəd qara rəngli «Samsunq Duos» markalı telefon aşkar olunmuşdur. Aşkar olunan şəffaf bükümdə olun kütlə hal şahidlərinin iştirakı ilə zərfə qoyulmuş, DİN-in 6 nömrəli möhürü ilə möhürlənmiş, protokola maddi sübut kimi əlavə olunmuşdur. Qeyd olunan yerdə çoxlu sayda şəxslərin toplanmasını nəzərə alaraq onlar hal şahidləri ilə birlikdə Şirvan şəhər Polis Şöbəsinə dəvət olunmuş, protokol tərtib edilməzdən əvvəl Şirvan şəhər hüquq məsləhətxanasının vəkili Qasımov İdris İbadulla oğlu dəvət olunmuş, bundan sonra protokol tərtib olunmuşdur. Protokolu saxlanılmış şəxs Səbuhi Məmmədov, müdafiəçi İdris Qasımov, hal şahidləri Rəşad Qurbanov, Müşfiq Əliyev və polis əməkdaşları Hətəm Əliyev və Bəxtiyar Eyvazov imzalamışlar. İş materiallarında olan, müdafiəçi İ.Qasımovun iştirakı ilə verilmiş Məmmədov Səbuhi Xalis oğlu tərəfindən yazılmış 20 oktyabr 2015-ci il tarixli izahatdan görünür ki, Məmmədov Səbuhi Xalis oğlu 20 oktyabr 2015-ci il tarixdə saat 17 radələrində şəxsi işləri ilə əlaqədar Şirvan şəhərində yerləşən «Elite» ticarət mərkəzinin qarşısına gəlməsini, orada mülki geyimdə bir neçə şəxsin ona yaxınlaşaraq vəsiqələrini təqdim edərək polis işçiləri olduqlarını, üzərində narkotik maddə olması barədə məlumat daxil olması, ona görə də üzərinə baxış keçirilməsi, baxışın keçirilməsi barədə qərarla onu tanış etməsi və üzərində hər hansı qanunsuz əşya varsa könüllü təqdim etməsi, baxışın keçirilməsinə etiraz etməməsi, hal şahidlərinin iştirakı ilə üzərinə baxış keçirilən zamanı əynindəki göy rəngli cins şalvarın arxa sağ cibində bir ədəd şəffaf selofan bükümü çıxardıb təqdim etməsi, həmin bükümü 5 gün əvvəl «Elit»in qarşısındakı parkda gəzərkən ağac dibindən tapmasını, içindəkinin heroin olduğunu görüb cibinə qoyub saxlamasını, həmin vaxtdan yadından çıxıb cibində qalmasını, həmin bükümün hal şahidlərinin iştirakı ilə zərfə qoyulması, sonra isə Polis Şöbəsinə getməsini, orada 12 vəkillə təmin olunmasını,vəkilin iştirakı ilə protokolun tərtib olunmasını göstərmişdir. İş materiallarında olan, 21 oktyabr 2015-ci il tarixli ərizədən görünür ki, Məmmədov Səbuhi Xalis oğlu Şirvan şəhər hüquq məsləhətxanasının vəkili Qasımov İdris İbadulla oğlunun hüquqi yardımından imtina etməsini göstərmişdir. Ərizə vəkilin iştirakı ilə yazılmışdır. Vəkilin cinayət prosesində müdafiəçi qismində iştirakına xitam verilməsi haqqında İstintaq şöbəsinin müstəntiqi Şöhrət Hüseynov 21 oktyabr 2015-ci il tarixli qərar qəbul etmişdir. İş materiallarında olan, 5 nömrəli hüquq məsləhətxanasının 21 oktyabr 2015-ci il tarixli orderindən görünür ki, vəkil Əliyev Oktay Məmmədoviç qərar əsasında Məmmədov Səbuhi Xalis oğluna hüquqi yardım göstərmək üçün cəlb edilmişdir. İş materiallarında olan, 21 oktyabr 2015-ci il tarixli şübhəli şəxsi dindirmə protokolundan görünür ki, müdafiəçi Əliyev Oktay Məmmədoviçin iştirakı ilə Məmmədov Səbuhi Xalis oğlu ifadə