Al2O3 (Al AlO3) → Al3+ + AlO33-
Katodda: Al3+ + 3e- → Al0
Anodda: 4AlO33- – 12e- → 2Al2O3 + 3O2
Fiziki xassələri. Gümüşü – ağ, yüngül (p=2,7 q / sm3) plastik, tər = 6600C – də əriyən metaldır. Elektrik keçiriciliyinə görə yalnız Ag və Cu – dən geri qalır.
Kimyəvi xassələri. Alüminium havada qaldıqda üzərində sıx oksid təbəqəsi, nəm havada qaldıqda isə səthində nazik hidroksid təbəqəsi əmələ gəlir; xırdalanmış halda közərtdikdə şiddətli alovla yanaraq oksidə çevrilir. Üzərindəki oksid təbəqəsini dağıtdıqda alüminium adi şəraitdə su, oksigen, xlor və bromla reaksiyaya girir. Alüminium hidogenlə birbaşa reaksiyaya girə bilmir, onun hidridi dolayı yolla alınır.
4Al + 3O2 → 2Al2O3 2Al + N2 → 2AlN
2Al + 3Cl2 → 2AlCl3 2Al + 3S → Al2S3
4Al + 3C → Al4C3
2Al + 6H2O → 2Al(OH)3 ↓+ 3H2
AlCl3 + 3LiH → AlH3 + 3LiCl
Alüminium duru turşulardan hidrogeni çıxarır.
2Al + 6HCl(d) → 2AlCl3 + 3H2
2Al + 3H2SO4(d) → Al2(SO4)3 + 3H2
Alüminium duru nitrat turşusunda asanlıqla həll olur.
8Al + 30HNO3 (d) → 8Al(NO3)3 + 3N2O + 15H2O
Qatı sulfat və nitrat turşuları alüminiumu passivləşdirir. Buna görə də, bu turşuları alüminium qablarda daşımaq və saxlamaq mümkündür. Lakin qızdırdıqda qatı sulfat turşusunda həll olur.
Al + 6HNO3(q) → Al(NO3)3 + 3NO2 + 3H2O
2Al + 6H2SO4(q) → Al2(SO4)3 + 3SO2 + 6H2O
Alüminium güclü reduksiyaedicidir. Alüminium tozu ilə maqnetitin qarışığı termit adlanır ki, ondan dəmiryol xərlərinin qaynaq edilməsində istifadə olunur. Termitin yanması aşağıdakı tənliklə ifadə olunur.
8Al + 3Fe3O4 → 9Fe + 4Al2O3
Al ərintidə və məhlulda qələvilərlə qarşılıqlı təsirdə olur.
2Al + 6NaOH → 2Na3AlO3 + 3H2 ərintidə
2Al + 6NaOH + 6H2O → 2Na3[Al(OH)6] + 3H2 məhlulda
Alüminium və onun birləşmələrinin tətbiqi. Alüminiumun texniki cəhətdən qiymətli olan bəzi kimyəvi, fiziki və mexaniki xassələri, onun texnikada geniş miqyasda işlədilməsinə səbəb olmuşdur. Müxtəlif məişət əşyaları hazırlanır. Dəmir məmulatını korroziyadan qorumaq üçün səthləri alüminiumla örtülür. İstehsalatda dəmirdən sonra ikinci yer tutur. Onun ərintilərindən olan düralümin (94% Al, 4% Cu, 0,5% Mg, 0,5% Mn, 0,5% Fe, 0,5% Si), maqnaliy (Al, Mg) təyyarə, avtomobil sənayesində, gəmilərin hazırlanmasında geniş tətbiq edilir.
2.PAULİ PRİNSİPİ.MİNİMUM ENERJİ PRİNSİPİ VƏ KLEÇKOVİSKİ QAYDASI
Dostları ilə paylaş: |
