Aber weh do’ hot s! Vom Haselnußroi’ Derhoim ond Drauße

Zweierlei G’wisse
H
errgott, jo!
was ma doch glei e ganz anderster Kerle ist,
was ma doch glei ganz anderst
romlauft ond dreiguckt
ond ufmuckt,
wam~ma~n emol e paar Goldstückle~n
en seim Geldbeutel woiß!
e~s ist älles e ganz anderste Gschicht glei
äls wamm~ma bloß
e paar lompige Nickel oder Fufziger
em Westetäschle hot!
Do druckt ma se an de Häuser na,
wie wam~ma ne e schlechts Gwisse häb,
weil ma koi Geld hot!
ond bleibt an de Schaufenster stande
ganz hehlenge bloß und schüchtern,
wie wann s e Sönd wär,
se was a’zgucke! . . .
Lauter Sach natierlich, des ma brauche könnt . .
des on des ond des ond des!
ha, ma sotts han sogar . . notwendig!
ond scho lang!
den neue Schirm do wenigstens!
jede Dag könnt ma~n brauche
bei dem ewige G’regen!

www.flaischlen.de
9 1
ond au no ander Sach . . .
ma mueß se nochgrad jo schöme,
wie ma romlauft . . .
mit dem alte dallige Huet ufm Kopf!
ond e paar bessere Stiefel wäret au a’brocht!
ond ordentliche Handschueh,
wam~ma wo na’ mueß!
ma~n ist jo dr reine Lomp!
Jo ond was tät s Gretle se freue,
wam~mr~hr emol was mitbrächt . . .
so e Photographierähmle
oder so e Porzellafigürle
ufs Büecherbrettle überem Nähtisch!
Oder so e . . Ledertäschle! ha jo!
„de’st aber emol fei!“ tät se sage,
„ond so nobel!“
„au jo, woißt: s Mariele guckt me nemme a’ vor
Ärger!“
oder des blühende Rosestöckle do,
em Bluemelade! . . .
wam~ma no Geld hätt!
hols der Deufel! wa~ma no Geld hätt!
Ond ma langt hehlenge en d Hosetasch:
ob s net doch vielleicht zu ebbes roich?!
aber ... aber ... ha no jo! wenn s sei müeßt! . .
aber . . .
so gar nötig isch am End net!
s ist au so gange!

9 2
Neuauflage 2015 © Atelier Abt-Harrer, Rottenburg a.N
.
ma ist au so fidel gwä!
ond wann s der alt Huet etzt so lang do’ hot,
duet er s au no länger!
ond d Stiefel hebet au no e Weile!
ond s Gretle ist au so . . e netts Mädle
ond hot oin au ohne Ledertäschle gern!
e~s ist jo doch blos Puppapperleszeugs!
ond em Grond
wär s oigentlich e~n elendiger Leichtsinn,
wo äll Augeblick ebbes komme ka,
wo ma halt en Sack greife mueß,
ob ma mag oder net! . . . ond . .
ond . . ebbes Rechts k a s jo gar net sei für drei
Mark!
des isch jo au,
was älles so teuer macht für onserois:
daß ma bloß G’lomp kriegt,
wam~ma net glei en Haufe Geld derfür na’lege
k a! . . .
Noi! noi! . . . lieber net! . . . lieber net!
oin Dag: schö!
am zwoite~n: o jeh!
am dritte: he’! . . .
noi! e~s wär e Viecherei! . . .
ma hot s halt net!
mach was! ma hot s halt net!
ma hot s halt net!
Wam~ma~n aber . .
e paar Goldstückle~n en seim Geldbeutel woiß,

www.flaischlen.de
9 3
ond wam~ma se au grad erst kriegt hot,
no isch glei
ebbes
ganz
andersts!
Ma druckt se net an de Häuser na’,
äls ob ma gstohle hätt!
ma lauft mitte~n uf dr Stroß . . .
überfahre derfet se oin jo net,
des kost bloß Strof! . . .
ond ist grad so viel, wie andre au!
koin Deut weniger!
i be’ au uf dr Welt! so guet wie~n Ihr!
Ond ma stoht an selle Schaufenster na’,
wo die Sache lieget,
die ma so notwendig han sott!
aber net no so an d Seit!
vorne na’, breit ond batzig!
druckt womöglich no ebber weg:
ma hot ‘s jo!
ma derf no reigange
ond sage: was kost’s?!
Handschueh! . . . Huet! . . .
ma derf no reigange!
Ond ma bsieht se . . en dem Spiegel derhenter . . .
no’ jo! neu ist r nemme!