verərək göstərmişdir ki, tutulduğu gündən 5 gün əvvəl axşam saatlarında Şirvan şəhərində yerləşən «Elite» ticarət mərkəzinin qarşısındakı parkda gəzərkən ağacın yaxınlığından bir ədəd büküm görmüş, axşam tərəfi olduğu üçün bir qədər parıldağından maraq yarandığına görə onu götürüb içərisinə baxmış, içərisində toz şəkilli, qəhvəyi rəngli maddənin olmasını görmüşdür. Narkotik vasitədən satmamış və ya istifadə etməmiş, lakin ona baxan kimi bilmişdir ki, o, narkotik vasitə heroindir, çünki onu televizorda görmüşdür. Onu götürüb cibinə qoymuş, sonradan polisə təhvil vermək istəyirdi. Lakin o yadından çıxmış, cibində qalmışdır. 20 oktyabr 2015-ci il tarixdə saat 17 radələrində Şirvan şəhərində yerləşən «Elite» ticarət mərkəzinin qarşısında olarkən ona bir neçə mülki geyimdə olan şəxslər yaxınlaşmış, özlərini polis əməkdaşları olduqlarını təqdim etmiş, yanlarında iki nəfər hal şahidlərinin iştirakı ilə üstünə baxış keçirəcəklərini bildirmişlər. Etiraz etməmiş, özü əynində olan göy rəngli cins şalvarının arxa sağ cibindən 1 ədəd tapmış olduğu bükümü polislərə təqdim etmişdir. Polislərə bildirmişdir ki, aşkar olunmuş maddə heroindir, narkotik vasitəni 5 gün əvvəl parkdan tapmışdır. Protokolda “ifadəmi oxudum, əlavəm yoxdur, mənim sözlərimlə doğru yazılıb, imzamla təsdiq edirəm” qeyd etmişdir. İş materiallarında olan, təqsirləndirilən şəxs qismində cəlb etmək haqqında 22 oktyabr 2015-ci il tarixli qərardan görünür ki, Məmmədov Səbuhi Xalis oğlu təqsirləndirilən şəxs qismində cəlb olunmuş və ona Azərbaycan Respublikası Cinayət Məcəlləsinin 234.4.3-cü maddəsində nəzərdə tutulan ittiham elan edilmişdir. Qərar təqsirləndirilən şəxs Səbuhi Məmmədova müdafiəçi Oktay Əliyevin iştirakı ilə elan edilmişdir. İş materiallarında olan, 22 oktyabr 2015-ci il tarixli təqsirləndirilən şəxsin dindirmə protokolundan görünür ki, Məmmədov Səbuhi Xalis oğlu müdafiəçi Oktay Əliyevin iştirakı ilə ifadə verərək şübhəli şəxs qismində verdiyi ifadəni təkrarlayaraq narkotik vasitə olan heroini tutulduğu gündən 5 gün əvvəl tapmasını, üzərində gəzdirməsini, polis əməkdaşları tərəfindən saxlanılarkən üzərinə şəxsi axtarış keçirilərkən narkotik vasitəni özü təqdim etməsini etiraf etmişdir. Protokolda «ifadəmi oxudum, əlavəm yoxdur, mənim sözlərimlə doğru yazılıb, imzamla təsdiq edirəm» qeyd etmişdir. İş materiallarında olan, həbs qətimkan tədbirinin seçilməsi barədə Bakı şəhəri Nərimanov Rayon Məhkəməsinin 22 oktyabr 2015-ci il tarixli qərarından görünür ki, 13 Məmmədov Səbuhi Xalis oğlu məhkəmə iclasında çıxışında törədilmiş cinayətdə özünü təqsirli hesab etmişdir. İş materiallarında olan, 5 nömrəli hüquq məsləhətxanasının 04 noyabr 2015-ci il tarixli orderindən görünür ki, vəkil Əkbərova Svetlana Cumar qızı müqavilə əsasında Məmmədov Səbuhi Xalis oğluna hüquqi yardım göstərmək üçün cəlb edilmişdir. İş materiallarında olan, 05 fevral 2016-cı il