Қуйи амударё округи
Yüklə 26,14 Kb.
|
|
Quyi Amudaryo florasi va okrugi Reja:
Geografik o`rni Qazilmalari, ichki suvlari, tuproqlari, o`simlik va hayvonot dunyosi. Quyi Amudaryoda shamolning kuchi va yo`nalishi Orol suv sathining pasayishi Quyi Amudaryo tabiiy-geografik okrugi Qoraqum cho`li bilan Orol dengizi orasida joylashib o`z ichiga Amudaryoning qadimiy va hozirgi zamon deltasini oladi. Okrugni g`arbdan Ustyurt, janubdan Ungizorti Qoraqum, sharqdan Qizilqum va Sultonvays tog`lari, shimoldan esa Orol dengizi o`rab turadi. Quyi Amudaryoning ushbu chegara orasidagi maydoni 46 ming kv km ni tashkil etadi. Quyi Amudaryo okrugi janubi-sharqdan shimoli-g`arb tomonga cho`zilgan bo`lib, shu tomonga kengayib, pasayib boradi. Okrug janubda Tuyamo`yin tangligidan boshlanib, Orol dengizigacha davom ztadi. Shu masofada uning uzunligi 400 km bo`lib, kengligi bir. xil emas. Eng janubiy qismida Tuyamo`yin tangligida okrugning kengligi taxminan 10—12 km bo`lib, shu yyerdan Amudaryoning qadimiy deltasi boshlanadi va shimoli-g`arbga (qarab kengayib, Xorazm-Toshxovuz tekisligini hosil qiladi hamda kengligi 75—80 km ga yyetadi. Amudaryoning qadimiy deltasi Taxtatosh tangligigacha davom etadi va torayadi, so`ngra shimolga tomon yana kengayib qadimiy delta tugab, Amudaryoning hozirgi zamon deltasi boshlanadi hamda Orol dengizigacha davom etadi. Shu yo`nalish bo`yicha delta pasayadi va kengayib, ba`zi yyerlarda 140—150 km ga yyetadi. Quyi Amudaryo okrugi antropogen davrning allyuvialdelta yotqiziqlarining asta-sekin to`planishi va uning deltasining Orol dengizi tomonga o`sishi tufayli vujudga kelgan. Binobarin, Quyi Amudaryoda quruqlikning vujudga kelish jarayoni janubi-sharqdan, ya`ni Tuyamo`yin tangligidan shimoli-g`arb, shimol tomonga qarab davom etgan. Amudaryoning hozirgi zamon deltasini Orol dengiziga tutashgan mintaqasida «eng yosh» delta bo`lib, uning maydoni Orol dengizi suv sathining pasayishi hisobiga muttasil kengayib bormoqda. So`nggi 35 yil ichida Orol dengizi suv sathining 15,5 metr pasayishi tufayli uning suvi ba`zi joylarida 100 km gacha chekinib, quruqlikka aylanib qoldi. Quyi Amudaryo yotqizyqlari yoshi va litologik tuzilishi jihatidan bir xil emas. Okrugdagi eng qadimiy jinslar uning negizini tashkil etuvchi bo`r davr yotqiziqlari bo`lib, ustini paleogen, neogen va, antropogen jinslari qoplab olgan. Quyi Amudaryoniing qadimiy deltasi antropogen allyuvial yotqiziqlaridan (gil, gilli qum, qumok, qumloq va bosh.) iborat bo`lib, ularning qalinligi (bo`r, davrning tub jinslari ustidan) 20 m, ba`zi joylarda 100 m. ga yyetadi. Shuningdek, kadimiy delta chetlarida, ba`zi kichik botiqlarda ko`l yotqiziqlari xam uchraydi. Quyi Amudaryoning hozirgi zamon deltasi esa, asosan, antropogen davr allyuvial, eol yotqiziqlaridan — qumoq, qumli, gilli qum, gil kabi jinslardan tashkil topib, qalinligi 80— 140 m ga yyetadi. Orol dengizining quruqlikka aylangan qismida esa hozirgi zamon yotqiziqlari, (qum, kumloq, gil) bo`lib, ular tarkibida har xil tuzlar