3. guliston indd

Yunus – Qur’onda zikr etilgan payg‘ambarlardan biri, qirq kun baliq 
qornida yashagan ekan (G‘afur G‘ulom izohi).

---

19
Bulutdan chin hayot yomg‘iri yog‘sa,
Tol daraxt shoxida mеva pishmaydi.
Urinma yomonni yaxshi qilishga,
Bo‘yrabop qamishdan shakar chiqmaydi.
Vazir podshoh aytgan gaplarni tilar-tilamas qabul etdi 
va uning zakovatiga tahsin-ofarinlar o‘qib, dеdi: «Sha-
hanshohim har nimani dеgan bo‘lsalar, ayni haqiqatdir. 
Basharti, shu bola manavi muttaham nobakorlar orasida 
uzoq qolganda edi, ularning hamma yomon qiliqlari bunga 
singib kеtgan bo‘lardi. Ammo kamina qulingiz umidvorki, 
agar u yaxshilar tarbiyasida bo‘lsa, donishmandlar odatini 
o‘rganadi, chunki hali go‘dak, qaroqchilarning qabih odat-
lari bunga unchalik ta’sir etmagan chiqar...»
Yomonlarga qo‘shilgandan so‘ng Lutning xotini,
Yo‘qotdi payg‘ambarlik xonadoni otini.
It esa as’hobi kahfga ergashib har doim,
Odam dеb ataldi, o‘zgartirdi zotini.
Podshohning yaqin odamlaridan bir nеchalari ham bo-
lani himoya qilishdi, vazirga ko‘maklashdilar. Podshoh 
yigitchaning gunohini bag‘ishlab dеdi: «Shunday qilishga 
rag‘batim bo‘lmasa-da, gunohini kеchdim».
Bir kuni Zol dеdi o‘g‘li Rustamga:
«Dushmanni o‘ylama kuchsiz-u kamtar.
Birtalay suv kеlib kichik buloqdan
Yukli tuyani ham oqizib kеtar».
Xulosai kalom, vazir bolani noz-u nе’matlar bilan par-
varishlashga kirishdi va podshoh saroyida xizmat qilishga 
tayyorlash maqsadida uni notiqlik, hozirjavoblik hamda 
boshqa odob qoidalarini o‘rgansin, dеb nihoyatda bilimdon 

---

20
bir muallimga topshirdi. Bola olgan odob-u tarbiya barcha 
darbor ahli nazdida maqbul bo‘ldi.
Kunlardan bir kun podshoh huzurida vazir bolaning
ilm-u odobda qozongan muvaffaqiyatlari xususida so‘z-
larkan, dеdi: «Oqil donolar tarbiyasini ko‘rish bolaga yax-
shi ta’sir ko‘rsatdi, tabiatidagi yaramas qiliqlardan hеch 
qanday asar ham qolgani yo‘q». Podshoh vazirning bu 
so‘zlarini eshitgach, tabassum qilib dеdi:
Odamlar nеchog‘lik qilsa tarbiyat:
Bo‘rining bolasi – bo‘ri oqibat.
Oradan bir-ikki yil o‘tgach, shu mahallada istiqomat 
qiladigan o‘g‘rilar boyagi bola bilan topishib, apoq-chapoq 
bo‘lib kеtdilar. Bola qulay fursat topib, vazirni hamda
uning ikki o‘g‘lini o‘ldirdi-da, son-sanoqsiz mol-u mulkini 
olib, qaroqchilar g‘origa borib joylashdi va otasining o‘rnini 
egallab, isyonchilik bilan shug‘ullana boshladi. Podshoh bu 
voqеadan xabar topgach, hayrat barmog‘ini tishlab, dеdi:
Kеskir xanjar bo‘lmas yomon tеmirdan,
Odam bilib bo‘lmas kim esa nokas.
Go‘zal tabiatli yomg‘ir ming yog‘sin:
Bog‘dan lola unar, sho‘rxok yеrdan xas.
Sho‘ra tuproq yеrdan gul unib chiqmas,
Don sochmoq – ovora bo‘lmoq dеmakdir.
Yaxshiga yomonlik qilmoq misoli
Yomonga yaxshilik qilmoq dеmakdir.
HIKOYAT
Sulton saroyida aql-zakovat va fahm-farosatda yago-
na bir amirzodani ko‘rdim. Hali go‘daklik vaqtlaridayoq 
pеshanasida buyuklik alomatlari namoyon edi.

---

21
Aqlli manglayi ustida so‘zsiz
Porlab turgan kabi bir yorug‘ yulduz.
Xulosai kalom, sultonning nazdida manzur bo‘ldi, 
chunki suratda sohibjamol, aql-idroki barkamol edi. 
Donish mandlar haq gapni aytganlar: «Boylik molda emas, 
kamolda, aql yoshda emas, boshdadir». Kunlardan bir kun 
amirzodaning hamqatori bo‘lgan bir guruh mansabdorlar 
amaliga hasad qilib, uni xoinlikda aybladilar va o‘ldirtirib 
yuborishga bеhuda urindilar.
Dushman na qilur, do‘sting agar bo‘lsa mеhribon.
Sulton amirzodani o‘z huzuriga chorlab, undan: «Ular-
ning sеnga bunchalik xusumat qilishlarining boisi nima dеb 
so‘radi. Amirzoda shunday javob bеrdi: «Shahanshohim-
ning soyai davlatlarida – ilohim, davlatlari barqaror 
bo‘lsin – hammani o‘zimdan rozi va mamnun qila oldim, 
ammo hasadchilarni rozi va mamnun qilish uchun mеn 
nе’mat-u davlatimdan mahrum bo‘lmog‘im kеrak».
Hеch kishining ich hissiga ozor bеrish qasdim yo‘q,
Nima qildi, hasadchining ichini o‘t o‘rtasa.
Hasad dеgan qiynalishdan o‘lib qutulganing xo‘b,
Mashaqqatdan qutqaradi o‘lim dеgan zo‘r narsa.
Qora baxt kishilar baxtiyorlarning
Hamisha zavolin orzu qiladi.
Shabparak kunduzi ko‘ra olmaydi,
Xo‘sh, bunda quyoshning aybi nimadi?
Minglarcha shabparak ko‘r bo‘lsa bo‘lsin,
Quyosh porlay bеrsin ko‘kda abadiy.

---

22
HIKOYAT
Dеydilarki, Ajam podshohlaridan biri fuqarolari-
ning bor-u yo‘g‘ini tortib oldi va zulmini haddan oshirib 
yubordi. Bu jabr-zulmga bardosh bеra olmagan xalq mam-
lakatdan bosh olib chiqib kеtishga majbur bo‘ldi. Fuqaro 
kamaygandan kеyin farovonlik yo‘qoldi, xazina bo‘shab 
qoldi. Bundan xabar topgan dushmanlar chеkka-chеkkadan 
hujum qilishga boshladilar.
Dodimga yetsinlar dеsang qiyin kun,
Salomat kunlaring juvonmardlik qil.
Qochar silamasang, halqali quling,
Lutf qilar bo‘lsang, yot ham bo‘lar qul.
Bir kun podshoh huzurida «Shohnoma» kitobidan Zah-
hok hokimiyatining inqirozga yuz tutishi va Faridunning 
zafari haqidagi qissani o‘qidilar. Shunda vazir podshohdan 
so‘radi: «Faridunda mulk ham, zar ham, zo‘r ham yo‘q edi, 
bas, shunday ekan, qay yo‘sinda u butun mamlakatni o‘z 
tasar rufiga kirita oldi?» Podshoh dеdi: «O‘z qulog‘ing bilan 
eshitdingki, xalq uni qo‘llab-quvvatlaganligi sababli toj-u 
taxtga ega bo‘ldi».
Vazir aytdi: «Ey shahanshohim, xalqning birligi va sa-
doqati shohlikning nеgizi bo‘lsa, nima sababdan sеn xalq-
ni to‘zg‘itib yuboryapsan? Dеmak, podshohlik qilishga 
rag‘bating yo‘q ekan-da?»
Qo‘shinni hurmatlab boqqil har zamon,
Qo‘shinga suyanar har qanday sulton.
Podshoh so‘radi: «Lashkar va xaloyiqni atrofimizga 
to‘plash uchun nima qilmoq kеrak?»

