Al-lulu vəl-mərcan
Yüklə 5,61 Mb. Pdf görüntüsü
|
- Bu səhifədəki naviqasiya:
- “Elə isə sən onunla görüşəcəyinə şübhə etmə”. (əs- Səcdə 23).
- “Gözlər Onu dərk etmir. O isə gözləri dərk edir. O, Lətifdir, (hər şeydən) Xəbərdardır”. (əl-Ənam 103).
- “Heç kəs sabah nə qazanacağını bilə bilməz...”. (Loğman 34).
- “Ey Rəsul! Rəbbindən sənə nazil ediləni təbliğ et! (Belə) etməsən, Onun risalətini (sənə tapşırdığı elçilik vəzifəsini) yerinə
- “Yəhudilər: “Üzeyr Allahın oğludur”– dedilər. Xaçpərəstlər də: “Məsih Allahın oğludur” dedilər. Bu
- “Allaha və Axirət gününə iman gətirən elə bir camaat tapa bilməzsən ki, onlar Allaha və Onun Elçisinə
|
Edilməsi
52
102. Ənəs İbn Malik Əbu Zərdən belə rəvayət etmişdir ki, Peyğəmbər buyurdu: “Mən Məkkədə ikən evimin damı aralandı və Cəbrail (yanıma) endi. Köksümü yardıqdan sonra onun içini Zəm-zəm suyu ilə yudu. Sonra içi hikmət və imanla dolu olan qızıl ləyən gətirib içindəkiləri köksümə boşaltdı və onu bağladı. Sonra əlimdən tutub məni yerə ən yaxın olan göyə qaldırdı. Mən yaxın göyə gəlib çatdıqda Cəbrail səmanın gözətçisinə: “Aç” dedi. (Gözətçi): “Kimdir?” deyə soruşdu. O: “Cəbraildir!” dedi. (Gözətçi): “Yanında kimsə varmı?” deyə soruşdu. Cəbrail: “Muhəmməd yanımdadır!” dedi. (Gözətçi) soruşdu: “Ona (gəlsin deyə) xəbər göndərildimi?” Cəbrail: “Bəli!” dedi. (Göy qapıları) açıldıqda biz yaxın göyün üstünə qalxdıq və orada oturmuş bir adam gördük ki, onun sağ və sol tərəfində (insanlardan ibarət) toplumlar var idi. Bu adam sağa baxanda gülür, sola baxanda isə ağlayırdı. O, (məni görüb) dedi: “Əməlisaleh peyğəmbər və əməlisaleh oğul xoş gəlibdir!”. Mən Cəbraildən: “Bu kimdir?” deyə soruşdum. Dedi: “Bu Adəmdir, onun sağında və solunda olan toplumlar isə zürriyyətinin ruhlarıdır. Sağında duranlar Cənnət əhli, solunda duranlar isə Cəhənnəm əhlidir. (Buna görə də) sağına baxanda gülür, soluna baxanda ağlayır.” Sonra Cəbrail mənimlə
53 ikinci göyə qalxdı və onun gözətçisinə: “Aç” dedi. Bu gözətçi də ona əvvəlki gözətçinin dediyini deyəndən sonra (qapını) açdı. Ənəs: “Əbu Zərr Peyğəmbərin göylərdə Adəmi, İdrisi, Musanı, İsanı və İbrahimi – onların
barədə dəqiq bir söz demədi. Yalnız Adəmi aşağı göydə, İbrahimi də altıncı göydə gördüyünü söylədi. Ənəs: “Cəbrail Peyğəmbərlə birlikdə İdrisin yanına gəldikdə (İdris): “Əməlisaleh peyğəmbər və əməlisaleh qardaş xoş gəlibdir!” dedi. Peyğəmbər: “Mən: “Bu kimdir?” deyə soruşdum. Cəbrail: “İdrisdir” dedi. Sonra mən Musanın yanına gəldim. (Musa): “Əməlisaleh peyğəmbər və əməlisaleh qardaş xoş gəlibdir!” dedi. Mən: “Bu kimdir?” deyə soruşdum. Cəbrail: “Musadır” dedi. Sonra mən İsanın yanına gəldim. İsa: “Əməlisaleh qardaş və əməlisaleh peyğəmbər xoş gəlibdir!” dedi. Mən: “Bu kimdir?” deyə soruşdum. Cəbrail: “İsadır” dedi. Sonra mən İbrahimin yanına gəldim. İbrahim: “Əməlisaleh peyğəmbər və əməlisaleh övlad xoş gəlibdir!” dedi. Mən: “Bu kimdir?” deyə soruşdum. Cəbrail: “İbrahim ” dedi.” (Ravi: İbn Şihab) İbn Abbasdan və Əbu Həbbə əl-Ənsaridən rəvayət edir ki, Peyğəmbər demişdir: “Sonra (Cəbrail) mənimlə elə bir yüksəkliyə qalxdı ki, mən qələmlərin xışıltısını 20 eşitdim”. Ənəs İbn Malik rəvayət edir ki, Peyğəmbər demişdir: “Allah mənim ümmətimə əlli vaxt namaz qılmağı vacib buyurdu. Mən geri qayıdarkən Musanın yanına gəlib çatdıqda, o: “Allah sənin ümmətinə nəyi əmr etdi?” deyə soruşdu. Dedim: “Əlli vaxt namaz qılmağı vacib buyurdu”. Musa: “Rəbbinin yanına qayıt (və Ondan bu hökmü yüngülləşdirməyi xahiş et). Çünki sənin ümmətin bunun öhdəsindən gələ bilməyəcək.” Mən yenidən (Ona) müraciət etdim və O (bu) sayı bir qədər azaltdı. Sonra Musanın yanına qayıdıb: “O, (bu) sayı bir qədər azaltdı” dedim. Musa: “Yenə Rəbbinə müraciət et. Çünki sənin ümmətin bunun öhdəsindən gələ bilməyəcək.” Mən yenidən (Ona) müraciət etdim və O, (bu) sayı bir qədər də azaltdı. Sonra Musanın yanına qayıtdım. O dedi: “Yenə Rəbbinə müraciət et. Çünki sənin ümmətin bunun öhdəsindən gələ bilməyəcək.” Mən yenidən (Allaha) müraciət etdim, O isə: “Onlar (sayca) beşdir, (savab baxımından isə) əllidir, çünki Mənim sözüm dəyişməzdir” deyə buyurdu və mən Musanın yanına qayıtdım. O: “Yenə Rəbbinə müraciət et!” dedi. Lakin mən: “Rəbbimdən utanıram” dedim. Sonra (Cəbrail) məni son həddəki Sidr ağacının yanına apardı. Onun rəngləri vəsfəgəlməzdir. Sonra məni Cənnətə daxil etdilər. Orada mən incilər düzülmüş boyunbağılar, habelə (Cənnət) torpağının müşk olduğunu gördüm.” (Buxari 349, 3342; Muslim 237, 433)
20 Burada xışıltı deyildikdə Allahın buyruqlarını yazan mələklərin qələmlərinin xışıltısı qəsd edilir.
54 103. Malik İbn Səsə rəvayət edir ki, Peyğəmbər buyurdu: “Bir dəfə mən Kəbənin yanında (Hətimdə 21 ) yarıoyaq-yarıyuxulu ikən bir nəfərin: “Üç kişidən biri, iki kişinin arasında (olanı götürün)” 22 dediyini eşitdim. Elə bu vaxt onlar mənim yanıma gəldilər və məni götürüb apardılar. (Orada) yanıma içində Zəmzəm suyu olan qızıldan bir ləyən gətirdilər. Sonra köksümü buradan bura kimi yardılar. (Qətadə dedi: Yanımdakı adama: “O, nəyi qəsd edirdi?” dedim. Dedi: “qarnının alt nahiyəsini”) Sonra qəlbimi çıxardıb Zəmzəm suyu ilə yudular və onu yerinə qoydular. Sonra qəlbimə iman və hikmət dolduruldu. Sonra mənim yanıma qatırdan alçaq və uzunqulaqdan hündür olan, ağ rəngli bir heyvan gətirdilər. Onun adı Buraq idi. O, addımını gözünün gördüyü son nöqtəyə qoyurdu. Məni ona mindirdilər. Sonra biz yolumuza davam etdik. Nəhayət, dünya səmasına gəlib çatdıqda Cəbrail qapının açılmasını xahiş etdi. (Gözətçi): “Kimdir o?” deyə soruşdu. O: “Cəbraildir!” dedi. (Gözətçi):
21 Bu, Kəbəyə bitişik yarımdairə şəklində hörülmüş, hündür olmayan divarla Kəbənin arasındakı yerdir. Bu yer Hicr və ya Hətim adlanır. Diqqət edin! İmam Buxari “Səhih” əsərində “Yaradılışın başlanğıcı kitabında” nəql etdiyi hədisdə: “Mən Kəbənin yanında ikən...”, Zuhrinin Ənəsdən , onun da Əbu Zərdən rəvayət etdiyi hədisdə: “Mən Məkkədə ikən evimin tavanı açıldı...” deyilir, habelə Vaqidinin gətirdiyi rəvayətlərdə Peyğəmbərin Əbu Talibin evindən, Təbəraninin rəvayətində isə onun Ummu Haninin evindən meraca getdiyi xəbər verilir. Bu rəvayətləri cəm edib demək olar ki: “Həmin vaxt Peyğəmbər Ummu Haninin evində imiş. Ummu Haninin evi isə Əbu Talibin həyətində yerləşirmiş. Sonra evin tavanı açılmış və Cəbrail gəlib Peyğəmbəri Kəbənin yanına aparmışdır. O, Kəbənin yanında uzanıb yarıoyaq-yarıyuxulu ikən mələk onu məscidin qapısının yanına gətirmiş və Buraqa mindirmişdir”. “Fəth əl-Bari” 11/216. 22 Burada “Üç kişi” deyildikdə Peyğəmbər , Həmzə və Cəfər nəzərdə tutulur. Həmin vaxt Peyğəmbər onların arasında uzanmışdı.
