RİnzasiP ®
Yüklə 26,69 Kb. Pdf görüntüsü
|
- Bu səhifədəki naviqasiya:
- Beynəlxalq patentləşdirilməmiş adı
- ATC kodu
- İstifadəsinə göstərişlər
- Digər dərman vasitələri ilə qarşılıqlı təsiri
- Hamiləlik və laktasiya dövründə istifadəsi
- Saxlanma şəraiti
- Aptekdən buraxılma şərti
|
Dərman vasitəsinin istifadəsi üzrə təlimat (xəstələr üçün)
® daxilə qəbul edilən məhlul hazırlamaq üçün toz (portağallı, limonlu, qara qarağatlı) RINZASIP ®
Beynəlxalq patentləşdirilməmiş adı: Caffeine + Paracetamol + Phenylephrine + Pheniramine
Təsiredici maddələr: hər saşenin (5 q) tərkibində 30 mq kofein, 750 mq parasetamol, 10 mq fenilefrin hidroxlorid, 20 mq feniramin maleat vardır. Köməkçi maddələr: portağallı toz: limon turşusu, natrium saxarin, natrium sitrat, saxaroza, günəş qürubu sarısı rəngləyicisi, portağal dadvericisi; limonlu toz: limon turşusu, natrium saxarin, natrium sitrat, saxaroza, xinolin sarısı rəngləyicisi, limon dadvericisi; qara qarağatlı toz: limon turşusu, natrium saxarin, natrium sitrat, saxaroza, azorubin rəngləyicisi, meyvə dadvericisi (Tutti Frutti), moruq dadvericisi, qara qarağat dadvericisi.
Portağallı toz: açıq-narıncı rəngdən narıncı rəngə kimi ağ və narıncı hissəcikli toz; Limonlu toz: açıq-sarı rəngdən sarı rəngə kimi ağ və sarı hissəcikli toz; Qara qarağatlı toz: çəhrayı rəngdən çəhrayı-qırmızı rəngə kimi ağ və qırmızı hissəcikli toz;
KRX və “soyuqdəymə” simptomlarının aradan qaldırılması üçün vasitə (qeyri-narkotik analgetik + psixostimulyator + alfa-adrenostimulyator + Н 1 -histamin reseptorlarının blokatoru). ATC kodu: N02BE71
Kombinəolunmuş preparatdır. Kofein mərkəzi sinir sisteminə stimuləedici təsirə malikdir, hansı ki, yorğunluğun və yuxululuğun azalmasına, əqli və fiziki işgörmə qabiliyyətinin yüksəlməsinə gətirib çıxarır. Parasetamol qızdırmasalıcı və ağrıkəsici təsir göstərir: soyuqdəymə hallarında müşayiət olunan ağrı sindromunu azaldır - boğaz ağrısını, baş ağrısını, əzələ və oynaq ağrılarını, yüksək temperaturu aşağı salır. Fenilefrin damardaraldıcı təsir göstərir – tənəffüs yollarının yuxarı hissələrinin və əlavə ciblərin selikli qişalarının ödem və hiperemiyasını azaldır. Feniramin allergiya əleyhinə təsir göstərir: gözlərdə, burunda və boğazda qaşınmanı, burun boşluğunun, burun-udlaq və burunətrafı ciblərin selikli qişasında ödem və hiperemiyanı aradan qaldırır, ekssudativ təzahürləri azaldır.
Soyuqdəymə xəstəliklərinin, qripin, KRVİ-nin (titrəmə sindromu, ağrı sindromu, rinoreya) simptomatik müalicəsi.
Yüksək həssaslıq; eyni zamanda tərkibində preparatın tərkibinə daxil olan maddələr olan digər preparatların qəbulu; eyni zamanda trisiklik antidepressantların, monoaminoksidazanın inhibitorlarının, beta- adrenoblokatorların qəbulu; saxaroza/izomaltoza çatışmazlığı, fruktozaya dözümsüzlük, qlükoza-qalaktoza malabsorbsiyası; hamiləlik, laktasiya dövrü; uşaq yaş dövrü (15 yaşa kimi).
MAO inhibitorlarının, sedativ preparatların, etanolun effektini gücləndirir. Antidepressantlar, Parkinson xəstəliyi əleyhinə vasitələr, antipsixotik vasitələr, fenotiazin törəmələri sidik ləngiməsinin, ağızda quruluğun, qəbizliyin inkişaf riskini yüksəldir. Qlükokortikosteroidlər qlaukomanın inkişaf riskini artırır. Parasetamol diuretik preparatların effektivliyini aşağı salır. Feniramin eyni zamanda MAO inhibitorları, furazolidon ilə hipertonik krizə, qıcıqlanmaya, hiperpireksiyaya gətirib çıxara bilər. Tritsiklik antidepressantlar fenilefrinin adrenomimetik təsirini gücləndirir, eyni zamanda halotan ilə təyini mədəcik aritmiyasının inkişaf riskini yüksəldir. Preparat quanetidinin hipotenziv təsirini aşağı salır, hansı ki, öz növbəsində fenilefrinin adrenomimetik aktivliyini gücləndirir. Barbituratlar, difenin, karbamazepin, rifampisin və qaraciyərin mikrosomal fermentlərinin digər induktorları ilə preparatın eyni zamanda təyini zamanı parasetamolun hepatotoksik təsirinin inkişaf riski yüksəlir.
feoxromositoma, şəkərli diabet, bronxial astma, ağciyərlərin xroniki obstruktiv xəstəliyi, qlükoza-6- fosfatdehidrogenazanın çatışmazlığı, qan xəstəlikləri, anadangəlmə hiperbilirubinemiyalar (Jilber, Dubin- Conson və Rotor sindromları), qaraciyər və/və ya böyrək çatışmazlığı, bağlıbucaqlı qlaukoma, prostat vəzinin hiperplaziyası. Terapevtik effekt olmadıqda (3 gündən artıq müddətdə hipertermiya və 5 gündən artıq müddətdə ağrı sindromu) həkimə müraciət edin. Preparatın tərkibində şəkər vardır, bunu şəkərli diabet olan xəstələr, həmçinin aşağı kalorili pəhrizdə olan şəxslər nəzərə almalıdırlar.