mavjud, ba`zi joylari esa botqoqlashgan. Quyi Amudaryo okrugining qadimdan sug`orib dexqonchilik qilinadigan yyerlari (Xorazm) da qalishshgi 2—3 m ga yyetuvchi agroirrigao`iya qatlami vujudga kelgan. Quyi Amudaryo okrugi yyer usti tuzilishi jihatidan yassi tekislik bo`lib, shimolga va shimoli-g`arbga qarab bir oz nishabdir. Lekin qiyaligi juda sezilarsiz (qiyaligi 0,0017) ligi tufayli Amudaryo tarmoqlanib, ilon izi bo`lib, sekin oqadi. Shuning uchun Amudaryoning qadimiy o`zanlari vujudga kelib uning relefini ancha murakkablashtirgan. Usha qadimiy o`zanlar orasida nisbiy balandliklari 60—80 m: ga yyetuvchi bir necha tepalik dar, marzalar va qoldiq tog`lar mavjud. Shular jumlasiga Quyanchiq, Qoratov, Qummeltov, Jumirtov, Borlitov, Kuskantov, Qoshqantov, Beltov, Manqir, Tuzqir, Tarimqiya, Zangibobo va boshqalar kiradi. Bu tepaliklarning ba`zilari qadim yaxlit bo`lib, daryoning «tentirab» okishi tufayli, ular bo`laklarga bo`linib ketgan. Daryoning o`sha qadimiy o`zanlari o`rnida esa kichik ko`llar vujudga kelgan. Quyi Amudaryo okrugi hududidagi eng muhim qadimiy o`zanlari uning o`ng qirg`og`idagilari — Orol tomon yo`nalgan Shortonbay, Kreyt-Uzak, Itkra-Uzak, QoraUzak, Kindiksay, Qorako`lsay va boshqalardir. Chap qirg`oqdan boshlanuvchi va Sariqamish bogig`i tomon yo`nalgan eng qadimiy o`zani Kuhnadaryo, Daryoliq va Daudan hisoblanadi. Ma`lumotlarga qaraganda XVI asrgacha Amudaryo suvining bir qismi vaqtvaqti bilan (suvi ko`p bo`lganda) Ko`hnadaryo orqali Sariqamish ko`liga quyilib turgan. V. V. O`inzerlingning ma`lumotiga ko`ra 1878 yili Amudaryo suvi toshganda Qo`hnadaryo o`zanidan sekundiga 60 kubometr suv uch oy Sariqamish botig`iga oqib turgan. Quyi Amudaryo relefining tabiiy holatini o`zgartishda insonning xo`jalik faoliyati ham muhim relef hosil qiluvchi omilga aylangan. Chunki inson o`zining ko`p asrlik xo`jalik faoliyatida Quyi Amudaryo yyerlarini tekislagan, jarlarni to`ldirgan, ariq va zovurlar qurgan, oqibatda okrug yyer usti tabiiy holatini o`zgartgan. Quyi Amudaryo okrugi O`zbekistonning shimoli-g`arbida joylashganligi sababli qishi nisbatan sovuq, yozi esa issiq, quruq va serquyosh. Qishda okrug shimoli-sharqiy tomonidan esuvchi havo massasi ta`sirida bo`lib, harakat ancha pasayib ketadi. Bu yo`nalishdagi havo massasi ko`proq oktabr oyidan may oyigacha davom etadi. May oyidan boshlab shimoli-sharqiy tomondan yyetib keluvchi havo massasi kuchsizlanib, so`ngra shimoldan va shimoli-g`arbdan esuvchi havo massasi ustunlik qiladi hamda sentabr oyigacha davom etadi. Sentabr oyidan boshlab yana shimoli-sharqiy yo`nalishga ega bo`lgan shamollar ustunlik qilib, harorat kechalari pasayib, sovuqlar bo`lishi mumkin. Quyi Amudaryo yuqorida qayd qilganimizdek, O`zbekistonning eng sovuq hududidan biri hisoblanib, o`rtacha yillik harorat 10—12SS atrofida bo`ladi. Quyi Amudaryo okrugida qish sovuq bo`lib, yanvarning o`rtacha harorati —4,5°—7,6°S atrofida (Xivada —4,5°, Chimmoyda — 7,6°) o`zgaradi. Ba`zan shimoldan va shimoli-sharqdan sovuq havo massasi