I tovushi bor ilon rasmi ko‘rsatiladi, tarbiyalanuvchilar uning nomini- so`zni aytadilar. Defektolog I tovushini cho`zib (i-i-i-lon) aytadi va qaysi tovushni cho`zib aytayotganligini tarbiyalanuvchilardan so`raydi.
I tovushini talaffuzidalablar jilmaygan holatdagidek, tishlar bir-biriga yaqinlashgan, lekin birlashmagan, oldingi tishlar orasi ochiq, tilning keng uchi pastki tish qirralariga, tilning yon qirralari esa yuqorigi katta tishlarga tegib turgan, til kuragi qattiq tanglayga ko‘tarilgan, yumshoq tanglay tomoqning orqa devoriga siqilgan burun yo‘llarini yopib turgan, havo oqimi og‘iz orqali o‘tib ketadigan holatda bo‘ladi, tovush boylamlari esa birikkan bo‘lib, tebranadi va tovush hosil qiladi.
Tarbiyalanuvchilarbilan birga I tovushli so`zlar o`ylab topiladi.
Tarbiyalanuvchilarbilan birga I tovushli so`zlar o`ylab topiladi.
Harflarning uch xususiyati:yozilishi, ko‘rish mumkinligi va ularni o‘qish mumkinligi aytiladi.Xulosada harflar o`qilishi, yozilishi va ularni ko`rish mumkinligi; tovushlarni esa eshitish va talaffuz qilinishi aytiladi.
Quvnoq daqiqa
«Otlar» o‘yini
O‘yinning borishi: Bolalar ikki guruhga bo‘linadilar. Birinchi guruh bolalari ot haydovchilar, ikkinchi guruh bolalari esa "otlarga" bo‘linadi. Otlarni tasvirlovchi bolalar ikkitadan bo‘lib qo‘l ushlashib turadilar
Otlar haydovchining boshqaruvi ostida otlardek “iii” deb yuguradilar. Tarbiyachining buyrug‘iga binoan haydovchilar otlarni «drrr» deb to‘xtatadilar. So‘ngra bolalar rollarini almashadilar.
Defektolog bolalarga katta bosma I harfini doskada chizib ko`rsatib beradi. Defektolog ko`rsatib bergan namunaga qarab bolalar sanoq cho`plaridan katta Iharfini yasaydilar. Ish yakunida tarbiyachi bolalarga Iharfi haqida quyidagi quvnoq she’rni aytib berishi mumkin.
