Yosh fiziologiyasi va gigiyena fani talabalarga, bo‘lajak muallimlarga rivojlanayotgan organizm organ va tizimlarining o‘ziga xos yosh xususiyatlari, uning tashqi m uhit bilan o'zaro bog‘liqligi, bolalarda uchraydigan turli kasalliklar va ularning oldini olish yo‘llarini o‘rgatishda, bilimga ega qilishda katta ahamiyatga ega.
Yosh fiziologiyasi va gigiyenaning asosiy maqsadi - yosh avlodning zuvalasi pishiq bo‘lib, jismoniy va ma’naviy jihatdan uyg‘un rivojlanishini ta’minlashdan iborat.
1.4. Yosh fiziologiyasi va gigiyenaning boshqa fanlar bilan aloqasi Yosh fiziologiyasi va gigiyena fani anatomiya, gistologiya, sitologiya va boshqa barcha tibbiyot va pedagogika fanlariga yaqindan bog‘liq.
Ish jarayonida yosh fiziologiyasi va gigiyena umumiy gigiyena, umumiy fiziologiya, mikrobiologiya, epidemiologiya, biokimyo, bolalar klinikasi, ruhiyati, pedagogika tavsiyalari hamda yutuqlaridan foydalanadi.
Yosh fiziologiyasi va gigiyena pedagogikaga oid qonun-qoidalarni bilish, unga amal qilish bolalar va o‘smirlarning o‘quv, mehnat va ishlab chiqarish faoliyatlarini me’yorlash bilan bog‘liq bo‘lgan masalalarni hal qilish uchun zarurdir.
Oliy nerv faoliyati haqidagi ta’limot esa psixologiya va pedagogikaning tibbiy ilmiy asosi hisoblanadi.
Pedagoglar ta’lim-tarbiya ishlarini yosh fiziologiyasi va gigiyena ma’lumotlariga asoslangan holda olib borishlari ham muhim ahamiyatga egadir. Pedagog bilib olishi shart bo‘lgan birinchi narsa bu bola tanasining tuzilishi va hayoti, bola tanasining anatomiyasi, fiziologiyasi va uning rivojlanishidir. Bu siz yaxshi pedagog bo‘lish, bolani to‘g‘ri tarbiyalash mumkin emas. Bolaning jismoniy va aqliy qobiliyatlarini, uni nimalarga qodir ekanligini bilmasdan, yoshga aloqador xususiyatlarini nazar e’tiborga olmasdan turib ta’lim tarbiya ishlarini to‘g‘ri yo‘lga qo‘yish mumkin emas.
Bolalar va o‘smirlar muassasalari qurilishini loyihalashtirish, obodonlashtirish, jihozlash masalalarini to‘g‘ri hal etishda texnikaga oid fanlar ham katta ahamiyat kasb etadi. Binolarning tashqi va ichki bezaklarini tanlash, xonalarning joylashuvini to‘g‘ri tashkil etish, ulardagi havo almashinuvi, harorat va yorug‘likni yetarli darajada bo‘lishini ta’minlashda bolalar va o‘smirlar gigiyenasi bo‘yicha mutaxassis muhandislar maslahatiga ham amal qilinadi