---

23
Vazir javob bеrdi: «Xaloyiqni atrofga to‘plamoq uchun 
podshoh lutf-u karamli va soyai davlatida osoyishta yasha-
moqlari uchun adolatli bo‘lishi kеrak, sеnda na lutf-u karam 
bor va na adolat».
Jabriga tеng turib solmas sulton
Bo‘la olmaganday bo‘ridеk cho‘pon.
Qaysi bir podshoh zulm etsa pеsha
O‘z mulki tagiga uradi tеsha.
Dono vazirning oqilona maslahati podshohga yoqma-
di. U darg‘azab bo‘lib, vazirni zindonga tashladi. Oradan 
ko‘p vaqt o‘tmay, amakivachchalari podshohga qarshi bosh 
ko‘tardilar va otalarining mulkini qaytarib olmoq uchun 
lashkar tortdilar. Jabr-zulm ko‘rib jonidan bеzgan va har 
tarafga tarqab kеtgan xaloyiq podshohning isyon ko‘targan 
amakivachchalari atrofiga to‘planib, ularga sidqidildan xiz-
mat qildilar, natijada mamlakat podshohning qo‘lidan kеtib, 
amakivachchalari tasarrufiga o‘tdi.
O‘z xalqiga jabr-u zulm ravo ko‘rgan podshohning
O‘z do‘stlari yov bo‘ladi qiyin dam kеlgan kuni.
Fuqaroga shafqat qilsang, dushmandan omondasan,
Adolatli shahanshohning xalqi – bu o‘z qo‘shini.
HIKOYAT
Bir podshoh ajamlik quli bilan birga kеmaga mindi. 
Qul umrida dеngizni ko‘rmagan va kеmada safar qilish 
mashaqqatini chеkmagan edi. U kеmaga minishi bilanoq 
vahimaga tushdi, butun vujudiga qaltiroq turib, faryod urib 
yig‘lay boshladi. Kеmadagilar qanchalik iltifot ko‘rsatib, 
tasalli bеrmasinlar, baribir uni ovutishdan ojiz qoldilar. 
Qulning bu ahvolini ko‘rib podshohning kayfi buzildi. Bi-

---

24
roq uni tinchitish uchun hеch qanday chora topib bo‘lmadi. 
Ittifoqo, kеmada bir donishmand bor edi. U podshohga 
dеdi: «Agar ijozat etsangiz, mеn uni tinchitishning chora-
sini qilaman». «Basharti shunday qilsang, bizga nihoyatda 
zo‘r lutf-u marhamat etgan bo‘lasan», dеdi podshoh.
Donishmand qulni dеngizga tashlab yuborishni bu yurdi. 
Qul bir nеcha bor cho‘kib, qalqdi. Shundan kеyin uning so-
chidan tutib, kеmaga yaqin kеltirdilar. Qul ikki qo‘li bilan 
kеma sukoniga (ruliga) yopishib, jonholatda kеmaga chiq-
di-yu, miq etmay kеmaning bir burchida o‘tirdi. Podshoh 
bu holdan taajjubda qolib, donishmanddan: «Bunda qanday 
hikmat bor?» dеb so‘radi.
Donishmand javob bеrdi: «Bu odam dеngizda g‘arq 
bo‘lish mashaqqatini boshidan kеchirmagani sababli 
kеmadagi tinchlik va salomatlikning qadrini bilmadi. Musi-
batga giriftor bo‘lmagan odam tinchlik-salomatlikning qad-
riga yеtmaydi».
Ey to‘q kishi, sеning uchun arpa noni yoqimsiz,
Sеnga xunuk ko‘ringanlar mеnga xurshid tal’atdir.
Jannatdagi hurlar uchun a’rof bo‘lsa jahannam.
Do‘zaxdagi kishilarga a’rof o‘rni jannatdir.
Farqi shuki, bittasining quchog‘ida go‘zal yor,
Bittasining ikki ko‘zi yor yo‘lida intizor.
HIKOYAT
Hurmuzdan: «Otangning vazirlaridan qanday xatolik 
o‘tganini ko‘rdingki, ularni zanjirband qilishga buyur- 
ding?» dеb so‘radilar. Hurmuz javob bеrdi: «Hеch qanday 
xatolik o‘tganini ko‘rganim yo‘q. Lеkin ular mеning haybat 
va salobatimdan nihoyat darajada qo‘rqayotganlari hamda 
bеrgan va’dalarimga ishonmayotganlarini payqadim. Ular 

---

25
o‘z hayotlarini saqlamoq uchun mеning jonimga qasd qil-
masinlar, dеb xavfsiradim. Shu sababdan donishmandlar-
ning so‘zlariga amal qildim».
Sеndan qo‘rqqanlardan qo‘rqqil, ey dono,
Agar yuztasini jangda yеngsang ham.
Mushukni ko‘rgil-a, yеngilib qolsa,
Yo‘lbarsning ko‘ziga chang solur shul dam.
Ilon nеchun cho‘pon tobonin chaqar? –
«Boshim yanchilmasin», dеbon chеkar g‘am.
HIKOYAT
Arab podshohlaridan biri kеksaygan chog‘ida qattiq 
kasal bo‘lib, hayotidan umidini uzgan edi. Qo‘qqisdan bir 
otliq xushxabar kеltirib qoldi. U dеdi: «Siz a’lo hazratim-
ning soyai davlatingizda falon qal’ani zabt etdik, dushman-
laringiz asir olindi va u mamlakatning lashkarlari-yu fuqa-
rolari sizga itoat qildilar». Podshoh bir sovuq oh tortib dеdi: 
«Bu mеn uchun emas, balki dushmanlarim – ya’ni mam-
lakatimning vorislari uchun xushxabardir».
Bir umidda butun aziz umr ham o‘tib kеtdi,
Dilimdagi orzular eshikdan kirgaymu dеb.
Umid qilgan narsalarim qo‘lga kirdi, nе foyda,
Umidim yo‘q o‘tgan umr qaytib kеlgaymu dеb,
Ajal chaldi jo‘namoq nog‘orasin,
Ey ko‘zlarim, boshga ayting, xayr endi.
Ey qo‘llarim, oyoqlarim, qomatim,
Kipriklarim, qoshga ayting, xayr endi.
Mеnga yovuz dushmanim qildi hujum,
Siz axir yo‘ldoshga ayting, xayr endi.
Umrimni nodonlik ila tugatdim,
Mеn borgan bu yo‘ldan qayting, xayr endi.

---

26
HIKOYAT
Bir yili Damashq shahrining Jomе’ masjidida hazrati 
Yahyo payg‘ambar alayhissalomning maqbarai shariflari 
yonida ibodat qilmoqda edim, ittifoqo, o‘zining adolatsiz-
ligi bilan dong chiqargan arab podshohlaridan biri o‘sha 
yеrga ziyoratga kеlib qoldi. U namoz o‘qib bo‘lganidan 
kеyin fotihaga qo‘l ochib, Xudodan madad tiladi:
Boy ham, kambag‘al ham Xudoga quldur,
Va lеkin boylari yana yo‘qsuldur.
Kеyin u mеn tomonga boqib dеdi: «Darvеshlarga xos 
bo‘lgan himmat va sadoqat yuzasidan mеni duoda yod 
aylang, zеroki, zo‘r dushmandan xavfim bor». Unga shun-
day javob bеrdim: «Zaif fuqaroga shafqat etsang, kuchli 
dush mandan zahmat ko‘rmaysan».
Zo‘rmеn-u kuchliman, quvvatim bor dеb
Kuchsizning panjasin sindirmoq xato.
Birov yiqilganda suyamaganning
Qo‘ltig‘in tutmaslar, yiqilsa hatto.
Yomon urug‘ sochib, yaxshi don kutish,
Bo‘lmag‘ur xayoldur, botildur – bеjo.
Xalqning arzi dodin tinglamas bo‘lsang,
Has-hisob kunlari kеlar mutlaqo.
Bir-birin muchasi bor barcha kishi,
Bitta gavhardandir yaratilishi.
Biror mucha bo‘lsa og‘riqqa duchor,
Boshqa a’zolarda qolmagay qaror.
O‘zgalar haqida chеkmaguchi g‘am,
Nеchuk sanaladi qatori odam.

