1. Pedaqoji ünsiyyət və onun növləri
Yüklə 1,02 Mb. Pdf görüntüsü
|
- Bu səhifədəki naviqasiya:
- 6.Təşəkkül,formalaşma,sosiallaşma,özünütərbiyə və yenidəntərbiyə
|
Dördüncü mərhələ.Müəllim istifadə etdiyi ünsiyyət
sisteminin təhlilini aparır, həmin kollektiv üçün münasib olan digər variantları müəyyənləşdirir və siniflə növbəti ünsiyyəti planlaşdırır. Dördüncü mərhələdə ünsiyyət başa çatır və yenidən birinci mərhələyə keçir.
Tərbiyə fəaliyyətinin xüsusi, təşkilati cəhəti deyəndə, adətən, şəxsiyyətin formalaşmasına olan təsir nəzərdə tutulur. Pedaqogikaya dair yazılmış bəzi vəsaitlərdə tərbiyə, ənənəvi olaraq, xüsusi inkişaf edən şəxsiyyətin formalaşmasına pedaqoji təsir kimi nəzərdən keçirilir.Tərbiyə olunana zahiri təsir heç də daim arzu edilən nəticələrə gətirib çıxarmır. Əgər tərbiyəvi təsir şəxsiyyətdə müsbət reaksiya, münasibət yaradırsa, bu, səmərəli və formalaşdırıcı təsirdir.
Tərbiyə dedikdə, pedaqoji prosesdə həyata keçirilən müxtəlif növlü fəaliyyətlərin stimullaşdırılması və təşkili nəzərdə tutulur. Onlar şəxsiyyətə ictimai təcrübə əldə etmək imkanları verən sosial və mənəvi münasibətlərlə formalaşır.Tərbiyə təşəkkül, formalaşma, sosiallaşma kimi anlayışlarla əlaqəli olsa da, sadalanan istilahların hər bir fərqli məzmun daşıyır. Sosiallaşma – şəxsiyyətin müəyyən sosial şəraitdə formalaşması prosesidir. İnsan şəxsi davranış sisteminə elə norma və davranış qaydaları daxil etməlidir ki, cəmiyyətdə, yaxud sosial qrupda başqaları tərəfindən qəbul olunsun. Təşəkkül uşağın müəyyən inkişaf səviyyəsinə çatmasını əks etdirir. Hazırda şəxsiyyət sona qədər formalaşması və ya bu prosesin donmuş şəkildə qalması fikrini irəli sürmək absuddur. Həyatın dinamikası və hadisələrin gedişi onu göstərir ki, hər birhadisə, hətta söz insana ömrünün sonuna qədər təsir göstərə bilər.Yaxşı təşkil olunmuş tərbiyə prosesi insanda özünütərbiyə bacarığının formalaşmasına zəmin yaradır. Uşaqda özünütərbiyəni həyata keçirməyə maraq doğurmaq zəruridir.Uşaq inkişafa meyilliliklə dünyaya gəlir. Odur ki, insan inkişafının əsas mənəvi amili özünütərbiyə, özünütəhsil, özünü təkmilləşdirmədir.
|