5- ma`ruza: intellektual mulk vositalari

5- ma`ruza: INTELLEKTUAL MULK VOSITALARI.
5.1. Sanoat mulki ob’ektlarini xuquqiy jihatdan muhofaza qilish.
5.2. Sanoat mulki ob’ektlarining patentga layoqatlilik shartlari.
5.3. Foydali modelning muhofazaga layoqatliligi shartlari.
5.4. Sanoat namunasining patentga layoqatlilik shartlari.
5.5. Sanoat mulki ob’ektining muallifi.
5.6. Patent egasining huquq va majburiyatlari.
5.7. Ilmiy - texnikaviy patent axboroti. Intellektual mulk ob’ektlarini muhofazalash sohasidagi qonunchilik. Ixtiro va litsenziyalash.
5.8. Patent, litsenziya va sertifikat olish uchun shartnoma tuzish.
5.9. Yevropa va AQSH patent idorasi va qonunchiligi.

5.1. Sanoat mulki ob’ektlarini xuquqiy jihatdan muhofaza qilish.

O’zgartirish taklifi - ma`lum bir korxonaga foyda keltirish maqsadida, shu korxonadagi mahsulot konstruktsiyasini, ishlab chiqarish texnologiyasi va qo’llanilayotgan texnikani yoki materiallar tarkibini o’zgartirishga berilgan texnik qarordir.
Berilgan taklif shu korxonada ro’yxatga olingunga qadar noma`lum bo’lsa, yangi texnik qaror deb tan olinadi. Agar taklif tarmoq nozirligiga berilsa, unda bu butun tarmoqda noma`lum bo’lsagina tan olinadi.
Qoidaning 64-punktida qanday takliflarni yangi texnik qaror deb tan olinishini aniq ko’rsatilgan. Unga quyidagilar kiradi:

• 
  oldin bu korxonada ishlatilmaganligi;
  
• 
  o’zgartirish taklifga ariza beruvchi muallif tomonidan 3 oydan ko’p ishlatilmaganligi;
  
• 
  shu korxona ma`muriyati yoki texnik xodimlar tomonidan berilgan ko’rsatmasi yoki buyrug’i bilan bajarilayotgan qarorlardan tashqarilari;
  
• 
  yuqori tashkilotning tavsiyasi bilan yoki shu tarmoqdagi ilg’or tajribalarni e`lon kilib boruvchi nashriyotlardagi takliflar bilan mos tushmaganlari.
  

5.2. Sanoat mulki ob’ektlarining patentga layoqatlilik shartlari.

O’zgartirish taklifini ishlab chiqarishga tadbiq etilganda yaxshi natija bersa, uni foydali taklif deb tan olinadi. O’zgartirish taklifi iqtisodiy, texinikaviy yoki boshqa tomonlama yaxshi natija berishi mumkin. Masalan, birinchi holatda iqtisod tomondan, ikkinchi holatda iqtisod qilmay ishlab chiqarish vositalarini takomillashtirish tomonidan, uchinchi holatda esa, ishlab chiqarishga (mahsulot sifatini, ishlab chiqarish xavfsizligini oshirish va boshqalarga) foydali natija berishi mumkin.
Agar o’zgartirish taklifini qo’llanganda mahsulot sifatiga, ishlab chiqarish vositalariga salbiy ta`sir qilsa (qoidaning 65-punkti), mehnat sharoitini qiyinlashtirsa yoki iqtisodiy yaroqsiz bo’lsa, o’zgartirish taklifi deb hisoblanmaydi.
Lekin texnikaviy xarakteri, yangilikligi, foydaliligi- o’zgartirish taklifi uchun zaruriy shartlar hisoblanadi. O’zgartirish taklifini asosiy belgilari:

1. 
   Texnikaviy qarorni yechish.
   
2. 
   Ishlatilishi mumkin bo’lgan korxonada yangiliklari.
   
3. 
   Foydaliligi.
   
4. 
   Ijodiy izlanishi.
   

5.3. Foydali modelning muhofazaga layoqatliligi shartlari.

Ixtiro, o’zgartirish taklifi kabi ixtirochilik xuquqi ob`ekti bo’lib, texnika sohasidagi ijodiy harakatning natijasini saqlash xuquqini beradi.
Xalq-xo’jaligida, sotsial-madaniy qurilishida yoki mamlakatning himoyalash sohasida ishlayotgan har qanday unumli texnikaviy qarordan yaxshi va sezilarli farqlansa, bunday texnik qarorni ixtiro deb tan olinadi (qoidaning 21-punkt).
Xalq-xo’jaligi - bu ishlab chiqarish, qishloq xo’jaligi, qurilish, transport, aloqa, savdo va boshqalardir. Sotsial madaniy qurilishga xalq xo’jaligi va mamlakatning himoyalash sohalaridan tashqari quyidagilar kiradi (qoidaning 21-punkti): sog’liqni saqlash, o’quv-ta`limi, san`at, sport. Bu sohada qilinadigan ixtirolarga quyidagicha misol keltirishimiz mumkin, biror kasalni davolash usulini yoki qurilmasini yoki qilichbozlikda qilich uchini tegishini hisoblovchi qurilma yaratilsa va boshqalar.
Mamlakatning himoyalash sohasiga hamma turdagi qo’shinlar va ularga mo’ljallangan harbiy texnikalarni yaratish va takomillashtirish kiradi.
Ixtiro yuqorida sanab o’tilgan sohalarning biriga tegishli bo’lgan, biror masalani yechishga qaratilgan bo’ladi. U texnikaviy qaror hisoblanadi. Lekin har qanday texnikaviy qarorni ham ixtiro deb tan olinavermaydi. Qachonki u quyidagi talablarni bajargandagina tan olinishi mumkin:

