Tema: Dóretiwshilik materiallar tayarlaw ha'm joybarlar menen islew

Tema: Dóretiwshilik materiallar tayarlaw ha'm joybarlar menen islew.

Joba:
1. Proektlestiriw procesi jáne onıń bilimlendiriwge tiyisli mazmunı, oqıw joybarınıń metodikalıq usılı.

2. Proektlestiriw iskerligin orınlaw basqıshları.

3. Joybar jumısı tuwrısında esabatqa tayarlıq boyınsha qollanba

4. Joybarlar ekspertizasi, ha'm do'retiwshilik jumısların bahalaw sisteması


1. Proektlestiriw procesi jáne onıń bilimlendiriwge tiyisli mazmunı, oqıw joybarınıń metodikalıq usılı.
Joybar — 1) qandayda bir jay, qurılıstı qurıw maqsetinde yamasa arnawlı bir buyımdı jaratılıwına baylanıslı tayarlanǵan hújjetler (esap -kitaplar, sızılma, maketler) kompleksi. Málim bir jay yamasa qurılıstıń joybarı jalǵız tártipte yamasa birdey úlgide bolıwı múmkin. Házirde túrli shólkemlerdiń joybar buyırtpaların orınlawshı arnawlı hám proektlestiriw institutları, kafedra hám basqa dóretiwshilik awqamlar ámelde; 2) qandayda bir hújjettiń aldınan dúzilgen teksti; 3) joba, móljel, ideya.
Joybar — jalǵız tártipte yamasa sheriklikte ámelge asırilatuǵın, izertlew yamasa dizayndı óz ishine alǵan, málim bir maqsetke erisiw ushın ıqtıyatlılıq menen joybarlastırılǵan hár qanday ǵayrat.
Basqarıw kózqarasınan joybardıń alternativ kórinisi waqıyalar izbe-izligine tiykarlanadı: „belgilengen waqıt dawamında hám málim ǵárejetler hám basqa sheklewler sheńberinde orınlanıwı kerek bolǵan óz-ara baylanıslı wazıypalar kompleksi“.
Joybar waqtınshalıq social sistema (miynet sisteması ) bolıwı múmkin, itimal waqıt sheklewleri astında arnawlı bir wazıypalardı orınlaw ushın jámáátler menen támiyinlengen boladı
Joybar programma basqarıwdıń bir bólegin uyımlastırıwı múmkin yamasa arnawlı sistema retinde islewi múmkin.
Joybar mashqala, mútajlik, qálew yamasa qolaysızlıq dáregi (mısalı, bınada tuwrı ventilyatsiya joq ekenligi) menen dus kelip aqıl etilgen múmkinshilikten kelip shıqqan anıq hám sho'lkemlesken háreketlerden ibarat. Ol ónim, xızmet, process yamasa birpara jaǵdaylarda ilimiy izertlew sıyaqlı kem ushraytuǵın hám innovaciyalıq ónimdi ámelge asırıwǵa ıntıledı. Hár bir joybardıń baslanıwı hám aqırı bar. Ol joybardı basqarıwdıń 4 punkti boyınsha islep shıǵılǵan : Joba, processler, adamlar hám kúsh (mısalı, kepillik sheńberi). Ol úsh qıylı sheklewler menen baylanısqan bolıp, olar kalendar, ǵárejetler hám sapa normaları. Olardıń hár biri joybardıń turmıs aylanıwı dawamında obiektiv túrde anıqlanıwı hám ólsheniwi múmkin. Birpara joybarlar rásmiy hújjetlerdi, nátiyjelerdi hám unamlı yamasa unamsız bolıwı múmkin bolǵan birpara tásirlerdi islep shıǵaradı.
Dóretiwshilik joybar ideyadan ámelge asırilatuǵın hám oqıtıwshınıń minimal qatnasıwı menen ǵárezsiz túrde islep shıǵarılǵan ónim bolıp tabıladı. Bul sizdiń dóretiwshilik juwmaqlawshı jumısıńız.
