Analitik kimyo va laboratoriya ishi texnikasi

KIRISH
1-§. Analitik kimyo fani va uning tibbiy
profilaktika ishidagi ahamiyati
Analitik kimyo – har xil moddalar va ular aralashmasining 
kimyoviy analiz qilishning nazariy asoslari va usullarini ishlab 
chiqadigan fan. Analitik kimyoning vazifasi moddalar yoki ular 
aralashmalarining tarkibini aniqlashdan iborat. Analiz qilishda 
avval moddalarning sifat tarkibi, ya’ni u qanday elementlardan, 
element guruhlaridan yoki ionlardan tarkib topganligi aniqlanib, 
so‘ngra moddaning miqdoriy tarkibi aniqlanadi.
Analitik kimyo nazariy va amaliy ahamiyatga ega. Kimyoviy 
analiz ko‘pgina ilmiy tekshirishlarda, xususan, tibbiyot da va bio-
logiyada, gigiyenik (suv, havo, oziq-ovqat mahsulotlarining ana-
lizi) va klinik tekshirish usullarida (qon, me’da shirasi va hokazo-
larning analizida) qo‘llaniladi.
Hozirgi zamonning biror bir kimyoviy hodisasini, xoh u yangi 
modda olish bo‘lsin yoki yangi texnologik tizim ishlab chiqilma-
sin, ishlab chiqarishni jadallashtirish yoki mahsulot sifatini oshi-
rish bo‘lmasin, baribir ularni analitik kimyo usullarini qo‘llamas-
dan turib amalga oshirib bo‘lmaydi. Analitik kimyo atrof-muhitni 
muhofaza qilish, chiqindilar kimyoviy tarkibini, oqar va yer osti 
suvlarning tarkibini o‘rganishga katta yordam beradi. Shuning-
dek, analitik kimyo atom energetikasida qo‘llaniladigan yangi 
texnik resurslar, havo transporti qurilishi uchun issiqqa chidam-
li qotishmalar hamda elektronika uchun yarimo‘tkazgich mate-
riallar tayyorlash sohalarida yutuqlarga erishishda muhim hissa 
qo‘shadi. Analitik kimyo bu sohalarni samarali analiz usullari 
bilan ta’minlab qolmay, balki, ko‘pgina innovatsion texnologik 
jarayonlarni yaratishga ham asos soldi.

---

4
Analitik kimyoning analiz usullari tabiiy boyliklardan Respub-
lika iqtisodiyotini rivojlantirishda samarali foydalanish yo‘llari-
ni amalga oshirish uchun alohida ahamiyat kasb etadi.Umuman 
olganda, analitik kimyo iqtisodiyotning barcha tarmoqlarida, shu 
jumladan tibbiyot sohasida alohida o‘z o‘rniga ega va muhim 
ahamiyat kasb etadi. 
Toksikologik kimyo
Narkologiya
Farmatsevtik kimyo 
Farmakologiya
Toksikologiya
Farmakognoziya