Adobe Illustrator vektorredaktoru - bu sinif proqramlar arasında ümumi qəbul edilmiş liderdir. Onun əsas üstünlüyü ondan ibarətdir ki, o, Adobe kompaniyasının istehsalı olan PhotoShop və PageMaker paketləri ilə qarşılıqlı əlaqədə ola bilir. Bütün bu tətbiqi proqramlar vahid üslubda yerinə yetirilmiş və bitmiş bir paket təşkil edirlər. Bu redaktor həm IBM, həm də Macintosh platformasında işləyir.
Macromedia Freehand vektor redaktoru– qrafiklə işləməyə başlayan şəxslər üçün nəzərdə tutulmuşdur. Proqramın həcmi çox böyük olmasa da, o, kifayət qədər işləmə sürətinə malikdir. Bu proqramdan orta səviyyəli kompüterlərdə istifadə etmək olar. Bu proqramın instrumental vasitələrinin köməyilə bir sıra mürəkkəb sənədləri hazırlamaq olar. Bu proqram yalnız müəyyən elementlərə görə daha güclü Adobe Illustrator və Corel Draw vasitələrindən geri qalır. Bu redaktor paketi kompüterlə nəşriyyat işlərini aparmağa imkan verən QuarkXPress proqramı ilə birlikdə işləyə bilir.