55 “Yanındakı kimdir?” deyə soruşdu. O: “Muhəmməddir!” dedi. (Gözətçi): “Onu çağırıblarmı?” deyə soruşdu. Cəbrail: “Bəli!” dedi. (Gözətçi) qapını bizim üzümüzə açdı və dedi: “Xoş gəlib, səfa gətirib! O, nə gözəl ziyarətçidir!” Biz (içəri keçib) Adəmin yanına gəldik...”. Ravi bu hədisi nəql etmiş və demişdir: “O, ikinci səmada İsa və Yəhyaya üçüncü səmada Yusufa, dördüncü səmada İdrisə və beşinci səmada Haruna rast gəldi”. Peyğəmbər davam edib dedi: “Sonra biz yolumuza davam etdik və nəhayət, gəlib altıncı səmaya çatdıq. Mən Musanın yanına gəldim və ona salam verdim. O (mənim salamımı aldıqdan sonra) dedi: “Xoş gəlmisən, ey əməlisaleh qardaş və əməlisaleh peyğəmbər!” Mən onun yanından keçib getdikdə, o ağladı. Ondan: “Niyə ağlayırsan?” deyə soruşdular. Dedi: “Ey Rəbbim! Məndən sonra göndərdiyin bu cavan oğlanın ümmətindən Cənnətə daxil olanların sayı, mənim ümmətimdən ora daxil olanların sayından qat-qat artıq olacaq”. Sonra biz yolumuza davam etdik və nəhayət, gəlib yeddinci səmaya çatdıq. Orada mən İbrahimin yanına gəldim”. Bu hədisdə ravi belə demişdir: “Peyğəmbər xəbər vermişdir ki, orada o, (son həddəki) Sidr ağacının dibindən çıxan dörd çay görmüşdür. Bu çaylardan ikisi üstdən, ikisi də altdan axırdı. Mən soruşdum: “Bu nə çaylardır, ey Cəbrail?” Dedi. “Altdakı çaylar Cənnətdən axır (Seyhan və Ceyhan) Üstdəki çaylar isə Nil və Furat çaylarıdır”. Sonra mənə Beytul Məmuru göstərdilər. Soruşdum: “Bu nədir, ey Cəbrail?” Dedi: “Bu Beytul Məmurdur. Hər gün onun içinə yetmiş min mələk girir. Oradan çıxdıqdan sonra bir daha ora qayıtmırlar. Sonra mənə iki qab gətirdilər, birində şərab, digərində isə süd var idi. Onları mənə uzatdılar və mən südü seçdim. Onda mənə: “Sən (fitrətinə) uyğun seçim etdin. Allah sənə (xeyir) nəsib etdi. Ümmətin də fitrət üzərində olacaq” deyildi. Bundan sonra mənə gündəlik olaraq əlli (vaxt) namaz qılmaq vacib buyuruldu”. Sonra ravi hədisi axıra kimi rəvayət etdi. (Buxari 3207, Muslim 238, 434)
104. İbn Abbas rəvayət edir ki, Peyğəmbər buyurdu: “Mən isra gecəsində Musanı
gördüm. Qarabuğdayı, hündürboylu və qıvrımsaçlı bir adam idi, lap Şənuə qəbiləsinin kişiləri kimi. (Məryəm oğlu) İsanı da gördüm. Ortaboylu, alyanaq, ağbəniz və nazik saçlı bir adam idi. Həmçinin Cəhənnəmin gözətçisi Maliki və Allahın mənə göstərdiyi əlamətlərə uyğun şəkildə dəccalı gördüm. “Elə isə sən onunla görüşəcəyinə şübhə etmə”. (əs-
56 105. İbn Abbas rəvayət edir ki, Peyğəmbər buyurdu: “Musa gəlincə, mən sanki onun bu vadiyə 23 endiyi zaman təlbiyə gətirdiyini görürəm.” (Buxari 1555, 5913, Muslim 243, 440)
106. Əbu Hureyrə rəvayət edir ki, Peyğəmbər buyurdu: “Mən İsra gecəsində Musanı gördüm. (Peyğəmbər onu belə vəsf etdi;) Baxdım ki, Musa (Yəmənin) Şənuə qəbiləsinin kişiləri kimi qarabuğdayı, hündürboylu, dolubədənli, düzsaçlı bir adamdır. İsaya gördüm. (Peyğəmbər onu vəsf edib dedi;) İsa ortaboylu, sanki hamamdan çıxmış adam kimi qırmızıyanaq idi. (İbrahimı gördüm). Övladları içində ona ən çox oxşayanı mənəm. Sonra mənə iki qab gətirdilər; birində süd, digərində isə şərab var idi. Mənə dedilər: “Hansını istəyirsənsə, iç (götür)”. Mən südü götürüb içdim. Onda mənə: “Sən fitrətə hidayət olundun, (yaxud fitrətinə uyğun seçim etdin). Əgər şərabı seçsəydin, ümmətin azğınlığa düşərdi”. (Buxari 3394, 3437, 4709, 5576, Muslim 245, 442, 3751, 5358)
107. Abdullah İbn Ömər deyir ki: “Bir gün Peyğəmbər camaat arasında Məsih Dəccalı yad edib dedi: “Uca və böyük olan Allah tək göz (kor) deyildir. Məsih Dəccalın isə sağ gözü kordur. Onun gözü sanki üzüm salxımından çıxmış iri üzüm dənəsi kimidir”. (Buxari 3439, 7407, Muslim 444, 5218, 7546)