kiryb kelgb, turyb qolib, eng past haroratni —33° (Taxiatoshda)ga pasaytirib yuboradi. Quyi Amudaryo okrugi O`zbekistonning eng qurg`oqchil hududi hisoblanib, yiliga 79—108 mm yog`in tushadi. Ng`in miqdori okrugning janubidan shimoliga tomon ortib boradi. Agar Xivada yillik yog`in miqdori 79 mm bo`lsa, Qo`ng`irotda 108 mm ga yyetadi. So`nggi yillarda Orol suv sathini pasayishi tufayli uning atrofida yozgi harorat ortib, qish sovuqlashib bormoqda. Okrugda yog`in yil bo`yi bir xil tushmaydi. Eng ko`p yog`in qish va bahor fasliga, eng kam yog`in yozga to`g`ri keladi. Agar yillik yog`in miqdorini 100% desak, uning 35—40% qishga, 44—45% bahorga, 7—17% yozga, 10—15% kuzga to`g`ri keladi. Bahorda ba`zan yog`in jala tarzida yori6, qishloq xo`jalik ekinlariga, xususan, g`o`zaning yosh nihollariga zarar keltiradi. Quyi Amudaryoda shamolning kuchi va yo`nalishi hamma qismida bir xil emas. Orol dengizi yaqinida shamolning o`rtacha tezligi sekundiga 4—5 m, okrugning janubida (Xivada) 3 m atrofida. Shamollar ko`pincha shimoliy va shimoli-sharqiy tomondan esadi. Shimoli-sharqiy shamollar ko`proq yilning sovuq faslida essa, shimoliy va shimoli-g`arbiy shamollar yilning issiq faslida esadi. Quyi Amudaryoda qish noyabrning birinchi yarmidan boshlanib, mart yigacha davom etadi. Birinchi sovuq tushadigan kunlar, oktabr oyining ikkinchi yarmidan boshlansa, oxirgi sovuqli kunlar aprelning birinchi yarmigacha davom etadi. Shunday qilib, sovuqsiz kunlar o`rtacha 193 kundan 208 kungacha (Chimmoyda 193 kun, Xiva 208 kun) davom etadi. Quyi Amudaryo okrugida kuzda birinchi sovuq tushishidan oldingi effektiv haroratlar yig`indisi 1902° dan (Qo`ng`irotda) 2385° gacha (To`rtko`lda) yyetadi. Quyi Amudaryo okrugida Amudaryoning eski va yangi deltasi joylashgan. Amudaryo o`zani bu qismda goh torayib, goh kengayib tarmoqlarga bo`linib oqadi. Amudaryo okrug hududida Pitoak yaqinida torayib, Tuyamo`yin tangligi hosil qiladi, vodiysining kengligi 450—480 m ga tushib qoladi, so`ngra yana kengayib 10 km ga yyetadi. Lekin Sultonvays, Quyanchiq, Qoratov, Jumurtov kabi past qoldiq tog`lar orasida Amudaryo vodiysi torayib, tangliklar hosil qiladi. Amudaryo Nukus shaharidan quyida tarmoqlarga ajraladi. Ularning eng muhimlari Qipchoqdaryo, Okdaryo Erkindaryo, Qo`hnadaryo, Qortaboyuzoq, Toldiqdaryo, Qozoqdaryodir. Bu tarmoqlariing ko`pchiligi hozir Amudaryoning suvi yuqori qismida sug`orishga sarflanishi tufayli quruq o`zanga aylanib, ularga faqat yozda vaqt-vaqti bilan suv yuboriladi. Amudaryo suvi sug`orishga sarflanishi tufayli okrugda yil sayin uning miqdori kamayib, tarmoqlarida keskin o`zgarishlar yuz bera boshladi. Faqat Quyi Amudaryo okrugidagina yyerlarni sug`orish uchun yiliga daryodan 24 m3 suv olinmoqda. Natijada Amudaryo Orol dengiziga yil sayin kam suv quymoqda. Amudaryo 1960 yili Orolga 37,8 km3 suv quygan bo`lsa, bu miqdor 1965 yilga kelib 25,2 km3 ga, 1975 yili 10,0 km3 ga, 1980 yili 8,3 km3 ga, 1985 yili 2,4 km3 ga tushib qoldi. So`nggi yillarda Amudaryo suvidan