9 4
Neuauflage 2015 © Atelier Abt-Harrer, Rottenburg a.N
.
wär au net möglich! . . aber . . .
aber . . . natierlich! jo! . . . aber . . .
do’ dät r s oigentlich ganz guet no . . . bis . .
bis . . wieder besser Wetter wurd wenigstens!
. . jo! . . .
ond wam~ma se wasche loßt
send au die Handschueh wieder no lang schö . .
z Haus braucht ma jo doch koine! . . .
ond de Leut wege!?
daß i net lach! jowoll: . . . koin alte Batze!
wer oin kennt, woiß, wer mr ist!
ond wer oin net kennt, der k a’ jo weggucke!
ond wem die Stiefel, die ma~n~a’hot, net recht
send,
dem send se ebe lenks!
oi Riester voll meh
duet etzt au nemme weh! . . .
ond von wege so eme Photographierähmle
oder so eme Figürle . .
ach was! noi! doder vo’ hangt s Glück net ab!
fallts om, no e bißle, no isch k aputt,
ond ma hot weder s Figürle no s Geld meh!
Puppapperleszeugs! . . . noi!
Jo von wege sellem Rosestöckle aber
en dem Bluemelade . . .
ha, des ist oigentlich e~n~andere Sach!
Huet ond Stiefel
ond Handschueh braucht s net! aber . . .
aber . . . em Gretle könnt ma~n~emol e Freud
mache!

www.flaischlen.de
9 5
de’st wohr!
jo! . . . des bstellt ma
ond e Veigelssträußle derzue
schö zrechtbonde,
en Seidepapier
zom Abholle~n~ufm Rückweg!
Zwoi Mark ond fönfezwanzig!?
hotz Guguck! isch des net e bisle viel!?
e kloiners däts am End au! . . .
de’st aber net so schö! de’st wohr!
de’st net so schö! . . . also jo: s groß!
ma hots jo!
ma hots jo! worom net!? . . .
ond ma legt e Zwanzigmarkstückle uf de Disch . . .
zom Wechsle! . . . ma hots jo!
Nochher aber stopft ma sein Geldbeutel
onters Sacktuech,
daß r guet ufghobe~n ist,
ond knöpft de Rock zrecht . . .
k auft wurd etzt nex meh! . . .
ond goht an sei Gschäft
ond freut se . . wie~n e K asperleskönig:
was ma~n älles spare k a’, wam~ma~n emol
Geld hot!
* * *

9 6
Neuauflage 2015 © Atelier Abt-Harrer, Rottenburg a.N
.
Lotte
Eine Lebensidylle
O
i Johr! . . .
scho! . . .
e ganz Johr,
daß de~do rom krabbelst
ond oin a’guckst, wie~n e große Frog . . .
ond ohne daß d was der vo verzähle k a’st
ond ohne daß d was dervo woißt,
odr daß mir meh wießtet,
äls am erste Dag domols . . .
ond wam mr no so om de romstandet
ond „guck! guck!“ machet,
odr „geb s Händle“ saget
ond dr was vorhopset . . .
oi Frog — s ganz Gschöpfle!
Koi’s aber wurd se löse,
s mag no so gscheidt sei . . .
bis de se selber löst,
wann de dr Sonneschei so weit brocht hot,
daß ds ausenandergoht en dr,
Blättle om Blättle lois ond hehlenge
wie bei ere Knosp
wann s Mai odr Juni wurd . . .
bis de~n ufwachst
ond ois morgeds

