30 aprel 1994-cü il - 3-cü tabor (komandir: leytenant Nadir
Cəfərov, bölük komandiri Məzahir, minaatan batareyasının
komandiri baş leytenant Əziz Abbasov) sağ cinahdan düşmənin
Seysulan kəndindəki mövqelərinə hücuma keçdi və Seysulan
kəndini düşməndən azad etdi. Düşmən 300 nəfər canlı qüvvə
itirsə də əks-hücuma keçərək yenidən kəndə daxil oldu. Tabor
kəndin girəcəyində müdafiə mövqeyi tutmağa məcbur oldu.
Tabordan 34 nəfər həlak oldu 23 nəfər yaralandı.
9 may 1994-cü il- sol cinaha gətirilən 3-cü və 1-ci tabor hücuma
keçməyə hazırlaşarkən, düşmən 30 ədəd tank və 800 nəfərədək
canlı qüvvə ilə hücuma keçdi. Bir saatadək davam edən döyüşdə
düşmənin 8 tankı bizim “Şturmes”lə vuruldu. Düşmən 220 nəfər
canlı qüvvə itirərək geri çəkildi. Döyüş zamanı hər iki tabor cəmi
28 nəfər şəhid verdi və 55 nəfər yaralandı, iki tankımız vuruldu.
