15-lekcíYA. ǴAwashaniń qatar aralarina íslew beríw hám suwǵariw. ǴAwashani tóGÍNLEw hám chekankalaw. Paxtani jiynap teríp aliw reje

Ǵawashanıń qatar aralarina islew beriw hám suwǵarıw.
Sońǵı jıllarda ayırım xojalıqlarda ǵawasha qatar araların kultivatsiyalaw sanı kóbeytirilip jiberilgen. Buǵan suwdıń azlıǵı sebep etip kórsetilmekte. Biraq, kultivatsiyalaw sanınıń kóbeyiwine hasla jol qoyıwǵa bolmaydı. Sebebi topıraqtıń ústińgi bólimi qayta-qayta tereń kultivatsiyalanıwı sebepli, ózindegi ızǵardı saqlap qalmaydı.
Ózbekstan Respublikası sharayatında ǵawashanıń suwǵarıw rejimi tereń úyrenilgen hám egislik jerlerdiń topıraq tiplerine baylanıslı ǵawashanı suwǵarıwdıń áhmiyeti hám suwǵarıw usılları boyınsha izertlew jumısları alıp barılǵan.Suwǵarıw ǵawasha tárbiyasındaǵı eń tiykarǵı hám jetistiriletuǵın zúrááttiń kólemin belgileytuǵın agrotexnikalıq ilaj bolıp tabıladı. Suw ósimliktiń ósiwin hám rawajlanıwın támiyinleydi. Respublikamızda qollanılatuǵın suwǵarıw sanları hám muǵdarları tómendegi kestede keltiriledi.
Ǵawashanı suwǵarıw sanları hám muǵdarı

N	Topıraq túri	Suwǵarıw sanı hám muǵdarı
		Gúllewge shekem	Gúllew-górek túyiw dáwirin- de	Pisiw dáwi- rinde	Máwsimlik muǵdarı hám sanı
1.	Jeńil topıraq (qumlı hám qumshań)	2-3 márte 500-600 m^3/ga	3-4 márte 700-800 m^3/ga	1-2 márte 600 m^3/ga	7-10 márte 4500-6000 m^3/ga
2.	Orta qumshań	2 márte 600-700 m^3/ga	3-4 márte 800-900 m^3/ga	1 márte 700 m^3/ga	6-7 márte 4000-5000 m^3/ga
3.	Awır qumshań jer asti suwlari tereń jaylas-qan	2 márte 700 m^3/ga	3-4 márte 1000-1100 m^3/ga	1 márte 700 m^3/ga	6-7 márte 5500-6300 m^3/ga
4.	Tereń hám biraz mineral-lasqan, grunt suwları jaqın jaylasqan	1 márte 700-800 m^3/ga	2-3 márte 700-800 m^3/ga	-	3-4 márte 2100-3100 m^3/ga

Ǵawashanı vegetaciya áwirinde suwǵarıw ulıwma paxtashılıq agrotexnikasında onıń áhmiyetli elementleriniń biri bolıp esaplanadı. Vegetaciya dáwirinde ǵawashanı suwǵarıw muǵdarı hám rejimi ósimliktiń rawajlanıw dáwirinde onıń suwǵa bolǵan talabına, izey suwlardıń tereńligine, topıraq tipi menen mexanikalıq sostavına klimat hám hawa rayı jaǵdaylarına baylanıslı boladı. Gúllew hám zúráát toplaw dáwirinde, tez pát penen ósiw dáwirinde, ósimliktiń japıraq beti úlken kólemge iye bolıp onıń suwǵa talabı keskin artadı.