3. 1-§. Fizikadan masalalar yechish

3.1-§. Fizikadan masalalar yechish

Fizik masalalar yechish orqali qator juda muhim oʻquv tarbiyaviy funktsiyalar bajariladi. Jumladan, yangi mavzuga oid tushuncha va qonuniyatlarni oʻrganish, uni mustahkamlash, taʼlim oluvchilarning bilim, koʻnikma va malakalarini shakllantirish va rivojlantirish, shu bilan bir qatorda ularning oʻzlashtirish darajasini aniqlash muhim ahamiyatga ega. Hozirgi kunda har qanday yosh avlod fizikadan ishonchli nazariy va ularni amaliyotda qoʻllash koʻnikmalariga ega boʻlishi zarur. Fizika fani maʼlum bir obekt yoki hodisa toʻg`risida yaxlit tasavvur beruvchi bilimlar tizimi boʻlish bilan insonlarda oldindan koʻra bilish, bashorat qilish, rejalashtirish koʻnikmalarini hosil qiladi, koʻp xatolardan asraydi. Soddaroq qilib aytganda, amaliy mashg`ulotlarda masalalarning yechimini aniqlash, u yordamida fizik qonuniyatlarni toʻg`ri baholashni oʻrganish tabiatda yuz beruvchi fizik hodisa va jarayonlar, ularning namoyon boʻlish mexanizm va qonuniyatlarini toʻg`ri taxlil qilish, insonlarning ilmiy-texnikaviy dunyoqarashlarini shakllanishi, olamning yagona fizik manzarasi haqidagi tasavvurlarini boyitishda muhim ahamiyatga ega.

Masalalar yechishni oʻrganish bilim oluvchilarning aqliy rivojlanishiga imkon beradi, mantiqiy tafakkur, xotira, diqqat va idrokning oʻsishiga yordam beradi. V.Voroshilov «Fizikadan masala yechmay fizikani oʻrganish – bu suvsiz suvda suzishni oʻrganish bilan barobardir» degan edi. Shuning uchun fizikadan masalalarni mustaqil yecha olishlik fizika fanini oʻrganish va oʻzlashtirishning asosiy mezonidir. Shuning uchun ushbu ishimizda yarimoʻtkazgichlar fizikasidan masalalar yechishni tashkil qilish va oʻtkazish metodikasini yoritishga bag`ishlangan. Jumladan, unda, masalalar yechishni tashkil qilishda tanlangan masalaning ahamiyati, ularni yechishni oʻrgatishda psixologik yondashuv, turli qiyinchilik darajasidagi masalalar va ularga qoʻyiladigan talablar hamda bunday masalalarni yechish metodlari batafsil koʻrib chiqiladi.
Avvalo turli xildagi masalalar yechish metodikasi bilan tanishaylik.