xalq xo`jalikda tejab foydalanish hisobiga 1987 yildan boshlab Orolga yana ko`proq suv quya boshladi ia 1988 yili 16,0 km3 suv oqizdi. Natijada Amudaryo deltasida keskin o`zgarish yuz berib, ko`p tarmoqlari qurib, suv faqat Oqdaryo Orlobavo`zak o`zani orqaligina Orolga qo`yilmoqda. Vaholanki, 1960 yili Amudaryo suvi Injenero`zak, Ordobayo`zaya ung va Chap Aqqay tarmoqlari orqali Orolga quyilar edi. Okrug hududida Amudaryoning oqimi uning umumiy oqim tartibiga (rejimiga) o`xshab, eng ko`p suv sarfi Nukus yonida iyula-vgust oylariga (yillik oqimining 35,0%), eng kam suv sarfi esa yanvar-fevral (yillik odimining 6,9%) oylariga to`g`ri keladi. Amudaryo suvi zovur, oqova va boshqa toifadagi suvlarning tashlanishi tufayli minerallashish darajasi ortib, har xil kimyoviy moddalar bilan ifloslanib borishi oqibatida (qishda suvi kamayganda sho`rlik har litrda 2,5—3,0 grammgacha yyetadi) undan ichimlik sifatida foydalanish davlat standartiga to`g`ri kelmay qoldi. Quyi Amudaryo okrugida 100 dan ortiq ko`llar bo`lib, ularning umumiy maydoni 285 km2. Lekin ular okrug hududi bo`yicha notekis joylashgan. Eng ko`p ko`llar Xorazm—Sarikamish deltasida joydashib, (60 dan ortiq) umumiy maydoni 127,74 km2 ga teng. Ko`llarning qolgan qismi Amudaryoning hozirgi zamon deltasida joylashgan. Amudaryoning qadimiy deltasidagi eng katta ko`llar qatoriga To`ng`izko`l, SHo`rko`l, Ulug`sho`rko`l, Ziyko`l, Oqko`l, Abilko`l kabilar kiradi. Amudaryoning hozirgi zamon deltasidagi eng muhim ko`llari — Sudoche, Qorateren, Xo`ja ko`l, Moshanko`l, SHecheko`llaridir. Quyi Amudaryo okrugida grunt suvining xususiyati litologik tuzilishi va relefiga bog`liq holda bir xil emas. Amudaryoning qadimiy deltasi hisoblangan Xorazm-Sariqamish relefi tekis bo`lsada, janubi-g`arbga, ya`ni Sariqamish botig`i tomonga bir oz nishab. Shu tufayli grunt suvlari o`sha tomonga qarab siljiydi. Lekin Amudaryoning hozirgi zamon deltasining relefi tekis bo`lganligi uchun grunt suvining siljishi juda sust. Chunki uning atrofini nisbatan baland bo`lgan yyerlar o`rab olgan. So`nggi yillarda Orol suvi sathining pasayishi tufayli grunt suvning shu tomonga siljishi uchun sharoit vujudga keldi. Quyi Amudaryo okrugida grunt suvi asosan Amudaryo va irrigao`iya shoxobchalaridan shimilgan suv hisobiga, qisman yog`inlardan to`yinib turadi. Okrugda grunt suvi yyer betiga ancha yaqin bo`lib, uning o`rtacha yillik chuqurligi sug`oriladigan zonada 0,83—2,69 m. SHo`r yuvish va vegetao`iya davrida grunt suv sathi ko`tarilib, chuqurligi 0,4—0,6 m tashkil etadi. Qishda grunt suvining sathi juda pasayib 2,2—3,6 m ga tushadi. Grunt suv sathi sug`oriladigan zonadan tashqarida chuqurlashib boradi. Sug`oriladigan zona chetlarida chuqurligi 10—15 m bo`lsa, okrugning cho`llar bilan tutashgan qismida 20—30 m ga yyetadi. Grunt suvning minerallashishi darajasi okrug hududida bir xil emas. Daryo va sug`orish shoxobchalari atrofidagi grunt sunnning bir litrida 2—5 gr har xil tuzlar bo`lsa, daryo va sugorish shoxobchalaridan uzoqda bo`lgan