tarixli ərizədən görünür ki, Məmmədov Səbuhi Xalis oğlu dövlət hesabına təyin edilmiş vəkil Oktay Əliyevdən imtina etmişdir. İş materiallarında olan, cinayət işinin başlanmasının rədd edilməsi haqqında 06 fevral 2016-cı il tarixli qərardan görünür ki, Məmmədov Səbuhi Xalis oğlunun polis əməkdaşları tərəfindən işgəncələrə məruz qalması və ona qarşı digər qanunsuz hərəkətlərə yol verilməsi barədə göstərdiyi xüsusatlar araşdırma zamanı öz təsdiqini tapmadığından toplanmış material üzrə cinayət işi başlanması rədd edilmiş, qərarın surəti Bakı İstintaq Təcridxanasında saxlanılan təqsirləndirilən şəxs Məmmədov Səbuhi Xalis oğluna və müdafiəçisi Əkbərova Svetlana Cumar qızına poçt vasitəsilə göndərilmişdir. İş materiallarında olan, 12 mart 2016-cı il tarixli qəbzdən görünür ki, Məmmədov Azər Xalis oğlu qardaşı Səbuhi Məmmədova məxsus olan 1 ədəd «Samsunq» markalı mobil telefonu, 3 manat pulu və 1 ədəd kibrit qutusunu müstəntiq Şöhrət Hüseynovdan almışdır. İş materiallarında olan, sübutların qiymətləndirilməsi və cinayət işi üzrə əməlin tövsif edilməsi haqqında 19 mart 2016-cı il tarixli qərardan görünür ki, Məmmədov Səbuhi Xalis oğlunun əməli Cinayət Məcəlləsinin 234.1-ci maddəsinə tövsif edilmişdir. İş materiallarında olan, təqsirləndirilən şəxsə yenidən ittihamın elan edilməsi haqqında 29 mart 2016-cı il tarixli qərardan görünür ki, Məmmədov Səbuhi Xalis oğlu təqirləndirilən şəxs qismində cəlb olunmuş və ona Azərbaycan Respublikası CM-in 234.1-ci maddəsi ilə yenidən ittiham elan edilmişdir. İş materiallarında olan, 29 mart 2016-cı il tarixli təqsirləndirilən şəxsi əlavə dindirmə protokolundan görünür ki, Məmmədov Səbuhi Xalis oğlu istintaq zamanı verdiyi ifadəni bir daha təsdiq edərək, üstündə narkotik vasitənin olmasını, onu tapmasını, məqsədinin onu polisə vermək olmasını, sadəcə olaraq yadından çıxmasını göstərmişdir. İbtidai araşdırmaya prosessual rəhbərliyi həyata keçirən prokuror tərəfindən qəbul edilmiş 06 fevral 2016-cı il tarixli cinayət işinin başlanmasının rədd olunması barədə qərara isə münasibət bildirərək göstərmişdir ki, ona ilkin olaraq irəli sürülmüş ittiham üzrə özünü təqsirli bilməmiş, ona görə də şikayət etmiş, hazırda isə ona elan olunmuş ittiham üzrə razı olmasını və özünü təqsirli bilməsini göstərmişdir. Ona görə də heç bir şikayəti yoxdur. Əlavə dindirmə müdafiəçi S.Əkbərovanın iştirakı ilə aparılmışdır. Azərbaycan Respublikasının 28 iyun 2005-ci il tarixli Qanunu ilə təsdiq olunmuş «Şəxsin cinayət məsuliyyətinə cəlb edilməsi üçün kifayət edən narkotik vasitələrin və psixotrop maddələrin miqdarına, habelə onların külli miqdarına görə» Siyahılara əsasən dərman preparatı kimi beynəlxalq adı «heroin» olan maddə narkotik vasitədir, heroinin 0,15 qramdan artıq hissəsi şəxsi istehlak miqdarından artıq miqdar, 2 qramı və ya ondan artıq hissəsi (təmiz halda qramlarla) külli miqdar hesab olunur.