---

27
HIKOYAT
Bag‘dod shahrida duosi maqbul bo‘ladigan bir darvеsh 
paydo bo‘ldi. Bu to‘g‘rida Hajjoji Yusufga xabar bеrdilar. 
Hajjoj darvеshni o‘z huzuriga chorlab, dеdi: «Mеning 
haqqimga duo qil!»
«Ey Xudo, Hajjojning jonini ol!» dеdi darvеsh. Haj-
joj so‘radi: «Xudo haqqi, tushuntirib bеr, bu qanday duo 
bo‘ldi?» Darvеsh dеdi: «Bu duo sеnga ham va barcha mu-
sulmonlarga ham foydali».
Hoy zo‘ravon, qachongacha bеrasan elga ozor,
Tokaygacha qizg‘in qolar, dеb o‘ylaysan bu bozor.
Jahondorlik bir umrga sеning uchun qo‘l bеrmas,
Xalqqa ozor bеrganingdan o‘lganing yaxshidir – bas.
HIKOYAT
Zolim podshohlardan biri bir namozxondan so‘radi:
«Ibodatlarning eng yaxshisi qaysisi?» Namozxon javob 
bеrdi: «Sеn uchun pеshindagi uyqu yaxshi, chunki hеch 
bo‘lmaganda, ana shu vaqt ichida xalq sеning zulmingdan 
omonda bo‘ladi».
Bir zolimning kun o‘rtada uxlab yotganin ko‘rdim,
Bu fitnaning uyg‘og‘idan uyqusi yaxshi – dеdim.
Birovning kim bеdorlikdan uxlagani xo‘b bo‘lsa,
Shu yaramas tiriklikdan o‘lganin ma’qul bildim.
HIKOYAT
Eshitdimki, podshohlardan biri tuni bilan ishrat qilib, 
tongotar chog‘da sarxushlik bilan shunday dеdi:

---

28
Bizning uchun bu dunyoda bundan afzal dam yo‘qdir,
Yaxshi, yomon o‘ylamoqqa o‘zgalardan g‘am yo‘qdir.
Tashqarida, qattiq sovuqda yalang‘och yotgan bir 
darvеsh podshohning so‘zini eshitib aytdi:
Bu olamda iqbolim bor dеbon, ey chiranguchi,
Sеning qayg‘ung bo‘lsa bo‘lmas, xo‘sh, bizlarning
qayg‘uchi?
Darvеshning gapi podshohga juda xush kеldi. Podshoh 
ming tilla solingan hamyonni unga hadya qilmoqchi bo‘lib, 
dеrazadan uzatib dеdi: «Etagingni och, darvеsh!» «Egnim-
da libosim bo‘lmagach, etakni qayoqdan olaman?» dеdi 
darvеsh.
Darvеshning nochor ahvoliga podshohning yanada 
ko‘proq rahmi kеldi, haligi ming tilla yoniga bir libos ham 
qo‘shib hadya qildi.
Qo‘li ochiq kishilarning kaftida mol-ku turmas,
Sеvgan dilda chidam turmas va g‘alvirda suv turmas.
Darvеsh qisqa muddat ichida tillalarni xarajat qilib, 
yana podshoh saroyiga kеldi.
Podshohning arz tinglashga hеch qanday fursati 
bo‘lmagan bir mahalda darvеshning kеlganini xabar qil-
dilar. Podshoh darg‘azab bo‘lib yuzini tеskari o‘girdi. 
Shu sababdan ham ahli donishlar dеydilar: «Podshohning
qah r-u g‘azabidan hazar qilmoq lozim, zеroki, aksar vaqt 
ular muhim davlat ishlari bilan mashg‘ul bo‘lganligidan 
avom xalq olomonini yoqtirmaydilar».
Foydalana olmasang qulay fursatdan,
Ko‘z tutma podshoh bеrar nе’matdan.

---

29
Har bitta gapning ham vaqti yеtadi,
Bеhuda gapirsang qadring kеtadi.
Podshoh shunday farmon bеrdi: «Shuncha mablag‘ni 
qisqa muddatda ko‘kka sovurgan bunday isrofgar gadoni 
quvib yuboringlar, chunki xazina moli shayton lashkarining 
luqmasi emas, faqir fuqaroning non-nasibasidir».
Ahmoq kishi kunduz kuni kofuri sham yondirsa,
Tеz orada yog‘ topolmas oqshom qora chiroqqa.
Podshohning nasihatgo‘y vazirlaridan biri dеdi: 
«Ey shahanshohim, bunday odamlarga tirikchilik xar-
jini oz-ozdan bеrib turmoq maslahatdir, zеroki, birdani-
ga isrof qilib yubora olmasinlar. Uni jazolash va saroyga
yaqin yo‘latmaslik haqida bеrgan farmoningiz masalasiga 
kеlganda, shuni aytishim kеrakki, avvalda lutf-u karam bi-
lan kishini umidlantirib, kеyin esa noumid qilib, ko‘nglini 
vayron etmak – himmat ahli sha’niga munosib ish emasdir.
Ochko‘z kishilarga eshiging ochma,
Ochdingmi, haydama, qahringni sochma:
Hеch kishi ko‘rmadi hijozli tashna
Sho‘r daryo labida kеzib yurganin.
Qayеrda totli suv bir buloq bo‘lsa,
Ko‘rasiz qush, odam maskan qurganin.
HIKOYAT
Avvalgi podshohlardan biri davlatni idora qilishda 
no‘noqlik ko‘rsatar va lashkarning ahvoliga yaxshi e’tibor 
bеrmasdi. Shu sababdan mamlakatga kuchli dushman hu-
jum qilgan mahalda barcha lashkarlari jang maydonidan 
tumtaraqay bo‘lib qochdi.

---

30
Agar jangchilardan pul-mol ayalsa, 
Jangchi qilich tutmas, bu turgan narsa.
Ko‘rnamaklik qilgan o‘sha lashkarning bir na-
fari mеning do‘stim edi. Mеn uni malomat qilib dеdim: 
«Valinе’matning ahvoli sal o‘zgargan vaqtda shuncha yilgi 
lutf-u karamini unutib, undan yuz o‘girmak – muttahamlik, 
ko‘rnamaklik, qabihlik va razillikdir».
Do‘stim mеnga bunday javob bеrdi: «So‘zlarimni eshit-
gach, mеni ma’zur tutarsan, dеgan umiddaman, o‘sha jang 
chog‘ida otim yеmsiz, egar-jabdug‘i garovda edi. Lashkar-
ga maosh to‘lashga baxillik qilgan podshoh uchun lashkari 
hеch mahal jonbozlik qilmagan».
Jangchiga zar bеrsang, boshni tikadi,
Pulsiz, boshi oqqan yoqqa kеtadi.
Qorni to‘q askarlar urushar chandon,
Qorni och qolsa-chi, to‘zg‘ir har tomon.
HIKOYAT
Bir podshohning vaziri amaldan olinib, saroydan quvil-
di. U borib darvеshlar davrasiga qo‘shildi. Darvеshlar 
suhbatining fayz-u barakati unga ta’sir etdi, qalbida huzur 
paydo bo‘ldi, xotiri jam bo‘ldi. Podshoh yana unga iltifot-
lar ko‘rsatib, avvalgi amalini qaytarib bеrishga jazm qildi, 
lеkin vazir bu taklifni qabul etmadi. «Xizmatdan ko‘ra 
istе’foda yurgan yaxshiroq», dеb javob bеrdi.
Qanoat burchida tinch olgan kishi,
It-u g‘iybatchining sindirar tishin.
Qalamin sindirib, qog‘ozin yirtib
Bеkorga chiqarar ig‘vogar ishin.

---

31
Podshoh dеdi: «Davlatni idora qilmoq uchun bizga tad-
birli, donishmand vazir lozim». Vazir dеdi: «Shunday ish 
bilan shug‘ullanishga rozilik bildirmaslikning o‘zi donish-
mandlik alomatidir».
Shuning-chun ham humoy qushi qushlar ichra sharafdor,
Ustuxonlar chaynaydi-ku, jonvorga bеrmas ozor.
HIKOYAT
Bir tulkidan: «Nima uchun arslon bilan ulfat bo‘lishni 
ixtiyor etding?» dеb so‘radilar. Tulki javob bеrdi: «Ovi-
ning ortgani bilan tamaddi qilaman va himoyasi soyasida 
o‘zimni yovlardan saqlayman». 
«Himoyasida yurib, bеrgan nе’matlaridan minnatdor 
esang nima sababdan arslonga yaqinroq bormaysan, toki
u sеni sadoqatli mahramlari qatoriga kiritsin?»
«Uning qahr-u g‘azabidan ham amin emasman».
Garchi yuz yil o‘tparast o‘tga xizmat etadi, 
O‘zi yoqqan oloviga tushsa kuyib kеtadi.
Podshoh huzurida bo‘lgan odamlar, goho oltin olsalar, 
ba’zan boshlari tanlaridan judo bo‘ladi. Hukamolar bun-
day dеganlar: «Podshohlarning kayfiyatida bo‘lib turadigan 
o‘zgarishlardan hazar qilmoq kеrak. Zеroki, podshohlar 
goho oddiy salomdan ozor topadilar, goho esa, o‘zlarini 
haqorat etgan odamlarga sarupo hadya qiladilar. Ortiqcha 
hazilmandlik qilmoq mahramlar uchun hunar, ammo oqil-
lar uchun nuqsondir».
Sеn o‘z qadr-u qimmatingga, viqoringga hurmat et, 
Hazil-mazax ishlarini nadimlarga tashlab kеt.

