Yoqilg’i-energetika resurslari (YoER) –
bu hozirgi davrda
ishlatilayotgan yoki kelajakda ishlatilish mumkin bo‘lgan energiya
tashuvchidir. Bu gaz, neft mahsulotlari (mazut, dizel yonilg‘isi va
boshqalar) hamda qattiq yonilg‘i (ko‘mir, slanes, torf) lardan tashkil
topgan elektr va issiqlik energiyasidir.
Qayta tiklanuvchi energiya manbalari (QTEM) – bu quyosh,
shamol, yer issiqligi, suv oqimlarining tabiiy harakati va tabiatda mavjud
harorat gradientlar energiyasidir.
Energiya tejamkorligi –
energetik
resurslardan
samarali
foydalanishga qaratilgan qonuniy, tashkiliy, ilmiy, ishlab chiqarish, texnik
va iqtisodiy chora tadbirlarni amalga oshirish hamda qayta tiklanuvchi
energiya manbalarni joriy etish.
Energetik resurslardan samarali foydalanish – tabiiy atrof muhitni
himoyasi talablariga rioya qilgan holda, texnika va texnologiyalarning
xozirgi zamon jadal rivojlanish darajasida energetik resurslarni iqtisodiy
samarali ishlatilishiga erishish. Iqtisodiy samarali ishlatilishi degani, bu
yoqilg‘i energetik resursni ishlatganda, korxona foyda bilan ishlashi ya‘ni
zarariga ishlamasligi.
Energiya samaradorligini ko’rsatgichi – bu passport, texnologik
qoidalar, standart aktlar va davlat tomonidan o‘rnatilgan standartlariga
ko‘rsatilgan ma‘lumotlariga asoslanib absolyut va aniq iste‘mol
kattaliklariga yoki har qanday maqsad uchun ishlab chiqariladigan
mahsulot uchun sarflanadigan energetik resurslarni yo‘qotilishi. Absolyut
kattaliklar yoqilg‘i energetik resurslarga mos keladigan kVt*s, GDj, m
3
kattaliklarda o‘lchanadi. Aniq kattaliklar – bu mahsulot birligiga
sarflangan yoqilg‘i energetik resurs miqdorini anglatadi va kVt*s/t, GDj/t,
m
3
/dona kattaliklar bilan o‘lchanadi.
