1. Orfoepiya təliminin nəqsəd və vəzifələri

26. Orfoepiya təlimində istifadə edilən iş növləri və vasitələr
Orfoepiya və intonasiya üzrə vərdişlərin formalaşdırılması üçün ibtidai siniflərdə müxtəlif iş üsullarından istifadə olunur;

• 
  düzgün nitqi yamsılama (şagirdlərin düzgün nitq nümunələrini dinləmələri və yamsılamaları-imitasiya);
  
• 
  səsin tələffüz məxrəcinin izah olunması(ağızın, dodaqların vəziyyətini göstərməklə artikulyasiyanın başa salınması);
  
• 
  sözün hecalara ayrılması və hecalarla tələffüz üzrə məşq edilməsi;
  
• 
  şagirdlərin dinləmə və eşitmə qabiliyyətinin inkişaf etdirilməsi;
  
• 
  şagirdlərin maqnitafonun köməyilə öz tələffüzlərinə nəzarət etməsi;
  
• 
  düzgün tələffüz ilə səhv tələffüzün müqayisəsi;
  
• 
  orfoepik – orfoqrafik cədvəllərdən istifadə;
  
• 
  sözlərin fonetik, morfoloji, sintaktik, leksik təhlili;
  
• 
  görkəmli söz ustalarının lent yazılarının dinlənilməsi;
  
• 
  şeirlərin öyrədilməsi;
  
• 
  bədii parçaların ifadəli oxusu;
  
• 
  radio – televizor uşaq verlişlərindən bəhrələnmə;
  
• 
  orfoepiya üzrə kommentarili yazılar;
  
• 
  dərslikdəki mətnlərin ifadəli oxunması;
  
• 
  oxu prosesində intonasiya; durğu, fasilə, teatr, sürət və s. komponentlərə əməl olunması;
  
• 
  didaktik oyun – çalışmalardan istifadə olunması;
  
• 
  atalar sözü, tapmaca, yanıltmac və saymacalar vasitəsilə düzgün tələffüz qaydalarının yaradılmasına çalışmaq və s.
  

İbtidai siniflərdə ədəbi tələffüz vərdişlərinin aşılanmasında qeyd olunan iş növlərinin hər birinin müəyyən rolu vardır.


27 . Orfoepiya təlimində fəal təlim üsullarından istifadə.
Düzgün tələffüz üzrə iş apararkən fəal/İnteraktiv təlim üsullarından istifadə xüsusilə əhəmiyyətlidir.
Fəal/interaktiv təlimin müxtəlif üsulları vardır: klaster(şaxələndirmə); söz assosiasiyaları, beşliklər; kublaşdırma; konseptual cədvəl; T-sxemlər; Venn diaqramı; əqli hücum; insert; rollu oyunlar; diskussiya; tədqiqatçılıq metodu; debat, BİBÖ, anlayışın çıxarılması, qar topası, akvarium, auksion, morfoloji qutu, sinektika, kolba, iki hissəli gündəlik, ideyalar xalısı, qərarlar ağacı və s.