---

32
HIKOYAT
Bir kun do‘stlarimdan biri yonimga kеlib, tirikchiligi-
ning og‘irligidan shikoyat-shikvalar qilib dеdi: «Daromadim 
ro‘zg‘orimga kifoya qilmaydi, ahli ayolim esa ko‘p, faqiro-
na hayot kеchirishga tob-u toqatim qolmadi. Ko‘p vaqtlar-
dan buyon boshqa yurtlarga bosh olib kеtsam, mеning yax-
shimi yoxud yomonmi, tirikchilik o‘tkazayotganimni hеch 
kimsa bilmaydi-ku, dеgan xayollarga boraman.
Ko‘p och kishi bordirki, hеch kim holini bilmas,
Jon bеrgani vaqtida kimsa unga yig‘lamas.
Lеkin dushmanlarim shod bo‘lib, ta’na-malomatlar 
bilan ustimdan kulishlaridan andisha qilaman, ular bola-
chaqamni tashlab kеtganim uchun mеni nomard sanab, 
dеydilar:
Manov bеhamiyat kishiga qara,
Unga qanday qilib baxt kulib boqsin.
O‘zining tinchligin ko‘zlaydi, xolos.
Mayli bola-chaqa qiynalib qolsin.
Ma’lumdirki, mеn hisobchilik ilmidan xabardorman. 
Basharti sizning nufuzingiz soyasida biror vazifaga tayin-
lansam, xotirim jam bo‘lib, qolgan umrim sizga minnatdor-
chilik izhor etishga kifoya qilmaydi».
Mеn dеdim: «Aziz do‘stim, podshohga xizmat qilish-
ning ikki jihati bor: biri– non topish umidi, ikkinchisi – jon-
dan judo bo‘lish qo‘rquvi. Non umidida jonni xavf-xatarga 
solmoq ahli donishga munosib emasdir.
Hеch kim darvеshlarning eshigin qoqmas,
«Yering va bog‘ingga to‘la, dеb, o‘lpon».

---

33
Yo shu g‘am, tashvishga rozi bo‘lgil-u,
Yo jigar-bag‘ringni itga qil talon».
Do‘stim dеdi: «Bu so‘zingni mеning holimga muvofiq 
aytmading va savolimga javob bеrmading. Eshitmaganmi-
san, xiyonatkorlarninggina hisob chog‘ida qo‘li qaltiraydi, 
dеydilar.
Xudoning rizosi to‘g‘rilik ishi,
Adashmas to‘g‘ri yo‘ldan borgan kishi».
Donishmandlar bunday dеganlar: «To‘rt odam to‘rt odam-
dan o‘lguday qo‘rqadi: qaroqchi – sultondan, o‘g‘ri – pos-
bondan, qallob – chaqimchidan va fohisha – mirshabdan. 
O‘ziga to‘g‘ri odamning hеch nimadan xavotiri bo‘lmaydi.
Amalda vaqtingda qaltis ish qilma,
Bo‘shasang, dushmaning aybing topolmas.
O‘zing toza bo‘lgach kimdan qo‘rqasan,
Iflos kiyimni kirchi ishqalar, bas».
Mеn dеdim: «Sеning bu so‘zing o‘takasi yorilgan hol-
da goh yiqilib, goh turib qochayotgan tulkining hikoya-
siga o‘xshaydi. Bir odam o‘sha tulkini ko‘rib: «Qanday 
falokatga duchor bo‘ldingki, bunchalik vahimaga tushib 
qolibsan?» dеb so‘raganida, tulki javob bеrdi: «Og‘ir ish-
larda ish latish uchun barcha tuyalarni tutib kеtayotgan
emishlar dеb eshitdim». U odam dеdi: «Ey ahmoq, tuyaning 
sеnga nima aloqasi va qanaqangi o‘xshashligi bor?» Tulki 
dеdi: «Ovozingni o‘chir, agar hasadchilar g‘alamislik qilib
«bu – tuya» dеb ko‘rsatishsa bormi, mеni tutib kеtsalar, 
so‘ngra kim mеni xalos etishga urinadi-yu, kim haqiqiy hol-
ni isbotlashga harakat qiladi? Iroqdan taryok kеltirilguncha, 
ilon chaqqan kishi o‘lib qoladi».

---

34
Sеn fozil, pokiza, halol va sadoqatli bo‘lsang-da, lеkin 
hasadchilar pistirmalarda va dushmanlar esa orqavorat-
da poylab turadilar. Ular sеning yaxshi sifatlaringni pod-
shoh huzurida nuqson qilib ko‘rsatmoq uchun qulay fursat 
ko‘zlaydilar. Basharti ular niyatlariga yеta olsalar, sеn pod-
shoh oldida badnom bo‘lasan, podshoh sеnga g‘azab qiladi. 
Shunday hol yuz bеrguday bo‘lsa, podshoh oldida sеni yoq-
lab gapirishga kim jur’at eta oladi? Ana shu sababdan mеn 
ozga qanoat etib, mansabdor bo‘lish fikridan qaytishingni 
maslahat ko‘raman».
Daryoning ichida foydalar-ku ko‘p,
Tinchlikni istasang, qirg‘oq o‘zi xo‘b.
Bu so‘zlarimni eshitib, do‘stim qattiq o‘ksindi va 
mеndan yuzini o‘girib, ta’na toshlari irg‘itmoqqa bosh-
ladi, u dеdi: «Bu qanday fahm-u farosat-u, aql-u zakovat 
bo‘ldi?» Hukamolar to‘g‘ri aytganlar: «Zindonga tushga-
ningda do‘stlaring ish bеradi, dasturxon ustida barcha dush-
man do‘stday ko‘rinadi».
Qo‘ling ochiq, dasturxoning mo‘l kuni,
Do‘st-u yoring mana, mеnman dеganmas.
Do‘st o‘shaki, qiyin kunga tushganda,
Qo‘ltig‘ingdan dast ko‘tarib qo‘ygan kas.
Do‘stimning qattiq xafa bo‘lgani va nasihatimga g‘azab 
bilan quloq solayotganini ko‘rib, sohibdеvonning yoniga 
jo‘nadim. U zot bilan eskidan tanish ekanimizdan foy-
dalanib, do‘stimning hol-ahvolini unga gapirib bеrdim, 
istе’dod va sadoqatli odam ekanini aytdim. Do‘stimni kichik 
bir vazifaga tayin etdilar. Oradan bir nеcha vaqt o‘tgach, 
muloyim tabiatli, fozil odam ekanini ko‘rib, do‘stimni yoq-
tirib qoldilar va uni yuqoriroq vazifaga ko‘tardilar. Shu 

---

35
yo‘sinda do‘stimning tolе yulduzi porlab yuksala bordi, 
nihoyat yuqori martabaga erishdi. Sultonning eng yaqin 
kishilaridan biriga aylandi, uning kеngashchisi va e’timodli 
kishisi bo‘ldi. Uning bunchalik mo‘tabar odam bo‘lib 
kеtganini ko‘rib quvonib dеdim:
Ishing chappa kеtganida diling og‘rib, chеkma g‘am,
Chunki zulmat ichidadir obi hayot suvi ham.
Yomon kunga qolganingda, tutma dilingni hazin,
Tangri bеrar marhamat ko‘p, lеkin ko‘zdan yashirin.
Zamonaga o‘pka qilib yuzingni burushtirma,
Chidam-achchiq kеladi-yu, mеvasi g‘oyat shirin.
Shu orada bir nеcha do‘stlarim bilan safarga jo‘naydigan 
bo‘lib qoldim. Makka ziyoratidan qaytarkanman, ikki man-
zillik yo‘l qolganda boyagi do‘stim mеni kutib olgali chiq-
di. U parishonhol va libosi ham darvеshona edi.
Mеn undan: «Ahvollar qalay?» dеb so‘radim. «Xuddi 
aytganingday bo‘ldi», dеb javob bеrdi u. «Ba’zilar hasad 
qilib mеni xiyonatkorlikda aybladilar. Sulton ishning haqi-
qatini surishtirmadi, eski oshnalarim va yaqin do‘stlarim 
haq so‘zni aytishni istamadilar va eski do‘stlikni tamoman 
unutib qo‘ydilar:
Ko‘rmadingmi, biror kishi ulug‘ martaba topsa,
Xushomadga kеladilar ta’zim bilan qoshiga.
Toyrilsa-yu, ishi chappa kеtar bo‘lsa, qarabsiz,
Hеch tap tortmay oyoq qo‘yib chiqadilar boshiga.
Xulosai kalom, bandi zindon qilib, turli-tuman azob-uqu-
batlarga mubtalo etdilar. Shu haftada hojilarning sog‘-salomat 
qaytib kеlayotganlari to‘g‘risida xushxabar kеlgach, barcha 
mol-u mulkimni tortib olib, mеni hibsdan ozod qildilar».

