1. Pedaqoji ünsiyyət və onun növləri
Ailə tərbiyəsində məktəbin rolu
Yüklə 1,02 Mb. Pdf görüntüsü
|
|
14.Ailə tərbiyəsində məktəbin rolu
XXI əsrdə də uşaq diqqət mərkəzindədir. Şəxsi mövqeyə malik, prioritetlərini müəyyənləşdirən, həyatın mənasını dərk edən, hərəkətlərinə görə məsuliyyət daşıyan şəxsiyyətin tərbiyəsi ailə ilə məktəbin birgə fəaliyyətini labüdləşdirir. Bazar iqtisadiyyatı şəraitində əksər valideynlər maddi rifahın təmin olunmasına kökləndiklərindən uşaqla mənəvi ünsiyyətə demək olar ki, zaman ayıra bilmirlər. Bəzi valideynlər hətta
birbaşa vəzifələrinin icrasından kənarlaşaraq öz vəzifələrini nənə, baba, dayə və məktəbin üzərinə qoyurlar. Lakin məktəb formalaşan şəxsiyyətin ailədən ala biləcəyini əvəz etmək iqtidarında deyil.Bəlkə də elə bu səbəbdən valideyn-övlad münasibətləri ildən-ilə kəskinləşməkdədir. Əksər ailələr tərbiyə məsələlərində çətinliklərlə üzləşirlər. Bəzi ailələlərin mədəni səviyyəsi bir o qədər də ürəkaçan deyil. Bu isə məktəbin qarşısında olan vəzifələri daha da mürəkkəbləşdirir. Onlardan ən əsası:
1. Hər bir uşağın şəxsiyyətinin inkişafı məqsədilə ailə ilə məktəbin tərbiyə vermə prosesində vahidlik; 2. Ailəyə tərbiyə işində dəstəyin verilməsi; 3. Pedaqoji kollektivlə ailənin çətinliklərin öhdəsindən gəlmək üçün birgə fəaliyyəti; 4. Pedaqoqun şagirdlərlə fərdi fəaliyyəti; 5. Valideynlərlə sosial-psixoloji mövzularda təlim və seminarların təşkili, maarifləndirmə işinin aparılması. Pedaqoqun əsas vəzifəsi gənc nəslin təlim-tərbiyəsinin təşkili olduğundan hər bir müəllim tərbiyə məsələləri, uşaqların, yeniyetmələrin davranışı və digər problemləri ilə bağlı ailəyə kömək göstərməli, onlarla sıx əməkdaşlıq etməlidir. Valideynlərin maariflənməsində məktəb psixoloqunun da fəaliyyəti önəmlidir. Məktəblə ailə arasında əlaqələr müxtəlif formada ola bilər. Şagirdlərin tərbiyəsində valideyn iclaslarının rolu danılmazdır.Valideyn iclasları keçirilərkən aşağıdakı məsələlər nəzərə alınmalıdır: 1. Valideyn iclaslarının əsas məqsədi şagirdlərin səhvlərini və uğursuzluqlarını vurğulamaq üçün deyil, onları maarifləndirmək məqsədilə təşkil olunmalıdır. 2. İclasın mövzusu şagirdlərin fərdi xüsusiyyətləri ilə əlaqəli olmalı, sırf onları nəzərə almalıdır. 3. İclasda təlim müvəffəqiyyəti, müxtəlif vəziyyətlərin müzakirə və təhlili aparılmalıdır. 4. İclaslarda şagird şəxsiyyətinin mühakiməsi və müzakirəsi aparılmamalıdır. 5. İmkan daxilində iclaslarda müxtəlif təqdimat və videoroliklərin müzakirəsini təşkil
etmək məqsədəuyğundur. 6. Pedaqoq iclasa əvvəlcədən hazırlaşmalı, müzakirə olunacaq problemləri dəqiq müəyyənləşdirməlidir. Bəzən valideynlər müxtəlif səbəblərdən iclaslarda iştirak edə bilmədikləri üçün məktəbin saytında iclasda aparılan söhbət, maariflənmə ilə bağlı materialları görməyə imkan yaradılmalıdır. Məktəbdə açıq qapı günlərinin təşkili də əhəmiyyətli məsələlərdəndir. Belə günlərdə valideyn fənn müəllimləri ilə görüşmək, övladı haqqında ətraflı məlumat əldə etmək, mövcud problemlərin aradan qaldırılması istiqamətində müəllimlə birgəfəaliyyət planı hazırlamaq imkanı qazanırlar. Müasir dövrdə ünsiyyətin müxtəlif yollarından istifadə ailə- məktəb münasibətlərinin daha səmərəli olmasına münbit şərait yaradır. Belə ki, sinif rəhbərləri, fənn müəllimləri sosial şəbəkələrdə qruplar və ya e-mail vasitəsilə valideynlərlə
çevik əlaqələr yarada bilər. Həftəlik elektron hesabatların da müntəzəm olaraq valideynlərə göndərilməsi pedaqoji prosesin səmərəsini yüksəldən amillərdəndir. Məktəb valideynlə əməkdaşlığın maksimum dərəcədə faydalı olması üçün münbit iqlim yaratmalıdır. İstənilən əməkdaşlığın müvəffəqiyyəti yaradılan mühitdən bilavasitə asılıdır. Pedaqoqlar ailə sirlərini qorunmalı, uşaq və ailə haqqında məlumatın konfidensiallığını təmin etməli, həmkarları ilə bölüşməməlidirlər. Məktəb və müəllimə inamı itirən valideynnövbəti dəfə əməkdaşlıqdan yayınacaq, bu isə şagirdin həyatında mənfi iz buraxacaqdır.
Yüklə 1,02 Mb. Dostları ilə paylaş:
|