qismida 5—10 gr, sug`oriladigan mintaqadan tashqaridagi yyerlarda esa 10—50 gr tuz mavjud. Quyi Amudaryo okrugida tuproq hosil qiluvchi omillarning (ona jinsi, relefi, iqlimi, yyer osti suvlari, o`simlik qoplami) xususiyatlari turlicha bo`lganligi tufayli uning tuproq qoplami xam bir xil emas. Okrugning ko`p qismini o`tloq qayir, sug`oriladigan o`tloq (o`tloq voha) tuproqlari tashkil qiladi. Utloq qayir allyuvial va o`tlok botqoq tuproq turlari asosan Amudaryoning hozirgi zamon deltasining quyi qismning markazida joylashib, ustki qismida chirindi miqdori —3% ga yyetadi. Bu tuproq turi hamma kismida sho`rlashgan emas, faqat pastqam, grunt suvi yyer yuzasiga yakin bo`lgan joylarda sho`rlashgan. Bunday joylarda yana botqoq sho`rxok tuproqlar ham uchraydi. Sug`oriladigan o`tloq (o`tloq voxa) tuprog`i esa asosan Amudaryoning qadimiy deltasida va hozirgi zamon deltasining yuqori qismidagi o`tloq qayir allyuvial va o`tloq botqoq tuproqlar tarqalgan mintaqaning o`ng va chap tomonlarida joylashgan.Bu tuproq turi insoniyatning bir necha ming yillardan bsri davom etib kelayotgan xo`jalik faoliyati ta`sirida o`zipnng tabiiy holati o`zgarib, madaniy voha tuprog`iga aylangan. Quyi Amudaryo okrugining ko`llari atrofida, Orol, dengizi sohillarida, qadimiy daryo o`zanlarida botqoq, o`tloq botqoq, sho`rxok, botqoq sho`rxok tuproqlar uchraydi. Orol dengizi sohillarining sharqiy qismida Oqqala burnidan Qazohdaryoning quyi qismigacha bo`lgan hududlarda dengiz bo`yi sho`rxoklari joylashgan. Quyi Amudaryo okrugida sho`rxoklar yaxlit lenta hrsil qilmasdan sug`oriladigan yyerlar orasida ham «orol» holda uchraydi. SHo`rxokli taqir tuproq turlari asosan Amudaryoniig ho.chirgi zamon deltasida gil yotqiziqlari mavjud bo`lgan joylarda, xususan, uning Ustyurt platosiga tutash kismida hamda Amudaryoning o`ng sohillarida joylashgan. Quyi Amudaryo okrugida cho`l qumloq tuproqlari Mo`ynoq yarim orolida, okrugning Qizilqumga tutashgan sharqiy qismida va Amudaryoning kadimiy deltasini Qoraqumga yaqin qismlarida utraydi. Quyi Amudaryo okrugidagi qoldiq qirlar hisobldngan Qummoltau, Barlitov, Qashqantov, Beltov, Manqir, Tuzqir kabi past tog`larda Surqo`ng`ir tuproq turi mavjud. Quyi Amudaryo o`simlik qoplami uning relefi, iqlimi, yyer osti suvlari, tuprog`i va boshqa tabiiy omillarga bog`liq holda joylashgan. Shu sababli geobotanik nuqtai nazaridan okrug o`pshliklari quyidagi turlarga bo`linadi; to`kay, galofit va psam MO(1)IT. To`qay o`simliklar Amudaryoning hozirgi zamon deltasidagi utloq allyuvial, o`tloq botqoq, botkoq va o`tlok taqir tuproqlar tarqalgan qayirlarida katta maydonni o`z ichiga olb, qamishzorlar bilan qoplangan. Shushshgdek, bu yyerlarda qo`g`a, turang`il, yovvoyi jiyda, tol, yulg`un kabi o`simliklar ham o`sadi. To`qay o`simliklari yana Amudaryoning o`zaniga yaqin har ikkala sohillarida, suv bilan to`ladigan o`zanlarda, ko`llar atrofida ham uchraydi. To`qayzorlar ikki qavatdan (yarusdan) iborat bo`lib, yuqorisi tol, jiyda, turang`il yoki qo`ralardan, pasti