4-Mavzu: Pedagogik akmeologiyaning metodologik prinsiplari va yondashuvlari. Mavzu rejasi

Rivojlanish prinsipi. Rivojlanish prinsipining turli ta’riflarida ayrim holatlarda uyg‘unlashish asosi, boshqalarida esa insonning hayot yo‘lida rivojlanishning ayrim bosqichlarining ziddiyatlari va avvaldan yozib qo‘yilgan taqdir, yoshga bog‘liq bo‘lgan inqirozlar qonuniyatlari ustun bo‘lgan. Chamasi, sotsializm davrining mafkuraviy shiori bo‘lgan shaxsning barkamol rivojlanishi prinsipini tanqid qilish, rivojlanish mutanosibligi muammosini chetga surib qo‘ymasligi lozim. Mamlakatimiz psixologiyasida rivojlanishning turli bosqichlarining muvofiqligi-nomuvofiqligi, ularning tashqi ta’sirlar, kuchlanishlar va rahbarliklarga “ta’sirchanligi”ni belgilab beruvchi “rivojlanish geteroxronligi”, “senzitivlik” tushunchalari ancha avval mustahkamlanib qolgan. “Geteroxronlik” tushunchasi rivojlanish notekisligini va turli psixik vazifalar, qobiliyatlar, xususiyatlarning rivojlanish sur’atini belgilab bergan. Aynan shu ikki mumtoz tushunchalarga aylangan tushunchalar uyg‘unlashish, muvofiqlik prinsipiga asoslanadi. Uning mohiyati shundan iboratki, turli sur’atlarda va deylik, shaxsning intellektual va ma’naviy xususiyatlari o‘rtasidagi aloqalarning ahamiyatli ravishda uzilishi nafaqat ma’naviy xususiyatlarning rivojlanishiga olib keladi, balki shaxs uyg‘unligining buzilishiga, rigorizmga berilganligini, his-tuyg‘ulardan ko‘ra aqlning ustunligiga, ma’naviy garanglikka olib keladi.
L.I.Ansiferova tomonidan alohida ajratib ko‘rsatilgan diaxronik tabiat rivojlanishni ikki turga ajratadi: taraqqiyot va tanazzul. Tanazzul insonning bo‘lishi mumkin bo‘lgan uyg‘unligi buzilishini, uning parchalanishi, uning rivojlanish yo‘nalishlarining cheklanganligini ifodalaydi. Rivojlanish prinsipini ishlab chiqishning ikki yo‘nalishi faqatgina oxirgi yillarga kelib bir-biriga yaqinlashdi: rivojlanishni bosqichli, qaytmas tabiatga ega bo‘lgan jarayon sifatida hamda shaxsning S.L.Rubinshteynga ko‘ra faoliyatda harakatlanishi namoyon bo‘luvchi va rivojlanuvchi sifatidagi rivojlanish. Otogenetik tadqiqotlarda rivojlanishning turli yoshlar bilan bog‘liq bo‘lgan sarhadlari, ostonalari, boshi berk holatlarini aniqlashga urinishlar sodir etilgan. Shaxsning faoliyat davomida rivojlanishi tahlil qilinganda, mehnatning foydaliligi haqidagi fikrga muvofiq keluvchi optimistik nuqtai nazar ustun bo‘lgan va bu holat mehnat tabiati bilan bog‘liq bo‘lgan rivojlanish imkoniyatiga cheklovlar qo‘yilmagunga qadar davom etgan. Har qanday faoliyat ham insonni rivojlantirmaydi, degan alternativ formula ilgari surildi. Ontogenez bo‘yicha amalga oshirilayotgan zamonaviy ishlarda yosh mezonlari va rivojlanishning o‘ziga xos xususiyatlari faoliyatning o‘ziga xos xususiyatlari bilan bog‘lanadi. Shunday qilib, T.V.Karsaevskaya verbal intellekt bilan bog‘liq bo‘lgan faoliyat turlari yoshga oid chegaraga ega bo‘lmaydi. Yozuvchilar, tarjimonlar, aktyorlar umrlarining oxiriga qadar o‘z ijodiy imkoniyatlarini saqlab qoladilar.
Psixologiyada rivojlanish prinsipi ko‘p qirrali hisoblanadi va shu sababli u psixologik bilimning maxsus sohasiga aylanib ulgurgan. U rivojlanishning falsafiy va ontogenetik xususiyatlarini, individning hayotiy yo‘lining turli bosqichlarida ushbu jamiyat bilan munosbatlarini, rivojlanishning yoshga oid bosqichlarini, shaxsning hayot yo‘lidagi rivojlanishini ochib beradi.
Akmeologiya o‘z predmetiga ko‘ra psixologiya sohasiga yaqinlashar ekan, rivojlanish prinsipini aniqlashtirishni talab etuvchi qonuniyatlarni o‘rganishni nazarda tutadi. Ushbu aniq(konkret)lashtirish quyidagilarni taqozo qiladi:

