18-ma’ruza. Php dasturlash tilida ma`lumotlar bazasi bilan ishlash

mysql_connect() funksiyasi
mysql_pconnect() funksiyasi MySQL tizimi bilan bog'lanishni o'rnatadi. Sintaksisi:
int mysql_pconnect ([string xost [:port][:/soketga yo'l] [, string foydalanuvchi_nomi] [,string parol])
yoki
resource mysql_pconnect ([server satri [,username satri[,password satri [, int new_link [, int client_flags]]]]])
xost parametrida MySQL tizimining vakolatlar jadvalida ko'rsatilgan kompyuter xosti nomi beriladi. Bu nom MySQL ishlayotgan Web-serverga so'rovlarni yo'naltirish uchun ishlatiladi, bi­roq MySQL tizimiga masofadan turib ham bog'lanish mumkin. Xost nomi berilganda shart bo'lmagan parametrlari — port nomeri, soket(lokal xost uchun) yo'lini ham ko'rsatish mumkin. foydalanuvchi_nomi va parol parametrlari MySQL vakolatlari jadvalida be­rilgan foydalanuvchi nomi va paroli bilan mos tushishi kerak. Agar xost parametri berilmagan bo'lsa, mysql_pconnect() lokal xost bilan aloqani o'rnatishga harakat qiladi.
11.3-misol. MySQL bilan ochiq bog'lanish:
@ $db = mysql_pconnect(“localhost”, “goyipov”, “12345”);
Berilgan misolda localhost — kompyuter xost nomi, goyipov – foydalanuvchi nomi, 12345 esa — parol. mysql_pconnect() funksiyasi oldidan ishlatiladigan @ belgisi bog'lanish urinishi muvaffaqiyatsiz yakunlanganda chiqadigan xatolarni yashirish uchun ishlatiladi. Bu belgi die() funksiyasi chiqazadigan xatolar haqidagi xabarlarni al­mashtiradi.
Agar funksiyaga bir xil avvalgi parametrlar bilan ikki marta murojaat etilsa, yangi bog'lanish o'rnatilmaydi, lekin murojaat (ssil-ka)ni eski bog'lanishga qaytaradi. Bu holatga duch kelmaslik uchun, newlink parametri ishlatiladi. Bu parametr ixtiyoriy holatda yana bir bog'lanishni ochishga yordam beradi.
client_flags parametri — bu quyidagi konstantalarni kombinatsiyasi: MYSQL_CLIENT_COMPRESS (siqish protokolini ishlatadi), MYSQL_CLIENT_IGNORE_SPACE (funksiya nomidan so'ng probellarni o'qish uchun imkoniyat yaratadi), MYSQL_CLIENT_INTERACTIVE (bog'lanish yopilguncha- wait_timeout bilan birga — interactive timeout sekund kutadi).
new_link parametri PHP 4.2.0-versiyasidan, client_flags para­metri esa PHP 4.3.0-versiyasidan boshlab qo'shilgan.
Tizim bilan bog'lanish agar mysql_close() funksiyasi yordamida yopilmagan bo'lsa, skript bajarilishi tugatilganda yopiladi.
11.4-misol goyipov foydalanuvchisi uchun «12345» paroli bilan lo­kal serverdagi ma'lumotlar bazasiga bog'lanishni o'rnatamiz:
$conn = mysql_pconnect(“localhost”, “goyipov”, “12345”)
or die (“Bog'lanish o'rnatilmadi: mysql_error());
echo “Bog'lanish o'rnatildi”;
?>
Natija: Bog'lanish o'rnatildi

Agar dastur turli xostlarda bir nechta MySQL tizimlari bi­lan bog'lanishni o'rnatsa, kerakli MySQL tizimiga mysql_pconnect() funksiyasi qaytargan bog'lanish identifikatordan foydalanib so'rovlarni yo'llash mumkin.

11.5-misol.
$linkl = @mysql_pconnect("localhost", "goyipov", "12345") or die("localhost serveriga boglana olmadi!");
$link2 = @mysql_pconnect(“www.birorhost.uz”, “foydalanuvchi”, “parol”) or die (“MySQL server ga bo’glana olmadi!”);
?>
$linkl va $link2 identifikatorlari ma'lumotlar bazasiga so'rovlar bilan oxirgi murojaatni uzatadi.
Ko'p foydalanuvchilar muhitida tizim resurslarini tejash uchun mysql_pconnect() ni mysql_connect() bilan birgalikda ishlatish tavsiya etiladi. mysql_pconnect() funksiyasining parametr tiplanri va qaytaradigan qiymatiari mysql_connect() funksiyasi bilan mos tushadi, bittagina farqi mysql_connect() funksiyasi ma'lumotlar bazasiga doimiy bog'lanib turish uchun ishlatiladi.