esa yulgun, ruvak, qamish kabilardan iborat. Amudaryo deltasining o`tloq taqir, taqir tuproqlarda va sho`rxoklarda jingil formao`iyasi keng maydonni ishg`ol qiladi. Lekin sho`rxoklarda va sho`rlashgan yyerlarda tamaris jingil formao`iyasini siqib chiqarmoqda. Quyi Amudaryo okrugining o`tloq tuproqlar tarqalgan qismlarida ruvak, burdoyiq va ajriq kabi o`simliklar o`sadi. Shuningdek, Amudaryo deltasining quruq yyerlarida yantoq va ajriq kiyoq Quyi Amudaryo okrugining ba`zi joylarida sho`rxoklar ham uchraydi. Ular asosan Orol dengizining kurib qolgan sharqiy qismida, Sudoche ko`lining janubida joylaishb, galofit o`simliklar o`sadi. Ularning zng muhimlari sarisazan, qorabarak, tamaris, potash, itsegak va bir yillik sho`ra o`simliklaridir. Quyi Amudaryodagi surqo`ng`ir tuproqlar tarkalgan past tog`larda esa burgan, shuvoq kabilar uchraydi. Quyi Amudaryoning Qizilqum va Qoraqumga tutashgan qismida, qum va qumli tuproqlar tarqalgan joylarda cho`lga xos psammofit o`simliklar — selin, juzrun, oq saksovul, quyonsuyak, qizilcha, sho`ra mavjud. Quyi Amudaryo okrugining o`ziga xos tabiiy sharoiti uning hayvonot olamiga xam ta`sir etgan. Bu okrugda sut emizuvchilar, qushlar, baliqlar boshqa okruglarga nisbatan ko`proq tarqalgan, Qushlarning 222 turi, sut emizuvchilarning 31 turi (asosan kemiruvchilar), baliqlarning esa 30 turi mavjud. Quyi Amudaryoning antropogen landshafti (sug`orishga o`zlashtirilgan hududlarda) mavjud bo`lgan katta qismida uy sichqoni, ko`rsichqon, plastiksimon tishli kalamush, tipratikan va har xil kushlar (chumchuq, mayna, zarg`oldoq, bedana) yashaydi. Daryo qayirlarida, ko`llarda qushlardan — qirg`ovul, g`oz, o`rdak, oqqush, qo`ton, birqozon (soqoqush), chayka, qorabuzov, chittak, baklan, pelikan, laylak, chumchuqlar; sut emizuvchilardan andatra, tulki, chiyabo`ri, to`qay mushugi, bo`rsiq. Quyi Amudaryo deltasining Qizilqum va Qoraqumga tutashgan qismlarida va delta ichidagi o`zlashtirilmagan qumli cho`llarda toshbaqa, yumronqoziqlar, kul rang va taroq barmoqli gekkon, qum sichqoni, yumaloq boshli kaltakesak, cho`l mushugi, tulki, o`qilon, efa uchraydi. Quyi Amudaryo okrugida baliqlar ko`p bo`lib, ular daryoda va uning tarmoqlarida, ko`llarda, irrigao`iya shoxobchalarida yashaydi. Eng ko`p tarqalgan laqqa baliqlar, cho`rtan baliqlari, osyotrlar, losossimon baliqlar va boshqa baliqlardir. Quyi Amudaryo okrugida to`qay landshafti va u yyerdagi qushlar va boshqa hayvonlarni muhofaza qilish uchun Baday to`qay qo`riqxonasi hamda Quyi Amudaryo (delta landshafti va u yyerdagi qush, baliqlarni asraydi), Nuruntbek (to`qay landshafti va cho`chqa, chiyabo`ri, qirg`ovul), Xorazm (ko`l landshafti va u yyerdagi suv qushlari) kabi buyurtmalar mavjud. Quyi Amudaryo okrugining tabiiy boyliklari xilma-xil bo`lib, eng muhimlari yyersuv resursidir. Bu okrug xududida 2,4 mln gektarga yaqin sug`orishga yaroqli yyerlar mavjud. Lekin hozir 0,6 mln gektar maydondagi yyerlar sug`oriladi, xolos. Ikkinchi muhim resursi qamishzorlari va o`tloqlaridir. Okrug