Müalicə zamanı alkoqolun, yuxugətiricilərin və anksiolitik (trankvilizatorlar) dərman vasitələrinin qəbulundan uzaq olmaq lazımdır. Tərkibində parasetamol olan digər dərman vasitələri ilə birlikdə qəbul etməyin. Diqqətin konsentrasiyasını, fiziki və psixi reaksiyaların yüksək sürətini tələb edən işlərin icrası zamanı ehtiyatlı olmaq lazımdır. Əgər xəstəliyin simptomları 3-5 gün müddətində keçməzsə, həkimə müraciət edin. Əgər dərman vasitəsi yararsız hala düşərsə və ya istifadə müddəti bitərsə, onu çirkab sularına və ya küçəyə tullamayın! Dərman vasitəsini paketə yerləşdirin və zibil qutusuna atın. Bu tədbirlər ətraf mühiti qorumağa kömək edəcək!
Preparat hamiləlik və laktasiya dövründə əks göstərişdir.
Preparatın qəbulu zamanı nəqliyyat vasitələrinin idarə edilməsindən və yüksək konsentrasiyalı diqqət və psixomotor reaksiyaların tezliyini tələb edən digər potensial təhlükəli fəaliyyət növləri ilə məşğul olmaqdan kənar olmaq lazımdır.
Daxilə.
Bir saşenin (paketin) möhtəviyyatını stəkana tökmək, üzərinə isti su əlavə etmək, tam həll olana kimi qarışdırmaq və içmək (istəyə görə şəkər və ya bal əlavə etmək olar). Preparatı kifayət qədər su ilə qida qəbulundan 1-2 saat sonra qəbul etmək lazımdır. Böyüklər və 15 yaşdan yuxarı uşaqlar üçün: qəbullar arasındakı interval 4-6 saat olmaqla bir paketdən gündə 3-4 dəfə qəbul edilməlidir. Maksimal sutkalıq doza - 4 paketdir. Müalicə kursu 5 gündən çox olmamalıdır.
Allergik reaksiyalar: dəri səpgisi, qaşınma, övrə, angionevrotik ödem. Sinir sisteminə: başgicəllənmə, yuxuya getmənin pozulması, yüksəlmiş oyanıqlıq. Ürək-damar sisteminə: arterial təzyiqin yüksəlməsi, taxikardiya. Həzm sisteminə: ürəkbulanma, qusma, epiqastral nahiyədə ağrı, ağız boşluğunun selikli qişasının quruluğu, hepatotoksik təsir. Hissiyyat orqanlarına: midriaz, akkomodasiyanın parezi, gözdaxili təzyiqin yüksəlməsi. Qanyaranma sisteminə: anemiya, trombositopeniya, aqranulositoz, hemolitik anemiya, aplastik anemiya, methemoqlobinemiya, pansitopeniya. Sidik çıxarıcı sistemə: sidiyin ləngiməsi, nefrotoksiklik (papillyar nekroz). Digər: bronxospazm.
Preparatın doza həddinin aşılması bir qayda olaraq parasetamolla əlaqədardır, sonuncunun 10-15 q-dan artıq qəbulundan sonra biruzə verir. Dəri örtüklərinin avazıması, anoreksiya, ürəkbulanma, qusma; hepatonekroz; “qaraciyər“ transaminazalarının aktivliyinin yüksəlməsi, protrombin müddətinin uzanması mümkündür. Doza həddinin aşılması meydana çıxan kimi təcili həkimə müraciət etmək lazımdır. Müalicəsi: mədənin yuyulmasından sonra aktivləşdirilmiş kömürün qəbulu; simptomatik müalicə, doza həddinin aşılmasından sonra 8-9 saat müddətində metioninin və 12 saat müddətində N-asetilsisteinin yeridilməsi.
Daxilə qəbul edilən məhlul hazırlamaq üçün toz (portağallı, limonlu, qara qarağatlı).
5 q olmaqla polietilen və poliesterlə laminəolunmuş, alüminium folqadan olan saşedə. 5, 10 və ya 25 saşe içlik vərəqə ilə birgə karton qutuya qablaşdırılır.
25ºС-dən yuxarı olmayan temperaturda, quru və uşaqların əli çatmayan yerdə saxlamaq lazımdır.
3 il.
Yararlılıq müddəti bitdikdən sonra istifadə etmək olmaz.
Reseptsiz buraxılır.
İstehsalçı «Yunik Farmasyutikal Laboratoriz» («C.B. Kemikals & Farmasyutikals MMC» - nin bölməsi) Vorli, Mumbay - 400 030, Hindistan
Sahə № 101/2 & 102/1, Daman İndastrial Esteit, Kadaiya, Daman - 396 210, Hindistan
«Conson və Conson» MMC Rusiya, 121614, Moskva ş., Krılatskaya küç., 17, tikinti 2; tel: (495) 726-55-55 www.rinza.ru Yüklə 26,69 Kb. Dostları ilə paylaş:
|