14 «Narkotik vasitələrin, psixotrop maddələrin və onların prekursorlarının dövriyyəsi haqqında» Azərbaycan Respublikasının 25 iyun 2005-ci il tarixli Qanununun tələblərinə və izahına əsasən isə həyata keçirilməsi üsulundan asılı olmayaraq, qanunvericiliklə müəyyən edilmiş qaydaları pozmaqla narkotik vasitələrin və psixotrop maddələrin alınmasına, hədiyyə və ya qarşılıqlı hesablaşma vasitəsi kimi qəbul edilməsinə, başqa mallara və əşyalara dəyişdirilməsinə, mənimsənilməsinə və ya hər hansı digər üsulla onlara yiyələnməyə yönəldilmiş bütün hərəkətlər narkotik vasitələrin və psixotrop maddələrin qanunsuz əldə edilməsi (mad.1.0.9); məqsədindən asılı olmayaraq qanunvericiliklə müəyyən edilmiş qaydaları pozmaqla şəxsin idarəçiliyində olan narkotik vasitələrin və psixotrop maddələrin öz sərəncamında saxlanmasına yönəldilmiş bütün hərəkətlər isə narkotik vasitələrin və psixotrop maddələrin qanunsuz saxlanması (mad.1.0.10); həyata keçirilməsi üsulundan asılı olmayaraq qanunvericiliklə müəyyən edilmiş qaydaları pozmaqla narkotik vasitələrin və psixotrop maddələrin yerinin dəyişdirilməsinə yönəldilmiş bütün hərəkətlər narkotik vasitələrin və psixotrop maddələrin qanunsuz daşınması (mad.1.0.8) hesab edilir. Bundan əlavə, həmin Qanunun 1.0.11-ci maddəsinə əsasən, miqdarından asılı olmayaraq Azərbaycan Respublikası qanunvericiliyi ilə müəyyən edilmiş qaydaları pozmaqla narkotik vasitələrin və psixotrop maddələrin əvəzli və ya qazanc əldə etmək, yaxud digər şəxsi maraq məqsədi ilə yayılmasına yönəldilmiş hərəkətlər--narkotik vasitələrin və psixotrop maddələrin qanunsuz satılması hesab edilir. «Narkotik vasitələrin, psixotrop maddələrin və ya onların prekursorlarının qanunsuz dövriyyəsinə dair cinayət işləri üzrə məhkəmə təcrübəsi haqqında» Azərbaycan Respublikası Ali Məhkəməsi Plenumunun 04 mart 2011-ci il tarixli 2 nömrəli Qərarının 2-ci bəndində göstərilir ki, məhkəmələrə izah olunsun ki, belə işlərə baxılarkan «Narkotik vasitələrin, psixotrop maddələrin və onların prekursorlarının dövriyyəsi haqqında» 28 iyun 2005-ci il tarixli Azərbaycan Respublikası Qanununun 1- ci maddəsində şərh verilmiş anlayışlara dair müddəalar tətbiq edilsin.
Azərbaycan Respublikası Konstitusiyasının 125-ci maddəsinin VII hissəsinə əsasən, məhkəmə icraatı həqiqətin müəyyən edilməsini təmin etməlidir. Konstitusiyanın 129-cu maddəsinin III hissəsinə görə, məhkəmə qərarı qanuna və sübutlara əsaslanmalıdır. Azərbaycan Respublikasının CPM-in 28.5-ci maddəsinə əsasən, şəxsin cinayət törətməkdə təqsirli olmasına dair məhkəmə qərarı mülahizələrə əsaslana bilməz və işə aid biri digərinə kifayət qədər uyğun gələn mötəbər sübutların məcmusu ilə təsdiq olunmalıdır. Həmin Məcəllənin 144-cü maddəsinə əsasən, cinayət təqibi üzrə toplanmış sübutlar tam, hərtərəfli və obyektiv yoxlanılmalıdır. Yoxlama zamanı cinayət təqibi üzrə toplanmış sübutlar təhlil olunur və bir-biri ilə müqayisə edilir, yeni sübutlar toplanır, əldə olunmuş sübutların mənbəyinin mötəbərliliyi müəyyənləşdirilir. Həmin Məcəllənin 145.1-ci maddəsinə əsasən, hər bir sübut mənsubiyyəti, mümkünlüyü mötəbərliyi üzrə qiymətləndirilməlidir. Cinayət təqibi üzrə toplanmış bütün sübutların məcmusuna isə ittihamın həlli üçün onların kifayət etməsinə əsasən qiymət verilməlidir.