1. 
   rivojlanishni takomillashtirish, еtuklikka, eng maqbul oliy darajaga tomon harakat; “yuksaklikka tomon harakat”;
   
2. 
   yuqorida aytib o‘tilganidek, rivojlanishning sub’ektga oid tabiatini tan olish;
   
3. 
   rivojlanishni sub’ekt tomonidan hal etiladigan ziddiyatlar orqali amalga oshirish (va uni tahlil qilish);
   
4. 
   akmeologiyada rivojlanish prinsipi rivojlanishning individual tabiatini e’tiborga oladi;
   
5. 
   akmeologiyada rivojlanish hayot yo‘li va faoliyat davomida rivojlanish sifatida o‘rganiladi, akmeologiya birinchi marotaba shaxs vositasida shaxsning hayot yo‘li va kasbida rivojlanish o‘rtasidagi aloqani aniqlaydi;
   
6. 
   akmeologiya shaxs rivojlanishidagi mavxum va dolzarb munosabatlarni e’tiborga oladi va uning yashirin, hozircha amalga oshirilmagan imkoniyatlarini aniqlashga yo‘naltirilgan;
   
7. 
   akmeologiya izchil bosqichlarni qiyoslamaydi, aksincha ideal, istiqbol bilan qiyoslash natijasida mavjud bosqichni aniqlaydi.
   