1. 
   Yangi.
   
2. 
   Sezirlari farqlanishi.
   
3. 
   Foyda berishi kerak.
   

Ixtiroga berilgan birinchi arizaning berilgan kunigacha, texnik qarorning mazmuni ariza berilgan mamlakatda yoki boshqa chegara orti mamlakatlaridagi noma`lum kishilar orasida ham uni amalga oshirish mumkinligi darajasida ochilmagan bo’lsa, uni yangi deb hisoblanadi, ya`ni ixtiroga ariza bermasdan, uni ochiq e`lon qilish, namoyish qilish yoki ishlatish yangiligini yo’qotishga olib keladi. Shuning uchun oldin ariza berib, so’ng uning mazmunini ochish mumkin.
Agar texnik qarorning mazmuni ba`zi bir kishilarga (muallifning hamkasabalariga, texnik komissiyaga, yuqori tashkilot rahbariga) ma`lum bo’lsa, u o’z yangiligini saqlaydi.
Ixtironing asosiy belgilariga quyidagilar kiradi:

• 
  texnik qarorning yechimi;
  
• 
  yangiligi;
  
• 
  sezilarli farqlanishi;
  
• 
  foydaliligi;
  
• 
  shu mamlakatining xalq xo’jaligida qo’llanish imkoniyati.
  

Ixtiro, usha vaqtdagi zamonaviy texnika (yoki usul, yoki modda) ga nisbatan yangi bo’lsa tan olinishi mumkin. Bunday yangilikni absolyut (dunyo bo’yicha) yangi deb ataladi. Demak, uni boshqa mamlakatlarda ham tan olinadi.
Ixtiro fan va texnikada mavjud bo’lgan texnik yechimlar bilan solishtirib ko’rilganda, ularga nisbatan foydali belgilari bo’lsa, sezilarli farqlangan deyiladi. Bunda har xil variantlar bo’lishi mumkin.

• 
  Ixtiro to’la yangi belgilardan iborat bo’lishi mumkin.
  
• 
  Ixtironing bir qismi yangi, bir qismi ma`lum bo’lgan belgilardan iborat bo’lishi mumkin.
  
• 
  Ixtiro to’la ma`lum bo’lgan belgilardan iborat bo’lib, ma`lum bo’lmagan usulda ishlatilgan bo’lishi mumkin.
  

Bundan ko’rinadiki, ixtironing yangiligini mavjud bo’lgan texnika darajasiga solishtirib aniqlanishi mumkin. Biroq ular sezirlarli farqlanmasligi ham mumkin ekan.
Ixtironing belgilaridan yana biri foydaliligidir. U ixtironi qo’llanilganda keltiradigan aniq foydadan iborat bo’ladi, bunga ishlab chiqarish unumdorligini oshirish, mahsulot ishlab chiqarishni ortishi, mahsulot sifatini ortishi, texnika xavfsizligini yaxshilanishi va boshqalar kiradi. Ba`zi bir hollarda foydalilik iqtisod keltirmasdan boshqa tomondan yaxshi natija berishi mumkin. Masalan, ishlash sharoitini yaxshilash.
Shuning uchun ixtironing foydaliligini mavjud bo’lganlari bilan solishtirib ko’rib aniqlanadi.
Har bir ixtironing ob`ekti bo’lib, u yordamida topshiriqni yechiladi. Ixtironing ob`ektiga quyidagilar kiradi: yangi qurilma, yangi usul, yangi modda, ma`lum bo’lgan usulni, moddani, qurilmani yangi joyda ishlatish (qoidaning 21-punkti).

5.4. Sanoat namunasining patentga layoqatlilik shartlari.

Qurilma - alohida element yoki bir biri bilan har xil bog’lanish hosil qilgan elementlardan iboratdir, bularga: mashinalar, apparatlar, o’rnatgichlar, asboblar, moslamalar va ularning detallari kiradi.
Usullarga xom ashe va materiallarga ishlov berish jarayoni, kimyoviy va boshqa xildagi moddalarni tayyorlash, har xil o’simliklarni o’stirish, kasallarni davolash va boshqalar kiradi. Yangi usul kerakli natijani olish uchun, belgilangan yangi tartibdan ishlatilishga qarab aniq harakatlar ketma-ketligidan iborat bo’ladi.