Sabit qatılıqda temperaturun hər 100 C artması əksər homogen reaksiyaların sürətini 2 – 4 dəfə artırır. Qaydanın riyazi ifadəsi aşağıda göstərilir:
υt2 = υt1 γ t2 – t1 / 10
υt1 və υt2 reaksiyanın t1 və t2 temperaturundakı sürətləri; γ isə reaksiya sürətinin temperatur əmsalıdır. Reaksiya sürətinin temperaturdan asılılığı dəqiq olaraq Arrenius tənliyi ilə ifadə edilir:
k = A∙e –EA / RT
k – mütləq temperaturda sürət sabiti; A –(tezlik əmsalı) temperaturdan asılı olmayan sabit kəmiyyət; E – isə aktivləşmə enerjisidir, T –mütləq temperatur, R-universal qaz sabiti, e – natural loqarifmin əsası.
e –EA / RT – aktiv mol (NAK) ümumi mol (N) sayının nisbətinə bərabər olub, reaksiyanın getmə ehtimalını göstərir. (Bolsman görə, NAK / N = e –EA / RT ).
Maddənin bir molunun aktivləşməsi üçün sərf edilən enerji miqdarına aktivləşmə enerjisi deyilir və kC / mol ilə ölçülür.
