MARAQLI TƏRƏFLƏRİN İŞTİRAKI
4.
Bu bənd hər hansı bir mərhələdə klinik tövsiyələrin hazırlanmasında iştirak edən
mütəxəssislərə aiddir. Bu, klinik tövsiyələrin hazırlanmasının idarə olunması qrupu,
sübutların seçilməsi və qiymətləndirilməsində iştirak edən tədqiqatçılar kollektivi və
sənədin yekun versiyasının hazırlanmasına cəlb olunan ayrı-ayrı fərdlər ola bilər.
Bu bənd klinik tövsiyələrin kənardan resenziyasını həyata keçirən şəxslərə aid deyil
(bax bənd 13).
Klinik tövsiyələrin hazırlanmasında iştirak edən qrupun tərkibi, onun iş qaydası və
müvafiq peşəkarlığı haqqında məlumat təqdim olunmalıdır.
5.
Klinik tövsiyələrin hazırlanması zamanı göstərilən tibbi yadım haqqında pasiyentlərin
rəy və istəkləri nəzərə alınmalıdır. Bunun üçün bir neçə üsul mövcuddur. Pasiyentlər
tövsiyələri hazırlayan qrupun tərkibinə daxil ola bilər, məlumatlar pasiyentlərin
arasında sorğu keçirməklə və ya pasiyentlərin rəyini əks etdirən ədəbiyyatdan
götürülməklə toplana bilər. Belə bir işin aparılması barəsində sübutlar təqdim
olunmalıdır.
6.
Klinik tövsiyələrdə istifadəçilər aydın şəkildə göstərilməlidir ki, tövsiyələrin onlara aid
olub-olmamağı dərhal təyin edilə bilsin. Məsələn, bel-oma radikulitinin müalicəsi üzrə
klinik tövsiyələrin istifadəçiləri ümumi praktika həkimləri, nevropatoloqlar, cərrah-
ortopedlər, revmotoloqlar və fizioterapevtlərdir.
Dostları ilə paylaş: 