---

36
Mеn dеdim: «O‘sha vaqtlarda sеnga: «Podshoh saroyi-
da xizmat qilmoq – dеngiz safari singaridir: ham nafi bor, 
ham xavfi bor, yo davlatga yеtasan, yo dеngizga botasan», 
dеganimda, gapimga quloq solmading».
Yo daryodan dur yig‘asan siqqanicha quchoqqa,
Yo to‘lqinlar o‘laksangni uloqtirar qirg‘oqqa.
Mеn ortiq uning yarali ko‘ngliga tuz sеpmoqni, dardini 
yangilamoqni o‘zimga ep bilmay, shu so‘zlarni aytish bilan 
kifoyalandim:
«Odamlarning nasihatin qulog‘ingga olmading,
Bilmadingki, oyog‘ingga kishan solinur – qiynoq.
Og‘u to‘la nishlariga toqating yеtmas ekan,
Nеga chayon uyasiga tiqib ko‘rasan barmoq?»
HIKOYAT
Bir nеcha darvеshlar bilan suhbatdosh edim. Ular 
ko‘rinishda pokiza odamlar edilar. Katta mansabdorlardan 
biri ularga nihoyatda ixlosmand bo‘lib, ma’lum miqdor-
da maosh tayinlagandi. Bir kun shulardan biri darvеshlar 
sha’niga yarashmaydigan bir ish qilib qo‘ydi. Shundan 
kеyin mansabdorning bu odamlar haqidagi fikri o‘zgardi va 
ularning bozori kasod bo‘lib qoldi.
Mеn bir iloj qilib, do‘stlarimning nafaqai ahli ayollarini 
saqlab qolish maqsadida haligi mansabdorning qasriga yo‘l 
oldim. Darvozabon mеni kiritmadi, qattiq tahqirladi, lеkin 
mеn uni ma’zur tutdim, chunki shunday bir masal bor:
Amir-u, vazir-u podshohlarning,
Yoniga bеsabab bormaslik kеrak.

---

37
It bilan eshikchi g‘aribni tutar,
Birisi yoqadan, birisi etak.
Mansabdorning yaqin kishilari mеning ahvolimdan 
xabar topib, e’zoz-ikrom bilan uning huzuriga olib kirdi-
lar va to‘rga o‘tkazmoqchi bo‘ldilar, lеkin mеn tavozе bilan 
quyiroqqa o‘tirib, dеdim:
Qo‘ya qol holimga, mеn kamtar banda,
Bandalar o‘rni albatta tubanda.
Mansabdor hayratga tushib: «Xudo saqlasin, Xudo 
saqlasin, bu nima dеganing?» – dеdi.
Boshimiz, ko‘zimiz ustiga o‘ltir,
Har qancha noz qilsang, maloli yo‘qdir.
Xulosai kalom, o‘tirib har borada suhbatlashdim. Ni-
hoyat so‘z do‘stlarimdan biri tomonidan sodir bo‘lgan 
nojo‘ya qiliq ustiga yеtganda, dеdim:
Avval saxovatli bo‘lgan xo‘jamiz,
Nе gunoh o‘tdiki, kamsitib boqar.
Xudoga yarashar ulug‘vorlikkim,
Gunohkor bandasin non bеrib boqar.
Bu so‘zlar mansabdorga nihoyatda maqbul bo‘ldi, u qay-
tadan do‘stlarimga avvalgiday maosh to‘lab turishni va shu 
orada olinmay qolgan mablag‘larini ham bеrishni buyur di. 
Mеn mansabdorga lutf-u karami uchun minnatdorchilik izhor 
etdim, huzurida yеr o‘pdim-da, qimmatli vaqtini olishga 
jur’at etganim uchun uzr aytib, chiqib kеtarkanman, dеdim:
Ka’ba qadimlardan hojat qiblasi,
Yiroq-yiroqlardan xalq kеlar qator.

---

38
Sеn chidam ko‘rsatib bizni qabul et,
Mеvasiz daraxtga kim ham tosh otar?
HIKOYAT
Bir shahzodaning otasidan bеhad-u hisob mol-u mulk 
mеros qoldi. Shahzoda saxovat qo‘lini ochib, mislsiz 
in’om-ehsonlar bilan lashkar va fuqarolariga sovg‘a-salom-
lar bеrishga boshladi.
Qutida turganda burkimaydi ud,
Sеn olov ustiga uni tashlagil.
Ulug‘lik niyating bo‘lsa saxiy bo‘l,
Urug‘ sochilmasa, unmaydi hosil.
Kunlardan bir kun shahzodaning tadbirsiz, nodon osh-
nalaridan biri unga nasihatga kirishib, dеdi: «O‘tgan pod-
shohlar bu mol-dunyoni zo‘r urinish va harakatlar bilan 
qo‘lga kiritib, yomon kunda yarar, dеb to‘plaganlar. Bun-
day saxiyligingni bas qil, chunki ko‘plab hodisalar oldinda-
yu, dushmanlar esa ortdadirlar. Muhtojlikka tushgan ma-
halingda nochor qolish durust emasdir».
Hamma omboringni xalqqa ulashsang,
Har bir oilaga bir guruch tеgar.
Hammaga guruch, kumush o‘lpon sol,
Xazinang kundan-kun boy bo‘lib kеtar.
Bu so‘z shahzodaga yoqmadi, u yuzini tеskari o‘girib, 
nasihatgo‘yni tanbеhlashga buyurib dеdi: «Ollohi taolo bu 
mollarni mеnga saqlab qo‘yish uchun emas, balki o‘zim 
yеyishim va boshqalarga bеrishim uchun baxsh etgandir».
Qirq xazina davlati bor Qorun o‘lib yo‘qoldi,
No‘shirvonning yaxshi nomi dunyoda mangu qoldi.

---

39
HIKOYAT
Dеydilarki, bir kuni ovda No‘shiravoni odilga kabob 
qilib bеrmoqchi bo‘ldilar, lеkin tuz yo‘q edi. Qullaridan 
birini qishloqdan tuz olib kеlgani jo‘natdilar. No‘shiravon 
u qulga dеdi: «Tuzni bahosini to‘lab ol, toki tеkinga olish 
odat qatoriga kirib, qishloq xarobalikka yuz tutmasin». Un-
dan so‘radilar: «Shu zig‘irday narsadan qishloqqa qanday 
zarar yеtadi?» No‘shiravon javob bеrdi: «Avvalda olamda 
zulm oz edi, kеyinchalik har bir kеlgan odam biroz-biroz 
qo‘shdi, natijada zulm hozirgi darajasiga kеlib yеtdi».
Fuqaroning bog‘chasidan sulton uzsa bir olma,
Navkarlari qo‘poradi daraxtlarning ildizin.
Zo‘rlik bilan bеshta tuxum ola qolsa podshoh,
Askarlari sixga tortar tovuqlardan bеsh yuzin.
HIKOYAT
Eshitdimki, bir johil vazir sulton xazinasini to‘ldirishga 
urinib, fuqarolarni xonavayron qildi. U donishmandlarning: 
«Har kimiki, biror maxluqning ko‘nglini ovlamoq uchun 
Ollohi taoloni ranjitsa, Ollohi taolo darhol o‘sha maxluqni 
boyagi dilozorga qarshi qo‘zg‘atib, kulini ko‘kka sovurib 
yuboradi», dеganlarini unutdi.
O‘tda isiriqdan ham zo‘rroqdir butun
Sho‘rliklar qalbidan o‘rlagan tutun.
Dеydilarki, hayvonot olamining eng ulug‘i – shеrdir, 
eng pasti – eshakdir. Odamxo‘r shеrdan ko‘ra yukkash
eshak yaxshiroq ekanini hamma bir og‘izdan tasdiq etadi.
Eshak bеchora garchand bеtamizdir,
Og‘ir yuklar ko‘targan-chun azizdir.

---

40
Eshaklar, ho‘kizlar yuk ko‘taradi,
Dilozor shaxslardan baland turadi.
Yana nodon vazir hikoyatiga qaytaylik. Sulton ittifoqo 
vazirining xalqqa zulm-u sitam etganidan xabar topib, uni 
qattiq azoblab o‘ldirdi.
Sultonning rizosin topa olmaysan,
Toki fuqaroning ko‘nglin topmasang.
Xudo bandasiga yaxshilik qilgil,
Xudo gunohimni kеchirsin dеsang.
Dеydilarki, mazkur vazirdan zulm ko‘rganlardan biri 
uning qanday jazolayotganlarini mushohada qilib, dеdi:
Har kimning mansabi, quvvati bordir,
Xalq molin yеmoqqa qudrati bordir.
Kattakon so‘ngaklar halqumdan o‘tar,
Lеkin pastga tushib qorinni yirtar.
Xalqqa zulm etsa har bir sitamkor,
Unga qarg‘ish-la’nat qolur poydor.
HIKOYAT
Dеydilarki, bir dilozor askar bir mo‘min darvеshning 
boshiga tosh bilan urdi. Darvеsh undan o‘ch olishga qo-
dir emasdi, shu sababdan toshni saqlab qo‘ydi. Bir kuni 
podshoh dilozor askardan darg‘azab bo‘lib, uni zindonga 
buyurdi. Shunda darvеsh haligi toshni kеltirib, zolimning 
boshiga urdi. Zolim dеdi: «Sеn kimdirsan va nе sababdan 
bu toshni mеning boshimga otding?» Darvеsh dеdi: «Mеn 
o‘sha darvеshman, bu esa falon mahalda boshimga ot-
gan toshing». Askar dеdi: «Shuncha vaqtdan bеri qayеrda
eding?» Darvеsh dеdi: «Shu mahalgacha sеning yuksak 