23 Burada Məkkədən bir mil aralıda yerləşən Əzrəq vadisi nəzərdə tutulur.
57
108. İbn Ömər rəvayət edir ki, Peyğəmbər buyudu: “Mən keçən gecə Kəbənin yanında yatarkən yuxuda qarayanız bir adam gördüm. (Bu adam) qarayanız adamların ən gözəli idi. Saçları kürəyinin arasına düşürdü, həm də daranmış idi, başından da su damırdı. Özü də əllərini iki kişinin çiyninə qoymuş halda Kəbəni təvaf edirdi. Mən soruşdum: “Bu kimdir?”. Dedilər: “Bu, Məryəm oğlu Məsihdir!” Sonra mən onun arxasında buruqsaç və sağ gö- zü kor olan, özü də İbn Qatana (Xuzaə qəbiləsindən olmuş və hələ İslam gəlməmişdən əvvəl vəfat etmişdir) bənzəyən birisini gördüm. Adam əllərini bir kişinin çiyninə qoymuş halda Kəbəni təvaf edirdi. Mən soruşdum: “Bu kimdir?” Dedilər: “Məsihid Dəccaldır!” (Buxari 3440, Muslim 246, 248, 443, 445)
109. Cabir İbn Abdullah rəvayət etmişdir ki, o, Peyğəmbərin belə dediyini eşitmişdir: “Qureyşlilər (gecə səfərim haqqında dediklərimi) təkzib etdikdə mən (gedib) Hicrədə durdum. (Bu vaxt) Allah Beytul Məqdisi mənə göstərdi və mən ona baxaraq onun əlamətlərini onlara bildirdim.” (Buxari 3886, 4710, Muslim 249, 446)
110. Zirr İbn Hubeyşdən Allahın bu ayəsi barəsində soruşduq: “O, iki yay uzunluğunda, hətta ondan da yaxın məsafədə idi. Sonra Allah Öz quluna nazil edəcəyini vəhy etdi”. (ən-Nəcm 9-10). Abdullah İbn Məsud Uca Allahın: ayəsini təfsir edib demişdir: “Peyğəmbər Cəbraili gördü. Onun altı yüz qanadı var idi.” (Buxari 3232, 4856, Muslim 434, 452)
58
111. Məsruq rəvayət edir ki, Aişədən soruşdum: “Ey (möminlərin) Anası! Muhəmməd Rəbbini gördümü?”. Aişə: “Söylədiyin sözlərdən tüklərim ürpəşdi, üç şey vardır ki, hər kim bunlardan birini dilinə gətirsə, Allaha böyük iftira yaxmış (yalan danışmış) olar” dedi. Dedi: “Hər kim Muhəmmədin öz Rəbbini gördüyünü iddia etsə, yalan danışmışdır”. Sonra: “Gözlər Onu dərk etmir. O
deyə buyurduğunu, habelə Onun: “Allah insanla ancaq vəhylə və ya pərdə arxasından danışır, yaxud bir elçi göndərir və o da (Allahın) izini ilə Onun istədiyini vəhy edir. Həqiqətən, O, Ucadır, Müdrikdir”. (əş-Şura 51). deyə buyurduğunu eşitməmisən?” Aişə: “Hər kim sabah nə baş verəcəyini xəbər verməyə qadir olduğunu iddia etsə, yalan danışmışdır. Allah buyurur: “Heç
Rəsulullahın Allahın Kitabından bir şey gizlətdiyini iddia etsə, yalan danışmışdır. Allah buyurur: “Ey Rəsul! Rəbbindən sənə nazil ediləni təbliğ et!
