3.QEYD DƏFTƏRÇƏSİ Rus dilində. Dama-dama vərəqlərin hər iki üzünə qırmızı, göy, qara karandaş və bənövşəyi mürəkkəblə yazılmışdır. Əvvəlindən vərəqlərin bir hissəsi cırılıb götürülmüşdür. Səhifələr nömrələnməmişdir.
Məzmunu: 1929-cu ilə aid həftənin günləri üzrə ərzaq siyahısı, oğlu Ənvərin təhsil haqqı, dərman və digər pul hesablamalarına dair məlumat qeyd olunmuşdur.
Ölçüsü: 10,5x17 sm; həcmi: 43 vərəq; fond 6, s.v. 78.
4.QEYD DƏFTƏRÇƏSİ Azərbaycan dilində ərəb əlifbası ilə və rus dilində. Saya vərəqlərin hər iki üzünə qara, bənövşəyi mürəkkəb və qara, bənövşəyi, qırmızı, göy karandaşla yazılmışdır. Səhifələr nömrələnməmişdir.
Məzmunu: 1922-ci və 1926-cı illə bağlı «Molla Nəsrəddin» jurnalının aylıq pul hesablamaları, müxtəlif şəxslərin telefon nömrələri və ünvanları, onlara dair müxtəlif qeydlər vardır.
Ölçüsü: 11x15,5 sm; həcmi: 47 vərəq; fond 6, s.v. 80*.