Házirginde tálim processinde innovaciyalıq texnologiyalardan, jáhán pedagogikasinin' aldıńǵı metodlarınan nátiyjeli paydalanıw aktual máselelerden bolıp, joybar metodı tálim aldıńǵı usılların ózinde sáwlelendirgen.
Proektlestiriw - aldindag'ı iskerlik modelin dúziw, ámeldegi sharayatlarda ornatılǵan waqıt dawamında jol hám qurallardı tańlaw ushın, maqsetke erisiw basqıshların ajıratıw, olar ushın bólek wazıypalardı qáliplestiriw, oqıw informaciyasın jetkiziw quralı hám jolların anıqlaw usılı bolıp tabıladı. Tálim alıwshılar joqarı dárejede, basqa oqıtıw usıllarınan paydalanıwǵa qaraǵanda, joybarlawda, shólkemlestiriwde, qadaǵalawda, analiz qılıw hám wazıypanı orınlaw nátiyjelerin bahalawda qatnasadı. Oqıw joybarlar usılı ta'lim alıwshılarǵa mashqalanı, boljaw, wazıypalardı ańlatıwda járdem beredi hám operativ basqaradi. Joybarlarda oqıtıw tekǵana nátiyjeler, bálki procesin ózi de qımbatlı. Joybar pánlerara, bir pán yamasa pán sırtında bolıwı múmkin. Proektlestiriw eki usılda - jeke hám toparıy tiykarda ámelge asıriladı. Hár eki jónelistiń unamlı hám ábzallıq qásiyetleri bar. Proektlestiriw tálimdiń sapası hám natiyjeliligin asıradı, studentler joybar ústinde islewde joybar jobası tiykarında aniq maqset ushın xızmetlerin a'melge asırıladı. Nátiyjede joybardı orınlanıwı óziniń iskerligine baylanıslı ekeni túsinigin ańǵarıw joqarı juwapkershilik sezimin júzege keltiredi; joybardın' ba'rshe basqıshların orınlaw processinde pikirdiń tuwılishidan juwmaqlawshı refleksiyag'a shekem oqıwshılar tájiriybe asıradı; oqıwshılarda eń zárúrli oqıw kónlikpe hám ilmiy tájriybeleri (izertlewshilik, bahalaw, ǵárezsiz pikirlew, ǵárezsiz qararlar shıǵarıw, prezentaciya qılıw) qáliplestiriw tolıq basqarılatuǵın processga aylanadı. Oqıw joybarınin' metodik pasportı bul - oqıw joybarınıń mazmun-mánisinen kútiletuǵın maqseti, oqıw programmasındaǵı ornı tuwrısında qısqasha xarakteristika esaplanadı. Oqıw joybarınıń metodikalıq pasportı tómendegilerdi ózinde sáwlelendiredi: fan predmetiniń oqıw rejesindegi temalar, predmettin' ta'limiy, tárbiyalıq, rawajlandırıwshı maqsetlerin, oqıw -pedagogikalıq wazıypalardı, oqıwshılardıń jasinan kelip shıǵıp oqıw joybar tapsırig'in, joybardıń atqarılıw múddetin hám oqıw joybarınıń jumıs rejimi. Izertlew joybarı pasporti avtorlar hám joybar basshısı tárepinen toldırılıp, ol jaǵdayda oqıw joybarının' atı, joybardın' maqseti va wazıypaları, joybar avtorı, joybar basshısı va konsultantlari, joybar turi sáwlelendiriledi. Oqıw joybar iskerliginde oqıwshılarda izzertlewshilik, dóretiwshilik, oyın, informaciya izertlew iskerligin qamtıp alıp, ijtimaiy mútajlik qızıǵıwshılıqlar esapqa alınadı, nátiyjege anıq jo'nelitiriledi.
Ámeliy shınıǵıwda joybar metodı tiykarında ótiletuǵın sabaq shınıǵıwı texnologiyası analiz etiledi.