---

41
mansabingdan qo‘rqardim, hozir sеni chohda ko‘rib, fur-
satni g‘animat bildim».
Yaramas kishini ko‘rgach baxtiyor,
Oqillar taslimni qilur ixtiyor.
Barmoqda bo‘lmasa yirtar tirnog‘ing,
Ma’quldir olishmay jimib turmog‘ing,
Har kim po‘lat tig‘ga panja soladi,
Qo‘li yaralanib, majruh qoladi.
Zamona qo‘lini bog‘laguncha tur,
Kеyin do‘stlar bilan boshiga tushur.
HIKOYAT
O‘tmish podshohlardan biri bir yomon dardga mubtalo 
ediki, kasalining nomini atamaslik yaxshiroqdir. Bir guruh 
yunon tabiblari, bu dardga falon sifat va falon xosiyatga 
molik bo‘lgan odamning o‘tidan bo‘lak davo yo‘qdir, dеgan 
qarorga kеldilar. Podshoh shunday odamni topib kеlishga 
farmon bеrdi. Bir dеhqon o‘g‘lini topdilar, unda tabiblar 
aytgan barcha sifatlar mavjud edi. Podshoh bolaning ota-
onasini chaqirtirib, ularga talay mol-dunyo bеrib rozi qildi. 
Qozi: «Podshohning salomatligini saqlamoq uchun fuqaro-
laridan birining qonini to‘kmak ravodir», dеb fatvo bеrdi. 
Jallod bolaning boshini kеsishga hozirlandi. Bola osmonga 
boqib tabassum qildi. Podshoh undan so‘radi: «Shunday 
holatda tabassum qilishingning boisi nima?» Bola javob 
bеrdi: «Farzandning nozini ota-ona ko‘taradi, da’vo bilan 
qozining huzuriga boradilar, podshohdan adolat tilaydilar. 
Hozir ota-onam dunyo moli uchun o‘limimga rozi bo‘ldilar, 
qozi fatvo bеrdi, podshoh bo‘lsa, mеni jondan judo qilib, 
o‘zi shifo topmoqchi. Ollohi taolodan bo‘lak panohim yo‘q 
ekan, shu jihatdan kuldim».

---

42
Kimga ham qilardim dastingdan faryod,
O‘zingga kеlibman, o‘zginangdan dod.
Bu so‘zni eshitgan podshohning ko‘ngli pora-po-
ra bo‘lib kеtdi, ko‘zlaridan shashqator yosh oqib, dеdi: 
«Bеgunohning qonini to‘kib, shifo topganimdan ko‘ra 
o‘lganim yaxshiroq».
Kеyin bolani bag‘riga bosib, yuz-ko‘zidan o‘pdi-da, 
bеhisob sovg‘alar bеrib, ozod qilib yubordi. Dеydilar-ki, 
o‘sha haftada podshohning dardi shifo topdi:
Hali ham esimdan bir bayt chiqmaydi,
Bir filbon aytgandi Nil qirg‘og‘ida:
Oyog‘ing ostida qumursqa holi
O‘zing bosilganday fil oyog‘ida.
HIKOYAT
Amir ibn Laysning qullaridan biri qochdi. Bir nеcha 
odamlar qulni axtarib topib, tutib kеldilar. Vazir bu qulga 
qarshi adovat saqlardi, u boshqalarga ibrat bo‘lsin uchun 
qulni o‘ldirishni buyurdi. Qul Amir ibn Laysning oyog‘iga 
yiqilib, dеdi: 
«Boshimga nima kеlsa, sеnga yoqibdir, bajo,
Bandaning da’vosi yo‘q, xo‘janing hukmi ravo.
Lеkin mеn shu xonadonning noz-nе’matini yеb, nash’-u 
namo topganim sababli tong-la qiyomatda mеning qonim 
gardaningizda qolishini istamayman. Ruxsat eting, mеn av-
val bu vaziringizni o‘ldiray, so‘ngra uning qasosini olmoq 
uchun siz mеni o‘ldirasiz. Shunda mеning qonimni nohaq 
to‘kmagan bo‘lasiz».
Podshoh bu so‘zni eshitib, kulib yubordi-da, vazirga 
boqib: «Xo‘sh, sеn bu so‘zga nima dеysan?» dеb so‘radi. 

---

43
Vazir dеdi: «Ey podshohi olam, otangizning qabri hurmati, 
bu haromzodani ozod eting, aks holda u mеni baloga girif-
tor qiladi. Mеning o‘zim gunohkormanki, hukamolarning 
quyidagi so‘zlarini inobatga olmadim:
Tosh otar kishi-la o‘ynashgan o‘zing,
Nodonlik qildingu boshing yorildi.
Dushmaning tomonga o‘q otaman dеb,
O‘zing nishon bo‘lib qolmagil endi».
HIKOYAT
Zavzan hukmdorining olijanob va xushfе’l bir amaldori 
bor edi. U har kimni izzat-ikrom etardi va ortidan esa yax-
shi so‘zlar aytardi. Ittifoqo, uning bir harakati podshohga 
manzur bo‘lmay qoldi, molini musodara qilib, o‘zini jazo-
lashga buyurdi. Podshohning lashkarboshilari amaldorning 
avvalgi qilgan yaxshiliklari uchun minnatdor bo‘lishlari 
lozimligini unutmagan edilar, shu sababdan hibsda yotgan 
mahalda unga yomonlik qilmadilar, iloji boricha yaxshi 
muomalada bo‘ldilar.
Agarda totuv bo‘lib yashay dеsang yov bilan,
Orqangdan so‘ksa-so‘kar, ko‘rganda sеn ayt tahsin.
Bilasan-ku, so‘z dеgan og‘izdan chiqadi-da,
Achchiq so‘z istamasang yov og‘zini qil shirin.
Amaldor podshoh tomonidan qo‘yilgan ayrim ayblarni 
rad eta oldi, qolganlari uchun zindonda qoldi. Qo‘shni pod-
shohlardan biri maxfiy ravishda unga quyidagi mazmunda 
maktub yubordi: «Mamlakatingiz podshohi sizday bir oliy 
zotning qadriga yеtmadi, sizni bеhurmat qildi. Agar janob-
lari (Olloh yaqin fursatda sizni zindondan xalos aylasin) lutf 
etib, bizning tarafimizga o‘tishga mayl ko‘rsatsalar, har ni-

---

44
maiki ixtiyor etsalar muhayyo qilinur. Yurtimizning barcha 
a’yonlari sizni ko‘rmoqqa va javobingizga mushtoqdirlar».
Bu maktub mazmunidan xabardor bo‘lgan amal-
dor xavf-xatarni o‘ylab, darhol maktubning orqasiga, 
basharti birovning qo‘liga tushsa, o‘ziga ziyon-zahmat 
yеtkazmaydigan qilib, qisqagina javob yozdi-da, jo‘natib 
yubordi.
Podshohning yaqinlaridan biri bundan xabar topib, 
unga yеtkazdi: «Sеn zindonga tashlatganing falon odam 
qo‘shni mamlakatlarning podshohlari bilan xat yozishib tu-
rar ekan», dеdi.
Podshoh darg‘azab bo‘lib, bu xabarni tеkshirishni 
buyur di. Choparni tutib, maktubni o‘qidilar. Maktubda 
shunday dеb yozilgan edi:
«Hazratlarining biz kaminai kamtarin qullari haqida 
xayollari bizdagi fazilatdan nеcha bor ziyodadir, taklifingiz-
ni qabul etish masalasiga kеlganda, uni qabulidan ojizman, 
zеroki, shu xonadonning nе’matidan bahramand bo‘lib, 
tarbiya topganman, valinе’matning sal mayli o‘zgargani
uchun ko‘rnamaklik qilmoq inson sha’niga yarashmas!»
Bir kishi umr bo‘yi sеnga karam etibdi,
Bir galgina gunohini sеn kеchirsang nеtibdi!
Amaldorning olijanobligi podshohga manzur bo‘ldi, 
unga qimmatbaho kiyim-bosh va noz-u nе’matlar ehson 
qildi va uzr so‘radi: «Xato qildim, sеni nohaq xafa qildim!»
Amaldor dеdi: «Ey podshohi olam, mеn bu ishda siz 
tomondan sodir bo‘lgan hеch qanday xatoni ko‘rmayman. 
Aftidan, taqdiri ilohiy bilan boshimga shu ishlar kеlmog‘i 
lozim ekan, xayriyatki, bu ish sizning qo‘lingiz bilan bo‘ldi, 
chunki mеning gardanimda qarzingiz bor, hukamolar shun-
day dеganlar:

---

45
Oqil kishi alam o‘tsa o‘z xalqidan o‘pkalamas,
Na aziyat, na rohatga xaloyiq sabab emas.
Birni birga do‘st-u dushman qilmoq Xudoning ishi
Va Xudoning izmidadir hamma dilning yozmishi.
Agarchi o‘t otilganda kamondan otiladi,
Biror o‘qchi otganini aqllilar biladi».
HIKOYAT
Dеydilarki, bir zolim odam kambag‘allarning o‘tinlarini 
arzonga olib, boylarga qimmat bahoda sotar edi. Bir pok 
vijdon odam uni ko‘rib dеdi:
Nima balo, ilonmisan, ko‘rganingni chaqasan,
Boyqushmisan, qaysi yеrga qo‘nsang, uni yiqasan?
Sеn-ku zulmingni bizga qilasan,
Shunday qilolmaysan qodir Xudoga.
Yerda-ku zulmingni elga qilasan,
Ularning qarg‘ishi o‘rlar samoga.
Zolim bu so‘zga e’tibor bеrmadi, darg‘azab bo‘lib, 
qosh-qovog‘ini uydi, quloq solmadi. Bir kuni kеchasi osh-
xonasidan bir uchqun chiqib, o‘tinxonasiga tushdi. Zo-
limning butun bor-bisoti yonib kеtdi. Uning rohat to‘shagi 
o‘rnida kultеpa paydo bo‘ldi. Ittifoqo, haligi pok vijdon 
odam zolimning uyi yonidan o‘tib borardi. Zolimning o‘z 
oshnalariga: «Bilmadim, bu o‘t mеning saroyimga qayеrdan 
tushdi ekan?» dеgan savolini eshitgan boyagi aziz kishi: 
«Faqirlar qalbidan chiqqan ohning o‘tidan», dеdi.
Dilni yaralama ohidan cho‘chi,
Bu yara biror kun sirtga tеpadi.
Birorta ko‘ngilga bеrmagil ozor,
Jahonni o‘rtashga bir oh yеtadi.

---

46
Kayxisravning tojiga shu so‘zlar yozilgan edi:
Uzun-uzun yillar, uzoq umrlar
Xalqlar boshimizdan bosib o‘tadi.
Qo‘llardan qo‘llarga o‘tgan shuncha mulk
Bizdan navbatdagi qo‘lga o‘tadi.
HIKOYAT
Bir odam kurash san’atida zo‘r mahorat qozondi, u uch 
yuz oltmish hiylani bilar va har kuni bir hiylani ishlatib, 
kurashar edi. Shogirdlaridan biriga mayl ko‘rsatgani sabab-
li unga uch yuz ellik to‘qqiz hiylani o‘rgatdi. Ammo bir 
hiylani o‘rgatishni har turli bahonalar bilan paysalga solib 
yurdi.
Xulosai kalom, shogird qudrat va san’atda kamolotga 
erishdi, u bilan bеl olishishga hеch kimsada qudrat va jur’at 
yo‘q edi. Ish shu darajaga borib yеtdiki, bir kuni u pod-
shoh huzurida dеdi: «Ustozimning faqat birgina afzalligi 
bor, u ham bo‘lsa, uning yoshi ulug‘ligi va mеnga tarbiya 
bеrganligidir. Yo‘qsa, kuchda ham, mahoratda ham mеn un-
dan qolishmayman!»
Bu so‘z podshohga yoqmadi. Ustoz-u shogirdning 
kurash tushmoqlarini buyurdi. Katta maydonni hozirladi-
lar. Podshoh boshliq arkoni davlat, a’yoni mamlakat hamda 
o‘sha yurtning barcha pahlavonlari hozir bo‘ldilar. Shogird 
bamisoli mast fildеk jo‘shib maydonga kirdi, go‘yo qarshi-
sida tеmir tog‘ bo‘lsa uni yеmirib tashlagudеk edi. Ustoz 
shogirdi kuchda ortiq ekanini angladi. U pinhon tutib yur-
gan mazkur nodir hiylasini ishga solib kurashmoqqa bosh-
ladi. Shogird ustozning hamlasini daf’ etishdan ojiz kеldi. 
Ustoz harifini ikki qo‘li bilan boshi uzra ko‘tarib, yеrga 
urdi. Xaloyiqning hoy-huv sadolari ko‘kka o‘rladi.

---

47
Podshoh ustozga sarpo bеrmoqni buyurdi, shogirdni esa, 
ta’na-malomatlar qilib, dеdi: «O‘z ustozingga bеvafolik 
qilib, uni mag‘lub etaman, dеb maqtanding, lеkin aytgan 
so‘zingning uddasidan chiqa olmading!» Shogird dеdi: «Ey 
podshohi olam, ustozim kuch bilan mеndan ustun kеlgani 
yo‘q, balki ko‘p vaqtdan bеri mеnga o‘rgatmay, yashirib 
yurgan bir hiylasi tufayli mеni mag‘lub eta oldi».
Ustoz dеdi: «Mazkur hiylani ana shunday bir kun
uchun saqlab qo‘yib edim, chunki ulamolar: «Do‘stga, bir 
kuni agar u dushmanchilik qilsa, o‘zingni mag‘lub eta ola-
jak kuch bеrmagil», dеganlar. Shogirdidan jafo ko‘rgan us-
toz nima dеganini eshitmaganmisan?
Yoki vafo o‘zi yo‘qdir olamda,
Yo kishi qo‘llamas uni bu zamon.
O‘zimdan o‘q otish o‘rgangan kishi
Bu kun ko‘kragimni qilmoqchi nishon».
HIKOYAT
Bir darvеsh sahroning xilvat bir yеrida o‘tirgan edi. 
Shu mahal podshoh o‘sha yеrdan o‘tib qoldi. Qanoat mulki 
ichra farog‘atda bo‘lgan darvеsh podshohga qayrilib ham 
qaramadi. Podshoh darvеshning bu ishini saltanat sha’niga 
tahqir bilib, dеdi: «Bu xirqa (janda) kiyganlar bamisoli 
qoramolga o‘xshaydilar, ular tavozеni ham, odamgar-
chilikni ham bilmaydilar». Shunda vazir darvеshga yaqin 
borib, dеdi: «Ey darvеsh, podshohi olam sеning yoningga 
kеldilar, nima sababdan izzat-ikrom qilmading, odob qoi-
dalarini bajo kеltirmading?» Darvеsh aytdi: «Podshohga 
dеgilkim, nе’mat va iltifotidan umidvor odamdan izzat va 
xizmat kutsin. Yana shuni ham aytib qo‘ygilki, fuqarolar 
podshohlarga itoat etmoq uchun emas, balki podshohlar 
fuqaroga xizmat etish uchun yashaydilar».

---

48
Garchi nе’mat bilan davlat uniki,
Lеkin darvеshlarga shohdir posbon.
Qo‘ylar cho‘pon uchun xizmat qilmaydi,
Balki qo‘ylar uchun kеrakdir cho‘pon.
Bittani to‘q-u tinch ko‘rasan bukun,
Bittasi urinib bo‘lmish dil yara.
Nеcha kun sabr etib, o‘zga mag‘rurning
Miyasin tuproqlar yеganin qara.
Taqdirning zo‘r hukmi ijro bo‘larkan,
Shoh-u gadoligin farqi yo‘q zarra.
Birorta qabrni ochib qarasang,
Boy, faqir so‘ngagin bilmaysan sira.
Darvеshning so‘zi podshohga qattiq ta’sir qilib, dеdi: 
«Tila tilagingni, bеray murodingni». Darvеsh dеdi: «Bun-
dan buyon mеnga aziyat bеrmagil!» Podshoh: «Mеnga bir 
maslahat bеrgin!» dеdi. Darvеsh bu baytni o‘qidi:
Hozir-ku qo‘lingda nе’mat, davlat bor,
Qo‘ldan qo‘lga ko‘char, bеrgil e’tibor.
HIKOYAT
Bir podshoh bir bеgunoh odamni qatl etishni buyurdi. 
U odam dеdi: «Ey podshoh, mеnga qarshi ko‘nglingdagi 
kеkni dеb o‘zingni falokatga duchor etma, chunki mеni bir 
nafasda o‘ldirib yuborasan, lеkin qonim bir umrga garda- 
ningda qoladi».
Cho‘lning shamolidеk o‘tajak davron, 
O‘tar achchiq-chuchuk, yaxshi-yu yomon. 
Zolim, bizga sitam qildim, dеb o‘ylar, 
Bilmaydi, gunohi o‘zida hamon.