görmüşdür”. (Buxari 4855, Muslim 259, 457)
böyük günah işlətmiş olar. Lakin o, Cəbraili öz surətində və xilqətində, bütün üfüqü tutmuş vəziyyətdə görmüşdür” (Buxari 3234, Muslim 260, 460)
59 Möminlərin Axirətdə Rəbblərini Görməsinin İsbatı
113. Abdullah İbn Qeys rəvayət edir ki, Peyğəmbər buyurdu: “İki cənnət vardır ki, onların içindəki qab-qacaqlar və başqa əşyalar gümüşdəndir. Digər iki cənnət də vardır ki, onların içindəki qab-qacaqlar və başqa əşyalar qızıldandır. Əzəmət pərdəsindən başqa heç bir şey Ədn cənnətində olan kimsələrə Rəbbinin Üzünü görməyə mane olmayacaq.” (Buxari 4878, 7444, Muslim 265, 466)
60 114. Əbu Hureyra rəvayət edir ki, (bir dəfə) camaat soruşdu: “Ey Allahın elçisi! Qiyamət günü Rəbbimizi görə biləcəyikmi?” (Peyğəmbər) dedi: “Məgər siz buludla örtülməmiş on dörd gecəlik ayı (görəcəyinizə) şübhə edirsiniz?” Onlar: “Xeyr, ey Allahın elçisi!” deyə cavab verdilər. (Peyğəmbər) dedi: “Məgər siz buludla örtülməmiş günəşi (görəcəyinizə) şübhə edirsiniz?” Onlar: “Xeyr!” dedilər. Peyğəmbər: “Rəbbinizi də beləcə görəcəksiniz. Qiyamət günü insanlar məhşərə toplanacaq və Allah buyuracaq: “Kim nəyə ibadət edirdisə, qoy onun ardınca getsin!” Beləliklə, onlardan kimisi günəşin, kimisi ayın, kimisi də tağutların ardınca gedəcək. Axırda bu ümmət, içində olan münafiqlərlə birlikdə qalacaqlar. Allah onların yanına gəlib buyuracaq: “Mən sizin Rəbbinizəm!” Onlar (Onu tanımadıqlarına görə) deyəcəklər: “Rəbbimiz gələnədək bura bizim yerimiz (olacaq), Rəbbimiz gələndə biz Onu tanıyacağıq.” Sonra Allah onların yanına gəlib buyuracaq: “Mən sizin Rəbbini- zəm!” Onlar (Onu tanıyacaq və): “Sən bizim Rəbbimizsən!” deyəcəklər. (Bundan sonra) Allah onları çağıracaq, Cəhənnəmin üzərində körpü (Sırat) qurulacaq və ümməti ilə birlikdə bu körpüdən keçən elçilərin birincisi mən olacağam. O gün elçilərdən başqa heç kəs danışa bilməyəcək, elçilər isə deyəcəklər: “Allahım, xilas et, xilas et!” Cəhənnəmdə sadan (tikanlı bitki) tikanlarına bənzər qarmaqlar vardır. Siz sadan tikanlarını görmüsünüzmü?” (Əshabələr): “Bəli” dedilər. (Peyğəmbər) buyurdu: “Bu qarmaqlar sadan tikanlarına bənzəyirlər, lakin Allahdan başqa heç kəs onların nə qədər böyük olduğunu bilmir. Onlar insanları əməllərinə görə tutacaqlar, kimisi əməlinə görə məhv olacaq, kimisi də didik-didik ediləcək, lakin axırda xilas olacaq. Nəhayət Allah Cəhənnəmə vasil olanlardan dilədiyinə mərhəmət göstərmək istədiyi zaman mələklərə Allaha ibadət etmiş kimsələri (oradan) çıxarmağı əmr edəcək. Mələklər onları (üzlərindəki) səcdə izindən tanıyıb (oradan) çıxaracaqlar. Belə ki, Allah Cəhənnəm oduna səcdə izlərini yandırıb-yaxmağı haram etmişdir. Beləliklə, onlar Cəhənnəmdən çıxacaqlar. Od Adəm övladının vücudunu – səcdə yerləri istisna olmaqla, başdan-ayağa yandırıb-yaxacaq və onlar sümüklərinə qədər yanmış halda oddan çıxacaqlar. Bundan sonra onların üstünə dirilik suyu töküləcək və onlar selin gətirdiyi toxumun cücərib yetişdiyi kimi diriləcəklər. Nəhayət Allah Öz qulları üzərində mühakiməsini bitirdikdə Cənnətlə Cəhənnəm arasında bir nəfər qalacaq. Bu adam Cəhənnəmdən çıxıb Cənnətə girən kimsələrin axırıncısı olacaq. Onun üzü Cəhənnəmə tərəf olacaq və o deyəcək: “Ey Rəbbim, mənim üzümü oddan döndər, çünki onun tüstüsü məni zəhərləmişdir, alovu da məni yandırıb-yax-
