1 – mа’ruzа. Elektr o’lchash usullari va asboblari bo’yicha umumiy ma’lumotlar. Rеjа

O’lchash xatoligi va uni keltirib chiqaruvchi sabalari 

 

O’lchash  xatoligi  deb,  o’lchash  natijasini  o’lchanadigan  kattalikning 

chinakam (haqiqiy) qiymatidan chetlashuviga (og’ishuviga) aytiladi. 

O’lchash  xatoliklari  turli  sabablarga  ko’ra  turlicha  ko’rinishda  namoyon 

bo’lishi mumkin. Bu sabablar qatoriga quyidagilarni kiritishimiz mumkin: 

-  o’lchash  vositalarining  zanjirida  o’lchash  ma’lumotini  olish,  saqlash, 

o’zgartirish va tavsiya etish bilan bog’liq sabablar; 

-  o’lchash  ob’yektini  o’lchash  joyiga  (pozitsiyasiga)  o’rnatishdan  kelib 

chiquvchi sabablar; 

-  o’lchash  vositasi  va  ob’yektiga  nisbatan  tashqi  ta’sirlar  (temperatura  yoki 

bosimning o’zgarishi, elektr va magnit maydonlarining ta’siri, turli tebranishlar va 

x.k) dan kelib chiquvchi sabablar; 

-  o’lchash  o’byektining  xususiyatlaridan  kelib  chiquvchi  sabablar; 

operatorning malakasi va shu kabilar.  

O’lchash  xatoliklarini  kelib  chiqish  sabablarini  tahlil  qilishda  eng  avvalo 

o’lchash natijasiga salmoqli ta’sir etuvchilarni aniqlash lozim bo’ladi.