www.flaischlen.de
9 7
en deim Bettle ufsitzst,
wie ne Ros en ihre Blätter,
ond neugiered rumm en d’ Welt guckst
ond en d Händ patsch’st:
Do be~n i!
ond meitwege k a’s losgange~n . . .
I be’ do!
Statt oire Frog abr send s no glei honderd
ond jeds Wort ist e neue.
— Lang dauert s jo nemme,
e paar Monet vielleicht!
De brauchst aber net mit z pressiere
ond wann Vadder ond Mudder
s au no so gern möcht’
ond wann se de no so gern wach küsse tätet,
om e Menschefreud an dr z han!
Schlof ruhig weiter no e Weile
en deine Froge~n ond Rätsel
ond laß de net wecke!
s ist nie nex:
z früeh dra sei z wölle!
no koi Angst!
s kommt von selber,
wann sei Zeit do!
oi Johr isch jo scho! — scho!
Aber au erst!

9 8
Neuauflage 2015 © Atelier Abt-Harrer, Rottenburg a.N
.
denn d’ hosch no e langs Lebe vor d’r!
woiß Gott!
obscho s dr kurz vorkäm’
wann älles so gäng
wie mir dr heut wönschet.
Hängt mr e Null an des oi Johr
send s zeh’
ond de bist e groß Mädle scho,
gsond ond rotbacket
mit blitzige~n Auge~n em Kopf
ond hosch Zöpf nonterhange
ond bist lustig ond lachst ond spielst,
ond wie dei Mueder dir etzet „Tarabumdie“ sengt,
sengst du s deine Docke vor
ond gohsch en d Schuel
ond bist fleißig,
ond machst älsbott au emol en Stroich,
denn des ghört zu em e rechte Mädle
— blos net mit Buebe
denn des wär doch z früeh.
Von ons älle freile,
die de heut om de rom siehst,
wurd no woll neamerds meh do sei.
s oi wurd s do na
ond s ander dort na
verschlage han,
wie grad dr Sturm kommt
en älle Weltgegende.

www.flaischlen.de
9 9
Dei Vadder aber verzählt dr vielleicht,
wie s äls gwä, domols,
an deim erste Geburtstag
ond sonst, Sonntags:
wie mr beienander gsesse~n
en dr Balkostube von dr Großmudder,
oder em Wohnzemmer am lange Zoichen~tisch
ond K affee dronke
oder Patience glegt
ond gschwätzt
ond d Leut durchg’hechelt
ond ons selber,
daß koi guets Hoor meh an o’s blieb,
— ond s Blau vom Hemmel ronter disputiert,
ond politisiert
wie s dr alt Bismarck net schöner könnt hätt,
ond d Welt uf de Kopf gstellt,
no so em Handomdrehe~n
ois! zwoi! drei!
mit e paar Sätz!
ond wie mr äls lustig gwä zsämme~n
ond fidel, kreuzfidel —
Obdscho kois gwißt hot mitonter:
wo s Geld herkriege für d’ nächste Woch,
wo ma doch au no hot lebe wölle~n
ond müesse~n
(ond esse~n ond trenke) . . .
odr wie zwischenei
äls au der Stompfsinn hochkomme~n ist

100
Neuauflage 2015 © Atelier Abt-Harrer, Rottenburg a.N
.
wie Nebel us’m Hohlweg,
daß mr do ghockt
ond d Köpf ghängt
ond älles ufgä hent
ond am liebste~n a~gsattelt hättet
überhaupt!
ond de Rappe laufe losse . . .
bis mr ös noch ond noch wieder uftröstet
enander
ond dr Hans e Liedle gspielt
ond mir andere derzue pfiffe~n oder gsonge
ond zfriede gwä
mit ere saure Milch zom Obedesse
odr mit eme Häreng ond Butterbrod derzue.
jo — jo!
Ond rechnet mr no emol zu,
no bisch zwanzig . . .
dauset Woche!
ds schönst Alter wie se saget!
de gohsch nemme en d Schuel,
de spielsch nemme mit Docke,
hängsch koine Zöpf meh nonter
bischt e Fräulein gworde
hosch lange Kloider . . .
lange Kloider,
ond en Reng am Fenger
ond sitzst ond nähst
an deiere Aussteuer
ond Obeds kommt dei Schatz