61 mışdır!”. Allah deyəcək: “Bu istədiyin yerinə yetirilsə, başqa bir şey istəyəcəksənmi?” (Bu adam): “Sənin izzətinə and olsun ki, yox” deyəcək və Allaha dilədiyi qədər and içib söz verəcək. Allah da onun üzünü oddan döndərəcək. Allah onun üzünü Cənnətə tərəf çevirdikdə o, (Cənnətin) gözəlliyini görüb Allahın istədiyi qədər susacaq, sonra isə deyəcək: “Ey Rəbbim, məni Cənnətin qapısına yaxınlaşdır.” Allah ona deyəcək: “Məgər sən and içib söz verməmişdin ki, bu istədiyindən başqa heç nə istəməyəcəksən?” O deyəcək: “Ey Rəbbim, qoy Sənin yaratdıqlarının ən bədbəxti mən olmayım!” Allah deyəcək: “Bu istədiyin yerinə yetirilsə, başqa bir şey istəyəcəksənmi?” O (yenə): “Sənin izzətinə and olsun ki, mən başqa heç nə istəməyəcəyəm” deyəcək və Allaha dilədiyi qədər and içib söz verəcək. Allah da onu Cənnətin qapısına yaxınlaşdıracaq. Cənnətin qapısına çatdıqda onun gözəlliyini, içindəki sevinc və zövq-səfanı görüb Allahın istədiyi qədər susacaq, sonra da deyəcək: “Ey Rəbbim, məni Cənnətə daxil et!” Allah deyəcək: “Vay sənin halına, ey Adəm oğlu, sən nə qədər vədinə xilaf çıxırsan! Məgər sən and içib söz verməmişdin ki, sənə verilənlərdən başqa heç nə istəməyəcəksən?” O deyəcək: “Ey Rəbbim, qoy Sənin yaratdıqlarının ən bədbəxti mən olmayım!” Belə olduqda Qüdrətli və Böyük Allah güləcək, sonra ona Cənnətə daxil olmağa izn verəcək və deyəcək: “(Nə diləyirsən,) dilə!” O adam o qədər diləyəcək ki, axırda (heç bir) diləyi qalmayacaq və Qüdrətli və Böyük Allah deyəcək: “Filan və filan şeyləri də dilə!” Beləcə, Rəbbi ona (onun istəklərini) xatırladacaq. Artıq onun heç bir istəyi qalmadıqda Uca Allah buyuracaq: “Sənə bu istədiklərin və bir o qədəri də (verilmişdir).” Əbu Səid əl-Xudri Əbu Hureyraya demişdir: “Peyğəmbər demişdir ki, Allah buyuracaq: “Sənə bu istədiklərin, üstəlik onun on misli (verilmişdir).” Əbu Hureyra da (ona belə) cavab vermişdir: “Mən Peyğəmbərin: “Sənə bu istədiklərin və bir o qədəri də (verilmişdir)” dediyini yadda saxlamışam. Əbu Səid əl-Xudri: “Mən isə onun: “Sənə bu istədiklərin, üstəlik onun on misli (verilmişdir)” dediyini eşitmişəm. (Buxari 806, 6573, 7437, Muslim 267, 469)
62
115. Əbu Səid əl-Xudri rəvayət etmişdir ki, Peyğəmbərin (dövründə bir dəstə adam): “Ya Rəsulullah! Biz Qiyamət günü Rəbbimizi görə biləcəyikmi?” Peyğəmbər: “Bəli! Yanında bulud olmayan açıq bir havada günəşi və ayı görməkdə (basabas salıb) çətinlik çəkirsinizmi?”. Onlar: «Xeyr, Ya Rəsulallah». O: «Günəşi və ayı görməkdə əziyyət çəkmədiyiniz kimi Allahı da görməkdə heç bir əziyyət çəkməyəcəksiniz» deyə buyurdu. Qiyamət günü yetişdiyi za- man carçı səsləyib deyəcək: “Hər bir ümmət nəyə ibadət edirdisə, qoy onun ar- dınca getsin!” Bundan sonra Allahdan qeyrisinə – bütlərə və dikinə qoyulmuş daşlara ibadət edən, Allahdan qeyrisinə ibadət edən hər bir kəs ibadət etdiyi məbudunun ardyca düşər. Axırda isə yalnız Allaha ibadət edənlər – xeyirxah, yaxud günahkar adamlar – habelə Kitab əhlindən (öz peyğəmbərlərinə) sadiq olmuş kimsələr qalacaqdır. Sonra Cəhənnəm gətrilir. Cəhənnəm onlara ilğım kimi göstərilir. (O vaxt) yəhudilər çağırılacaq və onlardan soruşulacaq ki: “Siz nəyə ibadət edirdiniz?” Onlar deyəcəklər: “Biz Allahın oğlu Üzeyirə ibadət edirdik”
24 Onlara deyiləcək: “Yalan danışırsınız! Allah Özünə nə zövcə, nə də övlad götürmüşdür. (Bir deyin görək) siz nə istəyirsiniz?” Onlar deyəcəklər: “Susamışıq, ey Rəbbimiz, bizə su ver.” Onda onlara (Cəhənnəm) göstəriləcək (və deyiləcək): “(Bundan) içmək istəmirsinizmi?” Onlar ilğıma bənzər, alovlanan atəşin (kənarına) toplanacaq və bir-birilərini tapdayaraq Cəhənnəmə düşəcəklər. Sonra Nəsranilər çağırılacaq və onlardan soruşulacaq: “Siz nəyə
24 “Yəhudilər: “Üzeyr Allahın oğludur”– dedilər. Xaçpərəstlər də: “Məsih Allahın oğludur” dedilər. Bu onların ağızlarından çıxan sözlərdir. Bu, daha əvvəlki kafirlərin sözlərinə oxşayır. Allah onları məhv etsin! Gör necə də haqdan döndərilirlər!”. (ət-Tovbə 30).
