Makro,mikro omillar ijtimoiylashtirishning omillari va mexanizimlari. jtimoiylashuvning omillari ikki - tashqi va ichki guruxga bo`linadi.Ijtimoiylashuv bolalar, o`smirlar, yoshlarlarning rivojlanishiga ta’sir qiluvchi ko`p sonli shart-sharoitlar bilan o`zaro munosabatida yuzaga keladi.
Insonga ta’sir qiluvchi bu sharoitlar omil deyiladi. Aslida ularning hammasi ham aniqlanmagan. O`rganilgan omillar haqida bilimlar etarli emas.
Ijtimoiylashuvning omillari 2 guruhga bo`linadi:
Tashqi
Ichki.
Tashqi omillarga quyidagilar kiradi: Mega omillar (mega-eng katta)-kosmos, er shari, planetar jarayonlarni kiritsa bo`ladi.
Makro omillar (makro-katta)-davlat, xalq, jamiyat, shuningdek bularga demografik, ijtimoiy, siyosiy, ekologik, ya’ni erning barcha aholisining ijtimoiylashuviga ta’sir ko`rsatadigan omillarni kiritiladi.
Mezo omillar (mezo-o`rta)-hudud va yashash joyi ommaviy aloqa tarmoqlari, u yoki bu submadaniyatga tegishliligiga ko`ra ajratilgan guruhlarning ijtimoiylashuvi shart-sharoitlari. Mezo omillar etnik qurilmalarni shakllantirish jarayoniga, mintaqaviy sharoitlarga, shu hududning OAVlariga ta’sirqiladi.
Mikro omillar, ya’ni muayyan shaxslarga ta’sir qiluvchi omillarga -oila, qo`shnilar, tengdoshlar guruhlari, tarbiya muassasalari, turli ijtimoiy, diniy, davlat, xususiy tashkilotlari kiradi.
Ichki omillar: Shaxs tug’ilganidan boshlab rivojlanadigan muhit sotsium yoki mikrosotsium deyiladi.
Tashqi ijtimoiy omillardan tashqari ichki biologic omillar ham mavjud. Ularni bir- biridan mustaqil o`rganishning iloji yo`q. Zamonaviy ilmiy nazariyalarda shaxs rivojlanishining asosiy omillari sifatida biologik va ijtimoiy omillar ajratib ko`rsatiladi.