hududiga 0,5 mln ga atrofida qamishzorlar mavjud edi, lekin xozir Amudaryo deltasiga suv kam yyetib borayotganligi uchun uning maydoni yil sayin kamaymoqda. Qamishzorlar sifatli yyemxashak, silos xom-ashyosidir. Ma`lumotlarga ko`ra 10 t qamishdan 8 t silos olish mumkin. Uchinchi muhim resursi sifatli mo`yna beruvchi ondatra hisoblanadi. Lekin so`nggi yillarda Amudaryo deltasidagi o`zanlar va ko`llarda suv qurib qolganligi tufayli ondatra terisini tayyorlash ham, baliq ovlash ham kamayib ketmoqda. Quyi Amudaryo okrugi tabiiy sharoitiga, ayniqsa, tuproq o`simlik qoplamining xususiyatiga ko`ra Chimboy-Qo`ng`irot, Beltov va Xorazm kabi tabiiy geografik rayonlarga bo`linadi. I. L. N. Babushkin, N. A. Qogay (1964) ma`lumotiga ko`ra Chimmoy-Qo`ng`irot tabiiy geografik rayoni Amudaryoning hozirgi zamon deltasi va unga har ikki tomondan yondoshgan xududlarni o`z ichiga oladi. Rayon shimolda Orol dengizi bilan, g`arbda Ustyurt okrugi bilan, sharqda Beltov rayoni bilan, janubda Xorazm rayoni bilan chegaralanadi. Rayonning qishi sovuq (yanvarning o`rtacha harorati—7,5°) va davomligi (3,5 oy), vegetao`iyali qish kuzatilmaydi, yoz issiq (iyulning harorati 26°). +10° dan yuqori bo`lgan kunlardagi haroratning yig`indisi 3800° dan oshmasligi bilan okrugdagi boshqa rayonlardan farq qiladi. Rayon quyidagi tabiiy geografik landshaftlarga bo`linadi: Orol suv sathining pasayishi tufayli quruqlikka aylangan, grunt suvi yuza va o`ta sho`r, o`simlik deyarli o`smaydigan yoki siyrak holda galofit tur o`simliklar o`suvchi botqoq sho`rxok va o`tloq sho`rxok joylardan iborat bo`lgan landshaft. Bir yillik sho`ralar o`suvchi sho`rxokli delta tekisliklar landshafti. Bu tur landshaft birinchi landshaftning janubida, Orolning qadimiy qirg`oqlarida hamda madaniy landshaftlar orasida uchraydi. 3. Negizi mezokaynazoy yotqiziqlaridan iborat bo`lgai, shuvoq o`suvchi surko`nrir tuproqli past qoldiq tog`lar (Qushqantov — mutloq balandligi 123 m, Qizillar mutloq balandligi 117 m) landshafti. 4. Amudaryo deltasining o`tloq, botqoq va qayir allyuvial tuproqlari tarqalgan to`qay o`simliklari o`suvchi yangi qayir va qayirlar landshafti. 5. Amudaryoning chap sohilidagi qora saksovul o`suvchi taqir sho`rxok tuproqli delta tekisliklar landshafti. 6. Amudaryoning allyuvial delta tekisliklarida va qayirlarida joylashgan o`tloq allyuvial va taqir tuproqli madaniy landshaftlar. Beltov tabiiy geografik rayoni Chimboy-Qo`noirot rayonining sharqida joylashib, janubda Qizilqum okrugi bilan shimol, shimoli-g`arbda Orol dengizi, shimoli-sharqda Qozog`iston bilan chegaralanadi. Rayon kenglik bo`ylab cho`zilgan Beltovni, Orol bo`yini, Beltovning janubi, janubi-sharqida joylashgan Oqdaryo, Janadaryolarning delta tekisliklarini o`z ichiga oladi. Rayon okrugidagi eng sovuq qish (yanvarning o`rtacha harorati —9,2°), yozi esa eng issiq (iyulning o`rtacha harorati +29°) hudud xisoblanadi. Rayonda vegetao`iyali qish kuzatilmaydi. Harorati +10° dan yuqori bo`lgan davrdagi haroratning yig`indisi katta bo`lib, 