12. “Golos Bojiy” cherkovi. Navoiy shahrida joylashgan “Golos Bojiy” cherkovi 1992-2001-yillarda To`liq injil xristianlar cherkovlari markazi tarkibida bo`lgan. 2001 yil cherkov markadam ajralib chiqib, hozirda protestant yo`nalishidagi mustaqil diniy tashkilot sifatida faoliyat olib bormoqda.
Cherkov adeptlari ayrimlarining missionerlik faoliyai bilan shug`ullanishi kuzatilmoqda.
13. Bahoiylik. Bahoiylik Eron hukumati ta`qibidan qochgan “bobiylik” (arabcha “eshik”) oqimiga mansub kishilar tarafidan 1858 yili Iroqda tuzilgan diniy oqim bo`lib, unga “bobiylik” tashkilotining yetakchilaridan biri bo`lgan Mirza Husayn Ali (1817-1892) asos solgan.
O`zbekiston hududida bahoiylarning ilk vakillari – savdo-sotiq bilan shug`ullanuvchi tijoratchilar XIX asr oxirlarida Samarqand shahrida paydo bo`lgan. 1929–30-yillarda Samarqand shahrida birinchi mahalliy diniy majlis tashkil qilingan.
Mustaqillik yillarida respublikada bahoiylar diniy tashkilot sifatida dastlab 1994 yilda Toshkent shahar Adliya boshqarmasi tarafidan ro`yxatga olinib, rasmiy faoliyat boshlagan. Bahoiylik yo`nalish vakillari faol missionerlik faoliyati bilan shug`ullanadi.
14. Buddaviylik. Buddaviylik (sankritda “buddha” – “nur bilan to`lgan”) –jahon dinlari orasida eng qadimiysi bo`lib, miloddan avvalgi VI-V asrlarda Hindistonda vujudga kelgan. Buddaviylik atamasi XIX asrda yevropaliklar tomonidan kiritilgan. Odatda dindorlar o`z dinlarini “Dxarma (qonun, ta`limot)” yoki “Buddxadxarma” (Budda ta`limoti)ndeb ataydilar.
Ma`lumotlarga ko`ra, O`rta Osiyoga buddaviylik miloddan avvalgi I asrda oxirlarida kirib kelgan. Mustaqillik yilaarida O`zbekistondagi yagona Budda ibodatxonasi 2001 yilning noyabr oyida Toshkent viloyatida ro`yxatga olingan.
15. Krishnaiylik. Krishnaiylik – Hindistondagi qadimiy diniy qo`lyozmalar (vedalar) asosida tashkil etilgan diniy yo`nalish hisoblanib, unga hind millatiga mansub, “A.Ch.Bxaktivedanta Svami” taxallusi va “Shri Prabxupada” unvoni bilan mash`hur bo`lgan Abay Shrin De (1896-1977) ismli shaxs asos solgan. Krishnaiylikning markaziy tashkiloti – Krishnani anglash xalqaro jamiyati 1965 yili AQSH da ro`yxatdan o`tgan.
Dastlabki krishnachilar O`zbekistonda 1985 yilda paydo bo`lgan. Hozirgi kunda krishnachilarning yagona diniy tashkiloti Toshkent shahrida joylashgan. Krishnachilar Respublikada missionerlik faoliyati bilan bog`liq qonunbuzarlik holatlari kuzatilgan.