15 Həmin Məcəllənin 145.2-ci maddəsinə əsasən, hakim qanunu və vicdanını rəhbər tutaraq sübutların məcmusunu hərtərəfli, tam və obyektiv baxılmasına əsaslanmaqla öz daxili inamına görə sübutları qiymətləndirir. Həmin Məcəllənin 146.1-ci maddəsinə əsasən, cinayət təqibi üzrə toplanmış sübutların kifayət etməsi dedikdə, müəyyən edilməli hallar üzrə mümkün sübutların elə bir həcmi nəzərdə tutulur ki, onlar sübutetmə predmetinin müəyyən edilməsi üçün mötəbər və yekun nəticəyə gəlməyə imkan verir. Həmin Məcəllənin 318.1-ci maddəsinə əsasən məhkəmə baxışı zamanı cinayət işinə, məhkəməyədək sadələşdirilmiş icraatın materiallarına və ya xüsusi ittiham qaydasında şikayətə yalnız təqsirləndirilən şəxsə qarşı irəli sürülmüş və ya məhkəməyə verilən ittiham daxilində baxılır. Həmin Məcəllənin 349.5.1-ci maddəsinə əsasən məhkəmənin gəldiyi nəticələr yalnız məhkəmə istintaqında tədqiq edilmiş sübutlara əsaslanmalıdır. «Məhkəmə hökmü haqqında» Azərbaycan Respublikası Ali Məhkəməsi Plenumunun 27 dekabr 1996-cı il tarixli 4 nömrəli Qərarının 2-ci bəndində qeyd olunur ki, izah edilsin ki, cinayət-prosessual qanunvericiliyinə uyğun olaraq məhkəmənin hökmü yalnız məhkəmə iclasında bilavasitə təhqiq olunan sübutlara əsaslana bilər. Qanunun məzmununa görə, məhkəmə öz nəticələrini şərh edərkən, iş üzrə toplanılan, lakin məhkəmə iclasında təhqiq edilməyən və məhkəmə iclas protokolunda öz əksini tapmayan sübutlara istinad edə bilməz. Müttəhimin, zərərçəkmişin, şahidlərin təhqiqat, ibtidai istintaq və ya başqa məhkəmə iclasında verdikləri ifadələrə o vaxt istinad etmək olar ki, onlar məhkəmə iclasında elan edilməklə yanaşı, başqa sübutlarla müqayisəli şəkildə təhqiq edilmiş olsun. Cinayət işinin materiallarından görünür ki, ibtidai araşdırma zamanı yuxarıda sadalanan sübutların əldə olunması, həmçinin həmin sübutların birinci instansiya məhkəməsi tərəfindən tam, hərtərəfli və obyektiv araşdırılması zamanı hər hansı bir qanun pozuntusuna yol verilməmiş, işə Şirvan Şəhər Məhkəməsi tərəfindən ağlabatan müddətdə baxılmış, məhkəmə baxışı zamanı yolverilməz sübutlardan istifadə olunmamış, cinayət prosesinin iştirakçıları tərəfindən təqdim edilmiş sübutların tədqiqindən əsassız olaraq imtina edilməmiş və proses iştirakçılarının, o cümlədən məhkum edilmiş şəxsin qanunvericilikdə nəzərdə tutulmuş bütün hüquqlarından tam həcmdə istifadə etməsi üçün kifayət qədər imkan və şərait yaradılmışdır. Azərbaycan Respublikası Konstitusiya Məhkəməsinin Plenumunun «Azərbaycan Respublikası Cinayət Məcəlləsinin 244.1-ci maddəsinin şərh edilməsinə dair» 17 mart 2011-ci il tarixli Qərarında qeyd edilmişdir ki, cinayətin tövsifi törədilən konkret cinayət əməlinin cəhətləri ilə cinayət-hüquq normasının dispozisiyasında nəzərdə tutulan tərkib əlamətləri arasında uyğunluğu müəyyən etməklə, müvafiq prosessual sənəddə öz əksini tapan və cinayət-hüquqi nəticələrə səbəb olan əmələ verilən cinayət hüquqi qiymətdir. Beləliklə, məhkəmə kollegiyası hesab edir ki, cinayət hadisəsi baş vermişdir və Məmmədov Səbuhi Xalis oğlunun əməllərində Azərbaycan Respublikası CM-nin CM- nin 234.1-ci maddəsinin tərkib əlamətləri vardır. Yəni iş materialları tədqiq edilərkən, eləcə də apellyasiya instansiyası üzrə məhkəmə baxışı zamanı iş üzrə cinayət təqibini istisna edən, eləcə də törədilmiş əməllərin tövsifini zəruri edən hallar müəyyən