63 ibadət edirdiniz?” Onlar deyəcəklər: “Biz Allahın oğlu Məsihə ibadət edirdik.” Onlara deyiləcək: “Yalan danışırsınız! Allah Özünə nə zövcə, nə də övlad götürmüşdür”. Sonra onlardan: “Siz nə istəyirsiniz?” deyə soruşulacaq. Onlar: “Susamışıq, ey Rəbbimiz, bizə su ver” deyə cavab verəcəklər. Onda onlara (Cəhənnəm) göstəriləcək (və deyiləcək): “(Bundan) içmək istəmirsinizmi?” Onlar ilğıma bənzər, alovlanan atəşin (kənarına) toplanacaq və bir-birilərini tapdayaraq Cəhənnəmə düşəcəklər. Nəhayət, ancaq Allaha ibadət edən kimsələr – xeyirxah, yaxud günahkar adamlar qaldıqda Onlara: “Nə gözləyirsiniz?! Qoy hər bir ümmət ibadət etdiyi (məbudun) ardınca getsin!” Onlar deyəcəklər: “Biz dünyada ikən insanlara ehtiyacımız ola-ola onlardan ayrıldıq, əsla onlarla birlikdə olmadıq. Bir carçının səsləyərək: “Hər bir ümmət nəyə ibadət edirdisə, qoy onun ardınca getsin!” dediyini eşitdik. Biz ibadət etdiyimiz Rəbbimizi gözləyirik!” 25 (Aləmlərin Rəbbi olan Allah onların yanına Onu tanımadıqları ən yaxın bir surətdə 26 gələcək və belə buyuracaq: “Mən sizin Rəbbinizəm!” Onlar: “Səndən Allaha sığınırıq!” (və iki, yaxud üç dəfə): “Biz heç nəyi Allaha şərik qoşmuruq!” deyəcəklər. Hətta bəziləri (imtahanın çətinliyi üzündən həqiqətdən) üz döndərmək istəyəcək). Meydanda olan möminlərə Cabbar olan Allah onlara ilk dəfə gördükləri surətdən başqa bir surətdə gələcəkdir. Mən sizin Rəbbinizəm! Deyəcəkdir. Onlar: “Sən bizim Rəbbimizsən!” deyəcəklər 27 . Artıq Onunla Peyğəmbərlərdən başqası danışmaz. O buyuracaq: “Sizinlə Onun arasında bir əlamət varmı ki, bunun sayəsində Onu tanıya biləsiniz?” Onlar: “Bəli! Səəq” deyə cavab verəcəklər. Bu vaxt Ayaq açılacaq və səmimi qəlbdən Allaha səcdə etmiş elə bir kəs qalmayacaq ki, Allah ona səcdə etməyə izin verməsin. Həmçinin (insanlardan) göstəriş və ya riyakarlıqla səcdə etmiş elə bir kəs qalmayacaq ki, Allah onun onurğa sümüyünü bir bütöv sümük etməsin. (Beləsi hər dəfə səcdə etmək istədikdə, (əksinə,) qafası üstə düşəcək). Bundan sonra Cəhənnəmin üzərində körpü qurulacaq. Onlar: “Yə Rəsulullah! Nə körpüdür elə?” Dedi: “Sürüşkən və
25 O möminlər dünyada ikən Allaha itaət edir, onun buyuruqlarını yerinə yetirir və qadağan etdiyi şeylərdən çəkinirdilər, üstəlik qohum-əqrəbalarından, habelə digər yaxın adamlarından Allaha asi olan kimsələri sevmirdilər, onlara ehtiyacları olsa da belə, onlara yaxınlıq vermirdilər. Uca Allah Quranda onları belə vəsf edir: “Allaha və Axirət gününə iman gətirən elə bir camaat tapa bilməzsən ki, onlar Allaha və Onun Elçisinə
26 Yəni Allahın isim və sifətlərinə dair Quran və Sünnədə varid olan dəlillərdən bildikləri vəsflərə uyğun surətdə gələcək. 27 Bu hədislərdən güman edilə bilər ki, münafiqlər də möminlərlə bərabər Uca Allahı görəcəklər. Lakin bu fikir batil və əsassız bir fikirdir. Peyğəmbərin : “Axırda bu ümmət, içində olan münafiqlərilə birlikdə qalacaqdır” sözü münafiqlərin Allahı görəcəklərinə dəlalət etmir. Əksinə, Quran və Sünnədə varid olmuş dəlillərə əsasən, möminlərdən başqa heç kəs Allahı görməyəcəkdir.