Akmeologiya uchun rivojlanish mohiyati rivojlanish psixologiyasidagi yoshga oid, pedagogik va boshqa muammolardan farqli ravishda, uning madaniyat tushunchasi va uning belgilovchisi sifatida namoyon bo‘ladi. N.S. Avtonomova, madaniyatning turli tushunchalarini falsafiy jihatdan tahlil qilar ekan, quyidagi tariflarni keltiradi: 1) madaniyat tabiiy bo‘lmagan, inson faoliyati natijalari va mahsulotlari majmui sifatida; 2) madaniyat faoliyat usuli sifatida, bu kabi yondashuv birinchisidan dinamik ko‘rsatkichlariga ko‘ra farq qiladi; 3) madaniyat inson faoliyatining ijodiy ibtidosi sifatida; 4) madaniyatni faoliyat tajribasi sifatida tushunish. Gruziyalik faylasuf O.P.Djioev ushbu ta’riflarga, madaniyatning texnologik tabiatini va madaniyat u yoki bu guruh tomonidan tan olinadigan qadriyatlarni qamrab olishini ko‘rsatib o‘tgan holda yana ikkita ahamiyatga ega bo‘lgan ta’riflarni qo‘shadi va shaxs tomonidan o‘z xulqini ushbu qadriyatlar nuqtai nazaridan baholay olishi insonning hayot mazmuniga bo‘lgan talabi kabi muim ehtiyojini qondirishning muhim vositasini ifodalaydi.
Va nihoyat, akmeologik yondashuv uchun madaniyatning o‘ta muhim bo‘lgan mezonlarini V.S.Stepin ajratib ko‘rsatadi. U madaniyatni murakkab tuzilmaga ega bo‘lgan, ayrim darajalari qadimgi zamondan saqlanib qolgan yoki yo‘qolib ketuvchi tabiatga ega bo‘lgan o‘zgaruvchan tizim sifatida o‘rganadi, boshqalari esa inson faoliyatini ishlab chiqishning zamonaviy tizimi bilan bog‘liq (va bu еrda madaniyatning axborot tizimi sifatidagi xususiyati ahamiyatga ega), va nihoyat “madaniyat tizimida inson faoliyati turlari va shakllarining potensial ravishda bo‘lishi mumkin bo‘lgan, kelajakdagi dasturlar majmui vositasida aks ettirilgan hodisalarning uchinchi darajasini ajratib ko‘rsatish mumkin”. Shunga e’tibor qaratish lozimki, Avtonomovaning madaniyati tajriba sifatida, ya’ni ma’lum ma’noda avvalgi insoniy faoliyat (bugungi kunda takrorlanayotgan bo‘lsa-da) sifatida namoyon bo‘lsa, V.S.Stepinning ta’rifida madaniyat tushunchasi ham o‘tmishni, ham bugungi kunni, ham kelajakni qamrab oladi.
Falsafiy an’ana shaxs va madaniyat muammosini bir tomondan shaxs tomonidan madaniyatni o‘zlashtirish, boshqa tomondan esa shaxs tomonidan keyinchalik o‘zining maxsus ahamiyatiga ko‘ra inson madaniyatining mulkiga aylanuvchi namunalarni ijodiy yaratish sifatida o‘rganadi. Shaxs madaniyati haqida faqat turmushga oid nuqtai nazardan o‘zini tutish madaniyati sifatida so‘z yuritiladi. Ya’ni, inson insoniyat madaniyatiga kirishishi, uning asosida harakatlanishi hamda yangi madaniy namunalar yaratishi, madaniyatni ijod qilishi zarur, deb tan olinadi, biroq, uning u holatda ham, bu holatda ham shaxsiy o‘zgarishi nimadan iborat ekanligi masalasi o‘rganilmaydi.
Modomiki, avval aytib o‘tganimizdek, akmeologiyaning tizim hosil qiluvchi asosi shaxs ekan, u holda shaxs madaniyati muammosini uning rivojlanishi natijasi va hayot faoliyati usuli natijasi sifatida qo‘yish zarur. Ushbu muammo “shaxsning umummadaniy jihatlari”, uning “madaniy darajasi”ni ajratib ko‘rsatgan A.A.Derkach tomonidan qo‘yilgan. Ushbu muammoni ilgari surgan holda olim uni keng hajmli va batafsil holda aniqlashtirib berdi: u madaniy shaxs ta’rifiga uning ta’lim, malakaga oid jihatlarini, ilmiy-texnik yutuqlarni qo‘llay olish qobiliyatini, shuningdek, uning ma’naviy madaniyatga shaxsiy munosabatini, shaxsiy innovatsion faoliyatning faollik darajasini, uning sabablar tizimini, harajatlarini, shuningdek, shaxs faoliyatining individual usulining sifat, mohiyatga oid, ma’no bilan bog‘liq bo‘lgan tanlash xususiyatini kiritdi. Masalani bu kabi qo‘yilishining eng ahamiyatli holati madaniyat darajasiga erishgan shaxsni, shaxsga nisbatan madaniyatga o‘z ulushini qo‘shgan ijodkor sifatidagi, shaxs-madaniyat muammosining