Amaliy mashg`ulot №7 Mavzu. Pulning kelib chiqishi va uning vazifalari Reja 1. Pulning kelib chiqishi va mohiyati 2. Pulning vazifalari 3. O‘zbekistonda milliy valyuta – so‘mning muomalaga kiritilishi va uning barqarorligini mustahkamlash yo‘nalishlari
Iqtisodiyotda pul tovar – pul munosabatlarning ajralmas qismi. Ushbu amaliy mashg`ulotda talabalar pulning kelib chiqishi va mohiyati haqida bilimlarini amalda mustahkamlashadi. Pulning vazifalarini chuqurroq anglab bu vazifalar iqtisodiyotda qanday namoyon bo`lishini o`rganishadi. Milliy valyutamiz va uning evolyutsiyasi to`g`risida bilim va ko`nikmalariga ega bo`ladi.
Asosiy tayanch tushunchalar Banknotlar (bank biletlari, kredit biletlari) — markaziy emissiya banklari chiqaradigan qog‘oz pullar, kredit pullarning asosiy turi.
Evolyusion konsepsiyasi - pul kelib chiqishi ijtimoiy mehnat taqsimoti, tovar ishlab chiqarish va ayirboshlashning rivojlanishi natijasida vujudga kelgan.
Jahon puli vazifasi — oltin pulga tegishli. Ba’zi nufuzli valutalar ham ideal ravishda bu vazifani bajarishi mumkin.
Jamg‘arish vazifasi – pul muomaladan chiqarib olinganda bu vazifani bajaradi. Real ravishda oltin pul va oltin buyumlar boylik to‘plash vazifasini bajaradi.
Milliy valyuta — muayyan davlat (davlat markaziy banki) tomonidan chiqariladigan valyuta.
Muomala vositasi vazifasi — bunda pul tovarlar muomalasi jarayonida vositachi sifatida maydonga chiqadi.
Naqd pul - aholi tomonidan ishlatiladigan va jismoniy ekvivalentda ifodalangan davlatning valyutasidir, ya`ni muomalaga chiqarilgan banknotalar va tangalar.
Naqdsiz shakldagi pul - bu moliyaviy amaliyotlarni amalga oshirish uchun tadbirkorlik subyektlarining bank hisob-varaqlarida va jismoniy shaxslarning bank kartalarida saqlanadigan mablag'dir.
Narxlar o‘lchovi (masshtabi) - tovarning almashuv qiymatini o‘lchash uchun muayyan miqdordagi pul matеrialini birlik qilib olish.
