1- mavzu: ijtimoiy psixologiyaga kirish,ijtimoiy psixologiyaning shakillanish tarixi (2 soat) Reja

Mavzuni mustahkamlash uchun savollar.

1. 
   Ijtimoiy psixologik axborotning ishonchliligi va validligi nima?
   
2. 
   Ijtimoiy psixologik tadqiqot natijalariga ta’sir etuvchi omillar.
   
3. 
   Tayyorgarlik bosqichida amalga oshiriladigan vazifalar.
   
4. 
   Tadqiqot metodi, metodikasi haqida tushuncha.
   

Foydalaniladigan adabiyotlar:

1. 
   Ismoilova N., Abdullaeva D. Ijtimoiy psixologiya. T.: O‘zbekiston faylasuflar milliy jamiyati – 2013
   
2. 
   Karimova V.M. Ijtimoiy psixologiya. T. “Fan va texnologiya” – 2010
   
3. 
   Karimova V. Ijtimoiy psixologiya asoslari. Toshkent, 2007
   
4. 
   Karimova V. Ijtimoiy psixologiya va amaliyot. Toshkent, 2009
   
5. 
   Maxsudova M. Muloqot psixologiyasi. T. “Turon-Iqbol” - 2006
   
6. 
   Сухова A.Н.Прикладная социальная психология.M.“МОДЕЖ”-1998
   
7. 
   Носачев Г.Н. Психология и этика общения. M. - “МОДЕЖ” - 2003
   
8. 
   Toshimov R.Yu. Zamonaviy individual va guruhiy psixologiya. T. “ToshDU” – 1999
   

IJTIMOIY PSIXOLOGIYA METODOLOGIYASI
1. Anketa usuli.
2. Ijtimoiy-psixologik testlar.
3. Ijtimoiy-psixologik eksperiment.
Tayanch tushunchalar: Ijtimoiy psixologik eksperiment, anketa, test, intervьyu.
Anketa metodi hammaga tanish bo’lgan usullardan biri. Lekin ko’pincha anketani o’tkazgan odam uning tuzilishi qanchalik qiyinligini yoki olingan ma’lumotlarni qayta ishlab, sharxlash qiyinligini tasavvur qilmaydi. Yuqorida qayd etilganidek, anketaga kiritilgan savollarga ko’ra anketa ochiq va yopiq turlarga bo’linadi. Ochiq anketa respondentdan o’z fikrini bilganicha bayon etishni talab qiladi, yopiq shakldagi anketa savollarining esa javoblari berilgan bo’lib, tekshiriluvchi o’ziga ma’qul bo’lgan, qarashlari, fikrlari bilan mos bo’lgan javobni beradi. Ochiq savollarning kamchiligi respondentlarning har doim ham qo’yilgan vazifaga yetarli darajada mas’uliyat bilan qaramaganligi hamda yozilgan javoblarni statistik ishlov berishdagi qiyinchiliklar bo’lsa, yopiq anketada respondentga tekshiriluvchi tomonidan o’z fikriga ergashtirishga o’xshash holat yoki har doim ham hamma savolning barcha javob variantlarini topib bo’lmaslikdir. Shunday holatlarda respondent yo umuman javob bermasligi yoki tavakkal bir variantni belgilab berishi mumkin.
Shuning uchun ham oxirgi paytda yarim yopiq savollardan iborat anketalar tuzilmoqdaki, ularda javob variantlaridan tashqari, yana qo’shimcha fikr bildirish uchun qo’shimcha qatorlar qoldiriladi.
Odatdagi anketa tuzilishi jihatdan uch qismga bo’linadi:
1. Kirish qismi yoki “respondenga murojaat" deb ataladi. Bu qismda odatda tadqiqot o’tkazayotgan tashkilot nomi, oddiy tilda tadqiqot maqsadlari va ularning qanday foydasi borligi, tekshiriluvchining shaxsiy ishtiroki nima berishi, olingan ma’lumotlarning umumlashtirilgan holda ishlatilishi (anonimlilik), anketani to’ldirish yo’llari va boshqalar yoziladi. Yo’riqnoma — murojaatning qanchalik yaxshi yozilganligi bevosita tekshiriluvchining ishga bo’lgan munosabatiga bog’liqdir.