ikkinchi muammosi chegaralanuvchi (birinchisi madaniyatni o‘zlashtirish, ikkinchisi alohida еtuk shaxslarning madaniyatga qo‘shgan ijodiy hissasi) ko‘p sonli yondashuvlaridan farqli ravishda, hayot faoliyatining zamonaviy texnik, ijtimoiy, kasbiy sharoitlari bilan qiyoslanishidir. Shunday qilib, umuman bo‘sh bo‘lgan muammolar maydoni quyidagicha to‘ldirildi, zamonaviy jamiyatda shaxslarning ustun ommasi madaniy jihatdan qanday harakatlanadi, shaxslarning kundalik (nafaqat ijodiy еtuk) harakatlanish muammosi. Shaxs tomonidan madaniyatni o‘zlashtirish haqidagi asosiy fikr o‘zining ahamiyatli mohiyatiga еtkazilmadi: uni o‘zlashtirgan shaxs madaniy darajada qanday, qay darajada harakatlanadi? Unga ushbu jihatdan jamiyat tomonidan qo‘yiladigan talablar qanday? Uning madaniyat asosidagi o‘zgargan imkoniyatlari qanday? Sovet jamiyatiga nisbatan uning yuqori darajadagi bilimliligi ko‘p marta ta’kidlab o‘tilgan. Biroq, u past darajadagi madaniyat va mehnat unumdorligi bilan ziddiyatlarga kelgan. Demak, bilimlilik shaxs malakasi, kasbiy mahorati xususiyatiga ta’sir ko‘rsata olmagan.
A.A.Derkach tomonidan ochib berilgan prinsipial holat shaxsning madaniyatini aniqlash, madaniyat faqatgina faoliyat usuli, o‘zlashtirilgan tajriba emas, balki yangi xususiyat, shaxsning yangidan paydo bo‘lishi bilan bog‘liqligini, Bu holatni “sivilizatsion tabiiylik” tushunchasini kiritgan holda yaqqol ko‘rsatib bergan, chunki u madaniyat, sivilizatsiyalashganlikning substansional ichki tabiatini ochib beradi. Madaniy (yoki sivilizatsion) shaxs, madaniyatning quyi darajasida turuvchi shaxsdan boshqacha sabablarga, boshqacha intilishlarga, qanoatlanishning boshqa mezonlariga egaligi bilan farq qiladi. Va nihoyat, yuqorida aytib o‘tilganidek, shaxsiy tashkillashtirishning to‘liq qayta qurilishi yuz beradi. Tadqiqotga asos qilib akmeologiya shaxsni uning umumpsixologik tasvirida tabiat, tafakkur, hissiyotlar, ehtiyojlar, qobiliyatlar tizimi sifatida emas, balki shaxsning nafaqat o‘z psixik imkoniyatlari (va shaxsga oid xususiyatlari), balki kasbiy va hayotiy vazifalarni o‘zi tomonidan egallangan ularning ichki muvofiqligi va еtukligida hal etish uchun zarur bo‘lgan iroda, xarakterni ham boshqaruvchi faoliyat (mehnat, kasb, ijod) va hayot faoliyati sub’ekti sifatidagi shaxs tizimini oladi.
Bizning fikrimizcha, shaxs madaniyati mezoni uni o‘z-o‘zini shaxsiy ifodalash, amalga oshirishining maqbulligi va konstruktivligi va u ushbu faoliyatni amalga oshiruvchi ijtimoiy kasbiy faoliyat usuli hisoblanadi. Ularda inson tomonidan erishilgan, uning uchun fuqarolikning, mehnat layoqatining, insonparvarlikning yuqori darajasi ifodalanadi. A.A.Bodalev tomonidan o‘rganiladigan toifalarda yuqori darajadagi inson yutuqlarining o‘ziga xos xususiyatlari, biz quyida batafsilroq to‘xtalib o‘tadigan va aynan akmeologiyaga xos tushuncha bo‘lgan “etuklik” tushunchasida qamrab olinadi.
Akmeologiya shakllanishni boshlagan asosiy tushunchalardan biri shaxs hayoti va rivojlanishining cho‘qqisi bo‘lgan “akme” tushunchasi bo‘lgan. Metodologik jihatdan akmeologiya ijod psixologiyasi, buyuk kashfiyotlar va buyuk odamlarning hayotda erishgan cho‘qqilarini biografik ta’riflash tizimi sifatidagi kashfiyotlarga aylanib qolmasligi juda muhim. Akmeologiya shakllanishi va institutsionallashtirilishi davri davomida gap har qanday shaxs madaniyati darajasi, unga bundan ham yuqoriroq darajalarga erishishda yordam ko‘rsatish zarurati haqida va nafaqat hayot yo‘lining “avj”i haqida, balki shaxsning o‘z rivojlanganligiga muvofiq ravishda yashash va harakat qilish qobiliyati haqida boradi. Bu esa o‘z navbatida akmeologiyaga ekzotik bilim sifatida qarashning oldini oladi, uning jamiyat hayotining kasbiy, fuqarolik, ma’naviy sohalariga tatbiq qilinishi ochib beriladi.