www.flaischlen.de
101
Ond ‘hr sitzet wieder en ere Balkostube
and kicheret mitenander
ond berotet
wie ma des ond wie ma sell am beste oirichte tät.
ond wann d Mueter anderst moit
no hoißt s grad wie zwanzig Johr vorher:
des müesset mir wisse, Muederle,
woißt, de bist en~alte Frau etzt
ond zue deiere Zeit isch de Welt no net so weit
gwä! —
odr dr Vadder kommt
von dr Stadt hoim —
hot längst scho weiß Hoor kriegt
ond s schwätzt ois der vo
wie de kloi gwä
ond de hollst s Albom
ond zoigst die Photographiee
die mr äls gmacht hent
ond lachst zue deim Liebste:
wie ma so kloi sei könn!
ond wie de nie still ghalte~n,
(au später net)
ond was de~n äls für e Wildfang gwä
. . . jo . . .
ond dr Hemmel hangt dr voll lauter Baßgeige~n
ond s Lebe leit vor der
wie~n~e Garte~n em Juni
voll Rose, Lieder ond Sonneschei
voll Lieb ond Glück ond Seligkeit

102
Neuauflage 2015 © Atelier Abt-Harrer, Rottenburg a.N
.
ond de lachst ‘m entgege
wie etzt deiere Mudder
ond s lacht de wieder a’
ond nemmt de en Arm
ond herzt de,
ond küßt de,
ond dät dr älles gonne, was es hot,
wann s no ebe~n älleweil selber könnt
wie s möcht!
Ond macht ma~n en Dreier aus dem Zwoier
vor dere Null
no hosch selber wieder so e klois Deng om de rom,
äls du etzt no bist,
des de a’guckt wie~n~e große Frog’ —
odr gar zwoi, drei, oder no meh!
ond s ist älles wie etzt,
no bei dir
en deim Hoim,
ond de bist mit deine Kender ond
lachst ond lebst mit ‘n wie mir heut mit dir
ond guckst, daß se brav send
ond koin so Spektakel machet,
wann se nemme en de Garte könnet,
weil s Wenter ist.
ond om se ruhig z kriege
kramst en alts verisses Märlesbuch raus,
des oiner von ds Großvadders Freund gschriebe
hot —
domols,

www.flaischlen.de
103
wie~n r no jönger gwä,
dr Onkel . . . de Name woißt nemme,
ds Titelblatt fehlt jo —
ond bsuecht de ois emol von ons heut:
no henkt e~n alts Ma’le en d Dür
wackelig ond zittrig
ond mit weiße Hoor, wie dei Vadder,
odr en alt s Fraule,
verschrompft ond mit Ronzle~n em Gsicht,
wie dei Mudder . . .
müed von dem weite Weg,
den s nochgrad gmacht hot . . .
fönfesechzig Johr weit vielleicht,
ond do druf he därf ma müed sei!
rechtschaffe müed!
ond de schickst deine Buebe
se sollet d’ Großeltere holle:
Bsuech sei do!
d Dante~n Emmy!
ond se schlaget d Händ überem Kopf zsamme
ond s git e Freud
bei dene alte Leutle!
„d hell West raus, Mudder!“
secht dr Hans zuer Lis:
„desmol git s nex!
ond de Reng due~r~i an d Uhrekette
ond wurr dr o’treu no
uf onsere alte Däg!“
ond se omarmet ond küsset enander

