Geosiyosat ob’ekti – dunyoning geosiyosiy tuzilishi va xalqaro dunyoviy tartibot.
Geosiyosat ob’ektida jahonning geosiyosiy xaritasi turishi birinchi navbatda, dunyoning ko’pqutbli dunyoga aylanishi bilan va xalqaro munosabatlarning yangi bir transformatsiya – davlatlarning o’z ta’sir doiralari uchun kurash bosqichiga ko’tarilishi bilan bog’liq bo’lsa, ikkinchidan, jamiyatda ko’pqirrali global dunyoviy siyosat tushunchasining shakllanishi bilan ham bog’liqdir. Mazkur masalalar geosiyosat ob’ektida yaxlit holatda turishi mumkin, biroq geosiyosat ularni tahliliy jihatdan o’rganishni bir qator bosqichlarda ko’radi.
Ijtimoiy-siyosiy fanlarning barchasida bo’lgani singari geosiyosat ham mustaqil fan sifatida o’zining nazariy kategoriyalariga ega. Geosiyosatning boshqa fanlardan farqli tomoni shundaki, uning nazariy kategoriyalari ikki xil ko’rinishda talqin etiladi: 1) fanning mohiyatiga ko’ra; 2) fanning tuzilishiga ko’ra namoyon bo’luvchi kategoriyalar.
Geosiyosiy munosabatlarning mohiyatidan kelib chiqib amaliyotda namoyon bo’luvchi asosiy kategoriyalar quyidagilardir:
Rudolf Chellen va Fridrix Naumann kontseptsiyalari R.Chellen 1864 yil tug’ilgan. Shved tadqiqotchisi 1901 yildan 1922 yilgacha dastlab Gyoteborg, keyin esa Upsalsk universitetlari professori bo’lgan. Bundan tashqari, u parlament a’zosi bo’lganligi uchun davlat siyosiy doirasida ham foal qatnashgan. Shuning uchun uning dastlabki ilmiy ishlari davlatning tarixiy va konstitutsiyaviy jihatlarini tadqiq etishga bag’ishlangan. R.Chellenning F.Rattsel bilan tanishishi uning ijodida keskin burilishlarni yasadi. R.Chellen professional geograf bo’lmasada F.Rattsel ta’sirida geosiyosatda yangicha mulohazalarni o’rtaga tashlay oldi. Shuning uchun u F.Rattselni o’zining ustozi deb bilgan.
