5.QEYD DƏFTƏRÇƏSİ Azərbaycan dilində ərəb əlifbası ilə və rus dilində. Cizgili vərəqlərin hər iki üzünə qara, bənövşəyi mürəkkəb və qara, göy, qırmızı karandaşla yazılmışdır. Səliqəsizdir. Səhifələr nömrələnməmişdir. 1-ci və son iki səhifəsi yarıdan eninə cırılmışdır.
Məzmunu: 1921, 1926-1928, 1930-cu illərlə bağlı həftənin günləri üzrə pul hesablamaları, oğlu Ənvərin təhsil pulu barəsində, müxtəlif şəxslərin telefon nömrələri, ünvanları və onlara verilən məbləğlər qeyd olunmuşdur.
Ölçüsü: 11x13,5 sm; həcmi: 25+16 (boş) vərəq; fond 6, s.v. 81*.
6.QEYDLƏR
Azərbaycan dilində ərəb əlifbası ilə. Qeydlər pərakəndə saya vərəqlərin bir üzünə qara karandaşla yazılmışdır. Vərəqlər nömrələnməmişdir. Üzərində cüzi təshih işi aparılmışdır.
Məzmunu: Sabir yaradıcılığı ilə bağlı müxtəlif qeydlərdir.
Ölçüsü: 17,5x30 sm; həcmi: 2 vərəq; fond 6, s.v. 84*.
7.MÜXTƏLİF QEYDLƏR
Azərbaycan dilində ərəb əlifbası ilə. Qeydlər müxtəlif ölçülü pərakəndə saya, dama-dama və cizgili vərəqlərin bir üzünə bənövşəyi, qırmızı mürəkkəb və qara, göy karandaşla yazılmışdır. Vərəqlər nömrələnməmişdir.
Məzmunu: Müəllifin öz kitablarının siyahısı, «Molla Nəsrəddin» jurnalında «Hərdəmxəyal» imzalı yazılarının bəzilərinin adları, mühasibat hesablamaları və sairə ilə bağlı qeydlər edilmişdir.
Ölçüsü: 8x17,5–15x35 sm; həcmi: 8 vərəq; fond 6, s.v. 83*.