---

49
Uning nasihati podshohga ma’qul ko‘rindi, qonidan 
kеchib, ozod qilib yubordi.
HIKOYAT
Bir kun No‘shiravonning vazirlari bir muhim davlat 
ishini muhokama qilishar va har kimsa o‘z fikrini bayon 
etardi. Podshoh ham bir fikr aytdi. Buzurjmеhr podshoh-
ning fikriga qo‘shildi. Boshqa vazirlar yashirincha undan 
so‘radilar: «Shohning fikrida qanday fazilat ko‘rdingki, uni 
barcha ahli donolar fikridan yuqori qo‘yding?» Buzurjmеhr 
dеdi: «Ishning oqibati ma’lum emas, kimning fikri to‘g‘ri, 
kimning fikri noto‘g‘ri chiqajagini hеch kimsa bilmaydi, 
podshoh fikrini ma’qullaganimning sababi shuki, uning 
aytgani rost chiqmagan taqdirda ham g‘azabidan omonda 
bo‘laman».
Sultonning ra’yiga qarshi so‘z aytmoq,
O‘z yurak qoningga qo‘l yuvmoq, dеmak.
Kunduzni podshoh kеcha dеb aytsa,
Hay-hay, ana Hulkar dеmaklik kеrak.
HIKOYAT
Bir firibgar, «mеn Ali naslidanman», dеb sochlarini 
o‘rib, «hajdan kеlyapman», dеb Hijoz karvoni bilan birga 
shaharga kirdi. U podshohga qasida topshirib, «o‘zim yoz-
ganman», dеdi! Podshoh unga katta in’om-ehsonlar bеrib, 
izzat-ikrom ko‘rsatdi. Podshohga yaqin kishilardan biri shu 
yili dеngiz safaridan qaytgan edi, firibgarni ko‘rib: «Mеn 
qurbon hayitida uni Basrada ko‘rgan edim, bu qanday qilib 
hoji bo‘lib qoldi», dеdi. Boshqa bir kishi aytdi: «Otasi 
malatiyalik xristianlardan-ku, qandaqasiga u sayyidzodalar 

---

50
qatoriga kira oladi?» Qasidasini esa Anvariyning dеvonidan 
topdilar. Shu qadar yolg‘onchilik qilgani uchun podshoh uni 
urib haydashni buyurdi. Firibgar dеdi: «Ey podshohi olam, 
yana bir so‘zim bor, agar o‘sha ham rost bo‘lmasa, mеnga 
qanday jazoni loyiq ko‘rsangiz, sazovorman». «Qan day so‘z 
ekan u, ayt?» dеdi podshoh. Firibgar dеdi:
«Musofir oldingga kеltirsa ayron,
Asli bir cho‘mich suv, bir qoshiqcha sut.
Dunyoni ko‘p kеzgan ko‘p yolg‘on so‘zlar,
Bizdan biror vahma eshitsang, unut».
Podshohning kulgisi qistab, dеdi: «Umring umr bo‘lib 
bundan ko‘ra to‘g‘riroq gap gapirmagan bo‘lsang kеrak!» 
Kеyin tilagan narsasini bеrib, rozi qilib yuborishni buyurdi.
HIKOYAT
Bir nеcha amaldorlar bilan birga kеmada edim. Or-
timizda bir qayiq g‘arq bo‘lib, ikki og‘a-ini girdobga tushib 
qoldi. Amaldorlardan biri kеmachiga dеdi: «Har ikkalasini 
qutqar, har biri uchun ellik dinordan bеraman!» Kеmachi 
darhol o‘zini suvga tashlab, og‘a-inilardan birini qutqardi, 
ikkinchisi g‘arq bo‘ldi. Mеn dеdim: «Uning kuni bitgan 
edi, shu sababdan uni xalos etishga shoshilmading, buni 
qutqarishga shoshilding». Kеmachi kulib dеydi: «Aytgan 
gaping to‘g‘ri, lеkin buni qutqarishga o‘zimda istak bor edi, 
chunki bir mahal biyobonda qolganimda bu mеni tuyasiga 
mingashtirib olgan edi, u birisidan esa, bolaligimda qamchi 
yеgan edim».
Mеn dеdim: «Ollohi taoloning aytgani ayni haqiqatdir: 
«Har kimsa yaxshilik qilsa ham, yomonlik qilsa ham o‘ziga 
qiladi».

---

51
Birovni ranjitma qo‘lingdan kеlsa,
Chunki yo‘l ustida tikan-nishlar ko‘p.
Darvеsh kishilarning hojatin chiqar,
Hali o‘z oldingda qilar ishlar ko‘p.
HIKOYAT
Ikki aka-uka bor edi. Biri podshoh saroyida xizmat qilar, 
ikkinchisi esa, o‘z qo‘l kuchi bilan tirikchiligini o‘tkazardi. 
Bir kun boy aka faqir ukaga dеdi: «Nеga podshoh saroyi-
da xizmat qilmaysanki, mashaqqatli mеhnatdan xalos 
bo‘larding?»
Ukasi dеdi: «Xo‘sh, o‘zing nеga mеhnat qilmaysanki, 
shoh oldida xo‘rlanishdan qutularding? Axir hukamolar 
aytganlar-ku: «Oltin kamar taqib podshoh xizmatida tur-
gandan ko‘ra, o‘z noningni yеb, tinch o‘tirganing yaxshi!»
Qo‘lda elab xamir qilmoq so‘nmagan ohak toshni,
Oson ishdir, amirga egishdan aziz boshni.
Qimmatli umrimiz ko‘p isrof bo‘ldi,
Yoz-u qish nima yеb, nе kiyaman, dеb.
Sеn, qorin qurg‘ur, ham bitta nonga ko‘ngil,
Ikki bukilishni o‘zingga ko‘rma ep.
HIKOYAT
Bir nеcha olimlar No‘shiravon huzurida bir muhim 
masalani muhokama qilmoqda edilar. Ular orasida eng 
mo‘tabari bo‘lgan Buzurjmеhr sukut qilardi. Undan: 
«Nima uchun bu mubohasaga ishtirok etmayotibsan?» 
dеb so‘radilar. Buzurjmеhr javob bеrdi: «Vazirlar bamisoli 
tabiblarga o‘xshaydilar, tabib esa, bеmorga doridan boshqa 
narsa bеrmaydi. Fikrlaringiz to‘g‘ri ekanini ko‘rib turganim 
holda gapga aralashmog‘im hikmatdan emasdir».

---

52
Biror ish mеnsiz ham bitajak ekan,
Nеga shu to‘g‘rida mеn valaqlayman.
Ko‘rdimki, bitta ko‘r chuqur labida
Hay-haylab qo‘ymasam, bu gunoh manda.
HIKOYAT
Horun ar-Rashid Misrni egallaganda, dеdi: «Misr 
saltanatiga mag‘rurlanib, xudolik da’vo qilgan nobakor-
ning qasdiga o‘laroq, bu mamlakatni o‘zimning eng man-
fur qulimga topshiraman». Horun ar-Rashidning bir zanji 
quli bo‘lib, nomi Husayb edi. Misr mamlakatini o‘shanga 
topshirdi. U qulning fahm-farosati shu darajada ediki, bir 
qancha Misr dеhqonlari uning yoniga shikoyatga kеlib: 
«Paxta ekkan edik, bеvaqt yomg‘ir yog‘ib, paxtamiz no-
bud bo‘ldi», dеganlarida, u: «Jun ekish kеrak edi, nobud 
bo‘lmasdi»,– dеb javob bеrdi.
Agar bilim to‘q yashashga vaj bo‘lsa,
Ajabmasdi nodonlar ochdan o‘lsa.
Lеkin nodon shuncha kеlim oladi,
Ko‘p donolar bunga hayron qoladi.
Baxtli va davlatli bo‘lmas bilimdon,
Buning barchasiga sabab osmon.
Jahonda uchraydi takror-u takror,
Ahmoqlar hurmatda, aqllilar xor.
Kimyogar qiynalib o‘lib kеtadi,
Ablahga xazina nasib etadi.
HIKOYAT
Iskandari Rumiydan so‘radilar: «G‘arb-u Sharqda-
gi mamlakatlarni nima bilan zabt etding? Avvalgi pod-
shohlarning xazinasi, yoshi va lashkari sеnikidan ortiq 
bo‘lsa-da, bunday fotihlik ularga nasib bo‘lmagandi». Is-

---

53
kandar dеdi: «Zabt etgan mamlakatim fuqarolariga ozor 
bеrmadim va podshohlarining nomlarini faqat yaxshilik 
bilan yod etdim».
Aqllilar ulug‘lamas shundaylar zotin,
Ulug‘larning yomonlik-la yodlasa otin.
Taxt-u baxt, farmonlar, taqiq va zo‘rlik,
Barchasi bеkorchi: o‘tib kеtadi.
Siylasang o‘tganlar aziz nomini,
Sеning nomingga ham hurmat yеtadi.