4180 darajaga yyetadi. Rayon hududida quyidagi landshaft turlari uchraydi: Dengiz chekinishi tufayli quruqlikka aylangan, galofit tur o`simliklar siyrak o`suvchi sho`rxok, o`tloq-sho`rxok, botqoq sho`rxoklardan iborat bo`lgan Orol dengiz qirg`oq bo`yi tekisliklar landshafti. Beltovniig shimolidagi saksovul o`suvchi marzasimon relefga ega bo`lgan eol qumli tekisliklar landshafti. Negizi mezokaynazoy jinsli, shuvoq o`suvchi surqo`ng`ir tup roqli past qoldiq tog` (Beltov) landshafti. Oqchadaryo va Janadaryo allyuvialdeltasidagi qora saksovul o`suvchi taqir tuproqli, sho`r xamda sho`rxokli delta tekis liklar landshafti. Xorazm tabiiy-geografik rayoni okrugning janubiy, asosan, sug`orib madaniy landshaftga aylantirilgan Amudaryoning qadimiy deltasini o`z ichiga oladi. Rayon hududida Amudaryoning (qadimiy o`zanlari —Daryoliq (Ko`nadaryo), Dovdan, Charmonyab, Tanidaryo allyuvial tekisliklari joylashgan. Rayonda qishi nisbatan sovuq bo`lmaydi (yanvarning o`rtacha harorati—5°), vegetao`iyali qishi 10%ni tashkil etuvchi, yozi issiq (iyulning o`rtacha harorati 27,5°) va quruq xududdir. Rayon termik resursi jihatidan okrugda oldingi o`rinda bo`lib, +10°dan yuqori bo`lgan davrdagi haroratning yig`indisi 4250 darajaga yyetadi. Lekin yillik yog`in miqdori eng kam bo`lib, 80 mm ni tashkil etadi, vaholanki, bu ko`rsatkich Chimboy-Qo`ng`irot rayonida 90— 110 mm dir. Xorazm tabiiy-geografik rayonida quyidagi landshaft turlari mavjud. Tabiiy-geografik rayonning janubi-sharqiy qismida joylashgan, efemer o`simliklari bilan band bo`lgan, sur-qo`ng`ir tuproqli qadimiy (pliotsen — eski to`rtlamchi davr), platolar landshafti. Amudaryoning allyuvial delta tekisligidagi qora saksovul o`suvchi taqir sho`rxok va sho`rxokli delta tekisliklar landshafti. Amudaryoning qadimiy o`zanlari atrofida va rayonning janubi Ungizorti Qoraqumiga tutashgan joylardagi yantoq o`suvchi delta tekisligining eol qumli landshafti. Amudaryoning yangi qayirlarida joylashgan to`qay o`simliklari bilan qoplangan o`tloq va botqoq allyuvial tuproqli qayirlar landshafti. Ko`llar atrofida va kichik sho`rxokli botiqlarda joylashgan bir yillik sho`ralar (soyanka) o`suvchi delta tekisliklaridagi sho`rxoklar landshafti. Xorazm vohasining delta tekislikligidagi o`tloq tuproqli madaniy landshaft. Foydalanilgan adabiyotlar: Yermakov Y.G. i dr. Fizicheskaya geografiya materikov i okeanov. M: Vesshaya shkola, 1988. Ryabchikov A.M. Fizicheskaya geografiya materikov i okeanov. M: Vesshaya shkola, 1988. Fizicheskaya geografiya mirovogo okeana. M: Izdatelpstvo Moskovskogo Universiteta, 1988. Ryabchikov A.M. Dunyo qitoalari tabiiy geografiyasi, Toshkent, 1968. Vlasova T.M. Fizicheskaya geografiya materikov i okeanov. Tom I-II, M: Prosveo‘yeniye, 1976. Vlasova T.M. Materiklar va okeanlar tabiiy geografiyasi. I-II tom.Toshkent, 1985. Leontpev O.K. Fizicheskaya geografiya mirovogo okeana. M: 1982. Ensiklopeditseskiy slovarp geograficheskix terminov. M.1968. http://ziyonet.uz Yüklə 26,14 Kb. Dostları ilə paylaş:
|