104
Neuauflage 2015 © Atelier Abt-Harrer, Rottenburg a.N
.
ond woinet derboi
wie Kender
odr äls ob ois gstorbe sei . . .
jo gstorbe . . send freile scho viel,
ond von de andere hot ma~n au
net viel weiter meh ghört . .
d Eva sei noch Amerik a
ond von dr Eva hot ma nex meh ghört,
ond s Stadtrots K arle häb doch no gheirat ganz
spot
ond sei e stoireicher Ma gworde,
ond vo dem ond dem,
ond d ganz Freundschaft wurd durchgfrogt,
von domols
. . . liegt vielleicht au scho,
hot s gnueg kriegt,
hoißt s woll meh äls oimol . . .
send jo au am längste do gwä! . . .
fufzig Johr wurd s ge sei, Emmy?!
woisch no?!
hättet mr au net denkt domols,
wie d Lotte komme~n ist . . . . . .
jo, jo!
— ond se sitzet bei~enander
am gleiche Disch vielleicht
wie mir heut
ond dei Ma’, Lotte, hot e Maibowle gmacht,
on se stoßet a zsamme
ond trenket . . . uf „domols“!
ond schwätzet . . .

www.flaischlen.de
105
abr emmer weniger ond weniger
ond zletzt blos no:
woisch no?
wann de äls mit deim Jöngste uf m Arm
reikommst ond
guck~guck machst
odr m was vorhopfst
m vorzoigst
ond gib’s Händle sechst
ond dr Großvater (dr Hans)
goht vielleicht an s Klavier,
was r scho lang nemme do’ hot
ond spielt e Liedle,
s goht abr nemme recht,
ond gfallt au neamerds meh,
isch viel z altmodisch!
blos d Dante~n Emmy
. . . k a se no was denke derbei!
ond om neune rom brechet se uf,
s sei Zeit, wam~ma~n emol en de siebzig . .
s isch jo so lang her,
woiß Gott,
vierzig Johr vielleicht,
wie se no jong gwä
ond wie dr Hans hot
no lange Locke tra
. . . ond ‘hr brenget se no e Stückle!
ond uf ’m Rückweg sechst vielleicht zue deim Ma:
„I be froh, woisch,

106
Neuauflage 2015 © Atelier Abt-Harrer, Rottenburg a.N
.
daß mir so jong send!
s isch nex mit so alte Leut!“
. . . Die alte Leut freile, Lotte,
send mir gwä,
die m’r heut dositzet
ond dein Geburtsdag feieret,
ond druf drenket . . .
Ond no emol zeh Johr später:
Hosch du au scho wieder oine,
die nemme mit Docke spielt,
ond en d Schuel goht
ond d Zöpf hange loßt —
die lange Kloider trägt
ond an ihrer Aussteuer näht . . .
ond Obeds kommt ihr Schatz
ond se sitzet en ere Balkostub
ond kicheret miteinander . . .
Von ons ist natürlich kois meh do;
mr send z müed gworde
no weiter z laufe,
ond send ausruhe gange!
Du abr bist no jong ond monter,
em schönste Sommer,
ond lachst ond freust de mit deine Kender,
die dr se wegschmoichlet,
will se e Sorg dr ens Herz stehle!
ond wann s au kuhl wird am Obed
ond früeh Nacht,

www.flaischlen.de
107
am Dag über hot s doch Sonneschei
ond blaue Himmel
ond Bloeme gnueg no,
ond wann ds Laub au falle will noch~ond~noch
s ischt au em Herbst schö,
ond vielleicht schöner no, äls em Frühjohr,
ond Sommer —:
weil ma nemme sorge mueß,
irged e Gwitter odr Hagel
schlag oim zsämme,
wovor ma gschafft, ond g’arbeit’t ond se plogt,
weil ma meh Rueh hot, . . .
au vor se selber!
Ond bisch no fufzig gworde,
machst vielleicht au wieder guguck
zu so eme Gschöpfle,
wie du heut selber no bist,
des de a’guckt wie~n e große Frog
aber. äls Großmueder
zue~eme~n Enkele — —
ond s isch Okdober gworde~n
ond k alt ond k ahl ond öd drauße~n
ond Bloeme git s blos no beim Gärtner,
ond der Hemmel isch grau
ond hangt voll Schnee!
ond s friert de ond fröstelt de,
ond ma mueß eiheize,
obscho de andere moinet,
so k alt sei s doch no gar net!

