Şaquli marketinq sistemi. Ümumiyyətlə, kanalın öz vəzifəsini yaxşı icra etməsi üçün hər bir kanal üzvünün rolu müəyyən edilməli və üzvlər arasında yaranan münaqişələr həll edilməlidir. Əgər kanalı idarə edən agentlik, firma və yaxud mexanizm varsa onda həmin kanalın səmərəli fəaliyyəti təmin edilir.Heç də bütün marketinq kanallarında deyilən mexanizm və yaxud liderlik olmur. Bu baxımdan marketinq kanallarını ənənəvi və şaquli marketinq sistemlərinə bölürlər. Ənənəvi marketinq kanallarında kanal iştirakçılarından hər biri digərindən asılı olmadan, digəriləri ilə fəaliyyətini əlaqələndirmədən öz işlərini yerinə yetirir. Ona görə də bu cür kanalların ümumi səmərəliliyinin aşağı olması və kanalda iştirakçılar arasında münaqişələrin baş verməsi ehtimalı çox böyük olur. Son illərdə marketinq kanalında liderliyi təmin edən iştirakçının meydana çıxması kanalın səmərəli fəaliyyətinin təmin edilməsi baxımından əhəmiyyətli hadisə olmuş və bu cür marketinq kanalları şaquli marketinq sistemləri kimi qəbul edilmişdir.
Şaquli marketinq sistemi ilə ənənəvi marketinq kanallarının müqayisəsi aşağıdakı diaqramda göstərilmişdir/ diaqram/