|
8. Avtomatlaşdırma məqsədilə istifadə edilən modellərin IDEF (Integrated Computer Automated Manufacturing DEF inition) standartlarının təsnifatı-2.
Avtomatlaşdırma məqsədilə istifadə edilən modellərin tam təsnifatı IDEF (Integrated Computer Automated Manufacturing DEF inition) standartlarında verilmişdir.
IDEF-in yaranma ideyası 70-ci illərin ortalarında ABŞ-da informasiya texnologiyalarının məhsuldarlığının və səmərəliliyinin artırılması probleminin həlli, o cümlədən, ICAM (Integrated Computer Aided Manufacturing) proqramının reallaşdırılması məqsədilə meydana gəlmişdir. IDEF-ə mürəkkəb sistemlərin modellərinin qurulması və kompüter sistemlərinin
layihələndirilməsi üçün metodlar və texnologiyalar ailəsi kimi baxılır. Cəmi 14 standartın yaradılması nəzərdə tutulurdu, o cümlədən:
-IDEF0-funksiyaların modelləşdirilməsi;
-IDEF1-informasiya modelləşdirilməsi;
-IDEF1X-verilənlərin modelləşdirilməsi;
-IDEF2-dinamiki modelləşdirmə;
-IDEF3-proseslərin təsviri;
-IDEF4-layihələndirmənin obyekt-yönlü metodları;
-IDEF8-istifadəçinin interfeysi;
-IDEF10-texniki layihələndirmə;
-IDEF14-hesablama şəbəkələrinin layihələndirməsi.
Baxılan standartlar ailəsinin başlanğıcını modelləşdirmə texnologiyasının əsasında yaradılmış və SADT (Structured Analysis & Design Technique) adı ilə tanınan IDEF0 standartı qoymuşdur.
1985-ci ildə IDEF1 genişləndirilmiş və adı dəyişdirilərək IDEF1X olmuşdur. IDEF standartlarından bəziləri, məsələn, IDEF2, de-fakto standartlarına, bəziləri isə, məsələn IDEF0 və IDEF1X, ABŞ-ın dövlət standartına çevrilmişdir (FIPS adı altında).IDEF standartlar ailəsi bütövlükdə proseslərin avtomatlaşdırılmasında tətbiq edilən modellərin qurulması zamanı hazırda real istifadə edilən yanaşmaları, struktur və obyekt-yönlü layihələndirmə metodlarını əhatə edir. Müəssisənin modellərinin hazırlanması sahəsində IDEF standartları, şəbəkələrin və tətbiqi proqramların hazırlaması sahəsində OSI protokollarının oynadığı rolu oynayır
Dostları ilə paylaş: | 