108
Neuauflage 2015 © Atelier Abt-Harrer, Rottenburg a.N
.
ond d Welt ist anders gworde~n
so ganz anderst
äls zu deiere Zeit:
äls du jong gwä
ond gheiratet,
ond de magst de nemme drei fende
en äll die neue Gschichte~n
ond Einrichtonge~n ond andere Mode~n,
grad s Gegetoil mitonter
von domols . . .
älles sei deurer ond schlechter gworde~n
ond o’stäter, s ganz Lebe~n,
ond e Luxus überall . . .
noi . . . für alte Leut sei des nex meh!
Zue dem oine~n Enkele aber
send meh komme~n
Buebe~n ond Mädle~n,
ond ihrem Krakehl bist au nemme gwachse,
ond de gohst auf dei Zimmerle,
eigricht’t wie du s gmöcht,
ond wi s früher gwä,
e paar Stück no aus deire Brautzeit,
ond e Lehnstuehl von deiere~n eigene Großmut-
ter no
ond liest
odr strickst odr flickst
odr die wildfäng von drauße
bocklet an d Dür,

www.flaischlen.de
109
ob se net rei därftet,
se tätet mäuslestill sei,
wann de was verzähle wöllst . . .
Ond se bettlet so lang ond so schö
ond schmoichlet
ond machet so liebe Auge
bis de ds Jängste uf de Schooß nemmst
ond a’fangst: —
vom Rotkäpple odr Schneewittle odr vom kloine
Muck
älles was ma dir au verzählt hot
odr . . .
jo! de seiest au emol so kloi gwä, wie sie,
ond häbst au e Großmudder ghett,
ihr Ur~urgroßmudder,
ond die häb au älles no erlebt
ond häb au de Bismarck no gsehe~n
ond de~n alte K aiser,
ond wie s Krieg gä hätt mit de Franzose
ond wie ma d Wacht am Rhei’ gsonge~n
ond wie s en’s Elsaß gange sei,
oi Eisebahzug noch m andere
ganze Däg lang,
lauter Soldate~n ond Gäul ond K anone~n,
ond wie koi Mensch so’st hät mitfahre därfe,
ond wie dr K aiser vora’gritte
Übr de Rhei’ nüber
der domols no de Franzose ghört häb,
ond wie ma Spichere gstürmt,

110
Neuauflage 2015 © Atelier Abt-Harrer, Rottenburg a.N
.
wo so steil gwä,
daß ma kaum häb naufgucke könne,
ond wie ma s aber doch kriegt,
trotz Zuave~n ond Turko ond Mitrailljöse~n,
ond wie ma Sedan belagert,
ond wie dr Napoleon hot k apituliere müsse,
mit älle Soldate, die~n r ghett,
ond wie’s no noch Paris gange~n,
ond wie älle König ond Herzög ond Fürste
(von Deutschland)
komme send ond zsammegstande
ond zom Bismarck gsagt:
sei König müeß K aiser werde . . .
ond wie ‘s no aus gwä mit m Krieg . . .
Ond wie se zrückkomme
ond wie d ganz Stadt illuminirt ghett häb
ond älles gweint vor Freud . . .
länger als siebzig Johr sei des etzt!
ond ihr Ur~urgroßmudder
häb des älles erlebt
ond au ihr Urgroßvadder,
ond der alt Wilhelm sei fast hondert Johr worde,
wie du selber uf d Welt komme~n aber
häb blos dr Bismarck no glebt
abr weit weg eme Schloß eme große Wald
denn ‘r sei en O’gnad gfalle
beim jonge K aiser
ond e~
n anderer sei Reichskanzler gworde!

