1. Tema : «Meniń janajan Qaraqalpaqstanım» Jumıstıń maqseti

Báhár tamshıları.
Mazmunı : Balalar 2 gruppaǵa bólinedi, 1-gruppa tamshılar, 2-gruppa maysalar
Maysalar jerde otıradı, tamshılar kózlerin jumıp barıp maysalardı uslap aladı. Kim maysanı uslay almasa oyınnan shetletiledi. Uslaǵan tamshılar oyını dawam etedi. Oyın sońında jaqsı qatnasqanlar xoshametlentiriledi.
Kórkem óner iskerlik orayına ótip balalar ıqtıyarıy báhárgi kórinis hám tamshı sáwlelengen súwretlerdi sızadı hám kórgizbe shólkemlestirip iskerlik juwmaqlanadı.
49 -Tema :
Oyınshıqlar haqqında sáwbet
Maqset: Oyınshıqlar haqqında tárbiyalanıwshılarǵa túsinik beriw. Áyyemgi hám házirgi oyınshıqlardı oylap shıǵarıwshıları haqqında balalardıń bilimin qáliplestiriw.
Balalarda oyınshıq jáne onıń oylap shıǵarıwshılarına háwes oyatıw olardıń qalǵan miyrasın saqlap álpeshlewge úyretiw.
Oyınshıqlardıń atın, olardıń reńi hám úlkenligin tuwrı aytıwǵa úyretiw.
Sabaqtıń áhmiyeti: Tárbiyashı menen birge qısqa gúrriń dúziwge úyrenedi.
Kerekli buyım hám materiallar : Oyınshıqlar, júk mashinası, aq hám qara ayıwlar, eshki, túrli shamadaǵı arshalar, quwırshaqlar (ul bala hám qız bala ).
Iskerlik barısı :
Búgin sizler menen oyınshıq jáne onıń oylap shıǵarıwshıları haqqında sóylep ótemiz. Oyınshıqlar áyyemgi zamanlarda Xamri baba tárepinen jaratılǵan oyınshıqlar bolǵan. Házirgi maǵlıwmatlarǵa qaraǵanda jer júzindegi eń kóp tayarlanatuǵın oyınshıqlar Qıtaydıń moynına tuwrı keledi. Jáne de anıqlaw aytatuǵın bolsaq, million túrdegi oyınshıqlardı tayarlaw ushın qansha jumısshı kúshi kerek ekenligin oyda sáwlelendire alamız ba?
Bálki bul sheksiz islep shıǵarılıw processinde qanday da texnologiya yamasa robotlar qatnasadı, dep oylawıńız múmkin. Biraq bunday emes. Oyınshıqlardıń bárin adamlar soǵadı. Olardıń hámmesi qol miynetinde islenedi.
Tárbiyashı xanaǵa oyınshıqlar salınǵan júk mashinasın alıp kiredi (ayıw, eshki, quwırshaqlar, arsha aǵashlar salınǵan ).
Qarańlar, mashinada qanday oyınshıqlar alıp keldim?
Balalar juwabı : Tuwrı, ayıwlardı, eshkini hám arsha aǵashlardı alıp keldim. Siz bul oyınshıqlardı oynawdı jaqsı kóresiz be? Bular ne? Tuwrı ayıwlar. Bir arsha aǵashı qanday reńde (aq). Basqa arsha aǵashı qanday reńde? (qara ). Ayıwlar qanday qıshqıradı? (eeee). Said, aq ayıqsha qanday qıshqıradı? (Tárbiyashı oyınshıqtı balanıń qolına beredi). Qara ayıw qanday qıshqıradı? Mine bular ne? (Arsha aǵashlar ). Qarańlar -ne hámme arsha aǵashlar birdey me? Mine bul arsha aǵashlar biyik, bular -ne, qanday? Tuwrı, olar tómen, keyin tárbiyashi eki balanı shaqıradı hám birewine stul ústine biyik arsha aǵashlardı, ekinshisine tómen arsha aǵashlardı qoyıwın buyıradı.
Keyininen tárbiyashi ul hám qız quwırshaqlardı aladı hám «Qızdıń atı Gúlsima», deydi. Qızdıń atı ne eken? (ulıwma hám dara -dara juwaplar ). Balanıń atı Erkin. Onıń atı ne eken? (ulıwma hám dara -dara juwaplar ).
Qarańlar mashinada qanday oyınshıq kelipti? (eshki). Eshki qanday baqıradı? (mee). Keyin tárbiyashı balalardıń úylerinde qanday oyınshıqları bar ekenin soraydı. Kem aktiv balalardı aktivlestiriw ushın olarǵa sorawlar menen múráját etedi. Daniyar, sen qaysı oyınshıqlar menen oynawdı jaqsı kóresen? Gúldana, seniń oyınshıǵıń qaysı? Oyınshıqlar ne ushın kerek? h.t.b.
Tárbiyashi stol ústine arsha aǵashı qoyadı hám gúrrińin baslaydı. Kúnlerden bir kún eshki toǵayǵa aylanıp júrgen edi. Aldınan ayıw shıǵıp, eshki «e-e-e» dep qıshqırdı.
Ayıw qanday qıshqırdı? Eshki qorqıp ketip «me-me-me» dep qıshqırdı. Eshki qanday qıshqırdı? Sol waqıt Erkin, Itibar degen balalar toǵayda júrgen eken. Olar eshkiniń dawısın esitip júgirip keldi hám eshkini jubattı. Hámme quwanıshlı boldı.
Kim gúrrińdi qaytaradı? Erkin, Itibar sózlerinde «e» dawısı barma? Kelińler, Erkin, Itibar degen sózlerdi qaytaramız.
Balalar bilimin tekseriw hám bekkemlew ushın sorawlar :
1. Aq ayıw haqqında kim sóyleydi?
2. Qara ayıw haqqında kim sóyleydi?
3. Tómengi arsha aǵashın kórsetiń?
4. Biyik arsha aǵashın kórsetiń?
5. Quwırshaqlardıń atı ne eken?
6. Quwırshaqlar haqqında kim aytadı?
Balalar kórkem óner orayına ótip «meniń ardaqlı oyınshıǵım» temasında ılay jumısı, aplikaciya hám súwret sızadı.
Bala bilimin anıqlawshı sorawlar bala juwapların analiz qılıw hám xoshametlew.