13-mavzu. Masofaviy ta’limda bulutli texnologiyalar reja
Yüklə 92,85 Kb. Pdf görüntüsü
|
|
Bulutli texnologiya
–kompyuter resurslari yordamida raqamli ma’lumotlarni taqsimlangan qayta ishlash texnologiyasi, internet foydalanuvchisiga onlayn xizmat sifatida taqdim etiladi. Axborot kompetentlik –zamonaviy sun’iy intellekt texnologiyalari vositasida shaxsiy va kasbiy faoliyati bilan bog‘liq ma’lumot, axborotlarni mustaqil izlash, tahlil qilish, tanlash, qayta ishlash va zaruriy axborotlarni uzatish ko‘nikmalarining shakllanganlik darajasidir. “Virtual kompetentlik” deganda o’qituvchining professional faoliyatida, tipik va noadatiy holatlarda sun’iy intellekt texnologiyalaridan foydalanish imkonini beruvchi ichki va tashqi resurslar tuzilmasi sifatida: nazariy bilim, amaliy ko‘nikma va faoliyat metodlari nuqtai nazaridan qarash mumkin bo‘ladi. AKT - kompetentlilik -ta’lim oluvchilarning ta’lim olish va boshqa faoliyatda yuzaga keladigan masalalarni hal qilish uchun AKT-savodxonlikning barcha tarkibiy qismlarini ishonchli egallashi bo‘lib, bunda asosiy e’tibor umumiy bilim olish, axloqiy va texnik ko‘nikmalarni shakllantirishga qaratiladi. Suniy intellekt kompetensiyasini yangi texnologiyalar va shaxsiy fazilatlarning muayyan to‘plami sohasida nazariy va amaliy bilimlar, amaliy ko‘nikmalar integratsiyasi, murakkab yakka-psixologik ta’lim deb taqdim etish mumkin. Virtual texnologiya sohasida bulutli texnologiyaning asosiy vaifasi bu dasturiy vositalar yordamida o‘quv qo‘llanmalarni raqamli shaklda taqdim etishda, qiyin bo‘lgan holatlarda, hodisalarni virtual ko‘rinishda yaratishga, murakkab tajriba jarayonlarini virtual ko‘rinishda tashkil etishi va mustaqil ta’limning didaktik imkoniyatlarini kengaytirishi, o‘quv faoliyatiga bo‘lgan qiziqishni oshirishi, fan bo‘yicha asosiy bilimlarni egallashda, ularni tizimlashtirish va talabalarning mustaqil ishlarida o‘quv materiallarini o‘zlashtirishlari bo‘yicha uslubiy yordam berishga qaratilgan bo‘lib bunda talabalarning kreativ fikrlashini oshirishga moslashtirilgan hozirgi zamonaviy texnologiyasi sifatida ish yuritadi. Ilmiy izlanishlarga oid normativ-huquqiy hujjatlarni, ilmiy-metodik manbalarini hamda oliy ta’limdagi mavjud o‘qitish jarayonlarining tahlili natijasiga ko‘ra, sun’iy intellekt fanini o‘qitish samaradorligini oshirish, pedagogik muammolarning yechimini quyidagi vazifalarning bajarilishiga qaratiladi; sun’iy intellekt fani professor-o‘qituvchilarining IT sohasidagi yetarli darajadagi malakasini shakllantirish zarur; sun’iy intellekt fanini o‘qitishda an’anaviy usullar bilan bir qatorda, yangi zamonaviy kompyuter dasturlaridan foydalanishda asosan (virtual ta’lim texnologiyalari, interfaol o‘quv-uslubiy majmualar, elektron darsliklar, bulutli texnologiyalar)dan keng ko‘lamda foydalanish mumkin bo‘ladi; sun’iy intellektda murakkab jarayon va hodisalarni namoyish etishda virtual ta’lim texnologiyalaridan foydalanish katta samara beradi. Sun’iy intellekt fani asosan talabalarda fanga nisbatan motivatsiyani yanada rivojlantirishda; talabalarning mustaqil ravishda tajriba ishlarini bajarish uchun virtual tajribalarni ishlab chiqishini amalga oshirishda; talabalarning Internet texnologiyalari hamda bulutli texnologiylarda tizimning xotira qurilmalarida joylashtirilgan ta’lim mobil ilovalari, virtual ta’lim texnologiyalaridan foydalanish madaniyatini shakllantirishdan iboratdir. Bulutli xotira orqali masofaviy o‘qitishni boshqaruvchi professor- o‘qituvchiga talabalar bilan savol-javob va tushunmagan mavzularni tushuntirish uchun ma’lum vaqtni rejalashtirib, o‘sha vaqtda onlayn munozaralar olib borish imkoniyatlariga ega bo‘ladi. Bu borada, xorijiy davlatlarda bulutli xotiraning interfaol imkoniyatlari hamda masofaviy o‘qitish va unga mos virtual texnologiyalarida n foydalanish bo‘yicha bir qancha axborot ta’lim muhitlari, virtual texnologiya platformalari yaratilib, ulardan keng ko‘lamda foydalanilib kelinmoqda. Bularga AQShning Pensilvaniya davlat universiteti (worldcampus.psu.edu), Kaliforniya virtual universiteti (cvc.edu), Vestern Governors universiteti (umuc.edu), Minnesota shtatining virtual universiteti (iseek.org/sv/index.jsp), Buyuk Britaniya ochiq universiteti (open.ac.uk Germaniya Xarkov sirtqi universiteti (fernuni-hagen.de) axborot ta’lim muhitlarini misol sifatida aytish mumkin. AQShning CDW kompaniyasi tomonidan o‘tkazilgan tadqiqot natijalariga ko‘ra: “kollej va universitetlarning atigi 5% i bulutli texnologiyalarga o‘tishni o‘ylamayotganligi, 29% bulutli texnologiyalarni amalga oshirishning strategik rejasini ishlab chiqqanligini va 28% allaqachon o‘z rejalarini bulutli texnologiyalar asosida amalga oshirayotganligi ta’kidlab o‘tilgan”ligini ko‘rishimiz mumkin. Yüklə 92,85 Kb. Dostları ilə paylaş:
|