www.flaischlen.de
111
*
Ond no emol zeh Johr
ond de bist sechzig
ond s isch Dezember
ond goht — Weihnachte zue . . .
deine Kendskender send en d’Welt naus,
de Buebe — so, alloi,
was z werde,
de Mädle — mit eme brave Ma’ . . .
ond zÒstere soll s e Dauf gä . . .
en Urenkele!
ob’s ds no verlebst?!
worom net?!
wann s glei au . . . Weihnachte zuegoht!?
hie ond do kommt ois
von drauße rei,
ond des send älleweil e paar schöne Woche!
odr e Jugedfreunde meldet se,
e Dant~e~n Emmy,
aber ds werdet jeds Johr weniger!
ond de bleibst am liebste~n
en deim Zemmerle,
do isch warm ond gmüetlich
ond liest ebbes,
obscho s nemme recht do’ will mit m Lese,
ond se schreibet au nex gscheids meh!
odr de guckst durchs Fenster
uf d Stroß nonter

112
Neuauflage 2015 © Atelier Abt-Harrer, Rottenburg a.N
.
ond uf de Kirchhof drübe,
älles weiß ond zuegschneit,
ond denkst:
wie lang s no dauer,
bis wiedr schö wurr,
ond wie lang s no dauer, bis . . .?
ma denkt so ebbes halt au emol
wamma~n~a’fange siebzig isch!
odr de kramst en deine Schublade rom:
e ganz Päckle alte Brief
aus deiere Brautzeit
ond vo dei’m Vadder no e paar,
ond vergilbte Zeitonge~n
ond A’denke~n
Ond e paar alte Bilder,
die de~n ufghobe host
äls d Buebe s Photographiealbum verrisse:
e Mudder mit ihrem Kind
uf eme Balko, ond e Kirch dohenter
ond e~n alte Frau no,
des Kend uf ’m Schooß,
ond de wonderst de, daß du des gwä seiest
ond dei Mudder ond Großmudder;
— uf oimol doch kommt s wieder über de
ond de rechnest,
wie lang s no bis Ostere sei,
ond bis Frühjohr wurr
ond wieder schö

www.flaischlen.de
113
Ond de freust de:
so lang dä s etzt au no voll
ond de setzst de na’
ond schreibst deim Enkele:
se soll no koi Sorg han,
ond wann emol ebbes au net grad gang,
wie ma s wönsch,
s komm au wieder besser,
e~s wurr doch wieder Früehjor,
wann’s no so Wenter sei;
ond ma sei blos oimol jong,
ond soll se drom sei’s Lebe’s freue~n
ond se net onnötig Sorge mache
ond wam~ma au älter wurr no,
s Herz bleib jong,
ond des sei d Hauptsach!
* *
So schnell goht’s freile no net, vorderhand,
mit m Grußmudder~werde~n,
oi Johr ist s jo erst
daß de do rom krabbelst!
ond so glatt ond ebe gohts woll au net älleweil
äls mit dr heut wönschet!
s k a älles ganz anderst komme . .
wie ma denkt
ond wie ma moit
ond wie ma hofft,

114
Neuauflage 2015 © Atelier Abt-Harrer, Rottenburg a.N
.
wam~ma so e klois Menscheknösple
uf m Arm hot
ond mit seine herzige Fengerle
se von e~m em Hoor rom zause loßt . . .
Au mir send jo emol so kloi gwä
ond so goldig ond süeß
ond au ons hot ma gwönscht,
ond Leut, die ös älles gonnt hättet,
was s Schö’s ond Guets ond Frohs git,
daß mr s so han mechtet em Lebe
wie mir dir wönschet,
eitroffe~n aber ond wohr gworde~n
isch bluetwenig dervo!
So viel mr au do’ hent
ond so viel mr au glosse ond romgspronge —
ond so oft mr äls gmoit:
„desmol wurr s!“
wann dr Moi en s Land blühet hot,
ond so selig mr gwä,
wann r au ons emol e Rösle brocht,
wamm r au no e bisle Glück emol ghett,
au no e Wörtle Dank
für äll onser Plog ond Müeh
ond für äll onser Gschaff ond Gsorg
wochaus ond oi!
ond so bleibt s halt:
wönsche do~n~d mr dr ds Schönst
aber wohr mache
mueßt du’s!
* * *

www.flaischlen.de
115