1-mavzu. Jismoniy rivojlanishni tekshirish va baholash usullari. Antropometriya. Reja

Q addi qomat – bu odamga odat bo‘lib qolgan gavdaning holati. Tik turgan holatda bosh bilan tana bitta vertikalda turishi kerak. Ikkala yelka bir tekislikda turishiga, kuraklar joylashishida assimetriya yo‘qligiga e’tibor beriladi, ko‘krak qafasi suyaklari bir-biriga nisbatan simmetrik joylashgan, qorin sezilmaydi, oyoqlari to‘g‘ri, tizza va toz son bo‘g‘imlari rostlangan bo‘ladi.

U

Rasm. Odamdagi fiziologik egilmalar
murtqa pog‘onasini ko‘zdan kechirganda to‘rtta fiziologik egilmalarni aniqlash mumkin: Bo‘yin va bel lordozlari (oldinga egilmasi), ko‘krak va dumg‘aza-dum kifozlari (orqaga egilmasi).

Bu fiziologik egilmalar gavdada ressorlik funksiyasini o‘taydi. Egilmalar orasidagi farq 3 - 4 sm dan oshmasligi kerak.

Qaddi-qomat ota-onadan olingan belgi sifatida namoyon bo‘libgina qolmay, balki hayot davomida jismoniy rivojlanishning sustligi, yomon, zararli odatlar - partada noto‘g‘ri o‘tirishi, noto‘g‘ri tik turishi sababli buzilishi mumkin.

Qaddi-qomatning noto‘g‘riligi ayniqsa, yosh organizmning o‘sish davridagi nuqsoni suyak skeletida turg‘un o‘zgarish-deformatsiya hosil bo‘lishi nafas organlari, yurak-qon aylanish, ovqat hazm qilish, ayirish organlari, nerv va harakat apparatining yomonlashishiga, xususan bosh og‘rig‘i, tez charchash, ishtahaning yo‘qolishiga olib keladi.

Umurtqa pog‘onasining egilmalari o‘zgarishi bo‘yicha qaddi- qomatning tuzilishini aniqlash mumkin:

1. 
   Yumaloq orqa – umurtqa pog‘onasining ko‘krak qismi turtib chiqqan, bel lordozi va dumg‘aza dum kifozi yassilashgan bo‘ladi.
   
2. 
   Yassi orqa - umurtqa pog‘onasining hamma fiziologik bukilmalarining yassilanishi. Boshqacha qilib aytganda, shalvaygan qaddi-qomatda bosh egilgan, ko‘krak qafasi yassi, oyoqlar tizza qismida bukilgan bo‘ladi. Orqa yassi umurtqa pog‘onasi skolioz bilan birga keladi.
   
3. 
   Yumaloq botiq orqa– yumaloq umurtqa pog‘onasining ko‘krak qismi orqaga turtib chiqqan, bel lordozi va dumg‘aza dum kifozi esa haddan tashqari ichkariga botgan.
   

a-normal qomat , b-yumaloq orqa, в –yassilashgan orqa, г – yumaloq botiq orqa

Yelkalarning simmetrikliligi baholanadi: yelka kamari bir tekis bo‘lishi kerak. Ularning asimmetrikligi turli sabablar bilan belgilanadi: normada tennis va boks sport turi bilan uzoq vaqt shug‘ullangani bo‘lsa, patologik hollardagi - skoliozdir. Bolalarning maktabga borish davrida ularning portfeli vazniga, bo‘yiga mos tanlanishi, tutqichlarining ikki tomonlama bo‘lishi, bu o‘zgarishning oldini olishdagi asosiy omil hisoblanadi.

Skolioz – umurtqa pog‘onasining yon tomonlarga qiyshayishi bilan kechuvchi kasallik bo‘lib, odatda tug‘ma yoxud hayot jarayonida orttiriladi.

Skolioz turlari: o‘ng (1), chap (2) va S-simon (3) ko‘rinishiga ega bo‘ladi.

