Observasiya -zəhərlənmə ocağının tibbi nəzarət altında saxlanmasını və lazım müalicə-profilaktik tədbirlərin görülməsini nəzərdə tutur.Observasiya zamanı təcridetmə-məhdudlaşdırma rejimi karantindəkinə nisbətən zəif olur.
Karantin və observasiya zonalarında bu rejimlər qoyulan andan etibarən dezinfeksiya, dezinseksiya və deratizasiya işləri aparılır.
Dezinfeksiyadan məqsəd-adamların normal fəaliyyəti və burada təhlükəsiz qala bilmələri üçün ətraf mühitdəki əşyaları zərərsizləşdirməkdir. Həkimlərin və ya başqa tibb işçilərinin göstərişi ilə yaşayış yerini, ictimai istifadə yerlərini, yeyinti məhsullarını, suyu, qab-qacağı, paltarları, ayaqqabıları, yorğan- döşəyi, mebelləri dezinfeksiya etmək lazımdır. Dezinfeksiya həm infeksiya ocağında, həm də profilaktika məqsədilə aparılır. Dezinfeksiya üçün xlorlu əhəng, xloramin, fenol, formalin və s. istifadə olunur. Eyni zamanda qaynatma, yandırma və isti buxardan da istifadə olunur.
Dezinfeksiyanın xüsusi növləri sayılan - dezinseksiya- yoluxucu xəstəlik yayan həşəratların və gənələrin məhv edilməsi və deratizasiya epidemoloji cəhətdən təhlükəli törədən gəmiricilərin məhv edilməsinə deyilir. Dezinseksiyanın 3 üsulu var: Fiziki, kimyəvi, bioloji
Dostları ilə paylaş: |