64 hamar bir şeydir. Orada çəngəllər, qarmaqlar və dəmir tikanlar vardır. Bunlar Nəcddə bitən, (üstü) tikanla (dolu), sadan deyilən bir bitkiyə (bənzəyir). Möminlərdən – (kimisi) bir göz qırpımında, (kimisi) şimşək tək, (kimisi) külək kimi, (kimisi) quş kimi, (kimisi də) ən bərk qaçan cins at və ya dəvə kimi (sürətlə həmin körpünün üstündən) keçəcək. (Kimisi) sağ-salamat qurtulacaq. Kimisi (tikanlara ilişib) didik-didik ediləcək, lakin axırda xilas olacaq. Bəziləri də Cəhənnəm odunda qalaqlanacaqlar. Nəhayət, möminlər oddan xilas olduqları zaman – canım Əlində olan Allaha and olsun ki – sizlərdən heç kəsin, haqqı araşdırmaq xüsusunda Allaha yalvarıb-yaxarması, Qiyamət günü möminlərdən Cəhənnəmə düşmüş qardaşları üçün Allaha yalvarması qədər şiddətli ola bilməz. Onlar: “Ey Rəbbimiz! (Bu zavallılar) bizimlə bərabər oruc tutar, namaz qılar və başqa yaxşı işlər yerinə yetirərdilər”– deyəcəklər. Onda Allah buyuracaq: “Gedin, qəlbində dinar ağırlığında iman olan (hər) kəsi (oradan) çıxarın! Allah onların surətlərini yandırmağı Cəhənnəm oduna haram etmişdir”. Beləliklə, onlar, ayağının yarısına qədər, habelə dizinə qədər atəşə giriftar olmuş bir çox insanları (oradan) çıxaracaqlar. Allah buyuracaq: “Geri dönün, qəlbində yarım dinar ağırlığında iman olan bir kimsə tapsanız, onu da (oradan) çıxarın!”. Onlar yenə bir çoxlarını (oradan) çıxaracaqlar. Sonra deyəcəklər: “Ey Rəbbimiz! Bizə əmr etdiyin kimsələrdən heç kəsi orada bu- raxmadıq”. Allah buyuracaq: “Geri dönün, qəlbində zərrə ağırlığında iman olan bir kimsə tapsanız, onu da (oradan) çıxarın!” Onlar yenə bir çoxlarını (oradan) çıxaracaqlar. Sonra deyəcəklər: “Ey Rəbbimiz! Biz orada bir nəfər xeyirxah adam qoymadıq”. Əbu Səid: “Mənim danışdığım bu hədisə inanmırsınızsa, (bu ayəni) oxuyun: “Həqiqətən, Allah zərrə qədər də olsa zülm etməz. Əgər qulun gördüyü iş yaxşı əməl olarsa, Allah bunu artırar və Öz tərəfindən ona böyük mükafat verər”. (ən-Nisa 40). Bundan sonra İzzətli və Qüdrətli Allah: “Mələklər şəfaət etdilər, peyğəmbərlər şəfaət etdilər, möminlər şəfaət etdilər. (Şəfaət etməyən bircə rəhmlilərin Rəhmlisi qaldı” deyə buyuracaq. Sonra da heç vaxt yaxşılıq etməmiş), (odda) yanıb kömürə dönmüş bir toplumu ovuclayıb Cəhənnəmdən çıxaracaq və onları Cənnətin yollarında axan, Həyat çayı deyilən bir çaya atacaq. Beləliklə, onlar selin gətirdiyi toxumun cücərib yetişdiyi kimi diriləcəklər. Məgər (o, yabanı toxumların) istər daşın, istərsə də ağacın dibində necə cücərdiyini görmürsünüz?! Günəş (şüaları) altında qalanı sarı və yaşıl, kölgədə qalanı isə ağ olur”. (Səhabələrdən bəziləri) dedilər: “Ya Rəsulullah! Sən sanki səhrada çobanlıq etmisən”. (Peyğəmbər davam edib) dedi: “Onlar boyunlarında (gözoxşayan) halqalar olduğu halda, özləri də mirvari tək gözəl görkəmdə (Həyat çayından) çıxaraq Cənnətə girəcəklər. Cənnət əhli onları tanıyacaq (və deyəcək ki): “Nə bir (yaxşı) əməli, nə də özləri üçün əvvəlcədən tədarük gördükləri xeyirləri olmadığı halda,
65 Allahın Cənnətə daxil etdiyi, azadlığa buraxdığı kimsələr bunlardır!” (Sonra Allah (onlara) belə buyuracaq: “Cənnətə girin! Gözünüzün gördüyü hər nə varsa, sizindir”. Onlar deyəcəklər: “Ey Rəbbimiz! Sən aləmlərdən heç kəsə vermədiyin nemətləri bizə verdin!”. Allah buyuracaq: “Sizə bundan da üstün olanını hazırlamışam!” Onlar deyəcəklər: “Ey Rəbbimiz! Bundan üstün nə ola bilər ki?” Allah buyuracaq: “Mənim rizam! Artıq bundan sonra Mənim sizə heç vaxt qəzəbim tutmayacaq)”. (Buxari 7439, Muslim 269, 472)
Yüklə 5,61 Mb. Dostları ilə paylaş:
|