16 edilməmişdir. S.X.Məmmədovun əməlləri həm ibtidai istintaq orqanı, həm də birinci instansiya məhkəməsi tərəfindən düzgün tövsif edilmişdir. Odur ki, məhkəmə kollegiyası birinci instansiya məhkəməsinin «təqsirləndirilən şəxsin əməlinə hüquqi qiymət verərək, məhkəmə yuxarıda qeyd olunanları nəzərə alıb və məhkəmə istintaqında tədqiq edilmiş sübutlara əsaslanaraq, belə bir nəticəyə gəlir ki, Məmmədov Səbuhi Xalis oğlu 20 oktyabr 2015-ci il tarixdə saat 17 radələrində 2,865 qram olan narkotik vasitə heroini üstündə saxlamaqla Şirvan şəhərinin M.Ə.Rəsulzadə küçəsində yerləşən “Elite” Ticarət Mərkəzinin qarşısına daşımış, həmin əməl isə Azərbaycan Respublikası CM-nin 234.1-ci maddəsinin tərkibini yaradır» qənaətini qanuni və əsaslı hesab edir. Lakin məhkəmə kollegiyasının qənaətinə görə, birinci instansiya məhkəməsi Məmmədov Səbuhi Xalis oğluna Azərbaycan Respublikası CM-nin 234.1-ci maddəsi ilə cəza təyin edərkən cinayətin xarakterini və ictimai təhlükəlilik dərəcəsini, cəzanı yüngülləşdirən və ağırlaşdıran halları, o cümlədən Səbuhi Məmmədovun ilk dəfə az ağır cinayətin törətməsini, himayəsində bir nəfər azyaşlı uşağının olmasını iş üzrə cəzanı yüngülləşdirən hallar olmasını və iş üzrə cəzanı ağırlaşdıran halların olmamasını, habelə təyin olunmuş cəzanın onun ailəsinin həyat şəraitinə təsirini lazımınca nəzərə almamışdır. Odur ki, məhkəmə kollegiyası məhkum edilmiş şəxs Məmmədov Səbuhi Xalis oğlunun müdafiəçisi Əhmədova Ulduzə Mehdi qızı apellyasiya şikayətinin dəlillərini qismən məqbul sayır və hesab edir ki, S.X.Məmmədova cəza təyini ilə bağlı birinci instansiya məhkəməsinin gəldiyi nəticə cəza təyin edilməsinin Azərbaycan Respublikası CM-nin 41
və 58-ci maddələrində təsbit olunmuş prinsiplərinə uyğun olmamışdır. İş materiallarında olan, Azərbaycan Respublikası Daxili İşlər Nazirliyinin BƏSI İdarəsi tərəfindən verilmiş 30 oktyabr 2015-ci il tarixli tələbnaməyə əsasən Məmmədov Səbuhi Xalis oğlu əvvəllər məhkum olunmamışdır. İş materiallarında olan, Şirvan şəhər İcra hakimiyyəti Başçısının 1 Nömrəli Sahə İnzibati Ərazi Dairəsi üzrə Nümayəndəliyinin 13.11.2015-ci il tarixli 7488 nömrəli arayışdan görünür ki, Məmmədov Səbuhi Xalis oğlunun himayəsində yetkinlik yaşına çatmayan uşağı (2015-ci il təvəllüdlü Məmmədli Ramal Səbuhi oğlu) vardır. Azərbaycan Respublikası CM-nin 58.1-ci maddəsinə görə, cinayət törətməkdə təqsirli bilinən şəxsə, bu Məcəllənin Ümumi hissəsinin müddəaları nəzərə alınmaqla Xüsusi hissəsinin müvafiq maddələrində nəzərdə tutulmuş hədlərdə ədalətli cəza təyin edilir. Həmin Məcəllənin 58.3-cü maddəsinə əsasən, cəza təyin edilərkən cinayətin xarakteri və ictimai təhlükəlilik dərəcəsi, təqsirkarın şəxsiyyəti, o cümlədən cəzanı yüngülləşdirən və ağırlaşdıran hallar, habelə təyin olunmuş cəzanın şəxsin islah olunmasına və onun ailəsinin həyat şəraitinə təsiri nəzərə alınır Yüklə 235,36 Kb. Dostları ilə paylaş:
|