Skoliozni aniqlashda quyidagilarga e’tibor berish lozim:

1. 
   Yelka bir tekisdaliligiga.
   
2. 
   Qovurg‘alarni bir-biriga nisbatan simmetrikligiga.
   
3. 
   Bel uchburchaklarining baravarligiga.
   
4. 
   Gavdaning turishiga.
   

Yelkalar notekis

Umurtqa pog‘onasi qiyshaygan

Chanoq qiyshaygan



Rasm. Skolioz belgilari

Skoliozni aniqlashda tekshiriluvchini oldinga yengil engashtirib, umurtqalarning o‘tkir o‘simtalari ustidan barmoq bilan yuqoridan pastga chizish kerak. Paydo bo‘lgan chiziqqa qarab gavdani normalligi yoki skoliozi bor-yo‘qligini aniqlash mumkin. Agarda paydo bo‘lgan chiziq yonga qiyshayib chekkasi o‘ngga qaratilgan bo‘lsa, bunda o‘ng tomonli skolioz, chekkasi chapga qaratilgan bo‘lsa, chap tomonli skolioz deyiladi.

Rasm. Skoliozni aniqlash.

Skoliozning uch bosqichi tafovut qilinadi:

1-bosqich – uncha rivojlanmagan darajadagi to‘g‘rilanadigan qiyshayish;

2 -bosqich – qiyshayish ancha sezilarli darajada bo‘lib, tortilish mashqlari va uslublari yordamida to‘g‘rilanadi;

3- bosqich – kuchli qiyshayish hatto qovurg‘alarni ham o‘z komiga olib, nafas olish jarayoniga ham salbiy ta’sir ko‘rsatadi.

Skolioz darajalarini quyidagicha ajratish mumkin:

1. 
   Agarda tekshiruvchining ikkita kaftini boshining orqasiga qo‘yib tik turgan holda orqa mushaklari taranglanishi natijasida umurtqa pog‘onasi butunlay rostlansa, bu skoliozning birinchi darajasidan dalolat beradi.
   
2. 
   Agarda mushaklar tarang qilinganda ham skolioz saqlanib qolsa, bu skoliozning ikkinchi darajasi deyiladi.
   
3. 
   Shved devorchasida yoki turnikda qo‘l bilan osilganda ham umurtqa pog‘onasi rostlanmay qiyshiqligi saqlanib qolsa, bu skoliozning uchinchi darajasi deyiladi.
   

Skoliozni keltirib chiqaruvchi omillar:

1) 1-sinfga borayotgan bolaga yelkaning bir tomoniga osiladigan sumka. Bolaning suyaklari hali to‘liq qotmagan. Har doim bir tomonga sumkani osib yurish natijasida tana suyaklarining shu tomonga qiyshayishi kuzatiladi;

Rasm. 1, 2-sumkani noto’g‘ri ko’tarish; 3-to’g‘ri ko’tarish; 4-partada noto’g‘ri o’tirish

2) bola uyda dars tayyorlayotgan vaqtida stulga to‘g‘ri o‘tirmasligi va shu stol-stullarni bolaning yoshiga to‘g‘ri kelmasligi;

3) bola erkin yurganda egilib yoki boshini egib yurishi;

4) bola raxit kasalligiga chalingan bo‘lsa, suyaklarda kalsiy yetishmasligi oqibatida umurtqa pog‘onasining qiyshayishi kuzatiladi;

5) bolalarni og‘ir yuk ko‘tarishga majbur qilish tufayli;

6) prujinali karavotlardan foydalanganda;

7) yosh bolalar atrofiga yostiq qo‘yib, o‘tirishga majbur qilish oqibatida hali bunga tayyor bo‘lmagan nozik umurtqa pog‘onasida egilish holati paydo bo‘ladi;

8) ovqatlanish ratsionida tarkibida kalsiy saqlovchi oziq-ovqat mahsulotlarining yetishmasligi natijasida suyaklarning mustahkamligi buziladi. Bu ham skolioz kasalligining yuzaga kelishiga sababchi bo‘ladi.

Agarda qiz bolada skolioz kasalligi paydo bo‘lsa, voyaga yetib turmush qurgandan so‘ng unda tug‘ruq jarayoni qiyin kechadi. Bo‘yin yoki bel umurtqalarining qiyshayishi oqibatida ularda bukrilik holati vujudga kelishi yoki umurtqa pog‘onasining orasiga tuz va suyuqliklar yig‘ilishi mumkin.